EUR-Lex Access to European Union law
This document is an excerpt from the EUR-Lex website
Document 52011PC0697
COMMUNICATION FROM THE COMMISSIONTO THE EUROPEAN PARLIAMENTpursuant to Article 294(6) of the Treaty on the Functioning of the European Unionconcerning the position of the Council on the adoption of a Regulation of the European Parliament and of the Council on certain provisions for fishing in the GFCM (General Fisheries Commission for the Mediterranean) Agreement Area
KOMUNIKAZZJONI TAL-KUMMISSJONI LILL-PARLAMENT EWROPEWskont l-Artikolu 294(6) tat-Trattat dwar il-Funzjonament tal-Unjoni Ewropeadwar il-pożizzjoni tal-Kunsill għall-adozzjoni ta’ Regolament tal-Parlament Ewropew u tal-Kunsill dwar ċerti dispożizzjonijiet għas-sajd fiż-Żona ta’ Ftehim tal-GFCM (Kummissjoni Ġenerali għas-Sajd fil-Mediterran)
KOMUNIKAZZJONI TAL-KUMMISSJONI LILL-PARLAMENT EWROPEWskont l-Artikolu 294(6) tat-Trattat dwar il-Funzjonament tal-Unjoni Ewropeadwar il-pożizzjoni tal-Kunsill għall-adozzjoni ta’ Regolament tal-Parlament Ewropew u tal-Kunsill dwar ċerti dispożizzjonijiet għas-sajd fiż-Żona ta’ Ftehim tal-GFCM (Kummissjoni Ġenerali għas-Sajd fil-Mediterran)
/* KUMM/2011/0697 finali - 2009/0129 (COD) */
KOMUNIKAZZJONI TAL-KUMMISSJONI LILL-PARLAMENT EWROPEWskont l-Artikolu 294(6) tat-Trattat dwar il-Funzjonament tal-Unjoni Ewropeadwar il-pożizzjoni tal-Kunsill għall-adozzjoni ta’ Regolament tal-Parlament Ewropew u tal-Kunsill dwar ċerti dispożizzjonijiet għas-sajd fiż-Żona ta’ Ftehim tal-GFCM (Kummissjoni Ġenerali għas-Sajd fil-Mediterran) /* KUMM/2011/0697 finali - 2009/0129 (COD) */
2009/0129 (COD) KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill għall-adozzjoni ta’ Regolament tal-Parlament Ewropew u tal-Kunsill dwar ċerti dispożizzjonijiet għas-sajd fiż-Żona ta’ Ftehim tal-GFCM (Kummissjoni Ġenerali għas-Sajd fil-Mediterran) 1. SFOND Id-data tat-trażmissjoni tal-proposta lill-Parlament Ewropew u lill-Kunsill (id-dokument COM(2009) 477 finali – 2009/0129 COD): | 16.09.2009. | Id-data tal-opinjoni tal-Kumitat Ekonomiku u Soċjali Ewropew: | 17.03.2010. | Id-data tal-pożizzjoni tal-Parlament Ewropew, l-ewwel qari: | 08.03.2011. | Id-data tat-trażmissjoni tal-proposta emendata: | 29.03.2011. | Id-data tal-adozzjoni tal-pożizzjoni tal-Kunsill: | 20.10.2011. | 2. GħAN TAL-PROPOSTA MILL-KUMMISSJONI L-għan tal-proposta huwa li fil-liġi tal-UE jiġu trasposti rakkomandazzjonijiet adottati fil-qafas tal-Ftehim għat-twaqqif tal-Kummissjoni Ġenerali għas-Sajd fil-Mediterran (GFCM) u li jiġi emendat ir-Regolament tal-Kunsill Nru 1967/2006. Dawn il-miżuri internazzjonali ta’ konservazzjoni u ġestjoni diġà jinsabu fis-seħħ u jorbtu lill-UE u lill-Istati Membri. Madanakollu, it-traspożizzjoni