EUR-Lex Access to European Union law
This document is an excerpt from the EUR-Lex website
Document 62010TN0422
Case T-422/10: Action brought on 15 September 2010 — Emme v Commission
Kawża T-422/10: Rikors ippreżentat fil- 15 ta’ Settembru 2010 — Emme vs Il-Kummissjoni
Kawża T-422/10: Rikors ippreżentat fil- 15 ta’ Settembru 2010 — Emme vs Il-Kummissjoni
ĠU C 317, 20.11.2010, p. 35–36
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
20.11.2010 |
MT |
Il-Ġurnal Uffiċjali tal-Unjoni Ewropea |
C 317/35 |
Rikors ippreżentat fil-15 ta’ Settembru 2010 — Emme vs Il-Kummissjoni
(Kawża T-422/10)
()
2010/C 317/64
Lingwa tal-kawża: it-Taljan
Partijiet
Rikorrenti: Emme Holding SpA (Pescara, l-Italja) (rappreżentanti: G. Visconti, E. Vassallo di Castiglione, M. Siragusa, M. Beretta, P. Ferrari, avukati)
Konvenuta: Il-Kummissjoni Ewropea
Talbiet tar-rikorrenti
— |
tannulla jew tnaqqas il-multa imposta mill-Kummissjoni fuq Emme Holding permezz tad-deċiżjoni tat-30 ta’ Ġunju 2010 (Każ COMP/38344) — Azzar użat għall-prestressing; |
— |
tikkundanna lill-Kummissjoni għall-ispejjeż. |
Motivi u argumenti prinċipali
Id-deċiżjoni kkontestata f’din il-kawża hija l-istess waħda inkwistjoni fil-Kawża T-385/10, Arcelormittal Wire France et vs Il-Kummissjoni.
B’mod partikolari r-rikorrenti ssostni:
— |
li ma huwiex ġustifikat li hija tiġi attribwita r-responsabbiltà għal ksur uniku u kontinwat ikkostitwit mill-kollettività tal-akkordji Ewropej (il-club Europa) u nazzjonali/reġjonali (il-club Italia, il-club España u l-Ftehim tan-Nofsinhar). Fil-fatt, hija qatt ma pparteċipat (b’mod attiv jew passiv) fuq il-livell Ewropew tal-ksur allegat. Bl-istess mod, Trame ma kinitx taf bl-eżistenza eventwali ta’ akkordji reġjonali jew nazzjonali f’pajjiżi oħra minbarra l-Italja. |
— |
li d-deċiżjoni tieħu inkunsiderazzjoni kemm il-kejbils b’7 wajers kif ukoll il-kejbils bi 2 jew 3 wajers. Ir-rikorrenti min-naħa l-oħra tenfasizza li l-kejbils bi 3 wajers qatt ma kienu s-suġġett ta’ akkordju fl-ambitu tal-club Italia. Id-dħul mill-bejgħ iġġenerat minn dan il-prodott ma għandux għalhekk jittieħed inkunsiderazzjoni fil-kalkolu tal-multa. |
Ir-rikorrenti titlob ukoll tnaqqis tal-multa abbażi tal-parteċipazzjoni marġinali tagħha fil-ksur allegat kif ukoll abbażi tan-nuqqas ta’ kapaċità kontributtiva tagħha.