This document is an excerpt from the EUR-Lex website
Document 52020XG0330(03)
Decision No 485 of 6 August 2019 opening a procedure for granting authorisation for the prospection and exploration of oil and natural gas, being underground natural resources as defined in Article 2(1)(3) of the Underground Natural Resources Act, in ‘Block 1-26 Tervel’, located in the exclusive economic zone of the Republic of Bulgaria in the Black Sea, and announcing that authorisation will be granted on the basis of a competitive bidding procedure 2020/C 102/06
Deċiżjoni Nru 485 tas-6 ta’ Awwissu 2019 li tiftaħ proċedura għall-għoti ta’ awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta’ taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta’ Taħt l-Art, fiż-żona “Block 1-26 Tervel”, li tinsab fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta’ proċedura kompetittiva ta’ offerti 2020/C 102/06
Deċiżjoni Nru 485 tas-6 ta’ Awwissu 2019 li tiftaħ proċedura għall-għoti ta’ awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta’ taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta’ Taħt l-Art, fiż-żona “Block 1-26 Tervel”, li tinsab fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta’ proċedura kompetittiva ta’ offerti 2020/C 102/06
PUB/2020/183
ĠU C 102, 30.3.2020, p. 6–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
30.3.2020 |
MT |
Il-Ġurnal Uffiċjali tal-Unjoni Ewropea |
C 102/6 |
DEĊIŻJONI Nru 485
tas-6 ta’ Awwissu 2019
li tiftaħ proċedura għall-għoti ta’ awtorizzazzjoni għat-tiftix u l-esplorazzjoni taż-żejt u l-gass naturali, li huma riżorsi naturali ta’ taħt l-art kif iddefinit fl-Artikolu 2(1)(3) tal-Att dwar ir-Riżorsi Naturali ta’ Taħt l-Art, fiż-żona “Block 1-26 Tervel”, li tinsab fiż-żona ekonomika esklussiva tar-Repubblika tal-Bulgarija fil-Baħar l-Iswed, u li tħabbar li l-awtorizzazzjoni se tingħata abbażi ta’ proċedura kompetittiva ta’ offerti
(2020/C 102/06)
IR-REPUBBLIKA TAL-BULGARIJA IL-KUNSILL TAL-MINISTRI
Skont l-Artikoli 5(2), 7(2)(8), 42(1)(1) u 44(3) tal-Att dwar ir-Riżorsi Naturali ta’ Taħt l-Art, u l-Artikoli 4(1)(1) u 16 tar-Regolament dwar it-twettiq tal-proċeduri tal-offerti u ta’ akkwist għall-għoti tal-awtorizzazzjoni għat-tiftix u/jew l-esplorazzjoni ta’, u għall-għoti ta’ konċessjonijiet għall-produzzjoni ta’, riżorsi naturali ta’ taħt l-art kif iddefinit fl-Att dwar ir-Riżorsi Naturali ta’ Taħt l-Art, adottat bir-Riżoluzzjoni tal-Kunsill tal-Ministri Nru 231 tal-11 ta’ Ottubru 2010, u proposta motivata mill-Ministru tal-Enerġija:
IL-KUNSILL TAL-MINISTRI DDEĊIEDA KIF ĠEJ:
1. |
Għandha tinfetaħ proċedura għall-għoti tal-awtorizzazzjoni għat-tiftix u l-esplorazzjoni taż-żejt u l-gass naturali fiż-żona “Block 1-26 Tervel”, li tinsab fiż-żona ekonomika esklussiva tar-Repubblika tal-Bulgarija fil-Baħar l-Iswed, li jkopri erja ta’ 4 032 km2 u huwa ddefinit bil-koordinati 1 sa 7, kif speċifikat fl-Anness. |
