1.

Il-politika tal-Unjoni dwar l-ambjent għandha tikkontribwixxi għas-salvagwardja, il-ħarsien u t-titjib tal-kwalità tal-ambjent; għall-ħarsien tas-saħħa tal-bniedem; għall-użu għaqli u razzjonali tar-riżorsi naturali; għall-promozzjoni ta' miżuri fil-livell internazzjonali sabiex jittrattaw problemi ambjentali reġjonali jew globali, u b'mod partikolari li jiġġieldu l-bidla fil-klima.

(L-Artikolu 191 TFUE)

2.

Il-politika tal-Unjoni dwar l-industrija għandha tiżgura li jeżistu l-kundizzjonijiet neċessarji għall-kompetittività tal-industrija tal-Unjoni billi tħaffef l-adattament tal-industrija għal bidliet strutturali, tinkoraġġixxi ambjent favorevoli għall-inizjattiva u għall-iżvilupp ta' u l-kooperazzjoni bejn l-impriżi, tikkultiva l-isfruttament aħjar tal-potenzjal industrijali tal-politiki ta’ innovazzjoni, riċerka u żvilupp teknoloġiku. L-Istati Membri għandhom jikkonsultaw ma' xulxin b'konnessjoni mal-Kummissjoni u, fejn meħtieġ, għandhom jikkoordinaw l-azzjoni tagħhom. Il-Kummissjoni tista' tieħu kull inizjattiva utli sabiex tippromwovi dik il-koordinazzjoni, b'mod partikolari inizjattivi li jimmiraw li jistabbilixxu linji gwida u indikaturi, li jorganizzaw l-iskambju tal-aħjar prattika, u li jħejju l-elementi meħtieġa għall-monitoraġġ u l-valutazzjonijiet perjodiċi. Il-Parlament Ewropew għandu jinżamm kompletament infurmat.

(L-Artikolu 173 TFUE)

3.

Il-politika tal-Unjoni fil-qasam tal-enerġija għandha timmira li tassigura l-funzjonament tas-suq tal-enerġija; tassigura s-sigurtà tal-provvista tal-enerġija fl-Unjoni; tippromwovi l-effiċjenza fl-enerġija u l-iffrankar fl-użu tal-enerġija kif ukoll l-iżvilupp ta’ forom ta’ enerġija ġodda u rinnovabbli; tippromwovi l-interkonnessjoni ta’ netwerks tal-enerġija.

(L-Artikolu 194(1) TFUE)

4.

L-Unjoni għandha jkollha l-objettiv li ssaħħaħ is-sisien xjentifiċi u teknoloġiċi tagħha billi tistabbilixxi żona ta' riċerka Ewropea li fiha r-riċerkaturi, l-għarfien xjentifiku u t-teknoloġiji jiċċirkolaw liberament, u li tinkoraġġixxi l-iżvilupp tal-kompetittivita tagħha u tal-industrija tagħha. […],. Għal dan l-għan l-Unjoni għandha tinkoraġġixxi […] lill-impriżi inklużi l-impriżi ta' daqs żgħir u medju, liċ-ċentri ta' riċerka u lill-universitajiet fl-attivitajiet tagħhom ta' riċerka u żvilupp teknoloġiku ta' livell għoli; għandha wkoll tappoġġa l-isforzi tagħhom li jikkooperaw ma' xulxin, u timmira fuq kollox li tippermetti lir-riċerkaturi li jikkooperaw liberament lil hinn mill-fruntieri u lill-impriżi li jisfruttaw il-potenzjal kollu tas-suq intern, speċjalment [...] bid-definizzjoni ta' standards komuni u bit-tneħħija ta' xkiel legali u fiskali għal dik il-kooperazzjoni. […]

