IL-KUMMISSJONI EWROPEA

Brussell, 3.9.2018

COM(2018) 553 final

RAPPORT TAL-KUMMISSJONI LILL-PARLAMENT EWROPEW U LILL-KUNSILL

Id-29 Rapport Annwali dwar il-Protezzjoni tal-interessi finanzjarji tal-Unjoni Ewropea — Ġlieda kontra l-frodi - 2017

{SWD(2018) 381 final}
{SWD(2018) 382 final}
{SWD(2018) 383 final}
{SWD(2018) 384 final}
{SWD(2018) 385 final}
{SWD(2018) 386 final}

WERREJ

RAPPORT TAL-KUMMISSJONI LILL-PARLAMENT EWROPEW U LILL-KUNSILL

Id-29 rapport annwali dwar il-protezzjoni tal-interessi finanzjarji tal-UE u l-glieda kontra l-frodi (2017)

Sommarju Eżekuttiv    

1.    Introduzzjoni    

2.    L-armonizzazzjoni u t-tisħiħ tal-ġlieda kontra l-frodi fl-UE: politiki trażversali kontra l-frodi, miżuri u riżultati    

2.1.    Xena legali ġdida: Atti leġiżlattivi adottati mill-istituzzjonijiet tal-UE    

2.1.1.    Direttiva dwar il-ġlieda kontra l-frodi, li taffettwa l-interessi finanzjarji tal-Unjoni, permezz tal-liġi kriminali    

2.1.2.    Regolament li jimplimenta l-kooperazzjoni msaħħa dwar it-twaqqif ta’ UPPE    

2.2.    Infasslu l-ġejjieni: L-inizjattivi leġislattivi u ta’ politika tal-istituzzjonijiet Ewropej    

2.2.1.    L-evalwazzjoni tar-Regolament (UE, Euratom) Nru 883/2013    

2.2.2.    Il-ġlieda kontra l-korruzzjoni fl-UE    

2.2.3.    Proposta sabiex jiġi rivedut ir-Regolament Finanzjarju u ċerti regoli finanzjarji settorjali (Omnibus)    

2.2.4.    Il-koperazzjoni internazzjonali    

2.2.5.    L-Istrateġija tal-Kummissjoni Kontra l-Frodi (CAFS)    

2.2.6.    Implimentazzjoni tal-Programm Hercule    

2.3.    Il-ġurisprudenza tal-QĠUE    

2.3.1.    Perijodi ta’ limitazzjoni: il-kawżi Alytaus u Glencore    

2.3.2.    il-VAT: Il-kawża M.A.S.    

2.4.    Miżuri meħuda mill-Istati Membri    

2.4.1.    Sommarju    

2.4.1.1.    L-istrateġiji nazzjonali kontra l-frodi (NAFS - National anti-fraud strategies)    

2.4.1.2.    L-akkwist pubbliku u l-korruzzjoni    

2.4.1.3.    Miżuri oħrajn    

2.4.2.    L-implimentazzjoni tar-rakkomandazzjonijiet tal-2016    

2.5.    Sommarju ta’ statistika dwar l-irregolaritajiet u l-frodi identifikati    

2.5.1.    Irregolaritajiet frodulenti identifikati    

2.5.2.    L-identifikazzjoni u r-rappurtar ta’ irregolaritajiet mhux frodulenti    

2.5.3.    Investigazzjonijiet tal-OLAF    

3.    Politiki, miżuri u riżultati kontra l-frodi — Dħul    

3.1.    Miżuri kontra l-frodi tal-Istituzzjonijiet tal-UE – Dħul    

3.1.1.    Assistenza Amministrattiva Reċiproka    

3.1.1.1.    Implimentazzjoni tal-Artikolu 43b tar-Regolament (KE) Nru 515/97    

3.1.1.2.    Sistema tal-Informazzjoni għal Kontra l-Frodi (AFIS)    

3.1.1.3.    Operazzjonijiet doganali konġunti (JCOs)    

3.1.2.    Għajnuna reċiproka u dispożizzjonijiet kontra l-frodi fi ftehimiet internazzjonali    

3.1.3.    Il-ġlieda kontra l-kummerċ illegali fil-prodotti tat-tabakk    

3.1.4.    Ġlieda kontra l-frodi tal-VAT    

3.2.    Miżuri tal-Istati Membri kontra l-frodi - dħul    

3.3.    Statistika dwar irregolaritajiet u frodi identifikati - dħul    

3.3.1.    Irregolaritajiet frodulenti identifikati    

3.3.2.    L-identifikazzjoni u r-rappurtar ta’ irregolaritajiet mhux frodulenti    

4.    Politiki, miżuri u riżultati settorjali kontra l-frodi — nefqa    

4.1.    Politiki u miżuri settorjali kontra l-frodi tal-Istati Membri li jinvolvu diversi setturi ta’ nefqa    

4.2.    Agrikoltura — politiki, miżuri u riżultati settorjali kontra l-frodi    

4.2.1.    Agrikoltura — miżuri tal-Istati Membri kontra l-frodi    

4.2.2.    Agrikoltura — statistika dwar irregolaritajiet u frodi identifikati    

4.2.2.1.    Irregolaritajiet frodulenti identifikati    

4.2.2.2.    L-identifikazzjoni u r-rappurtar ta’ irregolaritajiet mhux frodulenti    

4.3.    Politika ta’ koeżjoni u s-Sajd — politiki, miżuri u riżultati settorjali kontra l-frodi    

4.3.1.    Politika ta’ koeżjoni u s-Sajd — miżuri tal-Istati Membri kontra l-frodi    

4.3.2.    Politika ta’ koeżjoni u s-sajd — statistika dwar irregolaritajiet u frodi identifikati    

4.3.2.1.    Irregolaritajiet frodulenti identifikati    

4.3.2.2.    L-identifikazzjoni u r-rappurtar ta’ irregolaritajiet mhux frodulenti    

4.4.    Ġestjoni indiretta (qabel l-adeżjoni) — politiki, miżuri u riżultati settorjali kontra l-frodi    

4.4.1.    Ġestjoni indiretta (qabel l-adeżjoni) — statistika dwar irregolaritajiet u frodi identifikati    

4.5.    Ġestjoni diretta — politiki, miżuri u riżultati settorjali kontra l-frodi    

4.5.1.    Ġestjoni diretta — statistika dwar irregolaritajiet u frodi identifikati    

4.5.1.1.    Irregolaritajiet frodulenti identifikati    

4.5.1.2.    L-identifikazzjoni u r-rappurtar ta’ irregolaritajiet mhux frodulenti    

5.    Irkupru u miżuri preventivi u korrettivi oħra    

6.    Kooperazzjoni mal-Istati Membri    

7.    Sistema ta’ identifikazzoni bikrija u ta’ esklużjoni    

8.    Segwitu għar-riżoluzzjoni tal-Parlament Ewropew dwar ir-rapport annwali tal-2016    

9.    Konklużjonjiet u rakkomandazzjonijiet    

9.1.    Dħul    

9.2.    Nefqa    

9.3.    Kooperazzjoni f’kull livell    

ANNESS 1 — Irregolaritajiet irrappurtati bħala frodulenti fl-2017    

ANNESS 2 — Irregolaritajiet mhux irrappurtati bħala frodulenti fl-2017    

ANNESS 3 — Lista ta’ Dokumenti ta’ Ħidma tal-Persunal Akkumpanjanti    

Tabella tal-illustrazzjonijiet

Illustrazzjoni 1: Punti leġiżlattivi li jispikkaw – 2017

Illustrazzjoni 2: Il-ġurisprudenza tal-QĠUE dwar kwistjonijiet relatati mal-PIF (2017)

Illustrazzjoni 3: Irregolaritajiet irrapportati bħala frodulenti fl-2017

Illustrazzjoni 4: L-irregolaritajiet irrappurtati bħala frodulenti u l-ammonti relatati, 2013-2017

Illustrazzjoni 5: Irregolaritajiet li ma ġewx irrapportati bħala frodulenti fl-2017

Illustrazzjoni 6: Investigazzjonijiet li kienu għadhom għaddejjin sa tmiem l-2017, imqassma skond is-settur

Illustrazzjoni 7: Politiki ewlenin fl-oqsma ta’ dħul

Illustrazzjoni 8: Operazzjonijiet doganali konġunti fl-2017

Illustrazzjoni 9: Mekkaniżmi prinċipali fl-irregolaritajiet identifikati u rrappurtati fl-2017

Illustrazzjoni 10: Politika agrikola - fatti u illustrazzjonijiet ewlenin

Illustrazzjoni 11: Miżuri tas-suq l-aktar affetwati minn irregolaritajiet (frodulenti u mhux frodulenti)

Illustrazzjoni 12: Politiki ta’ koeżjoni u tas-sajd - fatti u illustrazzjonijiet ewlenin

Illustrazzjoni 13: Enfasi fuq PP 2007-2013

Illustrazzjoni 14: L-istruttura u s-sottogruppi ta’ COCOLAF

Sommarju Eżekuttiv

Ir-Rapport Annwali tal-2017 dwar il-Protezzjoni tal-interessi finanzjarji tal-Unjoni Ewropea (ir-Rapport PIF) huwa ppreżentat mill-Kummissjoni f’kooperazzjoni mal-Istati Membri skont l-Artikolu 325 tat-Trattat dwar il-Funzjonament tal-Unjoni Ewropea (TFUE).

Żewġ kisbiet leġiżlattivi importanti

Fl-2017, ġew adottati żewġ atti leġiżlattivi importanti li se jsaħħu l-konverġenza lejn il-protezzjoni effettiva u tal-istess livell tal-baġit tal-UE, b’mod partikolari kontra l-frodi transfuntiera:

·id-Direttiva dwar il-ġlieda kontra l-frodi, li taffettwa l-interessi finanzjarji tal-UE, permezz tal-liġi kriminali (l-hekk imsejħa d-“Direttiva PIF”)

·ir-Regolament li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE” - European Public Prosecutor’s Office).

L-adozzjoni ta’ dawn iż-żewġ atti saret wara diversi snin ta’ negozjati u tirrifletti l-impenn tal-istituzzjonijiet Ewropej u tal-Istati Membri fil-ġlieda kontra l-frodi, li hija ta’ detriment għall-interessi finanzjarji tal-Unjoni.

Inizjattivi leġiżlattivi u ta’ politika

Dawn l-atti se jeħtieġu l-adozzjoni tal-istruttura attwali ta’ kontra l-frodi sabiex tiġi żgurata koordinazjoni effettiva bejn il-korpi kompetenti u l-awtoritajiet.

Dan ix-xogħol se jkompli għall-ftit snin li ġejjin, b’mod partikolari fir-rigward tal-preparazzjoni tal-qafas legali li jirregola l-qafas finanzjarju pluriennali 2021-2027.

L-ewwel pass kien l-evalwazzjoni tar-Regolament (UE Euratom) Nru 883/2013 (il-mandat u s-setgħat tal-OLAF) li enfasizza r-riżultati li ntlaħqu iżda wkoll in-nuqqasijiet fid-dawl tat-twaqqif tal-UPPE.

Fl-2017, il-Kummissjoni wkoll:

·kompliet bl-eżerċizzju regolari tal-ivvalutar tal-iżviluppi u tar-rakkomandazzjonijiet speċifiċi għall-pajjiż li hija indirizzat lill-Istati Membri fir-rigward tal-ġlieda kontra l-korruzzjoni fil-qafas tal-proċess tas-Semestru Ewropew;

·għamlet disponibbli baġit ta’ EUR 14,95 miljun permezz tal-programm Hercule III sabiex issaħħaħ il-kapaċità operazzjonali u amministrattiva tal-Istati Membri;

·innegozjat b’suċċess dispożizzjonijiet kontra l-frodi fi ftehimiet internazzjonali tal-UE; kif ukoll

·nediet evalwazzjoni tal-Istrateġija tal-Kummissjoni kontra l-frodi bil-għan li tiġi aġġornata.

Il-ġurisprudenza tal-QĠUE

Fl-2017, tliet sentenzi mill-Qorti tal-Ġustizzja tal-Unjoni Ewropea (QĠUE) żdiedu mal-ġurisprudenza li tirrigwarda l-protezzjoni tal-interessi finanzjarji tal-UE. Tnejn minhom (il-kawżi Alytaus u Glencore ) ttrattaw kwistjonijiet li għandhom x’jaqsmu mal-perijodu ta’ limitazzjoni, filwaqt li t-tielet kawża (M.A.S. u M.B.) kienet relatata mal-VAT, fejn b’mod partikolari ġew iċċarati xi aspetti tas-sentenza ta’ Taricco.

Enfasi fuq l-oqsma ta’ dħul

Il-Kummissjoni adottat proposta leġislattiva biex tagħmel is-sistema tal-Vat tal-UE aktar sempliċi, aktar reżistenti għall-frodi u biex jingħalqu l-lakuni fil-kummerċ transfruntier billi jissaħħu l-istrumenti ta’ kooperazzjoni amministrattivi bejn l-awtoritajiet tat-taxxa u awtoritajiet oħra tal-infurzar tal-liġi.

Ftehimiet ta’ assistenza reċiproka ġew konklużi ma’ Mercosur u l-Ażerbajġan. Il-klawżola kontra l-frodi ġiet inkorporata b’suċċess fil-ftehim ta’ kummerċ ħieles mal-Ġappun.

L-OLAF ikkoordina jew appoġġa 11-il operazzjoni doganali li b’suċċess iffukaw fuq diversi theddidiet, bħall-kutrabandu tas-sigaretti, il-frodi fuq l-introjtu, il-prodotti ffalsifikati, iċ-ċaqliq illeċitu ta’ flus u d-droga.

F’termini finanzjarji, il-pannelli solari impurtati kienu l-prodotti l-aktar affettwati minn frodi u irregolaritajiet. F’ħafna każijiet, l-irregolaritajiet li jirrigwardaw il-pannelli solari kienu identifikati wara notifika ta’ Għajnuna Reċiproka maħruġa mill-OLAF.

Proċedura ta’ ksur tnediet rigward is-sottovalutazzjoni li taffettwa d-dħul tradizzjonali u mir-riżorsi proprji tal-VAT li ġie individwat fir-Renju Unit.

Enfasi fuq l-oqsma tan-nefqa

Ir-Regolament Omnibus jippromwovi is-simplifikazzjoni u l-kjarifikazjoni tar-regoli finanzjarji. Fl-2017, id-dispożizzjonijiet marbutin mal-agrikoltura ġew adottati, filwaqt l-abbozz tal-bidliet għall-oqsma tan-nefqa li jifdal jinħtieġ li jiġu adottati fl-2018.

Il-Kumitat Konsultattiv għall-Koordinazzjoni tal-Prevenzjoni ta’ Frodi (COCOLAF) ipprepara gwida dwar senjalazzjonijiet ta’ allarm u tal-aħjar prattiki fl-akkwist pubbliku u fir-rappurtar tal-irregolaritajiet.

L-analiżi ta’ irregolaritajiet frodulenti u mhux frodulenti li ġew individwati u rrappurtati mill-awtoritajiet nazzjonali ikkonfermat is-sejbiet tal-2016 fir-rigward tas-setturi ewlenin f’riskju.

