This document is an excerpt from the EUR-Lex website
Document 52015TA1209(11)
Report on the annual accounts of the Executive Agency for Small and Medium-sized Enterprises for the financial year 2014, together with the Agency’s reply
Rapport dwar il-kontijiet annwali tal-Aġenzija Eżekuttiva għall-Intrapriżi Żgħar u Medji għas-sena finanzjarja 2014 flimkien mar-risposta tal-Aġenzija
Rapport dwar il-kontijiet annwali tal-Aġenzija Eżekuttiva għall-Intrapriżi Żgħar u Medji għas-sena finanzjarja 2014 flimkien mar-risposta tal-Aġenzija
ĠU C 409, 9.12.2015, p. 90–101
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
9.12.2015 |
MT |
Il-Ġurnal Uffiċjali tal-Unjoni Ewropea |
C 409/90 |
RAPPORT
dwar il-kontijiet annwali tal-Aġenzija Eżekuttiva għall-Intrapriżi Żgħar u Medji għas-sena finanzjarja 2014 flimkien mar-risposta tal-Aġenzija
(2015/C 409/11)
INTRODUZZJONI
1. |
L-Aġenzija Eżekuttiva għall-Intrapriżi Żgħar u Medji (minn hawn ’il quddiem “l-Aġenzija”, magħrufa wkoll bħala l-“EASME”), li tinsab fi Brussell, ħadet post u ssuċċediet l-Aġenzija Eżekuttiva għall-Kompetittività u l-Innovazzjoni (EACI) u ġiet stabbilita għall-perjodu mill-1 ta' Jannar 2014 sal-31 ta' Diċembru 2024 bid-Deċiżjoni ta' Implimentazzjoni tal-Kummissjoni 2013/771/UE (1), li tħassar id-Deċiżjoni tal-Kummissjoni 2007/372/KE (2). Il-mandat konsiderevolment estiż tagħha huwa li timmaniġġa, f'kooperazzjoni mill-qrib ma' seba' Direttorati Ġenerali tal-Kummissjoni, l-azzjonijiet tal-UE fl-oqsma tar-riċerka u l-innovazzjoni, il-kompetittività tal-SMEs, l-ambjent u l-azzjoni klimatika, l-affarijiet marittimi u s-sajd kif ukoll bħal fil-partijiet preċedenti mill-Programm għall-Kompetittività u l-Innovazzjoni 2007-2013. |
INFORMAZZJONI LI TAPPOĠĠA D-DIKJARAZZJONI TA' ASSIGURAZZJONI
2. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ superviżjoni u kontroll tal-Aġenzija. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment. |
DIKJARAZZJONI TA' ASSIGURAZZJONI
Ir-responsabbiltà tal-maniġment
Ir-responsabbiltà tal-awditur
Opinjoni dwar l-affidabbiltà tal-kontijiet
Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
|
10. |
Il-kummenti li ġejjin ma jixħtux dubju fuq l-opinjonijiet tal-Qorti. |
KUMMENTI DWAR IL-ĠESTJONI BAĠITARJA
11. |
L-estent tal-kanċellazzjonijiet, fl-2014, ta' approprjazzjonijiet baġitarji riportati mill-2013 (EUR 2 60 209, jiġifieri 20 % tar-riporti (19 % fl-2013)) juri stima eċċessiva tal-ħtiġijiet baġitarji fi tmiem l-2013, bħalma kien il-każ fis-sena preċedenti. |
12. |
Għalkemm il-baġit inizjali tal-Aġenzija ġie emendat u tnaqqas f'Settembru 2014 b'EUR 3 miljun, 91 % biss tal-approprjazzjonijiet baġitarji mnaqqsa ġew impenjati mill-Aġenzija. Din ir-rata baxxa ta' implimentazzjoni hija prinċipalment spjegata minn sfidi organizzazzjonali u operazzjonali marbuta mal-mandat estiż tal-Aġenzija għall-implimentazzjoni ta' programmi u kompiti addizzjonali f'kooperazzjoni mill-qrib mal-Kummissjoni. Minkejja dan, il-konsum insuffiċjenti sinifikanti tal-baġit juri l-ħtieġa li jitjieb l-ippjanar baġitarju tal-Aġenzija. |
13. |
Dan huwa rifless ukoll fil-livell għoli u akbar ta' approprjazzjonijiet impenjati riportati għall-2015, li jammontaw għal EUR 3,8 miljun, jiġifieri 17 % (2013: EUR 1,3 miljun, jiġifieri 8 %), prinċipalment relatati mat-Titolu III (Nefqa għall-Appoġġ tal-Programmi) b'EUR 2,6 miljun, jiġifieri 72 % (2013: EUR 0,6 miljun, jiġifieri 35 %) li jmur kontra l-prinċipju baġitarju tal-annwalità. |
SEGWITU GĦALL-KUMMENTI MIS-SENA PREĊEDENTI
14. |
Ħarsa ġenerali lejn l-azzjonijiet korrettivi li ttieħdu b'rispons għall-kummenti tal-Qorti mis-sena preċedenti tingħata fl-Anness I. |
Dan ir-Rapport ġie adottat mill-Awla IV, immexxija mis-Sur Milan Martin CVIKL, Membru tal-Qorti tal-Awdituri, fil-Lussemburgu fil-laqgħa tagħha tat-8 ta' Settembru 2015.