Filwaqt li tfittex li tikseb dawn l-għanijiet, l-Unjoni għandha twettaq dawn l-attivitajiet li ġejjin, li jikkomplementaw l-attivitajiet li jsiru fl-Istati Membri: (a) l-implimentazzjoni ta' programmi ta' riċerka, ta' żvilupp teknoloġiku u ta' dimostrazzjoni, billi ssaħħaħ il-kooperazzjoni ma' u bejn l-impriżi, ċentri ta' riċerka u universitajiet, (b) il-promozzjoni ta' kooperazzjoni ma' pajjiżi terzi u organizzazzjonijiet internazzjonali fl-oqsma tar-riċerka, l-iżvilupp teknoloġiku u d-dimostrazzjoni tal-Unjoni, (c) id-disseminazzjoni u l-valorizzazzjoni tar-riżultati ta' attivitajiet fir-riċerka, l-iżvilupp teknoloġiku u d-dimostrazzjoni tal-Unjoni, (d) l-istimulazzjoni tat-taħriġ u l-mobbiltà tar-riċerkaturi fl-Unjoni.

(L-Artikoli 179 u 180 TFUE)

5.

Il-Parlament Ewropew u l-Kunsill, li jaġixxu skont il-proċedura leġiżlattiva ordinarja u wara konsultazzjoni mal-Kumitat Ekonomiku u Soċjali, għandhom jistabbilixxu […] d-dispożizzjonijiet l-oħra meħtieġa għall-kisba tal-objettivi […] tal-politika komuni tas-sajd.

(L-Artikolu 43(2) TFUE).

(a)

Il-Programm għall-Kompetittività tal-Intrapriżi u l-SMEs (COSME) 2014-2020

(b)

Il-Programm għall-Ambjent u l-Azzjoni Klimatika (LIFE) 2014-2020

(c)

Il-Fond Ewropew għall-Affarijiet Marittimi u s-Sajd (FEMS) inkluża l-Politika Marittima Integrata (PMI), Kontroll u Pariri u Għarfien Xjentifiċi;

(d)

Il-Programm Qafas għar-Riċerka u l-Innovazzjoni 2014-2020 (Orizzont 2020) – il-partijiet tal-“Parti II – Tmexxija Industrijali” u l-“Parti III Sfidi tas-soċjetà”.

(a)

il-ġestjoni tal-istadji kollha jew xi wħud minnhom tal-implimentazzjoni tal-programmi u l-fażijiet kollha jew xi wħud minnhom tul il-ħajja tal-proġetti speċifiċi abbażi tal-programmi ta’ ħidma rilevanti adottati mill-Kummissjoni, fejn il-Kummissjoni tkun tatha s-setgħa li tagħmel dan fl-istrument tad-delega;

(b)

l-adozzjoni tal-istrumenti għall-eżekuzzjoni tal-baġit għad-dħul u l-infiq ta’ finanzi u t-twettiq tal-operazzjonijiet kollha meħtieġa għall-ġestjoni tal-programm, fejn il-Kummissjoni tkun tatha s-setgħa li tagħmel dan fl-istrument tad-delega;

(c)

il-provvediment ta’ sostenn fl-implimentazzjoni tal-programm fejn il-Kummissjoni tkun tatha s-setgħa li tagħmel dan fl-istrument tad-delega.

—

għall-COSME EUR 95,0 miljun,

—

għall-H2020 EUR 695,7 miljun,

—

għall-FEMS EUR 34,6 miljun,

—

għal-LIFE EUR 229,9 miljun,

—

għall-IEE EUR 1,3 (91,9) miljun,

—

għall-Ekoinnovazzjoni tal-EIP EUR 0 (33,1) miljun,

—

għan-Netwerks tal-EIP EUR 0 (51,2) miljun,

—

għall-MP EUR 0 (66,8) miljun.

—

Total tal-persunal: 308 postijiet ippjanati, li minnhom 283 okkupati (163 ippjanati, 161 okkupati),

—

Postijiet għall-Aġenti Temporanji (AT): 77 ippjanati, li minnhom 61 okkupati (37 ippjanati, 35 okkupati),

—

Persunal kuntrattwali: 231 post ippjanat, li minnhom 222 okkupati (126 ippjanati, 126 okkupati).