Tefgħet enfasi wkoll fuq il-metodi ta’ detezzjoni li għenu fl-identifikazzjoni u biex jitpoġġew fil-mira każijiet frodulenti u mhux frodulenti ta’ valur finanzjarju sinifikanti. Dawn jinvolvu l-analiżi tar-riskju, tips minn informanti, żvelar ta’ informazzjoni protetta u informazzjoni mill-midja.

L-istess analiżi turi wkoll ir-riżultati pożittivi milħuqa permezz ta’ koordinazzjoni aktar mill-qrib bejn l-awtoritajiet ġudizzjarji u amministrattivi.

Abbażi ta’ dawn is-sejbiet, rakkomandazzjonijiet speċifiċi jiġu indirizzati lill-awtoritajiet nazzjonali sabiex jistrutturaw u jagħmlu użu sistematiku minn informazzzjoni li tidħol mis-sorsi ta’ hawn fuq.

Miżuri kontra l-frodi tal-Istati Membri

L-Istati Membri rrappurtaw l-adozzjoni ta’ 73 miżura ewlenija sabiex jiġu protetti l-interessi finanzjarji u l-ġlieda kontra l-frodi tal-UE. Dawn ikopru ċ-ċiklu ta’ kontra l-frodi kollu, iżda jiffukaw b’mod partikolari fuq id-detezzjoni u l-prevenzjoni. Għandhom x’jaqsmu prinċipalment mal-kontroll tal-fondi taħt ġestjoni kondiviża.

Il-maġġoranza tal-Istati Membri rrappurtaw dwar l-għadd u n-natura ta’ miżuri meħuda sabiex isir segwitu fuq ir-rakkomandazzjonijiet tal-2016; dan jista’ jitqies pożittiv, iżda għad hemm lok għal titjib.

Id-detezzjoni u r-rappurtar ta’ irregolaritajiet frodulenti u mhux frodulenti li jaffettwaw il-baġit tal-UE

Fl-2017 ġew irrapportati 15 213 irregolarità frodulenti u mhux frodulenti lill-Kummissjoni, 20,8 % inqas mill-2016. Dawn involvew madwar EUR 2,58 biljun, 8,6 % inqas mis-sena preċedenti.

L-1 146 irregolarità rrappurtata bħala frodulenti kienu jinvolvu madwar EUR 467 million ta’ nefqa u dħul.

Id-detezzjoni ta’ irregolarità timplika li ttieħdu miżuri korrettivi sabiex jiġu rkuprati l-ammonti finanzjarji irregolari involuti u li nbdew proċedimenti kriminali jekk kien hemm suspett ta’ frodi.

L-Anness 1 juri għadd ta’ rregolaritajiet irrappurtati bħala frodulenti li ġew identifikati minn Stat Membru. Dan l-għadd juri r-riżultat ta’ ħidmet l-Istati Membri biex jikkumbattu l-frodi u l-attivitajiet illegali l-oħra li jaffettwaw l-interessi finanzjarji tal-UE. Iċ-ċifri ma għandhomx ikunu interpretati li jindikaw il-livell ta’ frodi fit-territorji tal-Istati Membri.

1.Introduzzjoni

Kull sena, skont l-Artikolu 325(5) TFUE, il-Kummissjoni, f’kooperazzjoni mal-Istati Membri, tippreżenta lill-Parlament Ewropew u lill-Kunsill rapport dwar il-miżuri meħuda biex jikkumbattu l-frodi u attivitajiet illegali oħra li jaffettwaw l-interessi finanzjarji tal-UE.

L-UE u l-Istati Membri jaqsmu r-responsabbiltà għall-protezzjoni tal-interessi finanzjarji tal-UE u għall-ġlieda kontra l-frodi. L-awtoritajiet tal-Istati Membri jiġġestixxu madwar 74 % tan-nefqa tal-UE u jiġbru r-riżorsi proprji tradizzjonali (TOR). Il-Kummissjoni tissorvelja dawn iż-żewġ oqsma, tistabbilixxi l-istandards u tivverifika l-konformità. Biex jipproteġu l-interessi finanzjarji tal-UE b’mod effettiv, il-Kummissjoni u l-Istati Membri jridu jaħdmu mill-qrib flimkien.

Dan ir-rapport jivvaluta din il-kooperazzjoni bl-għan li jtejjibha; għal dan l-iskop, huwa:

·jipprovdi sommarju tal-miżuri meħuda fil-livell tal-UE u tal-Istati Membri sabiex tikkumbatti l-frodi;

·jinkludi analiżi tal-kisbiet ewlenin tal-korpi nazzjonali u Ewropej fid-dettezzjoni u fir-rappurtar ta’ frodi u ta’ irregolaritajiet li jirrigwardaw in-nefqa u d-dħul tal-UE. Dan huwa b’mod partikolari bbażat fuq id-detezzjoni ta’ irregolaritajiet u ta’ frodi rrappurtati mill-Istati Membri f’konformità mar-regolamenti settorjali.

Ir-rapport huwa akkumpanjat minn sitt Dokumenti ta’ Ħidma tal-Persunal tal-Kummissjoni (SWD - Commission Staff Working Documents), elenkati fl-Anness 3 1 .

2.L-armonizzazzjoni u t-tisħiħ tal-ġlieda kontra l-frodi fl-UE: politiki trażversali kontra l-frodi, miżuri u riżultati

2.1.Xena legali ġdida: Atti leġiżlattivi adottati mill-istituzzjonijiet tal-UE

F’dawn l-aħħar snin, il-Kummissjoni enfasizzat id-differenzi fl-approċi tal-awtoritajiet nazzjonali fil-ġlieda tagħhom kontra l-frodi u l-irregularitajiet li jaffettwaw l-interessi tal-UE. Investigazzjonijiet mill-Uffiċċju Ewropew Kontra l-Frodi (OLAF) urew l-okkorrenzi li dejjem qed jiżdiedu ta’ każijiet ta’ frodi transnazzjonali.

Żewġ atti leġiżlattivi importanti ġew adottati fl-2017 li se jiżguraw konverġenza lejn il-protezzjoni effettiva u tal-istess livell tal-baġit tal-UE, b’mod partikolari kontra l-frodi transfuntiera:

1.id-Direttiva dwar il-ġlieda kontra l-frodi, li taffettwa l-interessi finanzjarji tal-UE, permezz tal-liġi kriminali (id-Direttiva PIF) 2 ; kif ukoll

2.ir-Regolament li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (l-UPPE) 3 .

L-adozzjoni ta’ dawn iż-żewġ atti saret wara diversi snin ta’ negozjati u tirrifletti l-impenn tal-istituzzjonijiet Ewropej u tal-Istati Membri fil-ġlieda kontra l-frodi, li hija ta’ detriment għall-interessi finanzjarji tal-Unjoni.

2.1.1.Direttiva dwar il-ġlieda kontra l-frodi, li taffettwa l-interessi finanzjarji tal-Unjoni, permezz tal-liġi kriminali

Illustrazzjoni 1:    Punti leġiżlattivi li jispikkaw – 2017

2.1.2.Regolament li jimplimenta l-kooperazzjoni msaħħa dwar it-twaqqif ta’ UPPE

2.2.Infasslu l-ġejjieni: L-inizjattivi leġislattivi u ta’ politika tal-istituzzjonijiet Ewropej 

L-atti l-ġodda jirrikjedu l-adattament tal-istruttura attwali ta’ kontra l-frodi għall-aħħar żviluppi sabiex tiġi żgurata l-koordinazjoni meħtieġa bejn il-korpi kompetenti u l-awtoritajiet. Dan ix-xogħol se jkompli għall-ftit snin li ġejjin, b’mod partikolari fir-rigward tal-preparazzjoni tal-qafas legali li jirregola l-Qafas Finanzjarju Pluriennali għall-2021-2027.

It-taqsima li jmiss tagħti ħarsa ġenerali lejn l-iżviluppi ewlenin li jikkonċernaw l-inizjattivi leġiżlattivi u ta’ politika tal-Kummissjoni fl-2017.

2.2.1.L-evalwazzjoni tar-Regolament (UE, Euratom) Nru 883/2013

Ir-Regolament (UE, Euratom) Nru 883/2013 6 huwa l-qofol ta’ dan il-qafas legali li jirregola l-mandat tal-OLAF biex iwettaq investigazzjonijiet amministrattivi dwar il-frodi, il-korruzzjoni u attivitajiet illegali oħra li jaffettwaw l-interessi finanzjarji tal-UE.

Fit-2 ta’ Ottubru 2017, skont l-Artikolu 19 tar-Regolament, il-Kummissjoni adottat rapport dwar l-evalwazzjoni tal-applikazzjoni tiegħu 7 .

L-evalwazzjoni ikkonkludiet li r-Regolament ippermetta lill-OLAF biex fil-mandat tiegħu jġib riżultati konkreti, u ġab riżultati ċari fit-twettiq tal-investigazzjonijiet, fil-kooperazjoni ma’ sħab u fi drittijiet għall-persuni kkonċernati. Fl-istess waqt, tenfasizza xi nuqqasijiet li jimpattaw fuq l-effikaċja u l-effiċjenza tal-investigazzjonijiet tal-OLAF. Dawn marbutin fost l-oħrajn ma’:

·l-għodda investigattiva tal-OLAF;

·l-eżekuzzjoni tas-setgħat tal-OLAF;

·kundizzjonijiet uniformi fit-twettiq tal-investigazzjonijiet interni fl-istituzzjonijiet, fil-korpi, fl-uffiċċji u fl-aġenżiji tal-UE;

·diverġenzi fis-segwitu tar-rakkomandazzjonijiet tal-OLAF;

·id-dmirijiet ta’ kooperazzjoni mill-Istati Membri u mill-istituzzjonijiet, il-korpi, l-uffiċċji u l-aġenziji tal-Unjoni;

·il-koerenza globali tal-qafas legali applikabbli għall-investigazzjonijiet tal-OLAF;

·il-possibilità li informazzjoni dwar kontijiet tal-bank tkun aċċessibbli; kif ukoll

·iċ-ċarezza dwar il-mandat tal-OLAF fil-qasam tal-VAT.

L-evalwazzjoni, rigward it-twaqqif tal-UPPE (ara t-taqsima 2.1) u l-impatt tiegħu fuq ħidmet l-OLAF, tirrikonoxxi biċ-ċar il-ħtieġa biex tkompli tiġi rregolata r-relazzjoni bejn iż-żewġ korpi, u ssejjaħ biex isiru adattamenti rapidi għall-operazzjonijiet tal-OLAF sabiex jiġi żgurat li l-qafas legali jkun adattat għall-iskop tiegħu.

Il-Kummissjoni adottat fit-23 ta’ Mejju 2018 proposta mmirata biex temenda r-Regolament, xprunata primarjament bit-twaqqif tal-UPPE, filwaqt li indirizzat ukoll ir-riżultati xejn ambigwi tal-evalwazzjoni sabiex tiżgura li l-OLAF jibqa’ sieħeb b’saħħtu u li jiffunzjona b’mod sħiħ mal-UPPE.

Ir-Regolament tal-UPPE diġà jħaddan dispożizzjonjjiet biex jirregola r-relazzjoni bejn l-UPPE u l-OLAF. Dawn huma bbażati fuq il-prinċipji ta’ kooperazzjoni mill-qrib, l-iskambju ta’ informazzjoni, il-kumplimentarjetà u l-evitar tad-duplikazzjoni. Ir-regoli jenħtieġ li jiġu riflessi u kkumplimentati mill-emendi fir-Regolament (UE, Euratom) Nru 883/2013, bl-objettiv prinċipali jkun li tissaħħaħ il-ġlieda kontra l-frodi li taffettwa l-baġit tal-Unjoni permezz ta’ politika integrata, li OLAF b’saħħtu u li jiffunzjona b’mod sħiħ jwettaq permezz tagħha investigazzjonijiet amministrattivi biex jikkumplimenta l-approċċ tal-UPPE fil-liġi kriminali.

L-enfasi qiegħda fuq l-oqsma li fihom attwalment ir-Regolament jqajjem diverġenzi sinifikanti fil-mod ta’ kif l-OLAF jopera fl-Istati Membri, bħalma huma l-kontrolli u l-ispezzjoniijiet fuq il-post, l-aċċess għall-informazzjoni tal-kontijiet tal-bank u l-assistenza mill-awtoritajiet nazzjonali.

2.2.2.Il-ġlieda kontra l-korruzzjoni fl-UE

Fl-2017, il-ġlieda kontra l-korruzzjoni kienet prijorità fil-proċess ta’ governanza ekonomika tas-Semestru Ewropew. Bosta Rappurtar mill-Pajjiżi 8 inkluda valutazzjoni tax-xena legali, istituzzjonali u ta’ politika għal kontra l-korruzzjoni, inkluż il-progress u l-isfidi li jkun għad fadal.

Diversi Stati Membri rċevew ukoll rakkomandazzjonijiet 9 biex jieħdu azzjoni sabiex itejbu t-trasparenza, jsaħħu l-prevenzjoni tal-kunflitt ta’ interess, jiġġieldu l-pagamenti informali fil-kura tas-saħħa jew iżidu l-isforzi kontra l-korruzzjoni fl-amministrazzjoni pubblika, fil-ġudikatura u fl-akkwist pubbliku.

Fil-qafas tal-programm ta’ kondiviżjoni tal-esperjenza fil-ġlieda kontra l-korruzzjoni tal-UE, il-Kummissjoni organizzat tliet workshops għall-qsim tal-esperjenzi fl-2017, filwaqt li laqqgħet 100 prattikant u espert ta’ kontra l-korruzzjoni mill-amministrazzjonijiet nazzjonali tal-Istati Membri, minn organizzazzjonijiet internazzjonali, mis-soċjetà ċivili, mid-dinja akkademika kif ukoll partijiet ikkonċernati oħra. Dawn il-workshops iffaċilitaw l-iskambju tal-aħjar prattiki f’dawn l-oqsma tematiċi: fl-indikaturi ta’ kontra l-korruzzjoni (Brussell, Marzu 2017), il-kunflitti ta’ interess u l-prattika tal-“bibien li jduru” (Barċellona, Ġunju 2017), kif ukoll l-impatt ekonomiku tal-korruzzjoni (Brussell, Diċembru 2017).

Sejħa għal proposti 10 għal proġetti mfasslin biex jipprevjenu u jikkumbattu l-korruzzjoni fl-Istati Membri tnediet f’Diċembru 2017, li kienet tiswa b’kollox EUR 2,2 miljun.

Il-Kummissjoni u l-OLAF ipparteċipaw b’mod attiv f’diversi fora ta’ kontra l-korruzzjoni Ewropej u internazzjonali, bħall-Konvenzjoni tan-Nazzjonijiet Uniti kontra l-Korruzzjoni, l-Organizzazzjoni għall-Kooperazzjoni u l-Iżvilupp Ekonomiċi, il-Grupp ta’ Ħidma kontra l-korruzzjoni tal-G20 u s-Sħab Ewropej Kontra l-Korruzzjoni (EPAC) / in-Netwerk Ewropew tal-Punti ta’ Kuntatt kontra l-Korruzzjoni (EACN). L-EACN adotta d-Dikjarazzjoni ta’ Lisbona f’Novembru 2017 11 filwaq li talab lil dawk li jieħdu d-deċiżjonijiet biex iqawwu l-ġlieda kontra l-korruzzjoni.