Għall-Qorti tal-Awdituri
Vítor Manuel da SILVA CALDEIRA
President
(1) ĠU L 341, 18.12.2013, p. 73.
(2) ĠU L 140, 1.6.2007, p. 52.
(3) Dawn jinkludu l-karta tal-bilanċ u r-rapport tal-prestazzjoni finanzjarja, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.
(5) L-Artikoli 62 u 68 flimkien mal-Artikoli 53 u 58 tar-Regolament (UE, Euratom) Nru 966/2012 tal-Parlament Ewropew u tal-Kunsill (ĠU L 298, 26.10.2012, p. 1).
(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni huma dderivati mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.
(7) L-Artikolu 162 tar-Regolament (UE, Euratom) Nru 966/2012.
ANNESS I
Segwitu għall-kummenti mis-sena preċedenti
Sena |
Kumment tal-Qorti |
Status tal-azzjoni korrettiva (Ikkompletata/Għadha għaddejja/Pendenti/M/A) |
2013 |
Għalkemm ir-rati ta' implimentazzjoni tal-baġit għall-2013 kienu sodisfaċenti, il-punt sa fejn l-approprjazzjonijiet riportati mill-2012 ġew ikkanċellati fl-2013 (EUR 2 15 000, jew 19 % tar-riporti) jindika dgħufijiet fl-ippjanar tal-baġit tal-Aġenzija u jmur kontra l-prinċipju baġitarju tal-annwalità. Dawn il-kanċellazzjonijiet huma prinċipalment relatati ma' impenji proviżorji li saru għal nefqa amministrattiva ta' rutina. |
Pendenti |
ANNESS II
L-Aġenzija Eżekuttiva għall-Intrapriżi Żgħar u Medji (Brussell)
Kompetenzi u attivitajiet
Oqsma ta’ kompetenza tal-Unjoni li jidderivaw mit-Trattat dwar il-Funzjonament tal-Unjoni Ewropea (TFUE) |
|
||||||||||||||||||||||||||||||||||||||||||||||||||||||||||||||||||
Kompetenzi tal-Aġenzija (kif definit fid-Deċiżjoni ta' Implimentazzjoni tal-Kummissjoni (2013/771/UE) |
Għanijiet L-Aġenzija hija responsabbli għall-ġestjoni tal-azzjonijiet tal-Unjoni fl-oqsma tal-appoġġ lill-SMEs, l-enerġija, l-ambjent, l-affarijiet marittimi u s-sajd, l-intraprenditorija u l-innovazzjoni (inkluża l-ekoinnovazzjoni). Hija inkarigata bl-implimentazzjoni ta' partijiet mill-programmi tal-Unjoni li ġejjin:
Barra minn hekk, l-Aġenzija hija inkarigata bl-implimentazzjoni ta’ dak li baqa’ minn dawn l-azzjonijiet li ġejjin taħt is-CIP: (a) l-Enerġija Intelliġenti – Ewropa (IEE II), (b) l-“Inizjattiva tal-ekoinnovazzjoni”, (c) in-“Netwerk Ewropew għall-Intrapriżi”, (d) il-“Portal għan-Negozji – L-Ewropa tiegħek”, (e) l-“IPR Helpdesk Ewropew”, (f) il-“Proġett IPorta”. L-Aġenzija tistinka biex tipprovdi “appoġġ ta' kwalità għolja lill-benefiċjarji tagħna, li jibdel il-politika tal-UE f'azzjoni. Bħala aġenzija eżekuttiva tal-Kummissjoni Ewropea, aħna nimmaniġġaw partijiet sinifikanti mill-COSME, mil-LIFE, mill-Orizzont 2020 u mill-FEMS. Aħna niżguraw li l-azzjonijiet iffinanzjati minn dawn il-programmi jwasslu r-riżultati u jipprovdu input ta' valur lill-Kummissjoni għall-kompiti ta' politika tagħha”. Kompiti L-Aġenzija għandha tkun responsabbli għall-kompiti li ġejjin marbutin mal-implimentazzjoni tal-partijiet mill-programmi tal-Unjoni msemmija hawn fuq:
|
||||||||||||||||||||||||||||||||||||||||||||||||||||||||||||||||||
Governanza |
