EUR-Lex Access to European Union law
This document is an excerpt from the EUR-Lex website
Document 62011TN0162
Case T-162/11: Action brought on 17 March 2011 — Cofra v OHIM — O2 (can do)
Kawża T-162/11: Rikors ippreżentat fis- 17 ta’ Marzu 2011 — Cofra vs UASI — O2 (can do)
Kawża T-162/11: Rikors ippreżentat fis- 17 ta’ Marzu 2011 — Cofra vs UASI — O2 (can do)
ĠU C 139, 7.5.2011, p. 27–27
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
7.5.2011 |
MT |
Il-Ġurnal Uffiċjali tal-Unjoni Ewropea |
C 139/27 |
Rikors ippreżentat fis-17 ta’ Marzu 2011 — Cofra vs UASI — O2 (can do)
(Kawża T-162/11)
2011/C 139/51
Lingwa tar-rikors: il-Ġermaniż
Partijiet
Rikorrenti: Cofra Holding AG (Zug, l-Isvizzera) (rappreżentanti: K.-U. Jonas u J. Bogatz, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: O2 Holdings Ltd (Slough, ir-Renju Unit)
Talbiet tar-rikorrenti
— |
tannulla d-deċiżjoni tar-Raba’ Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tal-10 ta’ Jannar 2011, fil-Każ R 242/2009-4; |
— |
tikkundanna lill-konvenut u, fejn xieraq, lill-parti l-oħra, għall-ispejjeż. |
Motivi u argumenti prinċipali
Applikant għat-trade mark Komunitarja: O2 Holdings Ltd.
Trade mark Komunitarja kkonċernata: it-trade mark verbali “can do” għal prodotti u servizzi fil-klassijiet 9, 16, 25, 35, 36, 38 u 43
Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti
Trade mark jew sinjal invokat insostenn tal-oppożizzjoni: it-trade mark verbali “CANDA” għal prodotti fil-klassi 25
Deċiżjoni tad-Diviżjoni tal-Oppożizzjoni: oppożizzjoni miċħuda
Deċiżjoni tal-Bord tal-Appell: appell miċħud
Motivi invokati: ksur tal-Artikolu 15 u tal-Artikolu 42(2) tar-Regolament (KE) Nru 207/2009 (1) kif ukoll tar-Regola 22 tar-Regolament (KE) Nru 2868/95 (2), billi l-Bord tal-Appell stabbilixxa kriterji stretti wisq għall-evalwazzjoni tal-prova ta’ użu ġenwin u ma ħax inkunsiderazzjoni biżżejjed is-sitwazzjoni partikolari ta’ bejgħ fl-impriża tar-rikorrenti. Barra minn dan, ksur tal-Artikolu 76 (2) tar-Regolament (KE) Nru 207/2009, billi l-Bord tal-Appell b’mod żbaljat ma kkunsidrax id-dokumenti pprovduti għall-prova tal-użu ġenwin tat-trade mark opposta. Fl-aħħar nett, ksur tal-Artikolu 75(2) tar-Regolament (KE) Nru 207/2009, billi l-Bord tal-Appell ma informax lir-rikorrenti bil-fatt li huwa ma jikkunsidrax il-provi ta’ użu li ġew prodotti bħala suffiċjenti u billi ma tax il-possibbiltà lir-rikorrenti li tipproduċi provi oħra fil-kuntest tas-seduta.
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja (ĠU L 78, p. 1).
(2) Regolament tal-Kummissjoni (KE) Nru 2868/95, tat-13 ta’ Diċembru 1995, li jimplimenta r-Regolament tal-Kunsill (KE) Nru 40/94 dwar it-trade mark tal-Komunità (ĠU Edizzjoni Speċjali bil-Malti: Kapitolu 17, Vol. 1, p. 189).