2.2.3.Proposta sabiex jiġi rivedut ir-Regolament Finanzjarju u ċerti regoli finanzjarji settorjali (Omnibus)

Fl-2017, il-Parlament Ewropew u l-Kunsill iddeliberaw fuq il-proposta tal-Kummissjoni ta’ Settembru 2016 12 dwar reviżjoni komprensiva u ambizjuża tar-Regolament Finanzjarju 13 u bidliet korrispondenti fir-regoli finanzjarji settorjali għal diversi programmi pluriennali.

Il-proposta hija mmirata biex ir-regoli finanzjarji tal-Unjoni jiġu modernizzati u simplifikati kif ukoll biex jissaħħu s-sistemi fis-seħħ biex il-baġit tal-UE jiġi protett mill-frodi u mill-irregolaritajiet finanzjarji. Fost l-oħrajn issaħħaħ ir-regoli dwar l-evitar tat-taxxa għas-sħab fl-implimentazzjoni tal-UE, u tiċċara li d-dmir li l-kunflitti ta’ interess jiġu evitati japplika għal kull xorta ta’ implimentazzjoni tal-fondi tal-UE (inkluż fil-livell tal-Istati Membri). Is-simplifikazzjoni minnha nfisha jenħtieġ li tnaqqas l-għadd ta’ żbalji, iżda fil-prattika żżid ukoll l-impatt tal-politiki u tar-riżultati tagħhom.

Fin-negozjati leġiżlattivi, fuq talba tal-Parlament, ir-raġunijiet għall-esklużjoni ta’ benefiċjarji inaffidabbli ta’ finanzjament mill-UE komplew jissaħħu, b’mod partikolari fir-rigward tal-“kumpaniji tal-isem”. Xi wħud mill-bidliet proposti, relatati ma’ politiki agrikoli, daħlu fis-seħħ separatament bir-Regolament (UE) 2017/2393, 14 filwaqt li huwa mistenni li r-Regolament Finanzjarju l-ġdid u l-emendi fir-regoli settorjali li jifdal se jiġu adottati fit-tielet semestru tal-2018.

2.2.4.Il-koperazzjoni internazzjonali

Il-Kummissjoni, sabiex tiġġieled b’mod effettiv il-frodi li taffettwa l-baġit tal-UE lil hinn mill-fruntieri tagħha, kompliet iddaħħal dispożizzjonijiet kontra l-frodi fil-ftehimiet ma’ pajjiżi mhux tal-UE u f’mudelli ta’ ftehimiet ta’ delega u dwar għotjiet ma’ istituzzjonijiet finanzjarji internazzjonali u organizzazzjonijiet internazzjonali oħra.

Fl-2017, l-OLAF organizza żewġ attivitajiet biex jappoġġa pajjiżi mhux tal-UE:

·is-seminar annwali tiegħu (li seħħ f’Montenegro), għal awtoritajiet sħab f’pajjiżi kandidati u pajjiżi kandidati potenzjali, dwar l-aħjar prattiki fid-detezzjoni u r-rappurtar ta’ frodi; kif ukoll

·workshop kontra l-frodi bil-parteċipazzjoni tas-servizzi kollha relevanti kontra l-frodi u l-korruzzjoni fil-Georgia, biex jgħinhom jimplimentaw id-dispożizzjonijiet kontra l-frodi tal-Ftehim ta’ Assoċjazzjoni UE-Georgia.

L-OLAF iffirma wkoll arranġamenti amministrattivi ta’ kooperazjoni ma’ awtoritajiet sħab fit-Tuniżija u fil-Kosovo. 15

2.2.5.L-Istrateġija tal-Kummissjoni Kontra l-Frodi (CAFS)

Il-Kummissjoni qed tikkunsidra li taġġorna s-CAFS li ġiet adottata fl-24 ta’ Ġunju 2011, 16 li l-objettiv tagħha huwa li ttejjeb il-prevenzjoni, l-identifikazzjoni u l-investigazzjoni tal-frodi u tiżgura li s-sanzjonar, l-irkupru u d-deterrent adegwati huma prijorità fuq l-aġenda tal-Kummissjoni.

Il-biċċa l-kbira tal-azzjonijiet tas-CAFS issa ġew finalizzati jew għadhom għaddejjin. Id-dipartimenti kollha tal-Kummissjoni introduċew Strateġiji Kontra l-Frodi settorjali(AFS-Anti-Fraud Strategies) għall-oqsma ta’ politika rispettivi tagħhom.

Fl-2017, il-Kummissjoni wettqet evalwazzjoni tal-implimentazzjoni kumplessiva tas-CAFS. L-evalwazzjoni tkejjel il-progress li ntlaħaq sa mill-adozzjoni tas-CAFS fl-2011 apparagun tal-objettivi ddikjarati, filwaqt li tqis l-iżviluppi f’termini ta’ politiki tal-UE fil-qasam ta’ kontra l-frodi, ir-riskji ta’ frodi korrispondenti u l-istrutturi emerġenti ta’ frodi. Ir-riżultati għandhom iservu bħala l-bażi għat-teħid ta’ deċiżjonijiet dwar liema s-CAFS jenħtieġ li tiġi aġġornata. L-evalwazzjoni se tkopri l-perjodu minn mindu ġiet adottata s-CAFS u se tevalwa r-relevanza, l-effikaċja, l-effiċjenza u l-koerenza tagħha.

2.2.6.Implimentazzjoni tal-Programm Hercule

Il-programm Hercule III 2014-2020 17 jippromwovi attivitajiet għall-ġlieda kontra l-frodi, il-korruzzjoni u kwalunkwe attività illegali oħra li taffettwa l-interessi finanzjarji tal-UE. Fl-2017, ir-raba’ sena tal-implimentazzjoni tiegħu, baġit ta’ EUR 14,95 miljun sar disponibbli 18 għal:

·finanzjament ta’ azzjonijiet sabiex tissaħħaħ il-kapaċità operazzjonali u teknika tal-forzi tad-dwana u l-pulizija fl-Istati Membri, kif ukoll appoġġ tal-IT, (75 % tal-baġit tal-programm); kif ukoll

·attivitajiet ta’ taħriġ u konferenzi, inkluż it-taħriġ tal-forensika diġitali għall-persunal impjegat mill-aġenziji għall-infurzar tal-liġi fl-Istati Membri u pajjiżi sħab, (25 % tal-baġit).

Il-benefiċjarji ta’ għotjiet minn Hercule III iddikkjaraw suċċess sostanzjali li ntlaħaq bl-għajnuna ta’ tagħmir u taħriġ iffinanzjat permezz tal-programm, 19 bħal:

·is-sekwestru ta’ sigaretti u tabakk kontrafatti u bil-kutrabandu;

·Id-detezzjoni ta’ skemi ta’ frodi ġodda u ta’ netwerks ta’ organizzazzjonijiet kriminali; kif ukoll

·operazzjonijiet u investigazzjonijiet ta’ irregolaritajiet u ta’ korruzzjoni mwettqa kontra l-interessi finanzjarji tal-Unjoni.

2.3.Il-ġurisprudenza tal-QĠUE 

Fl-2017, tliet sentenzi mill-Qorti tal-Ġustizzja tal-Unjoni Ewropea (QĠUE) żdiedu mal-ġurisprudenza dwar il-protezzjoni tal-interessi finanzjarji tal-UE. Tnejn (il-kawżi Alytaus 20 u Glencore ) 21 ttrattaw kwistjonijiet li għandhom x’jaqsmu mal-perijodu ta’ limitazzjoni, filwaqt li t-tielet kawża (M.A.S. u M.B.) 22 kienet relatata mal-VAT, fejn b’mod partikolari ġew iċċarati xi aspetti tas-sentenza ta’ Taricco.

Illustrazzjoni 2:    Il-ġurisprudenza tal-QĠUE dwar kwistjonijiet relatati mal-PIF (2017)

2.3.1.Perijodi ta’ limitazzjoni: il-kawżi Alytaus u Glencore

F’Alytaus, il-Qorti iċċarat it-tifsira tal-perjodu ta’ limitazzjoni 23 għal irregolarità li twettqet fil-kuntest ta’ programm pluriennali u fil-każ ta’ irregolarità “kontinwa jew ripetuta”. Iċċarat ukoll meta programm pluriennali jista’ jitqies bħala “mitmum definittivament”.

Fi Glencore, il-Qorti pprovdiet aktar kjarifiki fir-rigward tal-interpretazzjoni tad-dispożizzjonijiet msemmija fl-Artikolu 3(1) u (4) tar-Regolament tal-Kunsill (KE, Euratom) Nru 2988/95 b’referenza għall-irkupru ta’ pretensjonijiet.

2.3.2.il-VAT: Il-kawża M.A.S.

Bħala riżultat tas-sentenza ta’ M.A.S., biex l-Istati Membri ma jonqsux mill-obbligi tagħhom skont l-Artikolu 325(1) u (2) TFUE, iridu jiżguraw li pieni kriminali effettivi u ta’ deterrent jiġu adottati f’każijiet ta’ frodi serji li jaffettwaw l-interessi finanzjarji tal-UE fir-rigward tal-VAT. 24

2.4.Miżuri meħuda mill-Istati Membri 

2.4.1.Sommarju 

Dan is-sommarju jagħti ħarsa ġenerali lejn ix-xejriet u l-prijoritajiet li jirrigwardaw il-miżuri kontra l-frodi tal-Istati Membri, iżda ma huwiex eżawrjenti; L-Istati Membri intalbu biex isemmu tliet miżuri kontra l-frodi l-aktar, iżda xi wħud seta’ kellhom aktar 25 .

Fl-2017, l-Istati Membri rrappurtaw dwar 73 miżura 26 sabiex jiġu mħarsa l-interessi finanzjarji tal-UE u tiġi miġġielda l-frodi. Il-miżuri koprew iċ-ċiklu kollu kemm hu ta’ kontra l-frodi, l-aktar fil-qasam tal-ġestjoni kondiviża, iżda wkoll ir-reati finanzjarji, id-dwana u l-kummerċ illeċitu, l-akkwist pubbliku, il-kunflitt ta’ interess, strateġiji kontra l-korruzzjoni u l-frodi, il-kriminalità organizzata, is-servizzi ta’ koordinazzjoni kontra l-frodi (AFCOSs - anti-fraud coordination services), id-definizzjoni ta’ frodi u l-informaturi. Il-biċċa l-kbira tal-miżuri kkonċernaw id-detezzjoni, segwita mill-prevenzjoni, l-investigazzjoni u l-prosekuzzjoni, l-irkupru u s-sanzjonijiet.

Il-maġġoranza (77 %) kienu settorjali aktar milli trażversali (23 %). Mill-miżuri settorjali, 15 ikkonċernaw id-dħul fl-oqsma tal-frodi tat-taxxa u tad-dwana. Wieħed u erbgħin miżura oħra kkonċernaw in-nefqa, u koprew l-oqsma kollha tal-baġit. Il-miżuri settorjali se jiġu indirizzati fil-paragrafi speċifiċi ddedikati għal oqsma differenti tal-baġit filwaqt li din it-taqsima tittratta l-miżuri trażversali.

2.4.1.1.L-istrateġiji nazzjonali kontra l-frodi (NAFS - National anti-fraud strategies)

Sat-tmiem tal-2017, għaxar Stati Membri 27 adottaw strateġija nazzjonali kontra l-frodi u bagħtuha lill-Kummissjoni. Dan juri l-fehim tagħhom dwar l-importanza ta’ approċċ strateġiku biex jiġu miġġielda l-frodi u l-irregolaritajiet. Il-Kummissjoni tilqa’ dawn l-iżviluppi u tistieden lill-Istati Membri l-oħra biex jabbozzaw dawn l-istrateġiji.

2.4.1.2.L-akkwist pubbliku u l-korruzzjoni

Ħafna mill-miżuri ta’ akkwist pubbliku adottati mill-Istati Membri fl-2017 huma mmirati biex jiġġieldu l-korruzzjoni u l-kunflitti ta’ interess, kif ukoll biex tiżdied it-trasparenza. Sitt Stati Membri 28 rrappurtaw li ħadu dawn il-miżuri.

2.4.1.3.Miżuri oħrajn

Miżuri trasversali oħra rrappurtati jikkonċernaw prinċipalment il-kriminalità finanzjarja u organizzata (ir-Repubblika Ċeka, il-Polonja u l-Litwanja), ir-rieżami tal-organizzazzjoni u tal-kompetenzi ta’ korpi speċifiċi (il-Greċja u l-Isvezja) jew it-titjib fil-koooperazzjoni ta’ bejn l-aġenziji.

Tliet Stati Membri rrappurtaw miżuri sabiex jindirizzaw id-dħul u n-nefqa ta’ ċerti setturi 29 : 

·Il-Latvja nediet kampanja nazzjonali kontra l-frodi (#FraudOff!) sabiex tissensibilizza l-pubbliku dwar il-frodi, ikkumplimentata minn taħriġ speċifiku għall-amministrazzjonijiet kkonċernati;

·L-Italja ħadet passi biex tgħaqqad inizjattivi amministrattivi u penali biex tibni mill-ġdid il-flussi finanzjarji illeċiti u taħtaf l-assi ta’ organizzazzjonijiet kriminali; kif ukoll

·Is-Slovenja ħadet passi biex issaħħaħ ir-rata ta’ detezzjoni u ta’ għeluq ta’ każijiet ta’ atti kriminali li qed jikkawżaw ħsara lill-baġit tal-UE.

2.4.2.L-implimentazzjoni tar-rakkomandazzjonijiet tal-2016

Fir-rapport tal-PIF tal-2016, il-Kummissjoni għamlet erba’ rakkomandazzjonijiet lill-Istati Membri; waħda kellha fil-mira d-dħul u tlieta n-nefqa.

Kollox ma’ kollox, is-segwitu tar-rakkomandazzjonijiet (ara d-dijagrammi ta’ hawn taħt) urew li saru jew qed isiru sforzi sinifikanti u kostruttivi mill-Istati Membri 30 . Il-biċċa l-kbira tar-rakkomandazzjonijiet ingħataw l-attenzjoni kif xieraq mill-maġġoranza tal-Istati Membri 31 .

Il-Kummissjoni rrakkomandat li l-Istati Membri biex:

Madankollu, għad hemm lok għal titjib, bħall-implimentazzjoni ta’ regoli ġodda dwar is-sottovalutazzjoni tad-dwana u r-rifjut li tiġi rilaxxata l-merkanzija meta jkun hemm dubju; jista’ jiġi kkunsidrat l-użu ta’ profili tar-riskju fl-UE kollha abażi ta’ “prezzijiet medji netti”. Jistgħu jsiru aktar sforzi biex jiġu żgurati proċeduri elettroniċi tal-akkwist pubbliku. Barra minn hekk, xi Stati Membri jipprovdu jew jorganizzaw taħriġ u seminars dwar l-użu ta’ sistemi tal-IT għal skopijiet ta’ rappurtar, sabiex itejbu l-kwalità tad-data u jaġġornaw irregolaritajiet li diġà jkunu rrappurtati, Stati Membri oħra jistgħu jintensifikaw l-isforzi tagħhom. Fl-aħħarnett, il-kooperazzjoni bejn l-Istati Membri tista’ titjieb fir-rigward tat-theddida li dejjem qed tikber tal-frodi transnazzjonali, u fir-rigward tal-programmi ta kooperazzjoni territorjali Ewropea.    

