This document is an excerpt from the EUR-Lex website
Document 52011IP0233
Public procurement European Parliament resolution of 12 May 2011 on equal access to public sector markets in the EU and in third countries and on the revision of the legal framework of public procurement including concessions
Akkwist pubbliku Riżoluzzjoni tal-Parlament Ewropew tat- 12 ta’ Mejju 2011 dwar l-aċċess ugwali għas-swieq tas-settur pubbliku fl-UE u f'pajjiżi terzi u dwar ir-reviżjoni tal-qafas legali tal-akkwist pubbliku inklużi l-konċessjonijet
Akkwist pubbliku Riżoluzzjoni tal-Parlament Ewropew tat- 12 ta’ Mejju 2011 dwar l-aċċess ugwali għas-swieq tas-settur pubbliku fl-UE u f'pajjiżi terzi u dwar ir-reviżjoni tal-qafas legali tal-akkwist pubbliku inklużi l-konċessjonijet
ĠU C 377E, 7.12.2012, p. 99–101
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
7.12.2012 |
MT |
Il-Ġurnal Uffiċjali tal-Unjoni Ewropea |
CE 377/99 |
Il-Ħamis 12 ta’ Mejju 2011
Akkwist pubbliku
P7_TA(2011)0233
Riżoluzzjoni tal-Parlament Ewropew tat-12 ta’ Mejju 2011 dwar l-aċċess ugwali għas-swieq tas-settur pubbliku fl-UE u f'pajjiżi terzi u dwar ir-reviżjoni tal-qafas legali tal-akkwist pubbliku inklużi l-konċessjonijet
2012/C 377 E/12
Il-Parlament Ewropew,
— |
wara li kkunsidra d-Direttivi 2004/18/KE u 2004/17/KE dwar il-proċeduri għall-għoti ta’ kuntratti pubbliċi u d-Direttivi 89/665/KEE, 92/13/KEE u 2007/66/KE rigward il-proċeduri ta’ rieżami dwar l-għoti ta’ kuntratti pubbliċi, |
— |
wara li kkunsidra r-riżoluzzjoni tiegħu tat-18 ta’ Mejju 2010 dwar żviluppi ġodda fl-akkwisti pubbliċi (1), |
— |
wara li kkunsidra r-rapport lill-President tal-Kummissjoni Ewropea, José Manuel Barroso, mill-Professur Mario Monti, bit-titlu ‘Strateġija ġdida għas-Suq Uniku – għas-servizz tal-Ekonomija u s-Soċjetà Ewropea’, |
— |
wara li kkunsidra l-komunikazzjoni tal-Kummissjoni Ewropea bit-titlu ‘Lejn Att dwar is-Suq Uniku – Għal ekonomija soċjali tas-suq kompetittiva ħafna’ (COM(2010)0608), |
— |
wara li kkunsidra l-Green Paper tal-Kummissjoni Ewropea dwar l-immodernizzar tal-politika tal-UE dwar l-akkwist pubbliku - ‘Lejn Suq Ewropew tal-Akkwist iżjed effiċjenti’ (COM (2011)0015), |
— |
wara li kkunsidra l-Artikolu 110(2) tar-Regoli ta’ Proċedura tiegħu, |
A. |
billi suq tal-akkwist pubbliku li jopera tajjeb hu ta’ importanza essenzjali sabiex jissaħħaħ is-Suq Uniku, tkun stimolata l-innovazzjoni, jitrawmu t-tkabbir, l-impjiegi u l-kompetittività, ikun promoss livell ogħla ta’ ħarsien ambjentali, tal-klima u tad-drittijiet soċjali fl-UE u jinkiseb valur ottimali għall-awtoritajiet pubbliċi, ċ-ċittadini u dawk li jħallsu t-taxxi, |
B. |
billi speċjalment fil-perspettiva tas-superament tal-kriżi finanzjarja u ekonomika u l-ħarsien kontra kull kriżi futura, l-akkwist pubbliku huwa ta’ rilevanza kruċjali, billi jservi ta’ katalist għar-rivitalizzazzjoni tal-ekonomija tal-UE u għaldaqstant għall-impjiegi u l-benessri fl-UE, |
C. |