Kumitat ta' Tmexxija Jinkludi ħames membri u tliet osservaturi maħtura mill-Kummissjoni Ewropea. Jadotta l-programm ta’ ħidma annwali tal-Aġenzija wara l-approvazzjoni mill-Kummissjoni Ewropea. Barra minn hekk, jadotta l-baġit amministrattiv tal-Aġenzija u r-rapport annwali tal-attività tagħha. Direttur Maħtur mill-Kummissjoni Ewropea. Awditu estern Il-Qorti Ewropea tal-Awdituri. Awtorità ta' kwittanza Il-Parlament Ewropew, li jaġixxi fuq rakkomandazzjoni mill-Kunsill. |
||||||||||||||||||||||||||||||||||||||||||||||||||||||||||||||||||
Riżorsi disponibbli għall-Aġenzija fl-2014 (2013) |
Baġit Baġit operazzjonali L-EUR 1 056,5 (1) (242,9) miljun ippjanati (li minnhom 100 % ġew mill-baġit ġenerali tal-UE) ġew impenjati u EUR 123,11 (2) (213,9) miljun tħallsu mill-approprjazzjonijiet (98,98 %) ivvutati mill-Awtorità Baġitarja. L-EASME timplimenta l-baġit operazzjonali taħt ir-responsabbiltà tal-Kummissjoni:
Baġit amministrattiv EUR 24,5(16,4) miljun (sussidju ta' 100 % mill-UE) għall-baġit amministrattiv, li għalihom l-EASME hija responsabbli b'mod indipendenti. Persunal fil-31 ta’ Diċembru 2014
|
||||||||||||||||||||||||||||||||||||||||||||||||||||||||||||||||||
Prodotti u servizzi pprovduti 2014 |
Is-sena 2014 kienet l-ewwel sena tal-mandat il-ġdid għall-Aġenzija li tvarja b’mod konsiderevoli, mill-mandati preċedenti. Il-portafoll il-ġdid jinkludi l-programmi EIP u IEE li għad baqa' u wkoll il-programmi l-ġodda H2020, COSME, LIFE u FEMS. L-EASME hija responsabbli għall-ġestjoni tal-azzjonijiet tal-Unjoni fl-oqsma tal-appoġġ lill-SMEs, l-enerġija, l-ambjent, l-affarijiet marittimi u s-sajd, l-intraprenditorija u l-innovazzjoni (inkluża l-ekoinnovazzjoni), taħt il-programmi tal-Unjoni li ġejjin. Programmi ġodda
Il-programmi li għad baqa'
COSME – Il-Programm għall-Kompetittività tal-Intrapriżi u l-Intrapriżi Żgħar u Medji (SMEs) huwa assoċjat mat-tisħiħ tal-kompetittività u s-sostenibbiltà tal-intrapriżi tal-Unjoni u mmirat lejn l-inkoraġġiment ta’ kultura intraprenditorjali għall-promozzjoni tal-ħolqien u t-tkabbir tal-SMEs. Attivitajiet ewlenin
Orizzont 2020 – il-programm ta’ finanzjament tal-UE għar-riċerka u l-innovazzjoni jimmira li jistimula l-ekonomija u jiżgura l-bażi tax-xjenza u t-teknoloġija u l-kompetittività industrijali għall-futur, filwaqt li jikkontribwixxi lejn soċjetà aktar intelliġenti, aktar sostenibbli u aktar inklużiva. Huwa jwiegħed aktar żviluppi, skoperti u innovazzjonijiet (world-firsts) billi jieħu ideat tajbin mil-laboratorju għas-suq. Innovazzjoni fl-SMEs Attivitajiet ewlenin
Strument tal-SMEs Attivitajiet ewlenin
L-Aġenzija tikkontribwixxi għall-għan speċifiku ta' “Making the transition to a reliable, affordable, publicly accepted, sustainable and competitive energy system, aiming at reducing fossil fuel dependency in the face of increasingly scarce resources, increasing energy needs and climate change”(Nagħmlu t-tranżizzjoni lejn sistema tal-enerġija affidabbli, affordabbli, aċċettata pubblikament, sostenibbli u kompetittiva, bl-għan li titnaqqas id-dipendenza mill-fossili fid-dawl ta' riżorsi aktar u aktar skarsi, ħtiġijiet tal-enerġija dejjem jikbru u t-tibdil fil-klima” fl-Isfida tas-Soċjetà 3 “Enerġija sigura, nadifa u effiċjenti”. Attivitajiet ewlenin
