—

wara li kkunsidra l-Artikolu 225 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikoli 7 u 8 tal-Karta tad-Drittijiet Fundamentali tal-Unjoni Ewropea,

—

wara li kkunsidra r-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (1),

—

wara li kkunsidra d-Direttiva (UE) 2015/2366 tal-Parlament Ewropew u tal-Kunsill tal-25 ta' Novembru 2015 dwar is-servizzi ta' pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (2),

—

wara li kkunsidra d-Direttiva (UE) 2015/849 tal-Parlament Ewropew u tal-Kunsill tal-20 ta' Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (3),

—

wara li kkunsidra l-komunikazzjoni tal-Kummissjoni tad-19 ta' Frar 2020 bit-titolu “Strateġija Ewropea għad-Data” (COM(2020)0066),

—

wara li kkunsidra l-komunikazzjoni tal-Kummissjoni tat-8 ta' Marzu 2018 bit-titolu “Pjan ta' Azzjoni tal-FinTech: Għal settur finanzjarju Ewropew iktar kompetittiv u innovattiv” (COM(2018)0109),

—

wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà tas-6 ta' April 2016 bit-titolu “Qafas Konġunt biex jiġi miġġieled it-theddid ibridu – reazzjoni tal-Unjoni Ewropea” (JOIN(2016)0018),

—

wara li kkunsidra l-White Paper tal-Kummissjoni tad-19 ta' Frar 2020 bit-titolu “Intelliġenza Artifiċjali – Approċċ Ewropew għall-eċċellenza u għall-fiduċja” (COM(2020)0065),

—

wara li kkunsidra t-tweġiba mogħtija fl-10 ta' April 2017 mill-Viċi President Dombrovskis f'isem il-Kummissjoni, għall-Mistoqsija E-001130/2017,

—

wara li kkunsidra r-rapport finali tad-Direttorat Ġenerali għall-Istabilità Finanzjarja, is-Servizzi Finanzjarji u l-Unjoni tas-Swieq Kapitali tal-Kummissjoni ta' Ottubru 2019 bit-titolu “Governance for a DLT/Blockchain enabled European electronic Access Point (EEAP)” (Il-Governanza għal Punt ta' Aċċess Elettroniku Ewropew (EEAP) bl-użu tad-DLT/Blockchain) (4),

—

wara li kkunsidra l-istudju tal-Kummissjoni dwar l-applikazzjoni tar-Regolament dwar it-Tariffa tal-Interkambju (5),

—

wara li kkunsidra l-konsultazzjoni pubblika tal-Kummissjoni tas-17 ta' Frar 2020 dwar l-“Analiżi tal-qafas regolatorju għad-ditti tal-investiment u l-operaturi tas-suq”,

—

wara li kkunsidra r-rapport finali tal-Forum ta' Livell Għoli dwar l-Unjoni tas-Swieq Kapitali tal-Kummissjoni tal-10 ta' Ġunju 2020 bit-titolu “A New Vision for Europe's Capital Markets” (Viżjoni Ġdida għas-Swieq Kapitali tal-Ewropa) (6),

—

wara li kkunsidra r-rapport finali tal-Grupp ta' Esperti tal-Kummissjoni tat-13 ta' Diċembru 2019 bit-titolu “Regulatory Obstacles to Financial Innovation: 30 recommendations on regulation, innovation and finance” (L-Ostakli Regolatorji għall-Innovazzjoni Finanzjarja: 30 rakkomandazzjoni dwar ir-regolamentazzjoni, l-innovazzjoni u l-finanzi),

—

wara li kkunsidra l-parir konġunt tal-Awtoritajiet Superviżorji Ewropej lill-Kummissjoni Ewropea tal-10 ta' April 2019 dwar il-ħtieġa ta' titjib leġiżlattiv relatat mar-rekwiżiti tal-ġestjoni tar-riskji tal-ICT fis-settur finanzjarju tal-UE,

