This document is an excerpt from the EUR-Lex website
Document 42023X0320
UN Regulation No 41 – Uniform provisions concerning the approval of motor cycles with regard to noise [2023/320]
Ir-Regolament tan-NU Nru 41 — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju [2023/320]
Ir-Regolament tan-NU Nru 41 — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju [2023/320]
PUB/2022/950
ĠU L 43, 13.2.2023, pp. 14–51
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
13.2.2023 |
MT |
Il-Ġurnal Uffiċjali tal-Unjoni Ewropea |
L 43/14 |
It-testi oriġinali tan-NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, li jinsab fuq dan l-indirizz: https://unece.org/status-1958-agreement-and-annexed-regulations
Ir-Regolament tan-NU Nru 41 — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju [2023/320]
Jinkorpora t-test validu kollu sa:
Is-Suppliment 1 tas-serje ta’ emendi 05 — Id-data tad-dħul fis-seħħ: is-7 ta’ Jannar 2022
WERREJ
REGOLAMENT
|
1. |
Kamp ta’ Applikazzjoni |
|
2. |
Definizzjonijiet, termini u simboli |
|
3. |
Applikazzjoni għall-approvazzjoni |
|
4. |
Immarkar |
|
5. |
Approvazzjoni |
|
6. |
Speċifikazzjonijiet |
|
7. |
Modifika u estensjoni tal-approvazzjoni tat-tip ta’ mutur jew tat-tip ta’ sistema/i tal-egżost jew tas-silenzjatur |
|
8. |
Konformità tal-produzzjoni |
|
9. |
Penali għan-nuqqas ta’ konformità tal-produzzjoni |
|
10. |
Produzzjoni mwaqqfa għalkollox |
|
11. |
Ismijiet u indirizzi tas-Servizzi Tekniċi responsabbli għat-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip |
|
12. |
Dispożizzjonijiet tranżizzjonali |
ANNESSI
|
1 |
Komunikazzjoni |
|
2 |
Arranġamenti tal-marki tal-approvazzjoni |
|
3 |
Metodi u strumenti għall-kejl tal-istorbju li jagħmlu l-muturi |
|
4 |
It-tqassim tal-korsa tat-testijiet |
|
5 |
Sistemi tal-egżost jew tas-silenzjatur li jkun fihom materjal fibruż |
|
6 |
Limiti massimi tal-livelli tal-ħoss |
|
7 |
Dispożizzjonijiet Addizzjonali dwar l-Emissjoni tal-Ħoss (ASEP) |
|
8 |
Dikjarazzjoni ta’ konformità mad-Dispożizzjonijiet Addizzjonali dwar l-Emissjoni tal-Ħoss |
1. KAMP TA’ APPLIKAZZJONI
Dan ir-Regolament japplika għall-vetturi tal-kategorija L3 (1) fir-rigward tal-istorbju.
L-ispeċifikazzjonijiet ta’ dan ir-Regolament huma maħsuba biex jirriproduċu l-livelli tal-ħoss iġġenerati mill-vetturi waqt sewqan normali fit-traffiku urban.
Dan ir-Regolament jipprovdi wkoll Dispożizzjonijiet Addizzjonali dwar l-Emissjoni tal-Ħoss f’Sewqan Reali (RD-ASEP) għall-vetturi tal-kategorija L3 li jirreferu għal kundizzjonijiet tipiċi tas-sewqan fit-triq inklużi aċċellerazzjonijiet u tagħbijiet tal-magna għoljin għat-traffiku urban u suburban, ħlief għal sitwazzjonijiet ta’ awtostradi.