2.5.Sommarju ta’ statistika dwar l-irregolaritajiet u l-frodi identifikati 32

Fl-2017 ġew irrapportati 15 213 irregolarità frodulenti u mhux frodulenti lill-Kummissjoni, 20,8 % inqas mill-2016. Dawn involvew madwar EUR 2,58 biljun, 8,6 % inqas mis-sena preċedenti.

Id-detezzjoni ta’ irregolarità timplika li ttieħdu miżuri korrettivi sabiex jiġu rkuprati l-ammonti finanzjarji irregolari involuti u li nbdew proċedimenti kriminali jekk kien hemm suspett ta’ frodi.

Illustrazzjoni 3:    Irregolaritajiet irrapportati bħala frodulenti fl-2017

2.5.1.Irregolaritajiet frodulenti identifikati

L-għadd ta’ irregolaritajiet irrappurtati bħala frodulenti (li jinkludu każijiet ta’ frodi ssuspettata jew stabbilita) u l-ammonti relatati ma humiex indikatur dirett tal-livell ta’ frodi li jaffettwa l-baġit tal-UE. Dawn pjuttost jindikaw kemm-il każ ta’ frodi potenzjali qed jiġi identifikat mill-Istati Membri u mill-korpi tal-UE.

Fl-2017, ġew irrappurtati 1 146 irregolarità bħala frodulenti (jiġifieri 7,5 % tal-irregolaritajiet kollha identifikati u rrappurtati), 33 li jinvolvu madwar EUR 467 miljun (li jirrappreżentaw 18,1 % tal-ammonti finanzjarji kollha affettwati mill-irregolaritajiet) 34 u li jkopru kemm in-nefqa kif ukoll id-dħul, kif muri fi Figure 3 .

L-għadd ta’ irregolaritajiet frodulenti rrappurtati fl-2017 naqas b’19,3 % meta mqabbel mal-2016 filwaqt li l-ammonti finanzjarji involuti żdiedu b’37,5 %. Meta wieħed iħares lejn perjodu ta’ ħames snin (2013-2017), dan kien 32 % inqas mill-2013, u 23 % inqas mill-medja ta’ ħames snin. Madankollu, l-impatt finanzjarju jvarja b’mod sinifikanti (ara l-Illustrazzjoni 4), peress li jista’ jiġi affettwat minn każijiet individwali li jinvolvu ammonti kbar ħafna.

Illustrazzjoni 4:    L-irregolaritajiet irrappurtati bħala frodulenti u l-ammonti relatati, 2013-2017

Analiżi tal-irregolaritajiet frodulenti kollha rrapportati fl-2017, skont l-Istat Membru u skont is-settur tal-baġit, hija ppreżentata fl-Anness 1.

2.5.2.L-identifikazzjoni u r-rappurtar ta’ irregolaritajiet mhux frodulenti

Fl-2017, 14,067 irregolarità li ma kinux irrappurtati bħala frodulenti ġew innotifikati lill-Kummissjoni (20,9 % inqas mill-2016). Iċ-ċifri naqsu għas-setturi kollha ħlief qabel l-adeżjoni. L-ammonti finanzjarji involuti naqsu b’madwar EUR 2,1 billion, kif muri fi Figure 5 .

Illustrazzjoni 5:    Irregolaritajiet li ma ġewx irrapportati bħala frodulenti fl-2017

2.5.3.Investigazzjonijiet tal-OLAF

Fl-2017, l-OLAF fetaħ 215-il investigazzjoni u għalaq 197 investigazzjoni, u rrakkomanda rkupri finanzjarji li jammontaw għal EUR 3,1 biljun, li EUR 2,7 biljun minnhom kienu relatati mad-dħul. Din iċ-ċifra eċċezzjonalment għolja ġejja minn każijiet ta’ frodi ta’ sottovalutazzjoni kbira mill-OLAF tul is-sena. Sa tmiem is-sena, kienu għadhom għaddejjin 362 investigazzjoni. 35

Illustrazzjoni 6:    Investigazzjonijiet li kienu għadhom għaddejjin sa tmiem l-2017, imqassma skond is-settur 36

3.Politiki, miżuri u riżultati kontra l-frodi — Dħul

3.1.Miżuri kontra l-frodi tal-Istituzzjonijiet tal-UE – Dħul 

Fir-rigward tal-ġlieda kontra l-frodi fil-qasam ta’ dħul, l-iskambju rapidu, f’waqtu u preċiż tal-informazzjoni huwa essenzjali. Dan jiżgura l-koordinazzjoni adegwata sabiex jitħarbtu skemi ta’ frodi ta’ natura transnazzjonali. L-UE tissielet kontra l-frodi u l-irregolaritajiet f’dawn l-oqsma billi ssaħħaħ il-qafas legali u l-ftehimiet ta’ kooperazzjoni internazzjonali, filwaqt li tiżgura koordinazzjoni operattiva permezz tal-Operazzjonijiet Doganali Konġunti (JCOs - Joint Customs Operations) u billi tiffaċilita l-iskambju ta’ informazzjoni relatata mal-frodi tal-VAT.

L-Istati Membri adottaw miżuri nazzjonali biex:

·jirrieżaminaw il-pjanijiet strateġiċi, il-valutazzjonijiet tar-riskju u l-indikaturi;

·jorganizzaw mill-ġdid servizzi kompetenti; kif ukoll

·isaħħu l-iskambji tal-inforamzzjoni.    

Illustrazzjoni 7:    Politiki ewlenin fl-oqsma ta’ dħul

3.1.1.Assistenza Amministrattiva Reċiproka

3.1.1.1.Implimentazzjoni tal-Artikolu 43b tar-Regolament (KE) Nru 515/97

Ir-Regolament (UE) 2015/1525, 37 li jemenda r-Regolament tal-Kunsill (KE) Nru 515/97 38 dwar l-għajnuna reċiproka bejn l-awtoritajiet amministrattivi fi kwistjonijiet doganali, daħħal l-Artikolu ġdid 43b, li jesiġi li l-Kummissjoni tivvaluta l-ħtieġa li testendi d-direttorju tal-messaġġ dwar l-istatus tal-kontejner (CSM) u d-direttorju tal-importazzjoni, l-esportazzjoni u t-tranżitu (IET) sabiex tiġi esportata data li mhijiex limitata għal prodotti soġġetti għas-sisa. Il-Kummissjoni hija obbligata ukoll tivvaluta l-fattibbiltà li testendi d-direttorju tat-trasport għal data dwar l-importazzjoni, l-esportazzjoni u t-tranżitu tal-prodotti bl-art u bl-ajru.

Il-Kummissjoni se tippreżenta s-sejbiet tagħha fir-rapport PIF tal-2016 39 . Sadanittant, kompliet b’ħidmietha u ffinalizzat il-valutazzjoni tagħha 40 .

3.1.1.2.Sistema tal-Informazzjoni għal Kontra l-Frodi (AFIS)

L-AFIS hija sistema komprensiva ta’ applikazzjonijiet kontra l-frodi operata mill-OLAF, bl-użu ta’ infrastruttura teknika komuni. Din hija għodda tal-IT importanti għal bosta amministrazzjonijiet u utenti oħrajn involuti fil-ħarsien tal-interessi finanzjarji tal-UE. Tippermetti wkoll ekonomiji sostanzjali ta’ skala u sinerġiji fl-iżvilupp, il-manutenzjoni u l-operat ta’ din il-ġabra wiesa’ u differenti ta’ servizzi u għodod tal-IT, u għandha l-għan ta’:

·skambju f’waqtu u sikur ta’ informazzjoni relatata ma’ frodi bejn l-amministrazzjonijiet kompetenti nazzjonali u dawk tal-UE; kif ukoll

·ħżin u analiżi ta’ data rilevanti.

L-AFIS tkopri żewġ oqsma ewlenin:

·l-għajnuna reċiproka fi kwistjonijiet doganali; kif ukoll

·il-ġestjoni ta’ irregolaritajiet.

Fi tmiem l-2017, l-AFIS kellha 8 600 utent aħħari rreġistrati f’isem aktar minn 1 800 servizz kompetenti fi Stati Membri, pajjiżi sħab mhux tal-UE, organizzazzjonijiet internazzjonali, dipartimenti tal-Kummissjoni u korpi oħra tal-UE. Fl-2017, total ta’ 16 324 każ kienu disponibbli fil-bażijiet tad-data u l-moduli tal-assistenza reċiproka tal-AFIS.

Is-Sistema ta’ Ġestjoni tal-Irregolaritajiet (IMS - irregularity management system), operata taħt il-pjattaforma tal-AFIS, irċeviet 88 347 komunikazzjoni ġdida dwar irregolaritajiet minn Stati Membri u pajjiżi kandidati.

Żewġ sistemi tal-IT ġodda previsti fir-Regolament (KE) Nru 515/97 (kif emendat), id-direttorju tal-CSM u d-direttorju tal-IET, bdew jaħdmu fl-1 ta’ Settembru 2016.

Fl-2017, l-AFIS irċeviet 637 miljun CSM. Id-direttorju IET jinkludi data ta’ dikjarazzjoni dwar l-importazzjoni u t-tranżitu ta’ prodotti u dwar l-esportazzjoni ta’ prodotti soġġetti għas-sisa. Ġew ipproċessati xi 5,3 miljun dikjarazzjoni dwar l-esportazzjoni u messaġġi relatati.

L-AFIS intużat għal aċċess u skambju sikur ta’ informazzjoni fi ħdax-il JCO (ara t-taqsima li ġejja).

Is-sistema tal-informazzjoni dwar it-tranżitu kontra l-Frodi (ATIS) irċeviet informazzjoni dwar 22,5 miljun konsenja ta’ tranżitu ġodda. Dawn huma disponibbli wkoll fid-direttorju tal-IET.

3.1.1.3.Operazzjonijiet doganali konġunti (JCOs)

Il-JCOs huma miżuri operattivi kkoordinati u mmirati implimentati mill-awtoritajiet doganali tal-Istati Membri u ta’ pajjiżi mhux tal-UE, fuq perjodu ta’ żmien limitat, biex jiġġieldu t-traffikar illeċitu transfruntier ta’ prodotti.

Fl-2017, l-OLAF ikkoordina u appoġġa 11-il JCO, ikkoopera mal-Istati Membri u pprovda appoġġ tekniku, finanzjarju, loġistiku u ta’ intelligence.

Il-JCOs kellhom fil-mira theddidiet varji, inkluż il-kuntrabandu tas-sigaretti, il-frodi tad-dħul, il-prodotti ffalsifikati, il-moviment illeċtu ta’ flus u d-drogi. Figure 8 tippreżenta somarju tal-biċċa l-kbira tal-operazjonijiet.

Illustrazzjoni 8:    Operazzjonijiet doganali konġunti fl-2017

3.1.2.Għajnuna reċiproka u dispożizzjonijiet kontra l-frodi fi ftehimiet internazzjonali

Skont l-Artikolu 19 tar-Regolament (KE) Nru 515/97, ġew iffinalizzati negozjati mal-Mercosur (l-Arġentina, il-Brażil, il-Paragwaj u l-Urugwaj) u l-Ażerbajġan dwar dispożizzjonijiet għal assistenza amministrattiva reċiproka, li tikkostitwixxi l-bażi legali għall-iskambju tal-informazzjoni dwar frodi u irregolaritajiet. Sar progress sew fin-negozjati mat-Tuniżija u l-Indoneżja.

L-UE għamlet progress fin-negozjati li għadhom għaddejjin dwar l-inklużjoni ta’ klawsola kontra l-frodi fi ftehimiet ta’ kummerċ ħieles mal-Messiku, il-Mercosur, iċ-Ċilì, l-Indoneżja u t-Tuneżija, u kkonkludiet ftehim mal-Ġappun.

3.1.3.Il-ġlieda kontra l-kummerċ illegali fil-prodotti tat-tabakk

Fit-12 ta’ Mejju l-Kummissjoni ħarġet rapport ta’ progress 41 dwar l-eżitu preliminari tal-Komunikazzjoni tal-2013 tagħha L-intensifikar tal-ġlieda kontra l-kuntrabandu tas-sigarretti u forom oħra ta’ kummerċ illegali fil-prodotti tat-tabakk — Strateġija komprensiva tal-UE, 42 li ġiet ippreżentata flimkien ma’ pjan ta’ azzjoni komprensiv.

Il-konklużjonijiet tal-Kunsill dwar it-tisħiħ tal-ġlieda kontra l-kummerċ illegali tal-prodotti tat-tabakk fl-UE (adottati fis-7 ta’ Diċembru 2017) 43 u l-konferenza "Il-Ġlieda kontra t-tabakk illegali" tal-partijiet ikkonċernati (organizzata flimkien mal-OLAF u l-Kumitat Ekonomiku u Soċjali Ewropew f’Marzu 2018) jkomplu jorbtu max-xogħol tal-Kummissjoni dwar pjan ta’ azzjoni ġdid għall-ġlieda kontra t-tabakk illeċitu, previst għall-aħħar tas-sajf tal-2018.

Barra minn hekk, l-UE rratifikat il-Konvenzjoni ta’ Qafas dwar il-Kontroll fuq it-Tabakk (FCTC - Framework Convention on Tobacco Control) tal-Organizzazzjoni Dinjija tas-Saħħa fl-24 ta’ Ġunju 2016. Il-Protokoll jidħol fis-seħħ fil-25 ta’ Settembru 2018. Il-Kummissjoni se tirrappreżenta lill-UE fl-ewwel laqgħa tal-partijiet tal-protokoll f’Ottubru 2018 u se jibqa’ jkollha rwol ewlieni fl-inkoraġġiment tal-Istati Membri, tal-pajjiżi ġirien u tal-pajjiżi tas-sors u tat-tranżitu ewlenin biex jirratifikaw u jimplimentaw il-Protokoll.

3.1.4.Ġlieda kontra l-frodi tal-VAT

Fit-30 ta’ Novembru 2017, bħala segwitu għall-Pjan ta’ Azzjoni tal-VAT ta ’April 2016, 44 il-Kummissjoni adottat proposta biex temenda r-Regolament (UE) Nru 904/2010 dwar il-kooperazzjoni amministrattiva fil-qasam tat-taxxa fuq il-valur miżjud 45 . F’Ġunju 2018, il-Kunsill laħaq qbil politiku dwar il-proposta. Il-proposta għandha l-għan li tagħmel is-sistema tal-VAT tal-UE aktar reżistenti għall-frodi u telimina l-lakuni li jistgħu jwasslu għal frodi tal-VAT fuq skala kbira. Ir-regolament il-ġdid għandu l-għan li jsaħħaħ il-fiduċja bejn l-Istati Membri sabiex ikunu jistgħu jiskambjaw aktar informazzjoni u jintensifikaw il-kooperazzjoni bejn l-awtoritajiet fiskali u l-korpi tal-infurzar tal-liġi nazzjonali. Dawn il-miżuri jinkludu:

·it-tisħiħ tal-kooperazzjoni bejn l-Istati Membri (pereż. sistema ġdida tal-IT għall-ipproċessar tal-informazzjoni u għall-analiżi tar-riskju fil-Eurofisc (Netwerk tal-UE ta’ esperti kontra l-frodi), awditi konġunti);

·it-tisħiħ tal-komunikazzjoni u tal-iskambju tad-data bejn l-awtoritajiet tat-taxxa nazzjonali f’Eurofisc u l-korpi tal-infurzar tal-liġi Ewropej (OLAF, Europol u l-UPPE futur);

·it-tisħiħ tal-kooperazzjoni bejn l-awtoritajiet nazzjonali tat-taxxa u tad-dwana għal ċerti proċeduri doganali applikabbli għal importazzjonijiet minn barra l-UE, li attwalment huma vulnerabbli għall-frodi tal-VAT; kif ukoll

·it-tisħiħ tal-iskambju tal-informazzjoni sabiex tiġi miġġielda l-frodi tal-VAT fuq il-karozzi użati.