2. |
L-awtorizzazzjoni msemmija fil-punt 1 għandha tingħata abbażi ta’ proċedura kompetittiva ta’ offerti li fiha l-offerenti ma jkunux preżenti meta jiġu kkunsidrati l-offerti. |
3. |
Il-perjodu ta’ awtorizzazzjoni għat-tiftix u l-esplorazzjoni għandu jiġi ffissat għal ħames snin mid-data li fiha jidħol fis-seħħ il-ftehim dwar it-tiftix u l-esplorazzjoni, bi dritt li dan il-perjodu jiġi estiż skont l-Artikolu 31(3) tal-Att dwar ir-Riżorsi Naturali ta’ Taħt l-Art. |
4. |
Id-data tal-iskadenza għax-xiri tal-fajl tal-offerti għandha tkun fi 17:30 tal-120 jum wara d-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
5. |
Id-data tal-iskadenza għat-tressiq tal-applikazzjonijiet għall-parteċipazzjoni fil-proċedura kompetittiva ta’ offerti għandha tkun fi 17:30 tal-140 jum wara d-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
6. |
Id-data tal-iskadenza għat-tressiq tal-offerti skont il-fajl tal-offerti għandha tkun fi 17:30 tal-155 jum wara d-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. |
7. |
Il-prezz tal-fajl tal-offerti għandu jkun BGN 10 000. Il-fajl tal-offerti għandu jinkiseb mill-Ministeru tal-Enerġija li jinsab fi: ul. Triaditsa 8, Sofia, sad-data tal-iskadenza speċifikata fil-punt 4, fuq preżentazzjoni ta’ ordni ta’ ħlas. |
7.1. |
L-ammont speċifikat fil-punt 7 għandu jiġi ttrasferit fil-kont tal-bank tal-Ministeru tal-Enerġija: BIC tal-BNB għall-ħlasijiet fil-munita Bulgara (BGN) — BNBGBGSD; Kodiċi SWIFT tal-BNB għall-ħlasijiet f’munita barranija — BNBGBGSF; IBAN — BG94 BNBG 9661 3000 142101, kwartieri ġenerali tal-BNB. |
7.2. |
Dan li ġej għandu jiġi rreġistrat fuq l-ordni ta’ ħlas: “Għall-fajl tal-offerti għaż-żona “Block 1-26 Tervel” mixtri f’isem l-applikant” li ismu għandu jinkiteb fuq l-ordni ta’ ħlas. |
7.3. |
Il-persuna li tirċievi l-fajl tal-offerti għandha tiffirma dikjarazzjoni f’isem l-applikant, fejn timpenja ruħha li tipproteġi l-kunfidenzjalità tal-informazzjoni inkluża fih. |
8. |
L-applikanti li jixtiequ jipparteċipaw fil-proċedura ta’ offerti għandhom jissodisfaw ir-rekwiżiti speċifikati fl-Artikolu 23(1) tal-Att dwar ir-Riżorsi Naturali ta’ Taħt l-Art. |
9. |
L-applikant — jew meta l-applikant ikun konsorzju, kull membru tal-konsorzju — għandu jipprovdi dikjarazzjoni li tikkonferma n-nuqqas taċ-ċirkostanzi skont l-Artikolu 2 b’rabta mat-Taqsima 1 tad-Dispożizzjonijiet Addizzjonali tal-Att dwar ir-relazzjonijiet ekonomiċi u finanzjarji ma’ kumpaniji reġistrati f’ġurisdizzjonijiet b’sistema preferenzjali tat-taxxa, l-entitajiet ikkontrollati minnhom u s-sidien benefiċjarji tagħhom (ZIFODRYUPDRKTLTDS) (SG Nru 1 tal-2014) jew evidenza tal-eżistenza taċ-ċirkostanzi indikati fl-Artikolu 4 ta’ ZIFODRYUPDRKTLTDS. |
10. |