—

wara li kkunsidra l-parir konġunt tal-Awtoritajiet Superviżorji Ewropej lill-Kummissjoni Ewropea tal-10 ta' April 2019 dwar il-kostijiet u l-benefiċċji tal-iżvilupp ta' qafas koerenti ta' ttestjar tar-reżiljenza ċibernetika għal parteċipanti u infrastrutturi rilevanti tas-suq fis-settur finanzjarju kollu tal-UE,

—

wara li kkunsidra r-rapport konġunt tal-Awtoritajiet Superviżorji Ewropej tas-7 ta' Jannar 2019 bit-titolu “FinTech: Regulatory sandboxes and innovation hubs” (Fintech: Sandboxes regolatorji u ċentri ta' innovazzjoni) (7),

—

wara li kkunsidra l-linji gwida tal-Awtoritajiet Bankarji Ewropej tad-29 ta' Novembru 2019 dwar l-ICT u l-ġestjoni tar-riskji għas-sigurtà,

—

wara li kkunsidra r-rapport tal-Awtorità Bankarja Ewropea tad-9 ta' Jannar 2019 b'pariri lill-Kummissjoni Ewropea dwar il-kriptoassi,

—

wara li kkunsidra l-pariri tal-Awtorità Ewropea tat-Titoli u s-Swieq lill-Kummissjoni tad-9 ta' Jannar 2019 dwar l-offerti inizjali tal-muniti u l-kriptoassi,

—

wara li kkunsidra d-dokument ta' konsultazzjoni tal-Kummissjoni Ewropea ta' Diċembru 2019 dwar qafas tal-UE għas-swieq fil-kriptoassi,

—

wara li kkunsidra r-riżoluzzjoni leġiżlattiva tiegħu tas-27 ta' Marzu 2019 dwar il-proposta għal regolament tal-Parlament Ewropew u tal-Kunsill dwar il-Fornituri ta' Servizzi ta' Finanzjament Kollettiv Ewropej (ECSP) għan-Negozji (8),

—

wara li kkunsidra r-riżoluzzjoni tiegħu tat-3 ta' Ottubru 2018 dwar teknoloġiji tar-reġistru distribwit u blockchains: noħolqu l-fiduċja bid-diżintermedjazzjoni (9),

—

wara li kkunsidra r-riżoluzzjoni tiegħu tas-17 ta' Mejju 2017 dwar FinTech: l-influwenza tat-teknoloġija fuq il-futur tas-settur finanzjarju (10),

—

wara li kkunsidra r-riżoluzzjoni tiegħu tas-16 ta' Frar 2017 b'rakkomandazzjonijiet lill-Kummissjoni dwar Regoli ta' Dritt Ċivili dwar ir-Robotika (11),

—

wara li kkunsidra l-istudju ta' April 2020 mitlub mill-Kumitat għall-Affarijiet Ekonomiċi u Monetarji tal-Parlament Ewropew bit-titolu “Crypto-assets: Key developments, regulatory concerns and responses” (Kriptoassi: Żviluppi ewlenin, tħassib regolatorju u reazzjonijiet regolatorji),

—

wara li kkunsidra l-istudju ta' Frar 2014 mitlub mill-Kumitat għas-Suq Intern u l-Ħarsien tal-Konsumatur tal-Parlament Ewropew bit-titolu “Consumer Protection Aspects of Financial Services” (Aspetti tal-Protezzjoni tal-Konsumatur tas-Servizzi Finanzjarji),

—

wara li kkunsidra r-rapport tal-Bank Ċentrali Ewropew ta' Lulju 2019 dwar l-implikazzjonijiet tad-diġitalizzazzjoni fil-pagamenti bl-imnut għar-rwol ta' katalizzatur tal-Eurosistema,

—

wara li kkunsidra d-diskors ewlieni ta' Benoît Cœuré tal-31 ta' Jannar 2019 dwar “FinTech for the People” (FinTech għan-Nies),

—

wara li kkunsidra d-diskors ewlieni ta' Yves Mersch tas-26 ta' Frar 2019, fit-3 Konferenza Annwali dwar il-FinTech u l-Innovazzjoni Diġitali, dwar “Lending and payment systems in upheaval: the FinTech challenge” (Tibdil kbir fis-sistemi ta' self u pagament: l-isfida tal-FinTech),