3.2.Miżuri tal-Istati Membri kontra l-frodi - dħul 

Xi 12-il Stat Membru rrappurtaw miżuri biex jiġġieldu l-frodi doganali; dawn kienu jinkludu:

·L-irfinar tal-indikaturi tar-riskju biex tiġi indirizzata s-sottovalutazzjoni tad-dikjarazzjonijiet tal-importazzjoni 46 ; 

·ir-rieżami tal-valutazzjoni tar-riskju doganali nazzjonali u żieda fil-multi minimi jekk ma jiġix iddikjarat l-amont ta’ flus li jinġarr 47 ;

·l-abbozzar ta’ pjan doganali intern 48 ;

·l-istabbiliment ta’ prijoritajiet strateġiċi u operattivi għad-dwana u s-sisa; 49 ; kif ukoll

·l-implimentazzjoni ta’ metodu ta’ awditjar ġdid ta’ wara r-rilaxx li jestendi l-ispezzjonijiet għall-attivitajiet kollha tal-operatur ekonomiku magħżul 50 .

Tliet pajjiżi introduċew miżuri biex jiżguraw il-ħlas korrett tar-riżorsi proprji tal-UE 51 u rkupri aktar effettivi, 52 jew biex jikkumbattu l-frodi u l-evażjoni tat-taxxa 53 .

Żewġ pajjiżi stabilixxew jew irrieżaminaw l-organizzazzjoni ta’ korpi speċifiċi 54 .

Stat Membru wieħed 55 indirizza l-bżonn li titjieb il-kwantità u l-kwalità tal-informazzjoni skambjata permezz ta’ pjattaformi internazzjonali.

3.3.Statistika dwar irregolaritajiet u frodi identifikati - dħul 

Illustrazzjoni 9:    Mekkaniżmi prinċipali fl-irregolaritajiet identifikati u rrappurtati fl-2017

3.3.1.Irregolaritajiet frodulenti identifikati 56

It-total ta’ 441 irregolarità kienu rrappurtati bħala frodulenti fl-2017. Dan huwa 33 % inqas mill-medja fuq ħames snin (658 irregolarità bħala medja għall-perjodu 2013-2017). L-ammont affettwat ta’ TOR stmat u stabbilit (EUR 76 miljun) fl-2017 kien 28 % inqas mill-medja fuq ħames snin (EUR 106 miljun).

3.3.2.L-identifikazzjoni u r-rappurtar ta’ irregolaritajiet mhux frodulenti

Fl-2017 l-għadd ta’ irregolaritajiet irrapportati bħala mhux frodulenti kien 4 195, li huwa 8 % inqas mill-medja fuq ħames snin (4 564 fl-2013-2017). It-total affettwat tal-ammonti TOR stmati u stabbiliti kien ta’ EUR 425 miljun fl-2017, li huwa 15 % aktar mill-medja fuq ħames snin ta’ EUR 369 miljun.

4.Politiki, miżuri u riżultati settorjali kontra l-frodi — nefqa

4.1.Politiki u miżuri settorjali kontra l-frodi tal-Istati Membri li jinvolvu diversi setturi ta’ nefqa

L-Istati Membri rrappurtaw diversi miżuri li jindirizzaw diversi fondi fl-istess waqt, l-aktar il-Fondi Strutturali u ta’ Investiment Ewropej (FSIE) 57 . Xi miżuri jestendu għal fondi oħra taħt ġestjoni kondiviża, bħall-Fond għall-Ażil u l-Migrazzjoni (AMIF), il-Fond għal Għajnuna Ewropea għall-Persuni l-Aktar fil-Bżonn (FEAD - Fund for European Aid to the Most Deprived) u l-Fond Ewropew ta’ Aġġustament għall-Globalizzazzjoni (FEG). Dawn il-miżuri huma ta’ natura u skop differenti ħafna u jvarjaw minn simplifikazzjoni tal-proċeduri għal rieżami tas-sistema ta’ korrezzjonijiet finanzjarji; minn valutazjonijiet tar-riskju għal korsijiet ta’ taħriġ dwar kwistjonijiet speċifiċi trażversali 58 .

4.2.Agrikoltura — politiki, miżuri u riżultati settorjali kontra l-frodi

4.2.1.Agrikoltura — miżuri tal-Istati Membri kontra l-frodi

Disa’ Stati Membri rrappurtaw miżuri kontra l-frodi speċifiċi għall-agrikoltura. Tliet pajjiżi ffukaw fuq “il-ħolqien artifiċjali tal-kriterji ta’ eliġibbiltà” 59 . Miżuri oħra jinvolvu:

·taħriġ obbligatorju għall-prevenzjoni tal-frodi u strateġija kontra l-frodi għall-iżvilupp rurali 60 ;

·il-prevenzjoni ta’ irregolaritajiet waqt l-għoti ta’ għajnuniet u sussidji 61 ;

·kontrolli abbażi ta’ regoli tal-akkwist u evalwazzjoni ta’ “kemm huma raġonevoli” l-ispejjeż 62 ;

·titjib fit-tempestività u fil-kwalità tal-informazzjoni rrappurtata permezz tal-IMS 63 ;

·ir-rieżami tas-sistema ta’ kontroll esterna u interna, wara li jiġi individwat ingann 64 ; kif ukoll

·ir-rieżami ta’ proċeduri f’oqsma bħalma huma l-prattiki ta’ senjalazzjonijiet, l-użu ta’ indikaturi tar-riskju u kooperazzjoni għall-infurzar tal-liġi 65 .

4.2.2.Agrikoltura — statistika dwar irregolaritajiet u frodi identifikati

Il-Politika Agrikola Komuni (PAK) tħaddan żewġ komponenti ewlenin:

·appoġġ dirett (AD) permezz ta’ pagamenti diretti lill-bdiewa u miżuri ta’ appoġġ għas-suq, li huma ffinanzjati mill-Fond Agrikolu Ewropew ta’ Garanzija (FAEG — madwar 80 % tal-baġit tal-PAK); kif ukoll

·L-iżvilupp rurali (ŻR), li huwa prinċipalment iffinanzjat permezz tal-Fond Agrikolu Ewropew għall-Iżvilupp Rurali (FAEŻR — l-20 % li jifdal mill-baġit għall-PAK).

Il-FAEG isegwi ċiklu ta’ implimentazzjoni annwali, filwaqt li l-FAEŻR jiffinanzja programmi pluriennali.

It-tendenza tal-irregolaritajiet identifikati u rrappurtati mill-Istati Membri tul dawn l-aħħar ħames snin hija influwenzata minn dawn id-differenzi: L-AD juri tendenza stabbli u kostanti, filwaqt li l-iŻR juri kurvatura li tilħaq l-ogħla livell fl-2015. Analiżi tal-irregolaritajiet tikkonferma li hemm riskju ogħla assoċjat mal-miżuri ta’ appoġġ għas-suq u mal-investimenti fl-iŻR 66 .

4.2.2.1.Irregolaritajiet frodulenti identifikati

Għas-snin ta’ rappurtar mill-2013 sal-2017, il-livell tal-frekwenza tal-frodi (FFL) kien ta’ madwar 11 % u l-livell tal-ammont tal-frodi (FAL) kien ta’ 25 %. Iż-żewġ indikaturi, imma speċjalment il-FAL, kienu ogħla għall-AD milli għall-iŻR.

F’numri assoluti, il-biċċa l-kbira tal-frodi potenzjali individwati affettwaw l-iŻR, iżda l-ammont finanzjarju totali tal-każijiet li jirrigwardaw l-AD kienu ogħla u żdiedu b’mod sinifikanti fl-2017. Il-predominanza tal-AD f’termini finanzjarji kienet dovuta għal ftit każijiet li jikkonċernaw il-miżuri tas-suq u li kienu jinvolvu ammonti kbar ħafna. Madankollu, anke jekk jiġu esklużi dawn il-każijiet eċċezzjonali, l-ammont finanzjarju medju ta’ frodi potenzjali fil-qasam tal-miżuri tas-suq huwa ogħla mill-każijiet tal-iŻR. L-ammont finanzjarju medju tal-frodi potenzjali li tirrigwarda l-pagamenti diretti huwa anqas minn dak tal-każijiet tal-iŻR, u fl-2017 naqas.

Ir-Rata tal-Identifikazzjoni tal-Frodi (FDR - Fraud Detection Rate) kienet ogħla għall-iŻR milli għall-AD kollu kemm hu. Minkejja dan, il-miżuri tas-suq l-aktar li kienu affettwati, b’FDR ta’ 1,17 %. Madankollu, tajjeb li jiġi kkunsidrat li dan huwa influwenzat sew minn ftit każijiet b’ammonti finanzjarji eċċezzjonali. F’termini finanzjarji, il-miżuri tas-suq prinċipali kkonċernati kienu dawk tal-“frott u l-ħaxix”, “il-laħam tal-majjal, il-bajd u l-pollam, it-trobbija tan-naħal u prodotti ta’ annimali oħra” u “prodotti tas-settur vinikolu”. 

Il-proporzjon tal-każijiet magħluqa hija ogħla fl-agrikoltura milli fil-qasam tal-politika ta’ koeżjoni. L-awtoritajiet ġudizzjarji huma inqas inklinati li jħarrku għal reati allegati f’dan is-settur.

Illustrazzjoni 10:    Politika agrikola - fatti u illustrazzjonijiet ewlenin

4.2.2.2.L-identifikazzjoni u r-rappurtar ta’ irregolaritajiet mhux frodulenti

Bħala regola ġenerali, il-mekkaniżmi deskritti fit-taqsima 4.2.2 japplikaw ukoll għal irregolaritajiet mhux irrappurtati bħala frodulenti. L-irregolaritajiet osservati għall-iŻR huma prevalenti kemm numerikament kif ukoll f’termini ta’ ammonti finanzjarji totali. Madankollu, l-ammont finanzjarju medju involut f’każijiet tal-AD huwa ogħla u kompla jogħla fl-2017. Għal darb’oħra, ftit każijiet li kienu jirrigwardaw il-miżuri tas-suq u li kienu jinvolvu ammonti kbar ikkontribwew għal din il-medja ogħla. Madankollu, anke jekk jiġu esklużi dawn il-każijiet eċċezzjonali, l-ammont finanzjarju medju ta’ irregolaritajiet mhux frodulenti fil-miżuri tas-suq tal-2013-2017 huwa xorta ogħla minn dak tal-każijiet tal-iŻR. L-ammont finanzjarju medju ta’ irregolaritajiet mhux frodulenti li jirrigwardaw il-pagamenti diretti huwa anqas minn dak tal-każijiet tal-iŻR u qed jonqos.

Minn fost l-irregolaritajiet mhux frodulenti individwati, irrappurtati u komuni, ksur relatat ma’ talbiet għall-pagament jew evidenza dokumentata huma prevalenti, u hemm bosta rapporti dwar falsifikazzjoni. Madankollu dawn il-każijiet ma humiex ikklassifikati bħala frodulenti 67 . 

Ir-Rata tal-Identifikazzjoni tal-Irregolaritajiet (IDR - Irregularity Detection Rate) kienet ogħla għall-iŻR milli għall-AD kollu kemm hu. Madankolu l-IDR għall-miżuri tas-suq hija ta’ 1,39 %, l-ogħla fil-qasam ta’ politika kollu. Mill-ġdid, din hija influwenzata minn ftit każijiet li jinvolvu ammonti finanzjarji kbar.

Illustrazzjoni 11:    Miżuri tas-suq l-aktar affetwati minn irregolaritajiet (frodulenti u mhux frodulenti)

4.3.Politika ta’ koeżjoni u s-Sajd — politiki, miżuri u riżultati settorjali kontra l-frodi

4.3.1.Politika ta’ koeżjoni u s-Sajd — miżuri tal-Istati Membri kontra l-frodi 

Il-politika ta’ koeżjoni u s-sajd kienu l-aktar oqsma ta’ politiki milquta mill-miżuri li l-Istati Membri adottaw fl-2017.

Tmien pajjiżi rrappurtaw li introduċew ARACHNE fis-sistema ta’ ġestjoni tagħhom, 68 għodod tal-IT fl-akkwist pubbliku, 69 sistema kompjuterizzata ta’ kontabilità 70 jew titjib fis-sistema tal-informazzjoni tal-benefiċjarji 71 . Erbgħa introduċew għodda għall-valutazzjoni tar-riskju tal-frodi 72 jew żviluppaw analiżi tar-riskju speċifilka dwar ir-reati ekonomiċi 73 .

Erba’ pajjiżi adottaw miżuri dwar il-ġestjoni jew ir-rappurtar tal-irregolaritajiet 74 . Tliet miżuri adottati speċifiċi għal fond wieħed 75 . Il-miżuri li fadal kienu jirrigwardaw il-kunflitt ta’ interess, 76 l-introduzzjoni ta’ proċedura ta’ verifika 77 u taħriġ kontra l-frodi 78 .

Illustrazzjoni 12:    Politiki ta’ koeżjoni u tas-sajd - fatti u illustrazzjonijiet ewlenin

4.3.2.Politika ta’ koeżjoni u s-sajd — statistika dwar irregolaritajiet u frodi identifikati

Analiżi tal-politika ta’ koeżjoni hija aktar kumplessa minn dik ta’ setturi baġitarji oħra, għaliex l-informazzjoni li tasal (l-irregolaritajiet irrappurtati) tirrigwarda perjodi ta’ programmar differenti (PPs) irregolati minn ġabriet ta’ regoli parzjalment differenti.

Barra minn hekk, il-fatt li PPs huma sinifikani b’mod pluriennali, jaffettwa x-xejriet sottostanti. Minħabba li s-similaritajiet fil-ġestjoni tal-fondi, is-sajd u l-politika ta’ koeżjoni huma analizzati flimkien.

L-għadd ta’ irregolaritajiet irrappurtati fir-rigward tal-politiki ta’ koeżjoni u tas-sajd laħqu l-ogħla livell fl-2015, f’konformità mal-progress taċ-ċiklu ta’ programmar.

L-irregolaritajiet irrappurtati fl-2017 kienu jirrigwardaw erba’ PPs differenti, bl-akbar proporzjon (94 %) marbut mal-PP 2007-2013 u 570 biss (anqas minn 2 %) mal-PP 2014-2020 79 . F’konformità maċ-ċiklu ta’ implimentazzjoni, ir-rappurtar b’referenza għall-PP 2014-2020 beda bażikament fl-2016 u żdied fl-2017. Xorta ma hemmx biżżejjed data biex issir analiżi sinifikanti.

Peress li l-biċċa l-kbira tal-irregolaritajiet irrappurtati huma marbutin mal-PP 2007-2013, l-analiżi tiffoka prinċipalment fuq dan i-ċiklu ta’ programmar kollu kemm hu.

