Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52008DP0440

    Proċedura quddiem il-Qorti tal-Ġustizzja (Emenda tal-Artikolu 121) Deċiżjoni tal-Parlament Ewropew tal- 24 ta' Settembru 2008 dwar l-emenda tal-Artikolu 121 tar-Regoli ta' Proċedura tal-Parlament Ewropew dwar proċeduri quddiem il-Qorti tal-Ġustizzja (2007/2266(REG))

    ĠU C 8E, 14.1.2010, p. 108–109 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    14.1.2010   

    MT

    Il-Ġurnal Uffiċjali tal-Unjoni Ewropea

    CE 8/108

    L-Erbgħa, 24 ta' Settembru 2008
    Proċedura quddiem il-Qorti tal-Ġustizzja (Emenda tal-Artikolu 121)

    P6_TA(2008)0440

    Deċiżjoni tal-Parlament Ewropew tal-24 ta' Settembru 2008 dwar l-emenda tal-Artikolu 121 tar-Regoli ta' Proċedura tal-Parlament Ewropew dwar proċeduri quddiem il-Qorti tal-Ġustizzja (2007/2266(REG))

    2010/C 8 E/20

    Il-Parlament Ewropew,

    wara li kkunsidra l-ittra taċ-chairman tal-Kumitat għall-Affarijiet Legali tas-26 ta' Settembru 2007,

    wara li kkunsidra l-Artikoli 201 u 202 tar-Regoli ta' Proċedura tiegħu,

    wara li kkunsidra r-rapport tal-Kumitat għall-Affarijiet Kostituzzjonali (A6-0324/2008),

    1.

    Jiddeċiedi li jemenda r-Regoli ta' Proċedura tiegħu kif jidher hawn taħt;

    2.

    Ifakkar li din l-emenda tidħol fis-seħħ fl-ewwel ġurnata tas-sessjoni parzjali li jmiss;

    3.

    Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni għal skopijiet ta' informazzjoni.

    TEST FIS-SEĦĦ

    EMENDA

    Emenda 1

    Ir-Regoli ta' Proċedura tal-Parlament

    Artikolu 121 – paragrafu 3a (ġdid)

     

    3a.

    		Il-President għandu jippreżenta osservazzjonijiet jew jintervjeni f'isem il-Parlament fi proċeduri quddiem il-qorti wara konsultazzjoni mal-kumitat responsabbli.

    Fejn il-President ikun bi ħsiebu jitbiegħed mar-rakkomandazzjoni tal-kumitat responsabbli, huwa għandu jinforma lill-kumitat b'dan u għandu jirreferi l-kwistjoni lill-Konferenza tal-Presidenti, filwaqt li jiddikjara r-raġunijiet tiegħu.

    Fejn il-Konferenza tal-Presidenti tkun ta' l-opinjoni li l-Parlament, b'mod eċċezzjonali, m'għandux iressaq osservazzjonijiet jew jintervjeni quddiem il-Qorti tal-Ġustizzja f'sitwazzjonijiet fejn ikun hemm dubji dwar il-validità legali ta' att tal-Parlament, il-kwistjoni għandha titressaq fil-plenarja mingħajr dewmien.

    F'każijiet ta' urġenza, il-President jista' jieħu azzjoni kawtelatorja sabiex jikkonforma mal-limiti ta' żmien preskritti mill-qorti kkonċernata. F'każijiet bħal dawn, il-proċedura stipulata f'dan il-paragrafu għandha tiġi implimentata ma' l-ewwel opportunità.

    Interpretazzjoni:

    M'hemm xejn fir-Regoli li jżomm lill-kumitat responsabbli milli jiddeċiedi dwar arranġamenti proċedurali xierqa għat-trażmissjoni fil-ħin tar-rakkomandazzjoni tiegħu f'każijiet ta' urġenza.

    Top