Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62007CN0487

Kawża C-487/07: Talba għal deċiżjoni preliminari mressqa mill-Court of Appeal (Civil Division) (ir-Renju Unit) fil- 5 ta' Novembru 2007 — L'Oréal SA, Lancôme parfums et beauté & Cie SNC, Laboratoire Garnier & Cie vs Bellure NV, Malaika Investments Ltd (li topera bl-isem kummerċjali Honey pot cosmetic & Perfumery Sales ), Starion International Ltd

ĠU C 8, 12.1.2008, p. 8–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

12.1.2008   

MT

Il-Ġurnal Uffiċjali ta’ l-Unjoni Ewropea

C 8/8

Talba għal deċiżjoni preliminari mressqa mill-Court of Appeal (Civil Division) (ir-Renju Unit) fil-5 ta' Novembru 2007 — L'Oréal SA, Lancôme parfums et beauté & Cie SNC, Laboratoire Garnier & Cie vs Bellure NV, Malaika Investments Ltd (li topera bl-isem kummerċjali “Honey pot cosmetic & Perfumery Sales”), Starion International Ltd

(Kawża C-487/07)

(2008/C 8/15)

Lingwa tal-kawża: L-Ingliż

Qorti tar-rinviju

Court of Appeal (Civil Division)

Partijiet fil-kawża prinċipali

Rikorrenti: L'Oréal SA, Lancôme parfums et beauté & Cie SNC, Laboratoire Garnier & Cie

Konvenuta: Bellure NV, Malaika Investments Ltd, li topera bl-isem kummerċjali “Honey pot cosmetic & Perfumery Sales”), Starion International Ltd.

Domandi preliminari

1)

Meta kummerċjant, f'riklam għal prodotti u servizzi tiegħu, jagħmel użu minn trade mark reġistrata ta' kompetitur sabiex jiġu mqabbla l-karatteristiċi (u b'mod partikolari r-rieħa) ta' prodotti jew ta' servizzi li jikkummerċjalizza bil-karatteristiċi (u b'mod partikolari r-rieħa) tal-prodotti jew tas-servizzi kkumerċjalizzati taħt din it-trade mark minn dan il-kompetitur, u b'mod illi dan l-użu kkonċernat ma joħloqx konfużjoni jew ma jostakolax il-funzjoni essenzjali tat-trade mark bħala indikazzjoni ta' l-oriġini, l-użu kkonċernat jaqa' taħt jew l-Artikolu 5(1)(a), jew l-Artikolu 5(1)(b) tad-Direttiva 89/104/KEE?

2)

Meta kummerċjant, matul il-kummerċ (b'mod partikolari f'lista komparattiva), jagħmel użu minn trade mark irreġistrata magħrufa sew sabiex jindika karatteristika tal-prodott tiegħu (b'mod partikolari r-rieħa) b'mod li:

a)

din ma toħloq l-ebda probabbiltà ta' konfużjoni ta' kull tip;

b)

din ma teffettwax il-bejgħ ta' prodotti taħt it-trade mark irreġistrata magħrufa sew;

c)

din ma tostakolax il-funzjoni essenzjali tat-trade mark irreġistrata li tikkonsisti f'indikazzjoni ta' l-oriġini, la jkun ta' dannu għar-reputazzjoni ta' din it-trade mark, kemm jekk billi jtebba' l-immaġni, jew billi tnaqqsilha mis-saħħa jew b'kull mod ieħor;

d)

din ikollha rwol sinjifikattiv fil-promozzjoni tal-prodott tal-kummerċjant,

l-użu kkonċernat jaqa' taħt l-Artikolu 5(1)(a) tad-Direttiva 89/104/KEE?

3)

Għall-finijiet ta' l-Artikolu 3a(g) tad-Direttiva dwar reklamar qarrieqi (84/450), kif emendata bid-Direttiva dwar reklamar komparattiv (97/55), x'inhuwa s-sens ta' l-espressjoni “[jieħu] vantaġġ inġust [minn]” u, b'mod partikolari, meta kummerċjant, f'lista komparattiva, iqabbel il-prodott tiegħu ma prodott ikkumerċjalizzat taħt trade mark magħrufa sew, huwa jieħu vantaġġ inġust mir-reputazzjoni ta' din it-trade mark?

4)

Għall-finijiet ta' l-Artikolu 3a(h) ta' din id-direttiva, x'inhuwa s-sens ta' l-espressjoni “[jippreżenta] oġġetti jew servizzi bħala imitazzjonijiet jew repliki” u, b'mod partikolari, din l-espressjoni tirrigwarda l-każ li fih, mingħajr ma toħloq konfużjoni u lanqas qerq, parti sempleċiment tinforma b'mod onest li l-prodott tagħha fih karatteristika essenzjali (ir-rieħa) simili għal dik ta' prodott magħruf sew li huwa protett minn trade mark?

5)

Meta kummerċjant jagħmel użu minn sinjal simili għal trade mark irreġistrata li għandha reputazzjoni u li dan is-sinjal ma jixbahx lit-trade mark b'mod tali li jista' joħloq konfużjoni, b'mod li:

a)

il-funzjoni essenzjali tat-trade mark irreġistrata tikkonsisti f'indikazzjoni ta' l-oriġini li la hija mibdula u lanqas mhedda;

b)

la tiġi mtebba' u lanqas ikun hemm konfużjoni fir-rigward tat-trade mark irreġistrata jew tar-reputazzjoni, u lanqas riskju li jseħħ dan;

c)

dan lanqas ma jeffettwa l-bejgħ tal-proprjetarju tat-trade mark;

d)

il-proprjetarju tat-trade mark mhuwiex imċaħħad minn ebda benefiċċju marbut mal-promozzjoni, mal-preżervazzjoni jew ma' l-iżvilupp tat-trade mark tiegħu;

e)

il-kummerċjant madankollu jkollu vantaġġ kummerċjali ta' l-użu tas-sinjal tiegħu minħabba fix-xebh tiegħu mat-trade mark irreġistrata,

l-użu kkonċernat jista' jitqies li huwa “vantaġġ inġust” mir-reputazzjoni ta' din it-trade mark irreġistrata skond l-Artikolu 5(2) tad-Direttiva dwar it-trade marks?
Top