—

wara li kkunsidra r-rapport tal-Bord għall-Istabilità Finanzjarja tas-6 ta' Ġunju 2019 dwar “Decentralized financial technologies: Report on financial stability, regulatory and governance implications” (Teknoloġiji finanzjarji deċentralizzati: Rapport dwar l-istabilità finanzjarja u l-implikazzjonijiet regolatorji u ta' governanza),

—

wara li kkunsidra r-rapport tal-Bord għall-Istabilità Finanzjarja tal-14 ta' Frar 2019 dwar “FinTech and market structure in financial services: Market developments and potential financial stability implications” (Il-FinTech u l-istruttura tas-suq fis-servizzi finanzjarji: Żviluppi fis-suq u implikazzjonijiet potenzjali għall-istabilità finanzjarja),

—

wara li kkunsidra r-rapport tal-Bord għall-Istabilità Finanzjarja tas-16 ta' Lulju 2018 dwar “Crypto-assets: Report to the G20 on work by the FSB and standard-setting bodies” (Kriptoassi: Rapport lill-G20 dwar il-ħidma tal-FSB u l-korpi tal-iffissar tal-istandards),

—

wara li kkunsidra r-rapport tal-Bord għall-Istabilità Finanzjarja tas-27 ta' Ġunju 2017 dwar “Financial Stability Implications from FinTech, Supervisory and Regulatory Issues that Merit Authorities' Attention” (Implikazzjonijiet tal-FinTech għall-Istabilità Finanzjarja: Kwistjonijiet Superviżorji u Regolatorji li Jimmeritahom l-Attenzjoni tal-Awtoritajiet),

—

wara li kkunsidra d-dokument konsultattiv tal-Bord għall-Istabilità Finanzjarja tal-14 ta' April 2020 dwar “Addressing the regulatory, supervisory and oversight challenges raised by ‘global stablecoin’ arrangements” (Nindirizzaw l-isfidi regolatorji, superviżorji u ta' sorveljanza mill-arranġamenti ta' “stablecoin globali”),

—

wara li kkunsidra l-investigazzjoni tal-Grupp ta' Ħidma tal-G7 dwar l-Istablecoins ta' Ottubru 2019 dwar l-impatt tal-istablecoins globali,

—

wara li kkunsidra l-“Guidance for a Risk-Based Approach to Virtual Assets and Virtual Asset Service Providers” (Gwida għal Approċċ Ibbażat fuq ir-Riskju għall-Assi Virtwali u għall-Fornituri tas-Servizzi tal-Assi Virtwali) tat-Task Force ta' Azzjoni Finanzjarja ta' Ġunju 2019,

—

wara li kkunsidra r-rakkomandazzjonijiet tat-Task Force ta' Azzjoni Finanzjarja kif aġġornati f'Ġunju 2019, b'mod partikolari r-Rakkomandazzjoni 16 dwar it-trasferimenti elettroniċi,

—

wara li kkunsidra l-analiżi tal-Bank għall-Ħlasijiet Internazzjonali ta' Jannar 2020 dwar “Policy responses to FinTech: a cross-country overview” (Reazzjonijiet politiċi għall-FinTech: analiżi ta' diversi pajjiżi),

—

wara li kkunsidra l-intervent ta' Fernando Restoy tas-16 ta' Ottubru 2019 waqt is-XVI-il djalogu politiku reġjonali tas-settur bankarju pubbliku-privat tal-ASBA-BID-FELABAN dwar “Regulating FinTech: what is going on, and where are the challenges?” (Regolamentazzjoni tal-FinTech: x'inhu jiġri, u fejn huma l-isfidi?),

—

wara li kkunsidra l-Artikoli 47 u 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji (A9-0161/2020),

A.

billi l-finanzi diġitali huma qasam tas-settur finanzjarju li qed jevolvi b'mod kostanti u li jistħoqqlu monitoraġġ u kunsiderazzjoni kontinwi kemm fil-livell tal-industrija kif ukoll fil-livell regolatorju;

B.