2. DEFINIZZJONIJIET, TERMINI U SIMBOLI
Għall-finijiet ta’ dan ir-Regolament
|
2.1. |
“Approvazzjoni ta’ mutur” tfisser l-approvazzjoni ta’ tip ta’ mutur fir-rigward tal-istorbju; |
|
2.2. |
“Tip ta’ mutur fir-rigward tal-livell tal-ħoss tiegħu” tfisser muturi li ma jvarjawx f’aspetti essenzjali bħal dawn li ġejjin: |
|
2.2.1. |
It-tip ta’ magna (two-stroke jew four-stroke, magna bil-pistuni b’moviment alternat jew magna bil-pistun b’moviment rotattiv, in-numru u l-kapaċità ta’ ċilindri jew rotors, in-numru u t-tip ta’ karburaturi jew ta’ sistemi ta’ injezzjoni, l-arranġament tal-valvi, il-potenza netta massima nominali u l-veloċità tal-magna korrispondenti). Għall-magni bil-pistun b’moviment rotattiv, il-kapaċità kubika għandha titqies bħala li hija d-doppju tal-volum tal-kompartiment; |
|
2.2.2. |
Is-sistema ta’ trażmissjoni, b’mod partikolari n-numru u l-proporzjonijiet tal-gerijiet u l-proporzjon ġenerali tal-gerijiet filwaqt li titqies iċ-ċirkonferenza tar-roti ta’ wara. |
|
2.2.3. |
Il-konfigurazzjonijiet u l-arranġamenti tas-sistemi tal-egżost jew tas-silenzjatur. |
|
2.3. |
“Sistema tal-egżost jew tas-silenzjatur” tfisser sett sħiħ ta’ komponenti meħtieġa sabiex jiġi limitat l-istorbju kkawżat mill-magna u mill-egżost ta’ mutur. |
|
2.3.1. |
“Sistema oriġinali tal-egżost jew tas-silenzjatur” tfisser sistema ta’ tip immuntata fuq il-vettura fi żmien l-approvazzjoni tat-tip jew l-estensjoni tal-approvazzjoni tat-tip. Tista’ tkun ukoll il-part ta’ sostituzzjoni tal-manifattur tal-vettura. |
|
2.3.2. |
“Sistema Mhux Oriġinali ta’ Sostituzzjoni tal-Egżost jew tas-Silenzjatur (NORESS)” tfisser sistema ta’ tip għajr dik immuntata fuq il-vettura fi żmien l-approvazzjoni tat-tip jew l-estensjoni tal-approvazzjoni tat-tip. |
|
2.4. |
“Sistemi tal-egżost jew tas-silenzjatur ta’ konfigurazzjonijiet differenti” tfisser sistemi li jkunu fundamentalment differenti f’wieħed mill-modi li ġejjin: |
|
2.4.1. |
Sistemi li jinkludu komponenti li jkollhom fuqhom marki tal-fabbrika jew trademarks differenti; |
|
2.4.2. |
Sistemi li jinkludu kwalunkwe komponent magħmul minn materjali b’karatteristiċi differenti jew li jinkludu komponenti li jkollhom forma jew daqs differenti; |
|
2.4.3. |
Sistemi fejn il-prinċipji operattivi ta’ mill-anqas komponent wieħed huma differenti; |
|
2.4.4. |
Sistemi li jinkludu komponenti f’kombinamenti differenti. |
|
2.5. |
“Komponent ta’ sistema tal-egżost jew tas-silenzjatur” tfisser wieħed mill-komponenti individwali li flimkien jifformaw is-sistema tal-egżost (bħall-pajpijiet tal-egżost, is-silenzjatur proprja) u s-sistema tad-dħul (filtru tal-arja) jekk ikun hemm.
Jekk il-magna għandha tkun mgħammra b’sistema tad-dħul (filtru tal-arja u/jew assorbitur tal-istorbju tad-dħul) sabiex tkun konformi mal-livelli massimi permissibbli ta’ ħoss, il-filtru u/jew l-assorbitur għandhom jiġu ttrattati bħala komponenti li għandhom l-istess importanza bħas-sistema tal-egżost. |
|
2.6. |
“Massa inokkupata” (kif iddefinita fit-Taqsima 4.1.2 tal-ISO 6726: 1988) tfisser il-massa tal-vettura lesta għal tħaddim normali u mgħammra bit-tagħmir li ġej:
|
|
2.7. |
“Potenza netta massima nominali” tfisser il-potenza nominali tal-magna kif iddefinita fl-ISO 4106:2004.
