52007AP0026

P6_TA(2007)0026

Programm ta' azzjoni Komunitarju biex jippromwovi attivitajiet fil-qasam tal-protezzjoni ta' l-interessi finanzjarji tal-Komunita' (il-programm Hercule II) ***I

Riżoluzzjoni leġiżlattiva tal-Parlament Ewropew dwar il-proposta għal deċiżjoni tal-Parlament Ewropew u tal-Kunsill li temenda u testendi d-Deċiżjoni 804/2004/KE tal-Parlament Ewropew u tal-Kunsill, tal- 21 ta' April 2004, li tistabbilixxi programm ta' azzjoni Komunitarju biex jippromwovi attivitajiet fil-qasam tal-protezzjoni ta' l-interessi finanzjarji tal-Komunita' (il-programm Hercule II) (COM(2006)0339 — C6-0216/2006 — 2006/0114(COD))

(Proċedura ta' kodeċiżjoni: l-ewwel qari)

Il-Parlament Ewropew,

- wara li kkunsidra l-proposta mill-Kummissjoni lill-Parlament Ewropew u lill-Kunsill (COM(2006) 0339) [1],

- wara li kkunsidra l-opinjoni Nru 6/2006 [2] tal-Qorti ta' l-Awdituri Ewropea,

- wara li kkunsidra l-Artikolu 251(2) u l-Artikolu 280 tat-Trattat KE, skond liema artikoli l-Kummissjoni ressqet il-proposta lill-Parlament (C6-0216/2006),

- wara li kkunsidra l-Artikolu 51 tar-Regoli ta' Proċedura tiegħu,

- wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Baġit (A6-0002/2007),

1. Japprova l-proposta mill-Kummissjoni kif emendata;

2. Iqis li l-pakkett finanzjarju indikat fil-proposta leġiżlattiva jrid ikun kompatibbli mal-limitu ta' l-intestatura 5 tal-qafas finanzjarju multiannwali (MFF) il-ġdid u jirrimarka li l-ammont annwali se jiġi deċiż filproċedura baġitarja annwali skond id-dispożizzjonijiet tal-punt 37 tal-Ftehima Interistituzzjonali tas- 17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja soda [3];

3. Jistieden lill-Kummissjoni sabiex terġa' tirreferi l-kwistjoni lill-Parlament jekk għandha l-ħsieb li temenda l-proposta b'mod sostanzjali jew li tibdilha b'test ieħor;

4. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill- Kummissjoni.

[1] Għadha mhix ippubblikata fil-ĠU.

[2] ĠU C 302, 12.12.2006, p. 41.

[3] ĠU C 139, 14.6.2006, p. 1.

--------------------------------------------------