—

Kompetittività tal-Intrapriżi u l-SMEs (COSME)

—

Programm għar-Riċerka u l-Innovazzjoni (Orizzont 2020) fl-oqsma li ġejjin: l-enerġija, l-ambjent u r-riżorsi

—

Programm għall-Ambjent u l-Azzjoni Klimatika (LIFE)

—

Fond Ewropew għall-Affarijiet Marittimi u s-Sajd (FEMS)

—

Il-partijiet li ġejjin mill-programm Kwadru għall-Kompetittività u l-Innovazzjoni: il-programmi Enerġija Intelliġenti-Ewropa (IEE) u Ekoinnovazzjoni.

—

Il-COSME kien wieħed mill-programmi l-ġodda ddelegati lill-EASME fl-2014.

—

L-attivitajiet ta’ komunikazzjoni u disseminazzjoni huma l-qalba tal-attivitajiet tal-COSME. Bħala eżempju, l-EASME organizzat f’kollaborazzjoni mal-Kamra tal-Kummerċ ta' Turin (sieħeb tan-netwerk) konferenza annwali li attirat aktar minn 700 parteċipant u, b'riżultat tal-2  000 laqgħa tan-negozju informali u formali, 192 opportunità ta’ negozju potenzjali ġew identifikati.

—

Fl-2014, l-EASME ppubblikat erba’ sejħiet għal proposti taħt l-Innovazzjoni tal-H2020 “Innovation in SMEs”(Innovazzjoni fl-SMEs) u żewġ sejħiet oħra “Capitalising the full potential of on-line collaboration” (Kapitalizzar tal-potenzjal sħiħ tal-kollaborazzjoni online) u “Cluster facilitated projects for new industrial chains” (Proġetti ffaċilitati mir-raggruppamenti għal katini industrijali ġodda) b'dati ta' skadenza f’Marzu u April fl-2015.

—

It-tnedija tal-istrument ġdid tal-SMEs, li huwa sejħa miftuħa kontinwament, kienet suċċess kbir billi l-Aġenzija rċeviet aktar minn 8  000 applikazzjoni għal erba’ dati limitu. L-ideat kummerċjali magħżula jimmiraw li jintroduċu prodotti, proċessi u servizzi ġodda.

—

Il-programm jipprevedi kowċjar għall-benefiċjarji. Il-missjoni tal-kowċjar ġiet definita u l-istarter kits ta' metodoloġija ġew prodotti. Il-Maniġers Ewlenin tal-Kontijiet jgħinu lill-benefiċjarji tal-istrument tal-SMEs jiddefinixxu l-prijoritajiet ta’ kowċjar tagħhom u jipproponu kowċ wieħed jew aktar għalihom. Sa tmiem is-sena, 39 SME kienu ddefinixxew il-ħtiġijiet tagħhom u għażlu l-kowċijiet tagħhom u l-Aġenzija kienet ikkuntrattat 21 kowċ.

—

Tnejn minn kull tliet suġġetti relatati mal-Isħubija Pubblika Privata (PPP) kuntrattwali dwar il-Binjiet Effiċjenti fl-Użu tal-Enerġija. It-tielet wieħed kien relatat mal-PPP dwar l-Industrija tal-Proċessi (SPIRE). L-Aġenzija rċeviet 63 proposta, li minnhom 19 ġew rakkomandati għall-finanzjament.

—

Infetħu 15-il suġġett fil-qasam tal-Azzjonijiet ta’ Riċerka u Innovazzjoni kif ukoll fl-Azzjonijiet ta’ Koordinazzjoni u Appoġġ. L-Aġenzija rċeviet 393 proposta, li minnhom intgħażlu 45.

—

Ir-riżultati tal-ewwel sejħa dwar l-Effiċjenza fl-Użu tal-Enerġija wrew li l-appoġġ għall-innovazzjoni, mir-riċerka sal-bejgħ bl-imnut, fil-qasam tal-effiċjenza fl-użu tal-enerġija huma promettenti.

—

F’Ottubru, l-Aġenzija ppreżentat suġġetti dwar il-finanzjament tagħha tas-Sħubija Pubblika Privata f'Jum ta’ Informazzjoni dwar il-PPPs organizzati mid-DĠ RTD.

