This document is an excerpt from the EUR-Lex website
Document 52020M9871
Prior notification of a concentration (Case M.9871 — Telefónica/Liberty Global/JV) (Text with EEA relevance) 2020/C 330/06
Avviż minn qabel ta’ konċentrazzjoni (Il-Każ M.9871 — Telefónica/Liberty Global/JV) (Test b’rilevanza għaż-ŻEE) 2020/C 330/06
Avviż minn qabel ta’ konċentrazzjoni (Il-Każ M.9871 — Telefónica/Liberty Global/JV) (Test b’rilevanza għaż-ŻEE) 2020/C 330/06
PUB/2020/786
ĠU C 330, 6.10.2020, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
6.10.2020 |
MT |
Il-Ġurnal Uffiċjali tal-Unjoni Ewropea |
C 330/15 |
Avviż minn qabel ta’ konċentrazzjoni
(Il-Każ M.9871 — Telefónica/Liberty Global/JV)
(Test b’rilevanza għaż-ŻEE)
(2020/C 330/06)
1.
Fit-30 ta’ Settembru 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Telefónica S.A. (“Telefónica”, Spanja), |
— |
Liberty Global PLC (“Liberty Global”, ir-Renju Unit), |
— |
il-Joint Ventre (“JV”, ir-Renju Unit). |
Telefónica u Liberty Global jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ JV maħluqa ġdida, li tgħaqqad in-negozju UK Limited ta’ Telefónica (“O2”) u n-negozju Virgin Media ta’ Liberty Global (“Virgin Media”).
Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture, JV).
2.
L-attivitajiet kummerċjali tal-impriżi kkonċernati huma:
— |
Telefónica: kumpanija globali tat-telekomunikazzjonijiet li tħaddem networks ta’ komunikazzjoni fissi u tal-mobile. Hija toffri servizzi mobbli, ta’ linja fissa, tal-internet u tat-televiżjoni taħt numru ta’ ditti, inklużi Movistar, O2 u Vivo. Telefónica hija kkwotata fil-Borża ta’ Madrid, ta’ New York, ta’ Lima u ta’ Buenos Aires. In-negozju O2 ta’ Telefónica huwa attiv fir-Renju Unit u joffri servizzi ta’ telekomunikazzjonijiet bil-mobile bħal telefonati, SMS, MMS, internet mobbli, broadband mobbli, roaming, u servizzi ta’ terminazzjoni tat-telefonati. |
— |
Liberty Global: kumpanija internazzjonali tal-video, tal-broadband u tal-komunikazzjonijiet ikkwotata fil-Borża tan-NASDAQ, b’operazzjonijiet konsolidati fir-Renju Unit, l-Irlanda, il-Belġju, il-Polonja u s-Slovakkja. In-negozju Virgin Media ta’ Liberty Global huwa attiv fir-Renju Unit u l-attività prinċipali tiegħu hija l-forniment ta’ servizzi ta’ broadband b’linja fissa, telefonija u televiżjoni bi ħlas. Virgin Media tipprovdi wkoll servizzi ta’ komunikazzjoni mobbli bħala MVNO taħt il-marka Virgin Mobile. |
— |
il-JV: operatur ta’ network tal-komunikazzjoni fissa u mobbli attiv fir-Renju Unit, li jgħaqqad in-negozju O2 ta’ Telefónica u n-negozju Virgin Media ta’ Liberty Global. Dan jinkludi wkoll l-interessi ta’ O2 fil-joint vernture Tesco Mobile, li hija attiva bħala operatur ta’ network virtwali mobbli (“MVNO”) fir-Renju Unit, u l-joint venture CTIL ta’ qsim tan-network mobbli ma’ Vodafone. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9871 — Telefónica/Liberty Global/JV
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).