billi s-suq intern tal-Unjoni huwa kkaratterizzat minn kompetizzjoni miftuħa u għandu l-għan li joħloq kundizzjonijiet ekwi permezz ta' qafas regolatorju armonizzat, dipendenza fuq standards internazzjonali, konverġenza superviżorja u kooperazzjoni superviżorja; billi l-istrateġija tal-finanzi diġitali tal-Unjoni għandha għalhekk tkun ibbażata fuq l-istess prinċipji;

C.

billi teżisti ħtieġa ta' approċċ bilanċjat fir-regolamentazzjoni tal-FinTechs, fl-inkoraġġiment tal-innovazzjoni u fl-iżgurar ta' livell għoli ta' protezzjoni tal-investituri u ta' stabilità finanzjarja;

D.

billi t-terminu “kriptoassi” jintuża biex jirreferi għal varjetà wiesgħa ta' assi diġitali, inklużi l-muniti u t-tokens virtwali, iżda mhux limitat għalihom, imma xi kultant jeskludi ċerti forom ta' stablecoins jew ċerti tokens bħat-tokens tat-titoli;

E.

billi l-aktar żewġ komponenti komuni tal-kriptoassi adottati huma (i) in-natura privata tal-intitolament rigward l-assi, il-pretensjoni jew id-dritt sottostanti, u (ii) l-użu tal-kriptografija u tat-teknoloġija tar-reġistru distribwit (DLT) jew ta' teknoloġija simili biex isostnu l-iskambji tal-assi u l-valur inerenti jew perċepit tiegħu;

F.

billi, fil-preżent, il-kriptoassi la huma maħruġa u lanqas iggarantiti minn bank ċentrali jew awtorità pubblika fl-Unjoni, u jista' jkollhom varjetà ta' użi, inkluż bħala mezz ta' skambju, għal skopijiet ta' investiment, u sabiex jiġi aċċessat oġġett jew servizz;

G.

billi l-istablecoins għandhom karatteristiċi simili għall-kriptoassi u ma jiħdux il-forma ta' xi munita speċifika, iżda jiddependu fuq sett ta' għodod li għandhom l-għan li jimminimizzaw il-fluttwazzjonijiet tal-prezz tagħhom kif denominat f'munita; billi xi kriptoassi, inklużi l-istablecoins u t-teknoloġiji assoċjati tagħhom, għandhom il-potenzjal li jżidu l-effiċjenzi, il-kompetizzjoni u t-trasparenza u jġibu opportunitajiet u benefiċċji sostanzjali għas-soċjetà, peress li wħud minnhom jistgħu jwasslu għal pagamenti orħos u aktar mgħaġġla u joffru sorsi ta' finanzjament ġodda għall-intrapriżi żgħar u medji (SMEs); billi s-sett ta' għodod li għandu l-għan li jimminimizza l-fluttwazzjonijiet fil-prezzijiet ma ġiex ittestjat f'sitwazzjonijiet fejn numri sinifikanti ta' tranżazzjonijiet qed isiru bl-istablecoins;

H.

billi d-dibattitu pubbliku dwar l-istablecoins varati privatament jista' jkun relatat ma' ċerti nuqqasijiet tax-xenarju tal-pagamenti tal-Unjoni;

I.

billi l-istablecoins jistgħu jsiru mezz ta' pagament użat ħafna, u dan għandu jwassal għal azzjoni regolatorja u superviżorja xierqa;

J.

billi Munita Diġitali tal-Bank Ċentrali (CBDC) hija bbażata fuq il-kunċett ta' assi stabbli, hija sovrana fin-natura tagħha u għalhekk hija distinta mill-kriptoassi; billi l-Bank tal-Poplu taċ-Ċina qiegħed jittestja munita diġitali tal-bank ċentrali, il-Pagament Elettroniku tal-Munita Diġitali (DCEP); jenfasizza li l-użu globali potenzjali tad-DCEP jista' jkollu implikazzjonijiet għall-kummerċ internazzjonali u l-protezzjoni tal-konsumatur;

K.

billi inizjattivi possibbli għall-implimentazzjoni tas-CBDCs qed jiġu kkunsidrati, kemm fl-Unjoni kif ukoll f'livell globali;

L.