—

F’Diċembru, l-EASME organizzat Jum ta' Informazzjoni kbir fi Brussell biex tippreżenta s-sejħa 2015 tal-H2020 dwar l-Effiċjenza fl-Użu tal-Enerġija, li għalih attendew aktar minn 550 parteċipant.

—

Il-persunal tal-Aġenzija pparteċipa wkoll il-laqgħat bejn il-Kummissjoni Ewropea u l-partijiet interessati industrijali fir-rigward tal-prijoritajiet futuri tal-PPPs kuntrattwali tal-Bini Effiċjenti fl-Użu tal-Enerġija u l-iSPIRE.

—

Fl-2014, l-Aġenzija kienet responsabbli għall-implimentazzjoni tas-sejħiet tal-H2020 taħt l-Isfida tas-Soċjetà 5 ħlief dawk li għandhom rilevanza ta' politika għolja jew li jiġu implimentati minn korpi oħra.

—

L-Aġenzija mmaniġġat u pparteċipat f’bosta sejħiet, bħas-sejħa dwar l-Effiċjenza fl-Użu tal-Enerġija, ir-Reżiljenza għad-Diżastri u t-Tkabbir Blu.

—

F’Novembru, l-Aġenzija organizzat Jum ta’ Informazzjoni dwar is-sejħiet 2015 tal-Orizzont 2020 dwar l-Azzjoni Klimatika, l-Ambjent, l-Effiċjenza fl-Użu tar-Riżorsi u l-Materja Prima. L-iskop ta’ dan l-avveniment kien li jiġu ppreżentati s-sejħiet 2015 lill-applikanti potenzjali u li tiġi pprovduta gwida dwar it-tħejjija u l-preżentazzjoni ta’ proposti.

—

L-Aġenzija mmaniġġat is-sejħiet għal proposti li ġejjin imnedija mid-DĠ ENV/CLIMA: is-sejħa għall-għotjiet operatorji tal-NGO LIFE, b’baġit totali ta’ EUR 9 miljun, li għaliha l-Aġenzija rċeviet 66 proposta.

—

Is-sejħa għal proġetti għall-Bini ta' Kapaċità hija sejħa miftuħa li se tagħlaq f’Settembru 2015, li għaliha 15-il Stat Membru huma eliġibbli.

—

L-Aġenzija evalwat aktar minn 250 proposta taħt oqsma differenti, bħall-Azzjoni Klimatika (190 applikazzjoni) u għotjiet operatorji tal-NGOs (66 proposta)

—

L-Aġenzija pparteċipat b’mod attiv fil-Jum ta' Informazzjoni tal-LIFE għal Punti ta’ Kuntatt Nazzjonali u organizzat Jumejn ta' Informazzjoni għall-għotjiet operatorji tal-NGOs.

—

L-implimentazzjoni ta’ partijiet mill-Fond Ewropew għall-Affarijiet Marittimi u s-Sajd (FEMS) ġiet iddelegata lill-Aġenzija f’Ottubru 2014. Id-DĠ MARE ddeċieda li jiddelega 19-il azzjoni tal-FEMS.

—

L-ewwel azzjoni tal-FEMS ġiet effettivament trasferita lill-Aġenzija f’Diċembru. F’kooperazzjoni mad-DĠ MARE, l-Aġenzija ħejjiet l-evalwazzjoni ta’ erba’ sejħiet għall-offerti u sejħa waħda għal proposti.

—

Fl-2014, il-baġit tal-IEE implimentat mill-Aġenzija ġie eżegwit bis-sħiħ (EUR 67 miljun). Barra minn hekk, iż-żmien medju meħtieġ għall-valutazzjoni ta' rapporti dwar il-proġetti IEE u għall-pagament lill-benefiċjarji kien inqas mill-obbligi kuntrattwali.