4.3.2.1.Irregolaritajiet frodulenti identifikati

L-għadd ta’ frodi potenzjali komplew jonqsu bil-mod mill-ogħla livell tal-2015, filwaqt li l-ammonti finanzjarji żdiedu (prinċipalment minħabba irregolaritajiet li huma marbutin mal-PP2002-2013).

Ir-“riċerka u l-iżvilupp teknoloġiku (RTD)” u l-prijoritajiet ta’ “trasport” kienu fost l-aktar affetwati mill-frodi potenzjali. Fir-rigward tal-ewwel, il-ksur tad-dispożizzjonijiet kuntrattwali kien l-aktar ksur irrappurtat fost irregolaritajiet potenzjalment frodulenti u mhux frodulenti. Kien irrappurtat ksur li kien jirrigwarda r-regoli tal-akkwist pubbliku, iżda ftit li xejn bħala frodulenti. Ksur dwar l-etika u l-integrita ftit li xejn kienu rrapurtati, iżda l-biċċa l-kbira kienu kklassifikati bħala frodi potenzjali. B’mod speċifiku, il-biċċa l-kbira kienu jinvolvu kunflitt ta’ interess jew kienu jappartjenu għal kategrija “oħra”.

Illustrazzjoni 13:    Enfasi fuq PP 2007-2013

Rigward il-prijorità “trasport”, ksur relatat ma’ dokumenti ta’ prova kien l-aktar ksur irrappurtat bħala frodi potenzjali. Ksur li jirrigwarda r-regoli tal-akkwist pubbliku kien l-aktar irrappurtat, iżda rari li kien irrappurtat bħala frodi potenzjali. L-oppost kien veru għall-ksur li jirrigwarda l-etika u l-integrità: dan il-ksur kien rari, iżda kollu kien jinvolvi frodi potenzjali. Kien jirrigwarda l-kunflitti ta’ interess, il-korruzzjoni jew “oħrajn”. 

Il-proporzjon tal-frodi stabbilita kien ogħla u l-kwittanzi kienu inqas għall-miżuri ta’ politika ta’ koeżjoni milli għall-agrikoltura.

4.3.2.2.L-identifikazzjoni u r-rappurtar ta’ irregolaritajiet mhux frodulenti

L-għadd ta’ irregolaritajiet mhux frodulenti jsegwi t-tendenza prinċipali enfasizzata hawn fuq. L-ammonti finanzjarji laħqu l-ogħla livell fl-2016 u mbagħad naqsu aktar bil-mod milli min-numru tagħhom. L-ammont finanzjarju medju ogħla li jirriżulta għall-PP 2007-2013 jista’ jkun ir-riżultat ta’ immirar aktar effettiv jew kien sempliċiment aċċidentali.

4.4.Ġestjoni indiretta (qabel l-adeżjoni) — politiki, miżuri u riżultati settorjali kontra l-frodi

4.4.1.Ġestjoni indiretta (qabel l-adeżjoni) — statistika dwar irregolaritajiet u frodi identifikati

L-analiżi tal-irregolaritajiet relatati mal-ġestjoni indiretta tiffoka fuq l-istrumenti ta’ qabel l-adeżjoni.

L-irregolaritajiet irrappurtati għadhom jikkonċernaw żewġ perjodi ewlenin:

·Il-Programmi ta’ Assistenza ta’ Qabel l-Adeżjoni (PAA - pre-accession assistance) tal-2000-2006, biex iħejju għal serje ta’ adeżjonijiet tal-2004 u l-2007, li bil-mod qed jitlestew (fl-2017 ġew irrapportati biss ħames irregolaritajiet li jikkonċernaw EUR 0,1 miljun fir-rigward tal-PAA); kif ukoll

·L-Istrument għall-Assistenza ta’ Qabel l-Adeżjoni (IPA - pre-accession instrument) tal-2007-2013, li n-numru ta’ irregolaritajiet irrappurtati baqa’ kważi l-istess mill-2016 (114, li jirrigwardaw EUR 17,3 miljun).

Fir-rigward tal-PAA, instabet irregolarità waħda biss u ġiet irrappurtata bħala frodulenti. Għall-IPA, l-għadd ta’ irregolaritajiet irrappurtati bħala frodulenti misjuba naqas għal 17 (minn 22 fl-2016), iżda kienu jinvolvu EUR 3,1 miljun (żieda minn EUR 0,7 miljun). Il-qasam ewlieni kkonċernat għadu l-appoġġ għall-iżvilupp rurali.

4.5.Ġestjoni diretta — politiki, miżuri u riżultati settorjali kontra l-frodi

4.5.1.Ġestjoni diretta — statistika dwar irregolaritajiet u frodi identifikati

L-istatistika dwar il-ġestjoni diretta hija bbażata fuq ordnijiet ta’ rkupru maħruġa mid-dipartimenti tal-Kummissjoni li huma rreġistrati fis-sistema tal-kontabilità abbażi tad-dovuti tal-Kummissjoni, (ABAC - accrual-based accounting system).

4.5.1.1.Irregolaritajiet frodulenti identifikati

Fl-2017, l-ABAC irreġistrat 65 oġġett ta’ rkupru kklassifikati bħala frodulenti, 80 li ammontaw għal EUR 7,33 miljun. Meta dawn jitqabblu mal-fondi totali realment żborżati, l-FDR hija 0,03 %, jiġifieri madwar il-medja stabbli ta’ ħames snin.

4.5.1.2.L-identifikazzjoni u r-rappurtar ta’ irregolaritajiet mhux frodulenti

Fir-rigward tal-irregolaritajiet mhux frodulenti, fl-2017 ġew irreġistrati 1 585 oġġett ta’ rkupru li ammontaw għal EUR 64,15 miljun. Matul perjodu ta’ ħames snin, l-IDR baqgħet stabbli għal madwar 0,5 %.

5.Irkupru u miżuri preventivi u korrettivi oħra

Informazzjoni dettaljata dwar irkupru, korrezzjonijiet finanzjarji u miżuri oħra preventivi u korrettivi (interruzzjonijiet u sospensjoni ta’ ħlasijiet) jiġu ppubblikati fir-Rapport annwali dwar il-ġestjoni u l-prestazzjoni (AMPR - Annual management and performance report), li mill-2016 jinkludi l-Komunikazzjoni annwali preċedenti mill-Kummissjoni lill-Parlament Ewropew, lill-Kunsill u lill-Qorti Ewropea tal-Awdituri dwar il-ħarsien tal-baġit tal-UE 81 .

6.Kooperazzjoni mal-Istati Membri

Il-Kumitat Konsultattiv għall-Koordinazzjoni tal-Prevenzjoni ta’ Frodi (COCOLAF) jlaqqa’ flimkien lill-Kummissjoni (OLAF) u lill-esperti tal-Istati Membri. Jipprovdi forum biex jiġu diskussi l-iżviluppi ewlenin fil-ġlieda kontra l-frodi u l-preparazzjoni ta’ dan ir-rapport, kif jobbliga l-Artikolu 325(5) TFUE. Il-ħidma tiegħu hija strutturata madwar erba’ grupi ta’ ħidma u s-sessjoni plenarja (ara Figure 14 ).

Illustrazzjoni 14:    L-istruttura u s-sottogruppi ta’ COCOLAF

Żewġ sottogruppi ppreparaw dokument ta’ gwida fl-2017:

·Sottogrupp għall-irrappurtar u l-analiżi – Manwal dwar ir-rekwiżit li jiġu rrapurtati l-irregolaritajiet, li jipprovdi gwida dwar aspetti komuni tar-rappurtar tal-irregolaritajiet mill-Istati Membri għall-PP 2014-2020; kif ukoll

·Sottogrupp għall-prevenzjoni tal-frodi – Il-frodi fl-akkwist pubbliku - ġabra ta’ senjalazzjonijiet ta’ allarm u l-aħjar prattiki, li jħaddan għadd ta’ każijiet bħala eżempju, senjalazzjonijiet ta’ allarm, soluzzjonijiet u l-aħjar prattiki li huma miġburin tematikament skont il-fażijiet tal-proċedura tal-offerti.

Is-Servizz ta’ Koordinazzjoni Kontra l-Frodi (AFCOS) jiltaqa’ annwalment ippresedut mill-OLAF. Fl-2017, il-kooperazzjoni investigattiva tal-OLAF, b’mod partikolari waqt il-verifiki fuq il-post u l-operazzjonijiet forensiċi diġitali, ġiet diskussa mar-rappreżentanti tal-AFCOS waqt il-laqgħa annwali. Suġġetti oħra għad-diskussjoni kienu jinkludu:

·ir-rwol tal-AFCOSs;

·l-iżviluppi reċenti fil-politika; kif ukoll

·L-użu tal-email tal-AFIS għal korrispondenza relatata ma’ każijiet bejn l-OLAF u l-AFCOSs.

In-Netwerk ta’ Komunikaturi ta’ Kontra l-Frodi tal-OLAF (OAFCN - OLAF Anti-Fraud Communicators’ Network) ilaqqa’ flimkien lill-uffiċjali tal-komunikazzjoni u r-rappreżentanti tas-sħab operazzjonali ta’ OLAF fl-Istati Membri. Għandu rwol ċentrali fil-komunikazzjoni tat-theddid ta’ frodi lill-pubbliku fl-UE, u fl-isforzi konġunti maħmula mill-awtoritajiet nazzjonali u tal-UE biex jiġġilduha.

Fl-2017 OLAF iffirma żewġ arranġamenti amministrattivi ta’ kooperazzjoni biex jiffaċilita l-kooperazzjoni investigattiva mal-Carabinieri u mad-Direzione Nazionale Antimafia e Antiterrorismo tal-Italja.

L-Istati Membri u l-Kummissjoni taw il-fehmiet tagħhom dwar kwistjonijiet ta’ kontra l-frodi f’laqgħat tal-Grupp ta’ Ħidma dwar il-Ġlieda kontra l-Frodi (GAF) tal-Kunsill. Fl-2017 saru erba’ laqgħat tal-GAF: tnejn taħt il-presidenza Maltija u tnejn taħt il-presidenza Estonjana.

7.Sistema ta’ identifikazzoni bikrija u ta’ esklużjoni

Is-Sistema ta’ Identifikazzoni Bikrija u ta’ Esklużjoni (EDES - Early Detection and Exclusion System) għandha l-għan li ssaħħaħ il-protezzjoni tal-interessi finanzjarji tal-UE billi tiżgura:

·l-identifikazzjoni bikrija ta’ operaturi ekonomiċi li jirrappreżentaw riskji għall-interessi finanzjarji tal-UE;

·l-esklużjoni ta’ operaturi ekonomiċi mhux affidabbli milli jiksbu fondi tal-UE u/jew l-impożizzjoni ta’ penali finanzjarja; kif ukoll

·il-pubblikazzjoni, fl-aktar każijiet gravi, fuq is-sit web tal-Kummissjoni ta’ informazzjoni relatata mal-esklużjoni u/jew mal-penali finanzjarja, sabiex jissaħħaħ l-effett ta’ deterrent.

Din is-sistema, li twaqqfet fl-2016, tirrappreżenta titjib sinifikanti fl-applikazzjoni ta’ regoli dwar sanzjonijiet amministrattivi fir-rigward tad-drittijiet fundamentali, l-indipendenza u t-trasparenza. Fin-nuqqas ta’ sentenza finali nazzjonali jew, fejn applikabbli, deċiżjoni amministrattiva finali, l-istituzzjonijiet tal-UE, l-aġenziji, l-uffiċċji u l-korpi jistgħu jiddeċiedu li jimponu sanzjonijiet fuq operaturi mhux affidabbli wara li jirċievu rakkomandazzjoni 82 minn bord interistituzzjonali ċentralizzat biss 83 . 

Il-bord ma għandux setgħat investigattivi. Fil-prinċipju, jibbaża l-valutazjonijiet tiegħu fuq fatti u sejbiet stabbiliti fil-kuntest tal-awditi jew tal-investigazzjonijiet mwettqa mill-Qorti tal-Awdituri, l-OLAF jew awditu intern, jew kull spezzjoni, awditu jew kontroll ieħor mwettqa taħt ir-responsabbiltà tal-uffiċjal kompetenti awtorizzat 84 . Huwa magħmul minn President indipendenti permanenti ta’ livell għoli, 85 żewġ membri li jirrappreżentaw il-Kummissjoni (bħala sid is-sistema) u membru wieħed ad hoc li jirrappreżenta lill-uffiċjal tal-awtorizzazzjoni tas-servizz li jitlob ir-rakkomandazzjoni. Dan jirrispetta d-dritt tad-difiża tal-operatur ekonomiku kkonċernat u japplika l-prinċipju tal-proporzjonalità 86 .

Fl-2017, diversi servizzi ta’ awtorizzazzjoni rreferew lill-bord, permezz tas-segretarjat permanenti, 11-il każ, relatati ma’ 11-il operatur ekonomiku. Minn dawn, 10 kienu mill-Kummissjoni u każ kien impriża konġunta li qed timplimenta sħubija pubblika-privata tal-UE. Dan ir-rapport jkopri ukoll erba’ każijiet oħra irreferuti lis-segretarjat permanenti fl-2016 u li jirrigwardaw erba’ operaturi ekonomiċi, minn mindu ġew ippreżentati lill-bord fl-2017 87 . 

Il-Kummissjoni trid tirrapporta wkoll dwar id-deċiżjonijiet meħuda mill-uffiċjali tal-awtorizzazzjoni rigward 88 :

·li ma jiġux esklużi l-operaturi ekonomiċi sabiex tiġi żgurata l-kontinwità tas-servizz għal perjodu limitat u sakemm jiġu adottati l-miżuri rimedjali mill-operaturi ekonomiċi kkonċernati; kif ukoll

·in-nuqqas ta’ pubblikazzjoni ta’ informazzjoni dwar sanzjonijiet amministrattivi fuq is-sit web tal-Kummissjoni, jew minħabba l-ħtieġa għall-kunfidenzjalità tal-investigazzjonijiet jew minħabba l-ħarsien tal-prinċipju tal-proporzjonalità meta persuna fiżika tkun ikkonċernata.

L-uffiċjali tal-awtorizzazzjoni ma ħadux deċiżjonijiet bħal dawn fl-2017.

8.Segwitu għar-riżoluzzjoni tal-Parlament Ewropew dwar ir-rapport annwali tal-2016 

Fit-3 ta’ Mejju 2018, il-Parlament Ewropew adotta riżoluzzjoni dwar ir-Rapport Annwali dwar il-protezzjoni tal-interessi finanzjarji tal-UE - il-ġlieda kontra l-frodi 89 tal-Kummissjoni. Il-Kummissjoni tilqa’ r-riżoluzzjoni u tinnota r-rikonoxximent tal-Parlament għall-attività tagħha fil-ġlieda kontra l-frodi. Se tkun tista’ tieħu azzjoni dwar bosta kwistjonijiet imqajma fir-riżoluzzjoni, b’mod partikolari fir-rigward tal-kooperazzjoni mill-qrib bejn l-OLAF u l-UPPE. Se tikkummenta fid-dettall dwar ir-riżoluzzjoni fit-tweġiba formali tagħha li se tintbagħat lill-Parlament aktar tard din is-sena.