billi l-finanzi diġitali għandhom element transfruntier qawwi, li jmur lil hinn mil-livell tal-Unjoni, u għalhekk il-kooperazzjoni internazzjonali u l-iffissar tal-istandards kif ukoll is-superviżjoni effiċjenti u effettiva tal-Unjoni f'dan il-qasam huma essenzjali;

M.

billi l-iżvilupp ta' għodod tal-finanzi diġitali jista' jkollu element qawwi ta' flussi ta' kapital li jattira investimenti transfruntieri; jenfasizza, għalhekk, li l-finanzi diġitali jistgħu jikkontribwixxu għall-kompetittività tal-Unjoni fis-swieq globali;

N.

billi, skont data tas-suq (12), minn Ġunju 2020 jeżistu aktar minn 5 600 kriptoassi globalment, b'kapitalizzazzjoni tas-suq totali ta' aktar minn USD 260 biljun (13), li 65 % minnhom huma Bitcoin biss;

O.

billi, skont data tas-suq, l-istablecoins laħqu kapitalizzazzjoni tas-suq totali ta' EUR 10 biljun f'Ġunju 2020 minn 1,5 biljun f'Jannar 2018 u, minkejja li l-portata tagħhom għadha limitata meta mqabbla ma' kriptomuniti oħra, għandhom il-potenzjal li jilħqu malajr skala globali u bażi wiesgħa ħafna ta' utenti, speċjalment jekk jiġu adottati minn kumpaniji BigTech li jisfruttaw in-networks tagħhom;

P.

billi esperti tal-Bank Ċentrali Ewropew (BĊE), fil-pubblikazzjoni tagħhom tal-2019 (14), innotaw li minkejja li l-kriptoassi huma spekulattivi ħafna, ma jirrappreżentawx theddida immedjata għall-istabilità finanzjarja; billi dik il-fehma ġiet kondiviża kemm mill-Awtorità Ewropea tat-Titoli u s-Swieq (ESMA) (15) kif ukoll mill-Awtorità Bankarja Ewropea (EBA) (16); billi l-Fond Monetarju Internazzjonali (FMI), fir-rapport tiegħu tal-2018 dwar l-istabilità finanzjarja globali, u l-Bord għall-Istabilità Finanzjarja (FSB), fir-rapport tiegħu ta' Lulju 2018, laħqu l-istess konklużjonijiet, għalkemm fl-opinjoni tal-FSB is-sitwazzjoni xorta waħda għandha tiġi mmonitorjata, minħabba kemm iseħħu malajr il-bidliet f'dawn is-swieq;

Q.

billi, kif indikat fir-rapport tal-EBA, l-istituzzjonijiet finanzjarji bħalissa qed jimpenjaw ruħhom f'attivitajiet relattivament limitati relatati mal-kriptoassi, iżda l-interess tagħhom x'aktarx jikber b'mod partikolari fil-kuntest tal-użu dejjem jiżdied ta' soluzzjonijiet ibbażati fuq id-DLT; billi attivitajiet bħal dawn jinkludu ż-żamma jew l-akkwiżizzjoni ta' skopertura għall-kriptoassi, is-sottoskrizzjoni tal-offerti inizjali tal-muniti(ICOs), jew l-offerta ta' servizzi b'rabta mal-kriptoassi bħalma huma l-provvista ta' kartiera ta' kustodja jew skambji; billi r-regoli prudenzjali attwali mhumiex adattati biżżejjed għall-volatilità għolja u r-riskji kbar tal-kriptoassi;

R.

billi riċerka reċenti tissuġġerixxi li l-kriptoassi jintużaw prinċipalment bħala investiment spekulattiv, aktar milli bħala mezz ta' ħlas għal oġġetti jew servizzi offruti minn negozjant legali; billi l-ASE enfasizzaw li l-kriptoassi li ma jikkwalifikawx bħala strumenti finanzjarji fl-ambitu tar-regolamentazzjoni finanzjarja tal-Unjoni joħolqu riskji speċifiċi, jiġifieri f'termini ta' protezzjoni tal-investitur u tal-konsumatur kif ukoll għall-integrità tas-suq; billi l-kriptoassi jistgħu jżidu r-riskji tal-ħasil tal-flus, il-prattiki frawdolenti, l-evażjoni tat-taxxa u l-attakki esterni;

