27.8.2011   

MT

Il-Ġurnal Uffiċjali tal-Unjoni Ewropea

C 252/22

(1)

il-klawżola 4(4) tal-Anness tad-Direttiva 1999/70/KE (1), li tipprovdi li “[k]walifiki ta’ perjodu ta’ servizz relatati għall-kondizzjonijiet partikolari ta’ l-impjieg għandhom ikunu l-istess għal ħaddiema għal terminu fiss [għal żmien determinat] kif ukoll għal ħaddiema permanenti [għal żmien indeterminat] ħlief meta kwalifiki ta’ tul ta’ servizz differenti huma ġustifikati fuq bażi oġġettivi”, flimkien mal-klawżola 5, kif diġà interpretata mill-Qorti tal-Ġustizzja, li tgħid li hija leġittima l-leġiżlazzjoni Taljana li tgħid li, fis-servizz pubbliku, hija pprojbita l-konverżjoni tal-kuntratt ta’ xogħol għal żmien determinat għal kuntratt ta’ xogħol għal żmien indeterminat, tipprekludi leġiżlazzjoni nazzjonali ta’ stabbilizzazzjoni ta’ impjegati mingħajr impjieg għal żmien determinat (Artikolu 1(519) tal-Liġi Nru 296/2006) li ppermettiet ir-reklutaġġ dirett għal żmien indeterminat ta’ ħaddiema diġà huma reklutati għal żmien determinat, permezz ta’ deroga għar-rekwiżit ta’ kompetizzjoni ġenerali, iżda li tannulla l-anzjanità akkumulata matul il-perijodu ta’ impjieg għal żmien determinat, jew, għall-kuntrarju, it-telf tal-anzjanità pprovdut mil-leġiżlatur nazzjonali jaqa’ fid-deroga “ġustifikati fuq bażi oġġettivi”, fid-dawl tan-neċessità li tiġi evitata l-integrazzjoni tal-ħaddiema prekarji fil-korp permanenti, b’detriment tal-ħaddiema li huma diġà permanenti, li jkun il-każ jekk il-ħaddiema prekarji jżommu l-anzjanità akkwistata?;

(2)

il-klawżola 4(4) tal-Anness tad-Direttiva 1999/70/KE, li tipprovdi li “[k]walifiki ta’ perjodu ta’ servizz relatati għall-kondizzjonijiet partikolari ta’ l-impjieg għandhom ikunu l-istess għal ħaddiema għal terminu fiss [għal żmien determinat] kif ukoll għal ħaddiema permanenti [għal żmien indeterminat] ħlief meta kwalifiki ta’ tul ta’ servizz differenti huma ġustifikati fuq bażi oġġettivi”, flimkien mal-klawżola 5, kif diġà interpretata mill-Qorti tal-Ġustizzja, li tgħid li hija leġittima l-leġiżlazzjoni Taljana li tgħid li, fis-servizz pubbliku, hija pprojbita l-konverżjoni tal-kuntratt ta’ xogħol għal żmien determinat għal kuntratt ta’ xogħol għal żmien indeterminat, tipprekludi leġiżlazzjoni nazzjonali li, mingħajr preġudizzju għall-akkwist ta’ tali anzjanità matul ir-relazzjoni ta’ impjieg, tipprovdi li jintemm il-kuntratt għal żmien determinat u li jsir kuntratt ġdid għal żmien indeterminat, differenti minn dak preċedenti u mingħajr ma tinżamm l-anzjanità akkwistata (l-Artikolu 1(519) tal-Liġi Nru 296/2006)?