9.Konklużjonjiet u rakkomandazzjonijiet

Miżuri legali u amministrattivi sabiex jiġu indirizzati l-frodi u l-irregolaritajiet u jiġu mħarsa l-interessi finanzjarji tal-UE għandhom jiġu adattati fuq bażi kontinwa. F’dan ir-rigward, l-2017 kienet sena storika bl-adozzjoni ta’ atti leġiżlattivi li se jiftħu t-triq għal aktar integrazzjoni u konverġenza. Id-differenzi li fadal bejn l-oqfsa legali u amministrattivi nazzjonali jeħtieġu miżuri apposta, bħal dawk adottati f’livell nazzjonali u deskritti f’dan ir-rapport. Madankollu, jistgħu jsiru xi konklużjonijiet u rakkomandazzjonijiet komuni li jitfgħu dawl fuq it-theddid prevalenti u li jieħdu vantaġġ mill-aħjar prattiki li rriżultaw efettivi f’xi pajjiżi jew f’oqsma tal-baġit.

9.1.Dħul

Minkejja tnaqqis ġenerali fl-għadd ta’ irregolaritajiet misjuba, bħal fl-2016, il-pannelli solari importati kienu l-prodotti l-iktar milquta minn frodi u irregolaritajiet f’termini finanzjarji. Ħafna mill-irregolaritajiet li jirrigwardaw il-pannelli solari kienu identifikati wara notifika ta’ għajnuna reċiproka maħruġa mill-OLAF. Dan jenfasizza l-importanza tal-investigazzjonijiet tal-OLAF għall-identifikazzjoni tal-irregolaritajiet fit-tranżazzjonijiet ta’ ċerti tipi ta’ prodotti (pereż. kodiċijiet NM jew dikjarazzjonijiet ta’ oriġini mhux korretti, l-evażjoni tad-dazji antidumping, is-sottovalutar tal-merkanzija ddikjarata).

Il-pajjiżi ta’ oriġini l-aktar milquta minn frodi u irregolaritajiet kienu ċ-Ċina (f’termini ta’ għadd ta’ każijiet) u l-Istati Uniti (f’termini finanzjarji).

L-investigazzjonijiet tal-OLAF enfasizzaw frodi ta’ dħul fuq skala kbira bis-sottovalutazzjoni tal-oġġetti importati fl-UE. Tali frodi tirriżulta f’telf kbir, mhux biss fid-dazji doganali, iżda wkoll fil-VAT evitata 90 . L-investigazzjonijiet tal-OLAF enfasizzaw li l-frodisti se jisfruttaw n-nuqqasijiet kollha u li l-frodi tal-kwantità tista’ tħalli frott.

L-esperjenza tal-OLAF turi li s-sottovalutazzjoni se tibqa’ theddida li għandha tiġi ttrattata fis-snin li ġejjin.

Biex jingħalqu dawn il-lakuni, l-istrateġiji ta’ kontroll tad-dwana li jinvolvu diversi forom ta’ kontrolli huma essenzjali. L-istrateġija ta’ kontroll tad-dwana jenħtieġ li ssib il-bilanċ ġust bejn il-faċilitazzjoni/simplifikazzjoni tal-kummerċ u l-protezzjoni tal-interessi finanzjarji tal-UE.

Rakkomandazzjoni 1

L-Istati Membri huma mistiedna jibqgħu attenti għar-riskju ta’ oġġetti sottovalutati, speċjalment prodotti irħas importati fi kwantitajiet kbar ħafna, bħat-tessuti u ż-żraben.

Biex jissaħħu l-kontrolli doganali, l-Istati Membri huma mitluba jiżguraw li:

·l-istrateġiji jkunu fis-seħħ u jkollhom fil-mira t-tipi kollha ta’ proċeduri doganali u l-operaturi kollha;

·teżisti koordinazzjoni adegwata bejn is-servizzi doganali kollha li jittrattaw l-analiżi tar-riskju u l-kontrolli; il-profili tar-riskju fihom struzzjonijiet ċari u li l-informazzjoni dwar ir-riskju tinqasam ma’ Stati Membri oħra;

·fis-seħħ hemm monitoraġġ mill-qrib tar-riżultati ta’ kontroll (feedback) u segwitu strett tal-istruzzjonijiet ta’ assistenza reċiproka.

Huma mitluba ukoll:

·biex sistematikament jinkludu element aleatorju awtomatizzat u jqisu l-perjodu ta’ preskrizzjoni ta’ tliet snin għall-komunikazzjoni tad-dejn doganali bħala indikatur tar-riskju fl-analiżi tar-riskju ta’ wara r-rilaxx;

·awditi ta’ wara r-rilaxx orjentati fuq ir-riskju u monitoraġġ strett tar-riżultati tagħhom; kif ukoll

·jwettqu kontrolli doganali fuq operazzjonijiet magħmula minn operaturi ekonomiċi awtorizzati filwaqt li titqies il-ġestjoni tar-riskju mwettqa fir-rigward ta’ elementi differenti ta’ dawn l-operazzjonijiet.

Il-Kummissjoni tistieden ukoll lill-awtoritajiet nazzjonali kompetenti biex jużaw sew il-manwal dwar il-kontroll doganali operazzjonali abbażi tal-aħjar prattiki tal-Istati Membri u tal-gwida għall-awditjar doganali.

9.2.Nefqa

L-analiżi f’dan ir-rapport tikkonferma t-tendenzi u x-xejriet prinċipali enfasizzati fis-snin preċedenti.

Ir-rati ta’ detezzjoni għadhom għoljin għall-programmi tar-reġjuni l-anqas żviluppati tal-Ewropa u għas-sajd, u baxxi fir-rigward tal-programmi transfruntiera.

Fl-agrikoltura, il-miżuri għall-appoġġ tas-suq huma affettwati minn għadd limitat ta’ irregolaritajiet li jiswew ferm, li xorta jeħtieġu livell adegwat ta’ attenzjoni.

L-enfasi sejra lejn il-frodi li tkun immirata artifiċjalment biex jinħolqu kundizzjonijiet biex ikun hemm aċċess għall-fondi. Diversi Stati Membri rrappurtaw miżuri speċifiċi f’dan ir-rigward.

Għalkemm anqas irregolaritajiet u frodi ġew irrappurtati fl-2017, l-ammonti finanzjarji medji żdiedu, li juri li l-kontrolli huma mmirati aħjar.

Analiżi tar-riskju, tips minn informanti jew informaturi, jew informazzjoni mill-midja jista’ jkollhom rwol li jtejjeb l-immirar, speċjalment peress li jidher li l-użu tagħhom ma huwiex daqshekk mifrux. Informazzjoni minn inkjesti ġudizzjarji wasslet biex jinkixfu xi irregolaritajiet mhux frodulenti li jinvolvu amonti finanzjarji medji għoljin. L-istess jgħodd għall-kontrolli li bdew minħabba informazzjoni / talbiet minn korp tal-UE jew irregolaritajiet identifikati minnu.

Rakkomandazzjoni 2

L-Istati Membri huma mistiedna:

·jisfruttaw aktar il-potenzjal tal-analiżi tar-riskju, filwaqt li jadattaw l-approċċ għal tipi differenti ta’ nefqa u jieħdu vantaġġ mill-aħjar prattiki u mill-elementi ta’ riskju enfasizzati f’dan ir-rapport;

·jiffaċilitaw u jivvalutaw ir-rappurtar spontanju ta’ irregolaritajiet potenzjali u jsaħħu l-protezzjoni ta’ informaturi li huma sors importanti għall-ġurnaliżmu investigativ; 91 kif ukoll

·Jippromwovu kooperazzjoni sistematika u puntwali bejn l-awtoritajiet ġudizzjarji u aministrattivi.

Dawn il-miżuri kollha jkollhom impatt ikbar jekk ikunu mwaħħdin ma’ strateġija nazzjonali kontra l-frodi.

9.3.Kooperazzjoni f’kull livell

Ir-rakkomandazzjonijiet ta’ hawn fuq huma mmirati li jsaħħu tendenza, f’termini ta’ politika u inizjattivi leġiżlattivi, li diġà hija viżibbli f’diversi Stati Membri u li hija appoġġata mill-analiżi ppreżentata f’dan ir-rapport.

L-użu korrett u mmirat tad-data u l-informazzjoni huwa effettiv sabiex tintensifika l-ġlieda kontra l-frodi u sabiex jinżamm il-pass mal-aspettativi tas-soċjetà ċivili. Iċ-ċittadini Ewropej mhux biss jħarsu lejn pajjiżhom, iżda kull ma jmur jiġġudikaw is-suċċess tal-proġett tal-Ewropa abbażi ta’ x’jiġri fi Stati Membri oħra.

Madankollu, id-data u l-informazzjoni meħtieġa ħafna drabi jkunu mifruxin għand diversi awtoritajiet. Il-kooperazzjoni f’livell nazzjonali u ta’ UE hija essenzjali.

Il-kooperazzjoni bejn investigazzjonijiet ġudizzjarji u aministrattivi diġà uriet kemm hija ċentrali biex tiġi miġġielda l-frodi b’mod effiċenti u effikaċi.

Fil-livell ta’ istituzzjoni tal-Unjoni, il-Kummissjoni se tiżgura li OLAF b’saħħtu u kompletament funzjonanti jkun jikkumplimenta l-approċċ tal-liġi kriminali tal-UPPE fl-investigazzjonijiet amministrattivi.

ANNESS 1 — Irregolaritajiet irrappurtati bħala frodulenti fl-2017

L-għadd ta’ irregolaritajiet irrappurtati bħala frodulenti juri r-riżultati tax-xogħol tal-Istati Membri biex jikkumbattu l-frodi u l-attivitajiet illegali oħra li jaffettwaw l-interessi finanzjarji tal-UE. Iċ-ċifri ma għandhomx ikunu interpretati li jindikaw il-livell ta’ frodi fit-territorji tal-Istati Membri. Dan l-anness ma jkoprix il-pajjiżi mhux tal-UE (ta’ qabel l-adeżjoni) jew in-nefqa diretta.

ANNESS 2 — Irregolaritajiet mhux irrappurtati bħala frodulenti fl-2017

Dan l-anness ma jkoprix il-pajjiżi mhux tal-UE (ta’ qabel l-adeżjoni) jew in-nefqa diretta.

ANNESS 3 — Lista ta’ Dokumenti ta’ Ħidma tal-Persunal Akkumpanjanti

1.Implimentazzjoni tal-Artikolu 325 mill-Istati Membri fl-2017 (SWD(2018) 384)

2.Evalwazzjoni statistika tal-irregolaritajiet irrappurtati għall-oqsma tar-riżorsi proprji, ir-riżorsi naturali, il-politika ta’ koeżjoni u l-assistenza ta’ qabel l-adeżjoni u n-nefqa diretta (SWD(2018) 386 – parti 1 u 2)

3.Segwitu tar-rakkomandazzjonijiet tar- rapport tal-Kummissjoni dwar protezzjoni tal-interessi finanzjarji tal-UE — il-ġlieda kontra l-frodi, 2016 (SWD(2018) 383)

4.Sistema ta’ Identifikazzjoni Bikrija u Esklużjoni (EDES) — Bord imsemmi fl-Artikolu 108 tar-Regolament Finanzjarju (SWD(2018) 382)

5.Ħarsa ġenerali annwali b’informazzjoni dwar ir-Riżultati tal-Programm Hercule III fl-2017 (SWD(2018) 381)

6.Valutazzjoni tal-implimentazzjoni tal-Artikolu 43b tar-Regolament (KE) Nru 515/97 (SWD(2018) 385)

(1)    (i) Implimentazzjoni tal-Artikolu 325 mill-Istati Membri fl-2017;    
(ii) Evalwazzjoni statistika tal-irregolaritajiet irrappurtati għall-oqsma tar-riżorsi proprji, ir-riżorsi naturali, il-politika ta’ koeżjoni u l-assistenza ta’ qabel l-adeżjoni u n-nefqa diretta;    
(iii) Segwitu tar-rakkomandazzjonijiet għar- rapport tal-Kummissjoni dwar il-protezzjoni tal-interessi finanzjarji tal-UE — il-ġlieda kontra l-frodi, 2016;    
(iv) Sistema ta’ Detezzjoni Bikrija u Esklużjoni (EDES - Early Detection and Exclusion System) — Bord imsemmi fl-Artikolu 108 tar-Regolament Finanzjarju;    
(v) Ħarsa ġenerali annwali b’informazzjoni dwar ir-Riżultati tal-Programm Hercule III fl-2017; kif ukoll    
(vi) Valutazzjoni tal-implimentazzjoni tal-Artikolu 43b tar-Regolament (KE) Nru 515/97.

(2)      Id-Direttiva (UE) 2017/1371 tal-Parlament Ewropew u tal-Kunsill tal-5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali, ĠU L 198, 28.7.2017, p. 29–41. 

(3)      Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1).

(4)    L-Att tal-Kunsill tas-26 ta’ Lulju (ĠU C 316, 27.11.1995, p. 48).

(5)       http://europa.eu/rapid/press-release_IP-17-1550_en.htm      In-Netherlands (fl-14 ta’ Mejju 2018) u Malta (fl-14 ta’ Ġunju 2018) formalment innotifikaw lill-Kummissjoni bl-intenzjoni tagħhom li jingħaqdu mal-UPPE u, f’konformità mal-Artikolu 331 TFUE, il-Kummissjoni attwalment qed tipprepara d-Deċiżjonijiet li jikkonfermaw il-parteċipazjoni ta’ dawn l-Istati Membri.

(6)      Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).

(7)      Rapport tal-Kummissjoni lill-Parlament Ewropew u lill-Kunsill dwar l-Evalwazzjoni tal-applikazzjoni tar-Regolament (UE, Euratom) Nru 883/2013 (COM(2017) 589);    
http://eur-lex.europa.eu/legal-content/EN/TXT/?uri=COM:2017:589:FIN  
u l-SWD(2017) 332 li jakkumpanjah;    
http://eur-lex.europa.eu/legal-content/EN/TXT/PDF/?uri=SWD:2017:332:FIN&from=EN .    Ir-rapport kien appoġġat minn studju indipendenti (Evalwazzjoni tal-applikazzjoni tar-Regolament (UE, Euratom) Nru 883/2013 dwar l-investigazzjonijiet mwettqa mill-Uffiċċju Ewropew Kontra l-Frodi ) u kien ibbażat fuq konsultazzjoni wiesgħa ma’ partijiet ikkonċernati, inkluża konferenza li kienet tinvolvi 250 parteċipant min firxa wiesgħa ta’ gruppi ta’ partijiet ikkonċernati. Kien hemm ukoll miegħu l-Opinjoni 2/2017 tal-Kumitat Superviżorju tal-OLAF;    
http://europa.eu/supervisory-committee-olaf/sites/default/files/opinion_2_2017.pdf ).

(8)       https://ec.europa.eu/info/publications/2017-european-semester-country-reports_en

(9)     https://ec.europa.eu/info/publications/2017-european-semester-country-specific-recommendations-commission-recommendations_en

(10)      ISFP-2017-AG-CORRUPT.