Is-simbolu P n jindika l-valur numeriku tal-potenza netta massima nominali espressa f’kilowatts. |
|
2.8. |
“Veloċità nominali tal-magna” tfisser il-veloċità tal-magna li biha l-magna tiżviluppa l-potenza netta massima nominali tagħha kif iddikjarata mill-manifattur.
Is-simbolu S jindika l-valur numeriku tal-veloċità nominali tal-magna espressa f’dawriet kull minuta. (2) |
|
2.9. |
“Indiċi tal-proporzjon potenza-massa” tfisser il-proporzjon tal-qawwa netta massima nominali ta’ vettura mal-massa tagħha. Huwa ddefinit bħala:
PMR = (P n / (m kerb + 75)) * 1 000 Fejn m kerb huwa l-valur numeriku tal-massa mhux okkupata kif iddefinita fil-paragrafu 2.6. hawn fuq, espressa f’kilogrammi. Is-simbolu PMR jindika l-indiċi tal-proporzjon potenza-massa. |
|
2.10. |
“Veloċità massima” tfisser il-veloċità massima tal-vettura kif iddefinita fl-ISO 7117:1995.
Is-simbolu v max jindika l-veloċità massima. |
|
2.11. |
“Ger illokkjat” tfisser il-kontroll tat-trażmissjoni b’tali mod li l-proporzjon tal-gerijiet ta’ trażmissjoni ma jistax jinbidel waqt it-test. |
|
2.12. |
“Magna” tfisser is-sors tal-enerġija tal-vettura mingħajr aċċessorji li jistgħu jinqalgħu. |
|
2.13. |
Din li ġejja hija tabella li tinkludi s-simboli kollha użati f’dan ir-Regolament:
L-indiċijiet li ġejjin jintużaw għall-veloċitajiet tal-magna “n” u għall-veloċitajiet tal-vettura “v” sabiex jindikaw il-post jew aħjar il-ħin tal-kejl:
L-indiċijiet li ġejjin jintużaw għall-aċċellerazzjonijiet ikkalkulati bl-aċċelleratur magħfus kollu a wot u għal-livelli mkejla ta’ pressjoni tal-ħoss L sabiex jindikaw il-ger użat għat-test:
Il-livelli mkejla ta’ pressjoni tal-ħoss L iġorru wkoll indiċi li jindika t-tip ta’ test rispettiv:
L-indiċi “j”, li jirreferi għan-numru tal-prova tat-test, jista’ jintuża flimkien mal-indiċijiet imsemmija hawn fuq. |
3. APPLIKAZZJONI GĦALL-APPROVAZZJONI
|
3.1. |
L-applikazzjoni għall-approvazzjoni ta’ tip ta’ mutur fir-rigward tal-emissjonijiet tal-ħoss tiegħu għandha titressaq mill-manifattur tiegħu jew mir-rappreżentant debitament akkreditat tiegħu. |
|
3.2. |
Magħha għandu jkun hemm id-dokumenti li jissemmew aktar ’l isfel fi tliet kopji, kif ukoll id-dettalji li ġejjin: |
|
3.2.1. |
Deskrizzjoni tat-tip tal-mutur fir-rigward tal-punti msemmija fil-paragrafu 2.2. hawn fuq. In-numri u/jew is-simboli li jidentifikaw it-tip ta’ magna u t-tip tal-mutur għandhom jiġu speċifikati; deskrizzjoni tat-tip tal-mutur fir-rigward tal-punti msemmija fil-paragrafu 2.2. hawn fuq. In-numri u/jew is-simboli li jidentifikaw it-tip ta’ magna u t-tip tal-mutur għandhom jiġu speċifikati; |
|
3.2.2. |
Lista tal-komponenti, debitament identifikati, li jikkostitwixxu s-sistema tal-egżost jew tas-silenzjatur; |
|
3.2.3. |
Tpinġija tas-sistema tal-egżost jew tas-silenzjatur assemblata u indikazzjoni tal-pożizzjoni tagħha fuq il-mutur; |
|
3.2.4. |
Tpinġijiet ta’ kull komponent sabiex ikun jista’ jiġi lokalizzat u identifikat faċilment, u speċifikazzjoni tal-materjali użati; |
