This document is an excerpt from the EUR-Lex website
Document 52012AA0009
Opinion No 9/2012 on an amended proposal for a Regulation of the European Parliament and of the Council laying down common provisions on the European Regional Development Fund, the European Social Fund, the Cohesion Fund, the European Agricultural Fund for Rural Development and the European Maritime and Fisheries Fund covered by the Common Strategic Framework and laying down general provisions on the European Regional Development Fund, the European Social Fund and the Cohesion Fund and repealing Council Regulation (EC) No 1083/2006 — (COM(2012) 496 final — 2011/0276 (COD)) (pursuant to the second subparagraph of Article 287(4) of the Treaty on the Functioning on the European Union)
Opinjoni Nru 9/2012 dwar proposta emendata għal Regolament tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew Marittimu u tas-Sajd koperti mill-Qafas Strateġiku Komuni u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament tal-Kunsill (KE) Nru 1083/2006 — (COM(2012) 496 finali — 2011/0276 (COD)) (skont it-tieni subparagrafu tal-Artikolu 287(4) tat-Trattat dwar il-Funzjonament tal-Unjoni Ewropea)
Opinjoni Nru 9/2012 dwar proposta emendata għal Regolament tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew Marittimu u tas-Sajd koperti mill-Qafas Strateġiku Komuni u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament tal-Kunsill (KE) Nru 1083/2006 — (COM(2012) 496 finali — 2011/0276 (COD)) (skont it-tieni subparagrafu tal-Artikolu 287(4) tat-Trattat dwar il-Funzjonament tal-Unjoni Ewropea)
ĠU C 13, 16.1.2013, p. 1–2
(BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)
|
16.1.2013 |
MT |
Il-Ġurnal Uffiċjali tal-Unjoni Ewropea |
C 13/1 |
OPINJONI Nru 9/2012
dwar proposta emendata għal Regolament tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew Marittimu u tas-Sajd koperti mill-Qafas Strateġiku Komuni u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament tal-Kunsill (KE) Nru 1083/2006 — (COM(2012) 496 finali — 2011/0276 (COD))
(skont it-tieni subparagrafu tal-Artikolu 287(4) tat-Trattat dwar il-Funzjonament tal-Unjoni Ewropea)
2013/C 13/01
WERREJ
|
|
Paragrafu |
Paġna |
|
Introduzzjoni… |
1 – 2 |
2 |
|
Osservazzjonijiet ġenerali… |
3 – 6 |
2 |
IL-QORTI TAL-AWDITURI TAL-UNJONI EWROPEA,
Wara li kkunsidrat it-Trattat dwar l-Unjoni Ewropea (TUE), u b’mod partikolari l-Artikoli 4, 5, u 17 u t-Trattat dwar il-Funzjonament tal-Unjoni Ewropea (TFUE), b’mod partikolari l-Artikoli 174 sa 178, 287(4), it-tieni subparagrafu, 317, 318 u 322 tiegħu;
Wara li kkunsidrat ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (1);
Wara li kkunsidrat it-talba tal-Parlament għal opinjoni, li waslet għand il-Qorti fit-12 ta’ Novembru 2012;
Wara li kkunsidrat il-proposta għal Regolament emendat ippreżentat mill-Kummissjoni (2);
Wara li kkunsidrat l-Opinjoni Nru 1/2010 tagħha dwar “It-titjib tal-ġestjoni finanzjarja tal-baġit tal-Unjoni Ewropea: Riskji u sfidi” (3) u l-Opinjoni Nru 7/2011 tagħha dwar il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Ewropew Marittimu u tas-Sajd koperti mill-Qafas Strateġiku Komuni u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament (KE) Nru 1083/2006 (4);
Billi, skont l-Artikolu 5 TUE, l-Unjoni tieħu azzjoni f’oqsma li ma jaqgħux fil-kompetenza esklussiva tagħha, biss jekk u sa fejn l-objettivi tal-azzjoni prevista, minħabba l-iskala jew l-effetti tagħha jistgħu jinkisbu aħjar fil-livell tal-Unjoni;
Billi, skont l-Artikolu 174 TFUE, sabiex tippromwovi l-iżvilupp armonjuż tagħha inġenerali, l-Unjoni għandha tiżviluppa u tfittex li twettaq l-azzjonijiet tagħha li jwasslu sabiex tissaħħaħ il-koeżjoni ekonomika, soċjali u territorjali fi ħdanha;