(11)       http://www.epac-eacn.org/downloads/declarations/doc_view/167-lisbon-declaration-2017

(12)    Proposta għal Regolament tal-Parlament Ewropew u tal-Kunsill dwar regoli finanzjarji applikabbli għall-baġit ġenerali tal-Unjoni u li temenda r-Regolament (KE) Nru 2012/2002, ir-Regolamenti (UE) Nru 1296/2013, (UE) 1301/2013, (UE) Nru 1303/2013, (UE) Nru 1304/2013, (UE) Nru 1305/2013, (UE) Nru 1306/2013, (UE) Nru 1307/2013, (UE) Nru 1308/2013, (UE) Nru 1309/2013, (UE) Nru 1316/2013, (UE) Nru 223/2014,(UE) Nru 283/2014, (UE) Nru 652/2014 tal-Parlament Ewropew u tal-Kunsill u d-Deċiżjoni Nru 541/2014/UE tal-Parlament Ewropew u tal-Kunsill (COM(2016) 605).

(13)      Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002, (ĠU L 298, 26.10.2012, p.1), li ġie emendat l-aħħar bir-Regolament (UE, Euratom) Nru 2015/1929 tal-Parlament Ewropew u tal-Kunsill tat-28 ta’ Ottubru 2015, (ĠU L 286, 30.10.2015, p. 1).

(14)      Ir-Regolament (UE) 2017/2393 tal-Parlament Ewropew u tal-Kunsill tat-13 ta’ Diċembru 2017 li jemenda r-Regolamenti (UE) Nru 1305/2013 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR), (UE) Nru 1306/2013 dwar il-finanzjament, il-ġestjoni u l-monitoraġġ tal-politika agrikola komuni, (UE) Nru 1307/2013 li jistabbilixxi regoli għal pagamenti diretti lill-bdiewa taħt skemi ta’ appoġġ fil-qafas tal-politika agrikola komuni, (UE) Nru 1308/2013 li jistabbilixxi organizzazzjoni komuni tas-swieq fi prodotti agrikoli u (UE) Nru 652/2014 li jistabbilixxi dispożizzjonijiet għall-ġestjoni tan-nefqa marbuta mal-katina alimentari, mas-saħħa tal-annimali u mat-trattament xieraq tal-annimali, u marbuta mas-saħħa tal-pjanti u mal-materjal riproduttiv tal-pjanti (ĠU L 350, 29.12.2017, p. 15).

(15)      Mal-Ispettorat tal-Finanzi Ġenerali tat-Tuneżija u mal-pulizija tal-Kosovo* rispettivament. * Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244 (1999) u l-Opinjoni tal-QIĠ dwar id-dikjarazzjoni tal-indipendenza tal-Kosovo.

(16)    COM(2011) 376 final.

(17)    Ir-Regolament (UE) Nru 250/2014 tal-Parlament Ewropew u tal-Kunsill tas-26 ta’ Frar 2014 li jistabbilixxi programm għall-promozzjoni ta’ attivitajiet fil-qasam tal-protezzjoni tal-interessi finanzjarji tal-Unjoni Ewropea (il-programm Erkole III) u li jħassar id-Deċiżjoni Nru 804/2004/KE (ĠU L 84, 20.3.2014, p. 6).

(18)    Id-Deċiżjoni tal-Kummissjoni C(2017) 1120 final tat-22 ta’ Frar 2017.

(19)      Għal dettalji ara l-SWD msemmija fin-nota 1 ta’ qiegħ il-paġna, il-punt (v).

(20)      Il-kawża C-436/15, Talba għal deċiżjoni preliminari skont l-Artikolu 267 TFUE mill-Lietuvos vyriausiasis administracinis teismas (il-Qorti Amministrattiva Suprema tal-Litwanja), permezz tad-deċiżjoni tal-10 ta’ Lulju 2015, li waslet il-Qorti fl-10 ta’ Awwissu 2015, fil-proċedimenti ta’ Lietuvos Respublikos aplinkos ministerijos Aplinkos projektų valdymo agentūra vs “Alytaus regiono atliekų tvarkymo centras” UAB, sentenza tal-Qorti (it-Tielet Awla), il-15 ta’ Ġunju 2017.;    
    http://curia.europa.eu/juris/document/document.jsf?text=&docid=191811&pageIndex=0&doclang=EN&mode=lst&dir=&occ=first&part=1&cid=120020  

(21)      Il-kawża C-584/15 Glencore Céréales France vs Établissement national des produits de l’agriculture et de la mer (FranceAgriMer), sentenza tal-Qorti (ir-Raba’ Awla), it-2 ta’ Marzu 2017;    
    http://curia.europa.eu/juris/document/document.jsf;jsessionid=9ea7d0f130de433267059163433db6acf2f7ed8ab2e8.e34KaxiLc3eQc40LaxqMbN4Pb38Me0?text=&docid=188526&pageIndex=0&doclang=EN&mode=lst&dir=&occ=first&part=1&cid=119378  

(22)      Il-kawża C-42/17, Talba għal deċiżjoni preliminari skont l-Artikolu 267 TFUE mill-Corte costituzionale (il-Qorti Kostituzzjonali, l-Italja), permezz tad-deċiżjoni tat-23 ta’ Novembru 2016, li waslet il-Qorti fis-26 ta’ Jannar 2017, fil-proċedimenti kriminali kontra M.A.S., M.B., sentenza tal-Qorti (l-Awla Manja), il-5 ta’ Diċembru 2017;    
    http://curia.europa.eu/juris/document/document.jsf;jsessionid=9ea7d0f130dee23bf505dd284bfca15ec6074b29881b.e34KaxiLc3eQc40LaxqMbN4Pb38Me0?text=&docid=197423&pageIndex=0&doclang=EN&mode=lst&dir=&occ=first&part=1&cid=122561  

(23)      Skont it-tifsira tal-Artikolu 3(1) tar-Regolament (KE, Euratom) Nru 2988/95.

(24)      Il-kawża C-42/17 M.A.S., il-paragrafu 35, li tirreferi għas-sentenza ta’Taricco (il-Kawża C-105/14);    
    http://curia.europa.eu/juris/document/document.jsf?text=&docid=167061&pageIndex=0&doclang=en&mode=lst&dir=&occ=first&part=1&cid=124335  

(25)    Il-miżuri rrappurtati huma analizzati fid-dettall fl-SWD imsemmi fin-nota 1 ta’ qiegħ il-paġna, il-punt (i).

(26)      Xi wħud minn dawn kienu parti minn pakkett li jinkludi pereżempju miżuri leġiżlattivi, amministrattivi, operattivi jew organizzattivi, adottati flimkien biex fl-istruttura istituzzjonali ta’ pajjiż jiġu applikati f’livelli differenti. Dan itella’ t-total ta’ miżuri rrappurtati għal 111.

(27)    il-Bulgarija, il-Kroazja, ir-Repubblika Ċeka, Franza, il-Greċja, l-Ungerija, l-Italja, il-Latvja, Malta u s-Slovakkja. Ir-Rumanija kellha NAFS fl-imgħoddi, iżda llum għadda żmienha.

(28)    Ir-Repubblika Ċeka, Spanja, Malta, l-Estonja, Ċipru, u r-Rumanija.

(29)      Għalkemm l-Istati Membri ma jiddefinixxux b’mod espliċitu dawn il-miżuri bħala trasversali, huwa f’din it-taqsima li l-aħjar li jissemmew.

(30)      Ir-Renju Unit ma pprovda l-ebda informazzjoni rigward is-segwitu għar-rakkomandazzjonijiet.

(31)      Analiżi ddettaljata tar-risposti tinsab fl-SWD imsemmi fin-nota 1 ta’ qiegħ il-paġna, il-punt (i).

(32)    Għal analiżi ddettaljata tal-irregolaritajiet irrappurtati, ara l-SWD imsemi fin-nota 1 f’qiegħ il-paġna, il-punt (ii).

(33)      Dan l-indikatur huwa l-livell tal-frekwenza tal-frodi (FFL - fraud frequency level). Ara t-taqsima 2.3.2 tad-dokument ta’ ħidma tal-persunal tal-Kummissjoni Methodology regarding the statistical evaluation of reported irregularities for 2015 (Metodoloġija fir-rigward tal-evalwazzjoni statistika tal-irregolaritajiet irrappurtati għall-2015) (SWD(2016) 237 final).

(34)    Dan l-indikatur huwa l-livell tal-ammont tal-frodi (FAL - fraud amount level). Ara t-taqsima 2.3.3 tad-dokument imsemmi fin-nota ta’ qiegħ il-paġna 33.

(35)       https://ec.europa.eu/anti-fraud/about-us/reports/olaf-report_en  

(36)      Fl-2017, bħal fis-snin preċedenti, l-OLAF kompla jittratta għadd relattivament għoli ta’ każijiet relatati mal-Parlament Ewropew. Filwaqt li ħafna mill-investigazzjonijiet għadhom għaddejjin, il-każijiet tal-2017 kienu ġeneralment jinvolvu użu ħażin tal-fondi tal-Parlament Ewropew biex jiġu appoġġati l-attivitajiet tal-partiti nazzjonali. Dawn il-każijiet ġew irreġistrati tħat il-kategorija “staff tal-UE”. Ara r-rapport OLAF 2017 (nota f’qiegħ il-paġna 35, il-paġna 23).

(37)    Ir-Regolament (UE) Nru 2015/1525 tal-Parlament Ewropew u tal-Kunsill tad-9 ta’ Settembru 2015 li jemenda r-Regolament tal-Kunsill (KE) Nru 515/97 dwar għajnuna reċiproka bejn l-awtoritajiet amministrattivi tal-Istati Membri u l-kooperazzjoni bejn dawn tal-aħħar u l-Kummissjoni biex ikun assigurat l-applikar korrett tal-liġi dwar materji doganali u agrikoli (ĠU L 243, 18.9.2015, p. 1).

(38)    ĠU L 82, 22.3.1997, p. 1.

(39)      Ara COM(2017) 383 final, it-taqsima 3.1.1.2.

(40)      Għal aktar dettalji ara l-SWD msemmi fin-nota 1 ta’ qiegħ il-paġna, il-punt (vi).

(41)      COM(2017) 235 final.

(42)      COM(2013) 324 final.

(43)      Dokument tal-Kunsill 15638/17.

(44)      Pjan ta’ azzjoni dwar il-VAT: lejn Żona Unika tal-VAT tal-UE - iż-żmien li tittieħed deċiżjoni, Komunikazzjoni mill-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew (COM (2016) 148).

(45)      Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

(46)      B’mod partikolari n-Netherlands fir-rigward tal-prodotti tessili.

(47)      Il-Portugall.

(48)      Il-Finlandja.

(49)      Il-Belġju.

(50)      L-Italja.

(51)      Id-Danimarka.

(52)      Spanja.

(53)      Is-Slovenja.

(54)      Il-Ġermanja u l-Greċja.

(55)      Franza.

(56)    Għal informazzjoni dwar l-irkupru tal-ammonti TOR affettwati minn frodi u irregolaritajiet, ara l-SWD imsemmi fin-nota 1 ta’ qiegħ il-paġna, il-punt (ii).

(57)      Il-FSIE jkopru fil-biċċa l-kbira l-politiki agrikoli, tas-sajd u ta’ koeżjoni.

(58)      Għal prospett sħiħ ara l-paragrafu 5.1 tal-SWD msemmi fin-nota 1 ta’ qiegħ il-paġna, il-punt (i).

(59)      Il-Ġermanja, il-Litwanja u Ċipru.

(60)      L-Ungerija.

(61)      Is-Slovakkja.

(62)      In-Netherlands.

(63)      L-Awstrija.

(64)      Il-Lussemburgu.

(65)      Il-Polonja.

(66)      L-evalwazzjonijiet kollha ppreżentati f’din it-taqsima huma bbażati fuq is-sejbiet deskritti fil-Kapitolu 3 tal-SWD msemmi fin-nota 1 ta’ qiegħ il-paġna, il-punt (ii).

(67)      Din is-sitwazzjoni tirrigwarda prinċipalment l-Italja. Dawn l-irregolaritajiet jistgħu jiġu riklassifikati fi stadju aktar tard, u approċċ bħal dan jista’ jkun marbut ma’ fażi preliminari ta’ investigazzjonijiet li jkunu għaddejjin.

(68)      Il-Belġju, il-Bulgarija, il-Lussemburgu, in-Netherlands u r-Renju Unit.

(69)      Il-Polonja.

(70)      Is-Slovenja.

(71)      Il-Finlandja.

(72)      Il-Ġermanja, Ċipru u l-Lussemburgu.

(73)      L-Iżvezja.

(74)      Il-Bulgarija, il-Kroazja, id-Danimarka u Malta.

(75)      Il-Ġermanja (ESF), l-Irlanda (ESF) u l-Italja (EMFF).

(76)      Il-Belġju.

(77)      L-Awstrija.

(78)      Il-Finlandja.

(79)      L-evalwazzjonijiet kollha ppreżentati f’din it-taqsima huma bbażati fuq is-sejbiet deskritti fil-Kapitolu 4 tal-SWD msemmi fin-nota 1 ta’ qiegħ il-paġna, il-punt (ii).

(80)    Imsemmija fis-sistema bħala każijiet “innotifikati mill-OLAF”.

(81)    L-AMPR huwa parti mill-pakkett tar-rapportar finanzjarju integrat tal-baġit tal-UE, (COM(2018) 457 final). . Informazzjoni dwar l-irkupru min-naħa tad-dħul tingħata wkoll fid-Dokument ta’ Ħidma tal-Persunal tal-Kummissjoni “Evalwazzjoni statistika tal-irregolaritajiet irrappurtati fl-2017”.

(82)      Għas-sitwazzjonijiet imsemmija fl-Artikolu 106(1)(c) sa (f) tar-Regolament Finanzjarju (jiġifieri mġiba ħażina professjonali gravi, frodi, ksur serju ta’ obbligazzjonijiet kuntrattwali, jew irregolaritajiet).

(83)      jiġifieri l-bord li hemm referenza għalih fl-Artikolu 108(5) sa (10) tar-Regolament Finanzjarju.

(84)      L-uffiċjal tal-awtorizzazzjoni jista’ jkun ta’ istituzzjoni, aġenzija, uffiċċju jew korp ieħor tal-UE.

(85)      Il-president ikollu viċi indipendenti permanenti ta’ livell għoli.

(86)    Għal aktar informazzjoni dwar il-bord, in-nota 1 ta’ qiegħ il-paġna, il-punt (v) tal-SWD.

(87)      Mit-30 ta’ Ġunju 2018, il-bord ħareġ 31 rakkomandazzjoni. Għal aktar dettalji ara n-nota 1 ta’ qiegħ il-paġna, il-punt (v) tal-SWD u l-annessi tiegħu.

(88)      Data mogħtija fl-SWD, in-nota 1 f’qiegħ il-paġna, il-punt (v).

(89)      2017/2216(INI)    
http://www.europarl.europa.eu/sides/getDoc.do?type=TA&reference=P8-TA-2018-0196&language=EN  

(90)      Ara t-taqsima 2.5.3 u r-Rapport ta’ OLAF 2017, paġni 26-27.

(91)      Ara l-Komunikazzjoni tal-Kummissjoni t-Tisħiħ tal-protezzjoni tal-informaturi fil-livell tal-UE, lill-Parlament Ewropew, lill-Kunsill u lill-Kumitat Ekonomiku u Soċjali Ewropew (COM(2018) 214 final) u l-proposta għal Direttiva dwar il-protezzjoni ta’ persuni li jirrappurtaw ksur tad-dritt tal-Unjoni (COM(2018) 218 final).