S.

billi l-adozzjoni ta' teknoloġiji ġodda tista' tikkontribwixxi b'mod sinifikanti biex tippermetti lill-kumpaniji tas-servizzi finanzjarji jissodisfaw l-obbligi attwali ta' sorveljanza u ta' konformità tagħhom;

T.

billi fil-firxa ta' kriptoassi li jikkwalifikaw bħala strumenti finanzjarji skont id-dritt tal-Unjoni, il-klassifikazzjoni tagħhom bħala tali tiddependi mill-applikazzjoni min-naħa tal-awtoritajiet kompetenti tad-dritt tal-Unjoni fil-livell nazzjonali, li toħloq diskrepanzi fl-approċċ superviżorju u regolatorju, tagħmel ħsara lill-konsistenza u lill-kundizzjonijiet ekwi fl-Unjoni; billi din il-klassifikazzjoni u l-integrazzjoni fil-qafas leġiżlattiv tal-Unjoni mhijiex mingħajr diffikultajiet, minħabba li kriptoassi differenti għandhom karatteristiċi differenti, li jistgħu jinbidlu maż-żmien;

U.

billi l-ICOs jistgħu jipprovdu sors alternattiv ta' finanzjament għal negozji innovattivi u negozji ġodda fil-fażi bikrija tal-iżvilupp tagħhom, iżda jesponu wkoll lill-investituri għal riskji għoljin ta' telf minħabba n-natura spekulattiva ħafna tagħhom u l-vulnerabbiltà għall-frodi; billi r-Rapport Ekonomiku Annwali tal-2018 tal-Bank għall-Ħlasijiet Internazzjonali kkonstata li mill-inqas 22,5 % tal-ICOs irriżulta li huma skemi Ponzi frawdolenti;

V.

billi l-kriptoassi għandhom il-potenzjal li jnaqqsu l-ispejjeż tat-tranżazzjonijiet b'mod sikur f'dinja b'sorveljanza diġitali dejjem akbar jekk ikunu soġġetti għal reġim regolatorju strett, adattat għall-iskop u bbażat fuq ir-riskju;

W.

billi l-finanzi diġitali jistgħu jikkontribwixxu f'diversi modi biex jiġu indirizzati l-effetti ekonomiċi tat-tifqigħa tal-COVID-19 fir-rigward tal-konsegwenzi għaċ-ċittadini, l-SMEs u impriżi u servizzi finanzjarji oħra; billi t-tifqigħa tal-COVID-19 uriet, f'livelli differenti bejn l-Istati Membri, il-potenzjal li l-finanzi diġitali joffru kemm lill-konsumaturi kif ukoll lill-ekonomija;

X.

billi l-impriżi l-kbar tat-teknoloġija u l-pjattaformi diġitali globali qed joffru dejjem aktar is-servizzi finanzjarji; billi dawk l-operaturi l-kbar fis-settur diġitali jibbenefikaw minn vantaġġi kompetittivi bħal ekonomiji ta' skala, networks vasti ta' utenti transfruntiera, aċċess faċli għall-finanzjament u l-kapaċità li jaħsdu kwantitajiet kbar ta' data pprovduti mill-utenti permezz ta' teknoloġiji tal-ipproċessar tad-data bħall-“analiżi tal-big data”, li jiġġeneraw valur miżjud enormi f'varjetà ta' modi; billi l-preżenza ta' impriżi “BigTech” fis-swieq tal-FinTech għandha l-potenzjal li tagħmel ħsara lill-kompetizzjoni ġusta u lill-innovazzjoni;

Y.

billi attività frawdolenti li ġiet skoperta reċentement relatata ma' impriżi fl-industrija tal-FinTech tenfasizza l-ħtieġa ta' perspettiva olistika tar-riskji għall-protezzjoni tal-konsumaturi u tal-investituri assoċjati ma' nuqqasijiet fir-rappurtar finanzjarju, ma' frodi u ma' proċeduri ta' insolvenza;