L-intrapriża jew il-konsorzju applikanti jrid ikollhom mill-inqas il-kompetenzi maniġerjali minimi meħtieġa għat-twettiq ta’ attivitajiet ta’ tiftix u esplorazzjoni. Bħala prova ta’ tali kompetenzi, għandhom jiġu ssodisfati dawn il-kundizzjonijiet kollha: |
10.1. |
L-applikant — jew meta l-applikant ikun konsorzju, kull membru tal-konsorzju — għandu jipprovdi referenzi oriġinali minn sħab kummerċjali u |
10.2. |
L-applikant — jew meta l-applikant ikun konsorzju, kull membru tal-konsorzju — irid jipprovdi evidenza tal-esperjenza professjonali u tal-esperjenza miksuba fl-immaniġġjar ta’ mill-inqas proġett wieħed ta’ tiftix u/jew esplorazzjoni offshore, jew ta’ produzzjoni ta’ riżorsi naturali — żejt u gass naturali. |
10.3. |
L-applikant jista’ jagħti prova tal-kompetenzi maniġerjali billi jirreferi għall-kompetenzi ta’ partijiet terzi konnessi, kemm persuni fiżiċi kif ukoll ġuridiċi, dment li l-applikant jippreżenta evidenza tal-użu tal-kompetenzi ta’ dawn il-partijiet terzi, kif ukoll dokumenti li juru l-esperjenza professjonali u l-esperjenza maniġerjali tagħhom. Il-prova tal-kompetenzi ta’ partijiet terzi għandha tingħata permezz tal-preżentazzjoni ta’ dokumenti kif speċifikat fil-fajl tal-offerti. |
11. |
L-intrapriża applikanti — jew, meta l-applikant ikun konsorzju, tal-inqas wieħed mill-membri tal-konsorzju — trid tkun iġġenerat minimu ta’ EUR 150 000 000 (mija u ħamsin miljun) ta’ dħul mill-bejgħ nett totali għat-tliet snin finanzjarji preċedenti (skont id-data li tkun ġiet stabbilita fiha). Meta l-applikant ikun konsorzju li mhux persuna ġuridika, ir-rekwiżit stipulat f’dan il-punt japplika għall-konsorzju kollu; jew |
11.1. |
L-applikant — jew, meta l-applikant ikun konsorzju, tal-inqas wieħed mill-membri tal-konsorzju — irid jipprovdi referenza minn bank jew minn istituzzjoni finanzjarja oħra li tiċċertifika li huwa għandu l-mezzi finanzjarji meħtieġa għad-dispożizzjoni tiegħu biex jimplimenta l-attivitajiet ta’ tiftix u esplorazzjoni għaż-żejt u l-gass naturali fiż-żona “Block 1-26 Tervel”; jew |
11.2. |
L-applikant — jew, meta l-applikant ikun konsorzju, tal-inqas wieħed mill-membri tal-konsorzju — irid jippreżenta ittra ta’ intenzjoni minn bank jew minn istituzzjoni finanzjarja oħra dwar l-għoti tal-fondi neċessarji lill-applikant biex jimplimenta l-attivitajiet ta’ tiftix u esplorazzjoni għaż-żejt u l-gass naturali fiż-żona “Block 1-26 Tervel”. |
11.3. |
L-evidenza tar-riżorsi finanzjarji tista’ tingħata permezz ta’ referenza għar-riżorsi tal-partijiet terzi konnessi, kemm persuni fiżiċi kif ukoll ġuridiċi, dment li l-applikant jista’ juri li dawn ir-riżorsi se jsirulu disponibbli, u jispeċifika l-ammont f’BGN. Il-prova tal-kompetenzi ta’ partijiet terzi għandha tingħata permezz tal-preżentazzjoni ta’ dokumenti kif speċifikat fil-fajl tal-offerti. |
12. |
L-offerti tal-applikanti għandhom jiġu evalwati abbażi tal-programmi ta’ ħidma proposti, tar-riżorsi ddedikati għall-ħarsien ambjentali u tal-bonusijiet, kif previst fil-fajl tal-offerti. |
