This document is an excerpt from the EUR-Lex website
Document 52007XC0508(06)
Publication of an application pursuant to Article 6(2) of Council Regulation (EC) No 510/2006 on the protection of geographical indications and designations of origin for agricultural products and foodstuffs
Pubblikazzjoni ta' applikazzjoni skond l-Artikolu 6(2) tar-Regolament (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini tal-prodotti agrikoli u l-oġġetti ta' l-ikel
Pubblikazzjoni ta' applikazzjoni skond l-Artikolu 6(2) tar-Regolament (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini tal-prodotti agrikoli u l-oġġetti ta' l-ikel
ĠU C 103, 8.5.2007, p. 20–22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
8.5.2007 |
MT |
Il-Ġurnal Uffiċjali ta’ l-Unjoni Ewropea |
C 103/20 |
Pubblikazzjoni ta' applikazzjoni skond l-Artikolu 6(2) tar-Regolament (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini tal-prodotti agrikoli u l-oġġetti ta' l-ikel
(2007/C 103/11)
Din il-pubblikazzjoni tikkonferixxi d-dritt għal oġġezzjoni għall-applikazzjoni skond l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur minn din il-pubblikazzjoni.
SINTEŻI
IR-REGOLAMENT TAL-KUNSILL (KEE) NRU 510/2006
“PARDUBICKÝ PERNÍK”
Nru tal-KE: CZ/PGI/005/0408/26.10.2004
DPO ( ) IĠP ( X )
Din is-sinteżi tagħti l-elementi ewlenin ta' l-ispeċifikazzjoni tal-prodott b'għan informattiv biss.
1. Dipartiment responsabbli fl-Istat Membru:
Isem |
Úřad průmyslového vlastnictví |
||
Indirizz: |
|
||
Tel.: |
(420) 220 383 111 |
||
Feks: |
(420) 224 324 718 |
||
Posta elettronika: |
posta@upv.cz |
2. Grupp:
Isem |
Sdružení Pardubický perník |
||
Indirizz: |
|
||
Tel.: |
(420) 466 303 637 |
||
Feks: |
(420) 466 303 637 |
||
Posta elettronika: |
info@goldfein.cz |
||
Magħmula minn: |
produtturi/proċessuri ( X ) oħrajn ( ) |
3. Tip tal-prodott:
Klassi 2.4, ħobż imħawwar
4. Speċifikazzjoni:
(sinteżi tar-rekwiżiti permezz ta' l-Artikolu 4(2)) fuq il-preżentazzjoni tal-provi imsemmija fl-Artikolu 4(2) tar-Regolament (KE) Nru 510/2006)
4.1. Isem: “Pardubický perník”
4.2. Deskrizzjoni: Il-ħobż imħawwar ta' Pardubice huwa prodott tal-forn, moħmi, magħmul minn dqiq, zokkor, bajd sħiħ, għasel, konfettura, xaħmijiet veġetali, kawkaw, taħlita ta' ħwawar (kannella, kosbor, imsiemer tal-qronfol, ħlewwa, u bżar tal-Ġamajka...) u trab tal-ħami. Il-ħobż imħawwar ta' Pardubice jeżisti f'żewġ forom, kif deskritti hawn isfel.
4.3. Żona ġeografika: Iż-żona ġeografika tal-produzzjoni tal-ħobż imħawwar ta' Pardubice hija limitata għat-terriorju tal-belt ta' Pardubice, kif tidher fuq il-pjanta katastali, u tkopri t-territorju tal-komun ta' Spojil.
4.4. Prova ta' l-oriġini: Il-ħobż imħawwar ta' Pardubice jsir skond il-preskrizzjonijiet nazzjonali u Ewropej fis-seħħ u jiġi kkontrollat mill-ispettorat nazzjonali ta' l-agrikoltura u l-ikel u mill-mekkaniżmu tal-kontroll intern HACCP (analiżi tar-riskju u kontroll tal-punti kritiċi ). Skond il-leġiżlazzjoni f'dak li għandu x'jaqsam mat-traċċabbiltà, il-produtturi kollha jżommu reġistru tal-fornituri kollha tal-materja prima u tax-xerrejja tal-prodott lest. Il-ħobż imħawwar ma jidħolx fil-kategorija tal-prodotti tal-forn friski, għaliex għandu jgħaddi minn taħt idejn il-produttur u jkollu bħala minimu l-karatteristiċi indikati fuq, u b'mod partikolari l-isem, il-piż u l-kompożizzjoni tal-prodott kif ukoll l-identità tal-prodottur.