Z.

billi s-sehem ta' pagamenti li mhumiex ibbażati fuq il-flus żdied b'mod sinifikanti matul dawn l-aħħar snin; billi qafas imtejjeb għal tranżazzjonijiet mingħajr flus m'għandux jikkomprometti l-kapaċità li jintużaw il-flus bħala mezz ta' pagament;

AA.

billi s-settur finanzjarju huwa l-akbar utent tat-teknoloġija tal-informazzjoni u tal-komunikazzjoni (ICT) fid-dinja, u jirrappreżenta madwar għoxrin fil-mija tan-nefqa kollha tal-ICT;

AB.

billi l-applikazzjoni ta' teknoloġiji ġodda fis-settur finanzjarju tista' toħloq riskji ġodda li jeħtieġ li jiġu regolamentati u monitorjati sabiex jiġu salvagwardjati l-istabilità finanzjarja, l-integrità tas-suq intern u l-protezzjoni tal-konsumaturi;

AC.

billi ż-żieda fl-użu tal-intelliġenza artifiċjali fis-servizzi finanzjarji se twassal għal ħtieġa ta' reżiljenza operattiva aktar b'saħħitha u s-superviżjoni xierqa korrispondenti, kif ukoll ta' protezzjoni tad-data kif prevista fid-dritt tal-Unjoni;

AD.

billi problemi operattivi ġodda, b'mod partikolari r-riskji għall-ICT u s-sigurtà, jistgħu joħolqu riskji sistemiċi għas-settur finanzjarju; u billi tali riskji ġodda għandhom jiġu indirizzati permezz ta' miżuri xierqa, kif indikat mill-Bord Ewropew dwar ir-Riskju Sistemiku (17);

AE.

billi l-ġabra ta' regoli attwali tal-UE għas-servizzi finanzjarji tieħu approċċ frammentat fir-rigward tal-kwistjoni tad-dispożizzjonijiet dwar ir-riskji operattivi;

AF.

billi r-riskji tal-ICT u tas-sigurtà ffaċċjati mis-settur finanzjarju, u l-livell ta' integrazzjoni tiegħu fil-livell tal-Unjoni, jirrikjedu azzjonijiet speċifiċi u aktar avvanzati li jibnu fuq, iżda jmorru lil hinn minn, id-Direttiva (UE) 2016/1148 tal-Parlament Ewropew u tal-Kunsill tat-6 ta' Lulju 2016 dwar miżuri għal livell għoli komuni ta' sigurtà tan-netwerks u tas-sistemi tal-informazzjoni madwar l-Unjoni (18);

AG.

billi r-reżiljenza ċibernetika hija parti integrali mill-ħidma fuq ir-reżiljenza operattiva tal-istituzzjonijiet finanzjarji mwettqa mill-awtoritajiet f'livell globali;

AH.

billi suq finanzjarju tal-Unjoni li jiffunzjona, u li jkun sostenibbli u reżiljenti għandu jkollu effiċjenza allokattiva qawwija ta' kapital u riskju u l-akbar inklużjoni finanzjarja taċ-ċittadini fis-servizzi finanzjarji;

AI.

billi l-użu ta' servizzi tal-cloud computing jista' joffri vantaġġi sinifikanti fir-rigward tar-reżiljenza operattiva u l-effiċjenza għall-fornituri tas-servizzi finanzjarji meta mqabbel ma' soluzzjoni ta' legat fuq il-post, iżda jġib miegħu sfidi addizzjonali b'rabta mas-sigurtà tad-data u tal-proċessi, il-kontinwità tan-negozju f'każ ta' qtugħ u l-vulnerabbiltà ġenerali fir-rigward tar-reati ċibernetiċi;

AJ.

billi huma meħtieġa kundizzjonijiet ekwi bejn l-impriżi tas-servizzi finanzjarji u l-impriżi tat-teknoloġija biex jiġi żgurat li l-impriżi kollha jikkompetu fuq l-istess livell, billi jsegwu l-prinċipju ta' “l-istess riskju, l-istess attività, l-istess regolamentazzjoni”;

AK.