—

Il-programm Enerġija Intelliġenti Ewropa wassal benefiċċji tanġibbli għall-politika tal-enerġija tal-UE. L-analiżi tal-impatt tal-programm IEE wriet li mill-2007 'l hawn il-proġetti IEE kienu laħqu permezz tal-midja aktar minn 40 miljun persuna madwar l-UE, kienu wasslu ammont ta’ enerġija rinnovabbli li kien ekwivalenti għal aktar mill-konsum annwali tal-elettriku ta’ 7 miljun ċittadin, kienu ffrankaw ammont ta’ enerġija primarja li kienet ekwivalenti għall-użu annwali tal-elettriku ta’ aktar minn 2 miljun dar, u kienu mistennija li jixkattaw aktar minn EUR 3 biljun ta’ investimenti ta' enerġija sostenibbli.

—

L-Aġenzija kkomunikat ir-riżultati tal-programm f’diversi avvenimenti. Pereżempju f’Ġunju 2014, l-Aġenzija, f’kollaborazzjoni mad-DĠ ENER, organizzat edizzjoni oħra ta’ EUSEW, l-avveniment prim tal-UE għall-awtoritajiet pubbliċi, l-aġenziji tal-enerġija, il-kumpaniji privati, l-NGOs u l-assoċjazzjonijiet tal-industrija involuti fl-għajnuna għall-ilħuq tal-miri tal-UE għal dak li jirrigwarda l-enerġija u l-klima. Il-ġimgħa kienet tinkludi ċerimonja ta’ premjijiet, konferenza politika ta’ livell għoli u 600 avveniment b’madwar 1 00  000 parteċipant madwar l-UE u f’ħafna pajjiżi madwar id-dinja.

—

Twettqu bosta avvenimenti organizzati taħt l-inizjattiva Managenergy , b’mod partikolari matul il-Jiem għall-Pubbliku. Barra minn hekk, il-persunal tal-Aġenzija attenda għal aktar minn 100 laqgħa tal-proġetti.

—

Ikkompletar tas-sejħa dwar l-Ekoinnovazzjoni tal-2013 li rriżultat f'461 proposta ppreżentata. Wara l-evalwazzjonijiet, intgħażlu 59 proposta għall-finanzjament. Abbażi tal-baġit disponibbli, ġew iffirmati 42 ftehim ta' għotja.

—

Komunikazzjoni tad-Direttorati Ġenerali prinċipali u ma' partijiet interessati oħra kienet għaddejja matul is-sena. Barra minn hekk, saru xi laqgħat fejn l-Aġenzija kienet qed tipparteċipa b’mod attiv fil-preżentazzjoni tar-riżultati tal-programm. Kien hemm laqgħa finanzjarja fir-Renju Unit mal-Isħab tal-ekoinnovazzjoni u mal-NCP, il-proġetti FICOB u ECOProFabrics ġew ippreżentati matul il-Ġimgħa l-Ħadra, u “l-Ekoinnovazzjoni f’fondi tal-UE” ġiet ippreżentata fi Spanja.

—

Proġetti kofinanzjati mill-Aġenzija rebħu rikonoxximent u premjijiet internazzjonali. Il-koordinatur tal-proġett PHOBIOR rebaħ il-Premju Energy Globe, il-proġetti LASERMARK u EcoBionet intgħażlu bħala “Best European Environmental project of 2013” (L-aħjar proġett Ambjentali Ewropej tal-2013) mill-Generalitat ta' Valenzja, filwaqt li l-koordinatur tal-proġett GEnIuS (l-SME “Directa Plus”) intgħażel biex jiġi elenkat fl-“Italy Cleantech 10” fost l-aħjar 10 SMEs Taljani li jużaw it-teknoloġija nadifa.

—

Meta jitqies kollox, dak li għad baqa' mill-programm tal-Ekoinnovazzjoni tas-CIP għadu għaddej b'ħeffa totali u b’suċċess kbir. Proġetti mis-sejħa 2013 kollha ġew ikkuntrattati u l-biċċa l-kbira minnhom bdew. Valutazzjoni tal-proġetti li għadhom għaddejjin twettqet skont l-għanijiet stabbiliti u l-2014 għalqet b’konsum tal-baġit ta' 100 %.