4.5. Metodu tal-produzzjoni: Il-ħobż imħawwar ta' Pardubice huwa prodott tal-forn, u l-produzzjoni tiegħu ma tbiddiltx wisq tul tliet sekli.
Il-produzzjoni sseħħ f'żewġ fażijiet mifruda minn xulxin b'xi jiem.
L-ewwel fażi hija ddedikata għall-għaġina ewlenija, li titħalla tistrieħ għal xi jiem qabel tingħaġen.
It-tieni fażi tibda bit-taħlita ta' l-għaġina mal-bajd, il-konfettura, il-ħwawar u t-trab tal-ħami, sakemm issir massa elastika, li mbagħad tinħadem bil-lembuba, u tingħaġen:
skond il-metodu msemmi fil-punt 4.2 a), biċċiet ta' għaġina ta' l-istess daqs jinqatgħu jew jinħadmu u, wara li jinħmew fil-forn, jinksew b'ġelu jew biċ-ċikkulata, qabel ma jiġu pakkjati fis-selofejn b'tikketti li juru l-indikazzjonijiet dwar il-prodott, jew
skond il-metodu msemmi fil-punt 4.2. b): biċċiet ta' l-għaġina jinqatgħu jew jinħadmu skond forom partikolari (ara l-punt 4.2) jew sabiex il-biċċiet jinħadmu f'għamla tridimensjonali (ara l-punt 4.2) Wara jinħmew, u mbagħad jitħallew jiksħu; meta jinbiegħu hekk kif ikunu, spiss ikunu mikisja bil-ġelu jew biċ-ċikkulata. Il-prodotti miksuba b'dan il-mod huma mbagħad mżejna bl-idejn biz-zokkor, materjal xaħmi jew ċikkulata, qabel ma jiġu ppakkjati f'pakkett bl-indikazzjonijiet dwar il-prodott.
Il-proċess tal-fabrikazzjoni, inkluż l-imballaġġ, isir kollu fil-post tal-produzzjoni, fi ħdan iż-żona definita. L-imballaġġ fuq il-post huwa ġġustifikat min-natura tal-prodott, minħabba li t-trasport tal-prodotti lesti mhux ippakkjati jissogra li jagħmel il-ħsara lill-kisi u t-tiżjin, u bl-istess mod il-liġi tipprevedi l-prodotti tal-forn li jistgħu jinżammu għal żmien twil għandhom jiġu ppakkjati għand il-produttur.
4.6. Rabta: F'Pardubice, l-istorja tal-produzzjoni tal-ħobż imħawwar ilha mis-seklu Sittax u d-dritt tal-bejgħ tal-prodott ġie stabbilit fl-1759 minn Marija Tereża. Il-produzzjoni bdiet l-espansjoni tagħha fis-seklu Għoxrin, fejn il-produzzjoni internazzjonali żdiedet mal-produzzjoni artiġjanali. Wieħed jista' jara l-fama eċċezzjonali li jgawdi l-ħobż imħawwar ta' Pardubice permezz ta' artikli fil-gazzetti (Noviny Pernštejn, Blesk eċċ.) u ritratti meħuda waqt iż-żjara ta' Václav Havel f'Pardubice, li dak iż-żmien kien il-President tar-Repubblika Ċeka, fuq il-lant tax-xogħol tal-kumpanija Goldfein CZ. Barra minn hekk, Pardubice kienet, għal żmien twil, post minn fejn telgħu artiġjani speċjalizzati li kisbu għarfien kbir tas-sengħa tal-produzzjoni tal-ħobż imħawwar u xandruh lill-ġenerazzjonijiet ta' wara. Il-mottivi karatteristiċi li jżejnu l-ħobż imħawwar ta' Pardubice huma wkoll wirt din l-epoka. Dawn l-istili u metodi ta' tiżjin, li mhuma mgħallma mkien ieħor, jinkisbu biss bil-prattika.
4.7. Organu ta' Spezzjoni:
Isem |
Státní zemědělská a potravinářská inspekce, inspektorát v Hradci Králové |
||
Indirizz: |
|
||
Tel.: |
(420) 495 454 110 |
||
Feks: |
(420) 495 532 518 |
||
Posta elettronika: |
hradec@szpi.gov.cz |
4.8. Tikkettar: —