Billi l-Kummissjoni għandha teżegwixxi l-baġit u tamministra l-programmi (l-Artikolu 17(1) TUE), hija għandha timplimenta l-baġit f’kooperazzjoni mal-Istati Membri fuq ir-responsabbiltà tagħha stess u fil-limiti tal-approprjazzjonijiet, b’konsiderazzjoni tal-prinċipji ta’ tmexxija finanzjarja tajba u l-Istati Membri għandhom jikkooperaw mal-Kummissjoni sabiex jassiguraw li l-approprjazzjonijiet ikunu użati skont il-prinċipji ta' tmexxija finanzjarja tajba (l-Artikolu 317 TFUE),
ADOTTAT L-OPINJONI LI ĠEJJA:
INTRODUZZJONI
|
1. |
Il-proposta emendata tal-Kummissjoni għal Regolament li jistabbilixxi d-dispożizzjonijiet komuni dwar l-FEŻR, l-FSE, l-FK, l-FAEŻR u l-FEMS u d-dispożizzjonijiet ġenerali dwar il-fondi tal-politika ta' koeżjoni jittrattaw essenzjalment l-adozzjoni tal-Qafas Strateġiku Komuni (QSK). |
|
2. |
Filwaqt li din l-opinjoni hija limitata għall-proposta emendata tal-Kummissjoni, il-Qorti tixtieq tirreferi b’mod ġenerali għall-Opinjoni Nru 7/2011 tagħha. |
OSSERVAZZJONIJIET ĠENERALI
|
3. |
Il-proposta emendata tal-Kummissjoni timmodifika l-ambitu tal-QSK u taqsam l-elementi tiegħu bejn anness ġdid (l-Anness I) għar-Regolament dwar id-Dispożizzjonijiet Komuni u att iddelegat tal-Kummissjoni. Dan joħloq ir-riskju li tiżdied aktar il-kumplessità tal-politika. |
|
4. |
Il-Qorti tosserva li l-għan tal-QSK ikompli jkun li dan jipprovdi direzzjoni strateġika ċara għall-proċess ta’ programmazzjoni fil-livell tal-Istati Membri u r-reġjuni (ara l-Premessa 14 u l-Artikoli 2(2) u 10 tal-proposta emendata). Madankollu, b’kuntrast għall-proposta oriġinali tal-Kummissjoni, il-QSK mhux se jkompli jikkonverti aktar l-objettivi tal-Unjoni f’azzjonijiet ewlenin għall-Fondi. Minflok, il-Leġiżlatur, għal kull objettiv tematiku, jiddelega lill-Kummissjoni l-istabbiliment ta’ azzjonijiet indikattivi ta’ valur miżjud Ewropew għoli u prinċipji korrispondenti għat-twassil ta’ riżultati, u ta’ prijoritajiet għall-kooperazzjoni (ara l-Artikoli 11 u 12 tal-proposta emendata). F'konformità mal-Opinjoni preċedenti tagħha (ara l-paragrafu 8 tal-Opinjoni Nru 7/2011), il-Qorti tikkunsidra li dan fil-fatt jirrapreżenta element ewlieni u deċiżiv tal-iskema futura ta’ Koeżjoni. B’riżultat ta’ dan, huwa għandu jiġi kkunsidrat bħala element essenzjali tal-leġiżlazzjoni tal-UE li, skont l-Artikolu 290 TFUE, ma jistax ikun is-suġġett ta’ delega ta’ setgħa. |
|
5. |
Il-Qorti tixtieq tfakkar ukoll ir-rakkomandazzjoni tagħha li l-kunċett ta’ valur miżjud Ewropew għandu jkun ippronunzjat b’mod ċar f’dikjarazzjoni politika xierqa jew fil-leġiżlazzjoni tal-UE sabiex tingħata gwida lill-awtoritajiet politiċi tal-UE li għandha tintuża meta jkunu qed jintgħażlu l-prijoritajiet tan-nefqa (ara l-paragrafu 18 tal-Opinjoni Nru 1/2010). L-approvazzjoni tal-qafas legali għall-perjodu 2014-20 tipprovdi opportunità favorevoli biex dan isir. Kjarifika bħal din tkun tidher anke aktar importanti jekk tiġi kkonfermata l-intenzjoni li l-Kummissjoni tingħata d-delega li tidentifika l-azzjonijiet ta' valur miżjud Ewropew għoli. F’dan ir-rigward il-Qorti tosserva li d-definizzjoni mogħtija mill-proposta emendata (ara l-Artikolu 2(4) tal-proposta emendata) mhijiex ċara biżżejjed fir-rigward tal-kriterji sottostanti li jkunu jippermettu l-għażla ta’ azzjonijiet li jagħtu kontribut sinifikanti għall-kisba tal-miri u objettivi tal-istrateġija tal-Unjoni għal tkabbir intelliġenti, sostenibbli u inklużiv u li għandhom jaġixxu bħala punt ta’ riferiment fit-tħejjija tal-programmi. |
|
6. |
Barra minn hekk, f’konformità mal-prinċipju tas-sussidjarjetà, l-azzjonijiet kollha tal-UE għandhom jinħolqu bl-objettiv li jipprovdu valur miżjud tal-UE. Ir-referenza għal lista “indikattiva” ta’ azzjonijiet (l-Artikolu 12 tal-proposta emendata) tidher li tissuġġerixxi li r-rekwiżit li jitwassal valur miżjud tal-UE huwa sempliċiment volontarju. |
Din l-Opinjoni ġiet adottata mill-Qorti tal-Awdituri fil-Lussemburgu fil-laqgħa tagħha tat-13 ta’ Diċembru 2012.
Għall-Qorti tal-Awdituri
Vítor Manuel da SILVA CALDEIRA
President
(1) ĠU L 298, 26.10.2012, p. 1.
(2) COM(2012) 496 finali tal-11 ta’ Settembru 2012.
(3) http://eca.europa.eu