billi l-introduzzjoni ta' servizzi finanzjarji diġitali la għandha twassal għal arbitraġġ regolatorju u lanqas għal tnaqqis fil-protezzjoni tal-konsumatur, tnaqqis fis-sikurezza jew riskji għall-istabilità finanzjarja;

AL.

billi ħafna istituzzjonijiet finanzjarji kbar tal-Unjoni jiddependu minn fornituri ta' pajjiżi terzi għal servizzi ta' cloud computing;

AM.

billi l-Bord Ewropew għall-Protezzjoni tad-Data għandu rwol importanti x'jiżvolġi biex jgħin lill-kumpaniji jifhmu l-obbligi tagħhom ta' konformità mal-GDPR;

AN.

billi l-kriptoassi ġeneralment m'għandhomx oriġinatur magħruf u ma joħolqux pretensjoni finanzjarja għal assi sottostanti, għall-kuntrarju tal-istablecoins, it-tokens tat-titoli u t-tokens tal-komoditajiet, li kollha għandhom oriġinatur magħruf;

AO.

billi għalkemm it-tokens maħruġa mill-intraprendituri fil-forma ta' pretensjonijiet għal-likwidità, pretensjoni ta' ekwità jew pretensjoni għal prodott/servizz futur, jistgħu jiġu kklassifikati b'modi alternattivi, il-klassifikazzjoni tagħhom fid-dritt tal-Unjoni għandha tagħti prevedibbiltà regolatorja u omoġeneità fis-swieq Ewropej; billi regolamentazzjoni teknoloġikament rilevanti u funzjonali tat-tokens għandha tqis id-disinji ibridi potenzjali u tipprovdi definizzjonijiet li jimmassimizzaw il-protezzjoni tal-konsumatur u tal-investitur, iżidu ċ-ċertezza tad-dritt u jisfruttaw il-potenzjal qawwi ta' dawn l-istrumenti fil-finanzjament ta' proġetti intraprenditorjali riskjużi; billi l-funzjoni ekonomika sottostanti tat-tokens hija indikatur sinifikanti għall-klassifikazzjoni tagħhom;

AP.

billi t-Task Force ta' Azzjoni Finanzjarja (FATF) adottat definizzjoni wiesgħa ta' munita virtwali u rrakkomandat l-inkorporazzjoni fil-kamp ta' applikazzjoni tal-obbligi tal-ġlieda kontra l-ħasil tal-flus/il-finanzjament tat-terroriżmu (AML/CFT) ta' kwalunkwe persuna fiżika jew ġuridika li twettaq attivitajiet li jinkludu l-iskambju bejn il-kriptoassi, it-trasferiment ta' kriptoassi u l-parteċipazzjoni fis-servizzi finanzjarji relatati ma' offerti inizjali tal-muniti, u l-provvista tagħhom;

AQ.

billi l-ħasil tal-flus huwa periklu kritiku li jrid jiġi evitat fil-qasam tal-finanzi diġitali; billi anke jekk il-finanzi diġitali jistgħu jtejbu l-inklużjoni finanzjarja, reġim komprensiv ta' “kun af lill-klijent tiegħek” (KYC) u ta' konformità mal-AML, kif previst fid-dritt tal-Unjoni, xorta waħda għandu jkun fis-seħħ; billi, għalkemm il-kriptoassi jistgħu jintużaw għal attivitajiet illegali, l-istatus regolatorju tagħhom bħala mezz ta' pagament, minflok mezz ta' skambju, jista' jtejjeb il-monitoraġġ u l-prevenzjoni tal-kriminalità finanzjarja;

AR.

billi konnettività akbar, l-Internet tal-Oġġetti u l-interazzjoni tal-bnedmin u l-magni jistgħu joħolqu esperjenzi ta' servizzi finanzjarji aħjar iżda jinvolvu wkoll riskji ġodda rigward il-privatezza u l-protezzjoni tad-data personali, il-kwalità tal-interazzjoni, il-ġestjoni tar-riskji operattivi u l-isfidi tas-sigurtà ċibernetika;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

63.

64.

65.

66.

67.

68.

69.

70.