billi proċess sod u maħsub tajjeb ta’ titjib tal-qafas legali għall-akkwist pubbliku hu ta’ importanza vitali għall-benessri taċ-ċittadini tal-UE, għall-konsumaturi tal-UE u għan-negozji tal-UE, għall-awtoritajiet pubbliċi nazzjonali, reġjonali u lokali u għaldaqstant għall-approvazzjoni tal-UE bħala entità, |
D. |
billi f'dak li għandu x'jaqsam ma’ kwantità ta’ kwistjonijiet li jaqgħu fl-ambitu tar-rieżami tal-liġi tal-UE dwar l-akkwist pubbliku, għandhom jitqiesu l-prijoritajiet differenti f'termini ta’ urġenza kif ukoll ta’ rabta tematika, minħabba żviluppi politiċi li għaddejjin bħalissa fuq livell Ewropew u internazzjonali, |
E. |
billi sett estensiv ta’ mistoqsijiet fi ħdan il-qafas tradizzjonali tal-akkwist pubbliku u l-kwistjoni marbuta mill-qrib mal-konċessjonijiet jeħtieġu valutazzjoni koerenti bbażata fuq konsultazzjoni konsistenti mal-partijiet ikkonċernati, |
F. |
billi l-kwistjoni speċifika tas-salvagwardja tat-trattament ugwali u l-kompetizzjoni ġusta fis-swieq tal-akkwist pubbliku fl-UE u f'pajjiżi terzi teħtieġ b'mod urġenti aktar attenzjoni politika, speċjalment fid-dawl tal-problemi attwali marbuta mal-aċċess għas-swieq tas-settur pubbliku f'pajjiżi terzi, il-progress kajman fin-negozjati dwar ir-rieżami tal-ftehim dwar il-kuntratti pubbliċi (GPA) tal-Organizzazzjoni Dinjija tal-Kummerċ u r-riluttanza ċara ta’ bosta pajjiżi terzi li jingħaqdu mal-GPA, |
1. |
Jirreferi għall-kummenti tiegħu li jinsabu fir-riżoluzzjoni tat-18 ta’ Mejju 2010 dwar żviluppi ġodda fl-akkwist pubbliku, u speċjalment fil-paragrafu 46 ta’ din ir-riżoluzzjoni li fiha jintqal li, waqt li jargumenta bis-saħħa kontra miżuri protezzjonisti fil-qasam tal-akkwist pubbliku fuq livell globali, jemmen bil-qawwa fil-prinċipju ta’ reċiproċità, benefiċċju reċiproku u proporzjonalità f'dak il-qasam; u jistieden lill-Kummissjoni biex twettaq analiżi dettaljata tal-benefiċċji potenzjali u l-problemi assoċjati bl-impożizzjoni ta’ restrizzjonijiet proporzjonali u mmirati dwar aċċess għal partijiet tas-swieq tal-akkwist tal-UE, kif ukoll valutazzjoni tal-impatt li tanalizza meta tista' tintuża u valutazzjoni tal-bażi legali li strument bħal dan għandu jadotta għal dawk is-sħab kummerċjali li jibbenefikaw minn ftuħ tas-suq tal-UE iżda li ma urew ebda intenzjoni li jiftħu s-swieq tagħhom għall-kumpaniji tal-UE, filwaqt li jkompli jħeġġeġ is-sħab tal-UE biex joffru arranġamenti għal aċċess tas-suq reċiproku u proporzjonali għall-kumpaniji Ewropej qabel ma jkun propost kwalunkwe test ieħor fil-qasam tal-akkwist pibbliku; |
2. |
Hu tal-opinjoni li l-ispirtu ta’ reċiproċità pożittiva u trasparenza fil-fatt se jiżgura ftuħ akbar tas-swieq tal-akkwist pubbliku u jevita miżuri protezzjonistiċi bl-użu tal-għodda eżistenti kollha disponibbli; |
3. |