13. |
Id-depożitu għall-parteċipazzjoni fil-proċedura kompetittiva ta’ offerti għandu jiġi ffissat għal BGN 15 000, pagabbli sad-data tal-iskadenza speċifikata fil-punt 5 fil-kont bankarju tal-Ministeru tal-Enerġija: BIC tal-BNB għall-ħlasijiet fil-munita Bulgara (BGN) — BNBGBGSD; Kodiċi SWIFT tal-BNB għall-ħlasijiet f’munita barranija — BNBGBGSF; IBAN — BG75 BNBG 9661 3300 142103, kwartieri ġenerali tal-BNB. |
14. |
L-applikanti li ma jiġux aċċettati fil-proċedura kompetittiva ta’ offerti għandhom jiġu rimborżati d-depożitu tagħhom fi żmien 14-il jum minn meta tidħol fis-seħħ id-deċiżjoni tal-bord tal-għażla kontra l-aċċettazzjoni tagħhom. |
15. |
Id-depożitu li jkun għamel l-offerent magħżul għandu jiġi rimborżat fi żmien 14-il jum mid-dħul fis-seħħ tal-ftehim, u d-depożiti tal-offerenti l-oħrajn għandhom jiġu rimborżati fi żmien 14-il jum mill-pubblikazzjoni fil-Gazzetta tal-Istat tad-deċiżjoni tal-Kunsill tal-Ministri dwar l-għoti tal-awtorizzazzjoni għat-tiftix u l-esplorazzjoni. |
16. |
L-applikazzjonijiet sabiex wieħed jipparteċipa fil-proċedura kompetittiva ta’ offerti u l-offerti skont il-proċedura kompetittiva tal-offerti għandhom jitressqu lir-Reġistru tal-Ministeru tal-Enerġija li jinsab fi: ul. Triaditsa 8, Sofia, bil-Bulgaru, skont l-Artikolu 46 tal-Att dwar ir-Riżorsi Naturali ta’ Taħt l-Art. |
17. |
L-offerti għandhom ikunu konformi mar-rekwiżiti u l-kundizzjonijiet speċifikati fil-fajl tal-offerti. |
18. |
Il-proċedura kompetittiva ta’ offerti għandha titwettaq anke fil-każ li jiġi aċċettat applikant wieħed biss biex jipparteċipa fiha. |
19. |
Il-Ministru tal-Enerġija għandu l-awtorità li: |
19.1. |
jibgħat din id-Deċiżjoni għall-pubblikazzjoni f’Il-Ġurnal Uffiċjali tal-Unjoni Ewropea; |
19.2. |
jorganizza u jwettaq il-proċedura kompetittiva tal-offerti. |
20. |
Din id-Deċiżjoni għandha tiġi ppubblikata fil-Gazzetta tal-Istat u fuq is-sit tal-Internet tal-Kunsill tal-Ministri. |
21. |
L-appelli kontra din id-Deċiżjoni jistgħu jiġu indirizzati, skont il-Kodiċi tal-Proċedura Amministrattiva, lill-Qorti Amministrattiva Suprema fi żmien 14-il jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea. |
Il-Prim Ministru
Boyko BORISOV
Is-Segretarju Ġenerali tal-Kunsill tal-Ministri
Veselin DAKOV
Is-Segretarju Ġenerali
Tatyana SEKULOVA
Id-Direttur tad-Direttorat għall-Affarijiet Legali,
is-Servizzi Amministrattivi u r-Riżorsi Umani tal-Ministeru tal-Enerġija
Miroslava HRISTOVA
ANNESS
Reġistru tal-koordinati tal-punti ta’ delimitazzjoni taż-żona “Block 1-26 Tervel”
(Sistema ta’ koordinati WGS84)
Nru |
Lonġitudni tal-Lvant |
Lonġitudni tat-Tramuntana |
1 |
29°07′28,85″ |
42°48′47,00″ |
2 |
30°34′10,00″ |
42°48′03,00″ |
3 |
29°58′30,00″ |
42°33′27,00″ |
4 |
29°49′36,00″ |
42°29′24,00″ |
5 |
29°34′20,00″ |
42°26′24,00″ |
6 |
29°20′45,00″ |
42°14′28,00″ |
7 |
29°07′32,31″ |
42°11′22,71″ |