L-Aġenzija tikkontribwixxi għall-għanijiet speċifiċi komuni tad-DĠ RTD u d-DĠ GROW: li tinkiseb ekonomija u soċjetà li tkun effiċjenti fl-użu tar-riżorsi u tal-ilma, u reżiljenti għat-tibdil fil-klima, il-protezzjoni u ġestjoni sostenibbli tar-riżorsi naturali u l-ekosistemi, u forniment sostenibbli u użu minn materja prima, sabiex jiġu ssodisfati l-ħtiġijiet ta’ popolazzjoni globali li qed tikber fi ħdan il-limiti sostenibbli tar-riżorsi naturali u l-ekosistemi tal-pjaneta fl-Isfida tas-Soċjetà 5 “Azzjoni klimatika, ambjent u effiċjenza fl-użu tar-riżorsi u l-materja prima”. Attivitajiet ewlenin
L-Aġenzija timmaniġġa l-programm għall-Ambjent u l-Azzjoni Klimatika (LIFE) li jipprovdi appoġġ għall-ilħuq ta' għanijiet speċifiċi relatati mal-politika ambjentali u l-azzjoni klimatika fil-livell tal-Unjoni u dak internazzjonali. Attivitajiet ewlenin
L-Aġenzija implimentat partijiet mill-Fond Ewropew għall-Affarijiet Marittimi u s-Sajd (FEMS), li kellu l-għan li jikkontribwixxi għall-promozzjoni tas-sajd u l-akkwakultura kompetittivi, ambjentalment sostenibbli, ekonomikament vijabbli u soċjalment responsabbli u għat-titjib tal-iżvilupp u l-implimentazzjoni tal-Politika Marittima Integrata (PMI) tal-UE. Attivitajiet ewlenin
Enerġija Intelliġenti Ewropa (IEE) Attivitajiet ewlenin Il-Programm Enerġija Intelliġenti – Ewropa (IEE) jappoġġa l-politika tal-enerġija tal-Unjoni Ewropea u l-impenn “20-20-20” ambizzjuż tagħha, jiġifieri t-tnaqqis tal-emissjonijiet tal-gassijiet serra b’20 %, iż-żieda fis-sehem ta’ sorsi tal-enerġija rinnovabbli fil-konsum tal-enerġija għal 20 %, u t-tnaqqis tal-użu tal-enerġija b’20 %, kollha sal-2020.
Ekoinnovazzjoni Attivitajiet ewlenin Wieħed mill-għanijiet ewlenin tal-Programm għall-Intraprenditorjat u l-Innovazzjoni (EIP) huwa li jappoġġa l-ekoinnovazzjoni. Proġetti għall-ekoinnovazzjoni jiffukaw fuq produzzjoni aktar nadifa, ġestjoni ambjentali u prodotti u servizzi ġodda biex l-iżvilupp sostenibbli jsir realtà tan-negozju. Fl-2014, l-isforzi kkonċentraw fuq:
|
||||||||||||||||||||||||||||||||||||||||||||||||||||||||||||||||||
(1) Iċ-ċifra tinkludi l-linji kollha ta’ kreditu.
(2) Idem.
Sors: Anness ipprovdut mill-Aġenzija.
IT-TWEĠIBA TAL-AĠENZIJA
11. |
L-Aġenzija tirrieżamina l-impenji kollha fl-aħħar ta' kull sena. Is-sena 2014 kienet waħda ta' eċċezzjoni peress li kienet l-ewwel sena tal-mandat il-ġdid tal-EASME. Din is-sena tranżitorja inkludiet ħafna bidliet bħal struttura operattiva ġdida, ħafna bidliet organizzattivi, programmi ġodda u żieda sinifikanti fin-numru tal-persunal impjegat mill-Aġenzija. Ġew iddelegati varjetà ta' kompiti ġodda lill-Aġenzija u din iż-żieda fil-kompiti kienet riflessa wkoll fil-baġit. Parti minn dawn l-approprjazzjonijiet baġitarji ġiet ikkanċellata peress li l-pagamenti dovuti kienu inqas minn dak mistenni. Biex tittranġa s-sitwazzjoni, l-EASME qed timplimenta ppjanar u monitoraġġ aktar preċiżi tal-baġit. |