hija meħtieġa sabiex dawn il-miżuri internazzjonali jkunu applikabbli għall-persuni fiżiċi jew ġuridiċi fil-livell tal-UE u biex jiżguraw iċ-ċertezza legali għal dik il-fini. 3. KUMMENTI DWAR IL-POżIZZJONI TAL-KUNSILL 3.1. Kummenti ġenerali dwar il-Pożizzjoni tal-Kunsill: Il-Kummissjoni taqbel li t-traspożizzjoni tar-rakkomandazzjonijiet il-ġodda tal-GFCM għandha tkun soġġetta għall-proċedura leġiżlattiva ordinarja iżda dejjem ħadet il-pożizzjoni li l-Kummissjoni għandu jkollha s-setgħat iddelegati biex tittrasponi fil-liġi tal-UE tal-anqas l-emendi għall-miżuri kollha eżistenti. Il-pożizzjoni tal-Kunsill hija pass sinifikanti lejn il-pożizzjoni oriġinali tal-Kummissjoni, għalkemm ma tikkorrispondix bis-sħiħ ma’ din il-pożizzjoni. Sabiex jiġi evitat dewmien ulterjuri fit-traspożizzjoni tal-miżuri li jorbtu tal-GFCM fil-liġi tal-UE li għandha tirriżulta mit-tieni qari fit-tul, tista’ tiġi appoġġjata l-pożizzjoni tal-Kunsill. 3.2. Emendi magħmula mill-Parlament Ewropew fl-ewwel qari: – integrati fil-pożizzjoni tal-Kunsill fl-ewwwel qari: 2, 3, 4, 5, 6, 7, 8, 9, 10, 11, 14, 15, 16, 17, 18, 19, 20, 21, 22, 23, 24, 25, 27, 28, 29, 30, 31, 32, 33, 34, 35, 36, 37, 40, 45, 46, 50, 51 u 52. – mhux integrati fil-pożizzjoni tal-Kunsill fl-ewwwel qari: 41, 42, 43 u 44 relatati mad-delega; 26 relatata mal-ewwel skadenza għat-trażmissjoni tal-lista ta’ bastimenti tat-tkarkir demersali fil-Baħar l-Iswed; 47 u 13 relatati mal-premessi dwar l-atti ta’ implimentazzjoni u l-atti ddelegati rispettivament; 48 u 49 relati mal-atti ta’ implimentazzjoni. Fit-tħejjija tal-Pożizzjoni Komuni tiegħu, il-Kunsill adotta dawk l-emendi kollha tal-Parlament li ma kienx hemm problemi dwarhom u għamel it-tibdiliet addizzjonali biex jirriflettu l-eżitu tat-trilogu tal-21 ta’ Ġunju 2011. Is-servizzi legali u l-ġuristi lingwisti taż-żewġ istituzzjonijiet ingħataw il-mandat li jagħmlu l-aġġustamenti kollha rilevanti għat-test. Għaldaqstant, id-dokument finali jirrappreżenta l-proposta modifikata tal-Kummissjoni wara qbil dwar emendi mal-Parlament u l-integrazzjoni tal-eżitu tat-trilogu dwar dawk il-kwistjonijiet sensittivi. 3.3. Dispożizzjonijiet ġodda introdotti mill-pożizzjoni tal-Kunsill u l-Kummissjoni f’dan ir-rigward: Wara t-talba tal-Presidenza, il-Kummissjoni identifikat lista ta’ Artikoli xierqa għall-atti ta’ implimentazzjoni: l-Artikolu 9 (l-informazzjoni – rapport dwar l-attivitajiet tas-sajd), l-Artikolu 12(4) u (6) (dwar l-istaġuni magħluqa), l-Artikolu 14 (il-ġbir tad-dejta), l-Artikolu 15(3) (dwar id-daqs minimu tal-malji fil-Baħar l-Iswed), l-Artikolu 23 (il-kooperazzjoni u l-informazzjoni) u l-Artikolu 24(4) (matriċi statistiċi). Din il-lista kienet ikkomunikata