Jitlob għaldaqstant lill-Kummissjoni tipprovdi d-data dwar il-livell ta’ ftuħ tal-akkwist pubbliku u tiggarantixxi r-reċiproċità mal-pajjiżi industrijalizzati u mal-ekonomiji emerġenti ewlenin l-oħrajn; jistieden lill-Kummissjoni tistudja modi ġodda kif ittejjeb l-aċċess tal-impriżi Ewropej għas-swieq tal-akkwist pubbliku barra mill-UE, bil-għan li jiġu garantiti kundizzjonijiet ta’ parità kemm għall-impriżi Ewropej kif ukoll għal dawk barranin li jikkompetu fl-aġġudikazzjoni tal-appalti pubbliċi; jipproponi, f'termini aktar ġenerali, li l-ftehimiet kummerċjali futuri nnegozjati mill-Unjoni għandhom jinkludu kapitolu dwar l-iżvilupp sostenibbli, ispirat mill-prinċipji tar-responsabbiltà soċjali tal-kumpaniji kif definit mill-aġġornament tal-2010 tal-Linji Gwida tal-OECD għall-Impriżi Multinazzjonali; |
4. |
Konvint li sabiex ikunu evitati miżuri protezzjonisti li jistgħu jagħmlu ħsara lill-interessi tal-esportaturi tal-UE anki f'oqsma differenti mis-swieq tas-settur pubbliku, il-Kummissjoni għandha tfittex li tindividwa miżuri adegwati li ma jippermettux kontromiżuri nazzjonali jew Komunitarji ġenerali, iżda li dawn ikunu bbażati fuq għodda xierqa fil-qasam tal-akkwist pubbliku; |
5. |
F'dan ir-rigward, jistieden lill-Kummissjoni biex tevalwa l-problemi assoċjati ma’ offerti straordinarjament baxxi u biex jiġu proposti soluzzjonijiet xierqa; |
6. |
Jirrakomanda lill-awtoritajiet kontraenti jipprovdu tagħrif bikri u suffiċjenti lill-offerenti l-oħra f'każ ta’ offerti baxxi mhux normali, sabiex ikun jistgħu jevalwaw jekk hemmx bażi għal ftuħ ta’ proċedura ta’ rieżami; |
7. |
Iqis bħala bżonn urġenti li l-UE tikseb koerenza akbar bejn il-politika komuni tal-kummerċ estern tal-UE u l-prattiki fi Stati Membri li jaċċettaw offerti eċċezzjonalment baxxi ta’ kumpaniji minn pajjiżi li mhumiex firmatarji tal-GPA, bi żvantaġġ għall-kumpaniji tal-UE u standards tax-xogħol, soċjali u ambjentali eżistenti fl-Istati Membri tal-UE; |
8. |
Minħabba l-mistoqsija 114 tal-Green Paper tal-Kummissjoni dwar il-modernizzazzjoni tal-politika tal-UE dwar l-akkwist pubbbliku li titlob għal klassifikazzjoni fl-importanza u għall-prijoritajiet ewlenin fost il-bosta kwistjonijiet imqajma fil-Green Paper, l-isostni importanza li jinkisbu soluzzjonijiet effikaċi dwar il-bżonn ta’ aċċess tas-suq ġust, miftuħ u bilanċjat minkejja l-indirizzar fil-ħin ta’ kwistjonijiet urġenti, bħas-semplifikazzjoni u l-kjarifika tar-regoli, it-titjib tal-aċċess tal-SMEs għall-appalti pubbliċi, il-promozzjoni tal-innovazzjoni fl-akkwist pubbliku u sussegwentement il-kunsiderazzjoni ta’ aspetti oħrajn tar-rieżami tal-akkwist pubbliku fir-rigward tal-konċessjonijiet; għalhekk jistieden lill-Kummissjoni biex qabel kollox tindirizza l-kwistjoni tas-semplifikazzjoni tar-regoli, il-kisba ta’ aċċess bilanċjat tajjeb għas-swieq tas-settur pubbliku, titjieb tal-aċċess għall-SMEs, u biex wara twettaq rieżami tal-akkwist pubbliku u l-konċessjonijiet, sabiex tippermetti għal involviment validu meħtieġ tal-Parlament Ewropew u l-Istati Membri, iżda anki taċ-ċittadini u n-negozji, bil-għan li jinkiseb ir-rikonoxximent meħtieġ ta’ dawn il-kwistjonijiet importanti kollha marbuta mas-Suq Uniku, li huma ferm rilevanti għall-benessri ġenerali tal-UE; |
9. |
Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u l-Kummissjoni. |
(1) Testi adottati, P7_TA(2010)0173.