matul il-Grupp ta’ Ħidma tal-Kunsill tas-16 ta’ Ġunju 2011. Ma tqajmet l-ebda oġġezzjoni għal din il-lista matul it-tielet trilogu informali tal-21 ta’ Ġunju 2011. Fil-pożizzjoni attwali tiegħu, il-Kunsill introduċa dawk l-ispeċifikazzjonijiet li dwarhom il-Kummissjoni ma sabet l-ebda oġġezzjoni. Tibdiliet żgħar oħrajn huma r-riżultat tal-fatt li t-test ġie rivedut mill-esperti lingwistiċi legali u ġie allinjat mal-bidliet introdotti fit-Trattat ta’ Lisbona, għall-kliem standard ibbażat fuq ir-Regolament il-ġdid dwar il-Komitoloġija (UE) Nru 182/2011 u l-Ftehim Komuni dwar l-Atti Ddelegati. Il-premessi huma adattati għall-kontenuti finali tad-dispożizzjonijiet operattivi tal-Proposta. Il-Kummissjoni ma għandha l-ebda oġġezzjoni għal dawn it-tibdiliet. 3.4. Problemi li nqalgħu fl-adozzjoni tal-pożizzjoni fl-ewwel qari u l-pożizzjoni tal-Kummissjoni f’dan ir-rigward: Il-proposta tal-Kummissjoni kienet ippreparata u ppreżentata qabel daħal fis-seħħ it-Trattat ta’ Lisbona. Għaldaqstant, id-dispożizzjonijiet dwar il-komitoloġija kellhom jiġu adattati għat-Trattat ta’ Lisbona billi kienu previsti l-atti ta’ implimentazzjoni u dwak iddelegati skont l-Artikoli 291 u 290 tat-TFUE. Dan wassal għal diskussjonijiet twal. Il-pożizzjoni tal-Kummissjoni f’dan ir-rigward dejjem kienet li s-setgħat iddelegati għandhom jingħataw lill-Kummissjoni għall-finijiet tat-traspożizzjoni fil-liġi tal-UE tal-inqas tal-emendi tal-miżuri kollha eżistenti. 4. KONKLUżJONI Il-Kummissjoni tista’ taqbel mal-pożizzjoni tal-Kunsill li hija r-riżultat tad-diskussjonijiet mal-Parlament Ewropew, bil-għan li r-Regolament ikun adattat kmieni. Madanakollu, il-Kummissjoni hija mħassba li s-setgħat iddelegati limitati mogħtija lilha mill-koleġiżlaturi jistgħu jaffettwaw il-kapaċità tal-UE li fil-futur tiżgura traspożizzjoni f’waqtha fil-liġi tal-UE tal-miżuri stabbiliti mill-GFCM li jirrevedu u jaġġornaw il-miżuri internazzjonali ta’ konservazzjoni u ġestjoni ta’ din l-organizzazzjoni. Konsegwentement, il-Kummissjoni qed tagħmel id-dikjarazzjoni li ġejja: Il-Kummissjoni qed tesprimi t-tħassib tagħha li s-setgħat iddelegati limitati mogħtija lilha mill-koleġiżlaturi jistgħu jaffettwaw il-kapaċità tal-UE li fil-futur tiżgura t-traspożizzjoni f’waqtha fil-liġi tal-UE tal-miżuri stabbiliti mill-GFCM li jirrevedu u jaġġornaw il-miżuri internazzjonali ta’ konservazzjoni u ġestjoni ta’ din l-organizzazzjoni. Għaldaqstant, il-Kummissjoni tista’ tipproponi emendi lir-Regolament li jżidu l-għadd ta' miżuri li għandhom jiġu adottati b'atti ddelegati fil-każ li t-traspożizzjoni permezz tal-proċedura leġiżlattiva ordinarja twassal għal dewmien li jaf jimmina l-kapaċità tal-UE li twettaq l-obbligi internazzjonali tagħha.