|
3.2.5. |
Tpinġijiet bi profili trażversali li jindikaw id-dimensjonijiet tas-sistema tal-egżost. Kopja ta’ dawn it-tpinġijiet għandha tiġi mehmuża maċ-ċertifikat imsemmi fl-Anness 1. |
|
3.3. |
Id-dokumenti rispettivi msemmija fil-paragrafu 3.2. ta’ hawn fuq għandhom jitħejjew għal kull konfigurazzjoni tas-sistema tal-egżost jew tas-silenzjatur, jekk ikunu applikabbli konfigurazzjonijiet multipli għat-tip ta’ mutur li għandu jiġi approvat. |
|
3.4. |
Fuq talba tas-servizz tekniku responsabbli mit-twettiq tat-testijiet tal-approvazzjoni f’konformità mal-awtoritajiet tal-approvazzjoni tat-tip, il-manifattur tal-mutur għandu jippreżenta wkoll kampjun tas-sistema/sistemi tal-egżost jew tas-silenzjatur. |
|
3.5. |
Il-muturi kollha rappreżentattivi tal-istess tip bil-konfigurazzjonijiet kollha possibbli tas-sistema tal-egżost jew tas-silenzjatur li għandhom jiġu approvati għandhom jiġu sottomessi lis-servizz tekniku responsabbli għat-twettiq tat-testijiet tal-approvazzjoni bi qbil mal-awtoritajiet tal-approvazzjoni tat-tip. |
|
3.6. |
Rapport tat-test mis-Servizz Tekniku li jwettaq it-test tal-approvazzjoni tat-tip għandu jiġi ppreżentat lill-Awtorità tal-Approvazzjoni tat-Tip. Dan ir-rapport tat-test għandu jinkludi mill-anqas l-informazzjoni li ġejja:
|
4. IMMARKAR
|
4.1. |
Il-komponenti tas-sistema tal-egżost jew tas-silenzjatur għandu jkollhom fuqhom l-identifikazzjonijiet li ġejjin: |
|
4.1.1. |
L-isem kummerċjali jew it-trademark tal-manifattur tas-sistema tal-egżost jew tas-silenzjatur u tal-komponenti tagħha; |
|
4.1.2. |
Id-deskrizzjoni kummerċjali mogħtija mill-manifattur; |
|
4.1.3. |
In-numri ta’ identifikazzjoni tal-parts; u |
|
4.1.4. |
Għas-silenzjaturi oriġinali kollha, il-marka “E” segwita mill-identifikazzjoni tal-pajjiż li ta l-approvazzjoni tat-tip lill-komponent. (3) |
|
4.1.5. |
Kwalunkwe imballaġġ ta’ parts ta’ sostituzzjoni oriġinali għas-sistemi tal-egżost jew tas-silenzjatur għandu jiġi mmarkat b’mod leġġibbli bil-kelmiet “original part” (“part oriġinali”) u bir-referenzi għall-għamla u għat-tip integrati flimkien mal-marka “E” u anke r-referenza tal-pajjiż ta’ oriġini. |
|
4.1.6. |
Dan l-immarkar ma għandux ikun jista’ jitħassar, għandu jkun leġġibbli b’mod ċar u għandu jkun ukoll viżibbli, fil-pożizzjoni fejn il-komponent irid jiġi mmuntat fuq il-vettura. |
5. APPROVAZZJONI
|
5.1. |
Jekk it-tip ta’ mutur imressaq għall-approvazzjoni skont dan ir-Regolament jissodisfa r-rekwiżiti tal-paragrafi 6. u 7. ta’ hawn taħt, għandha tingħata l-approvazzjoni għal dak it-tip ta’ mutur. |
|
5.2.1. |
Għal kull tip approvat, għandu jiġi assenjat numru tal-approvazzjoni. L-ewwel żewġ ċifri tiegħu għandhom jindikaw is-serje ta’ emendi li jinkorporaw l-aktar emendi tekniċi ewlenin reċenti li jkunu saru fir-Regolament fiż-żmien meta nħarġet l-approvazzjoni. L-istess Parti Kontraenti ma tistax tassenja l-istess numru lil tip ieħor ta’ mutur. |
|
5.2.2. |
Konfigurazzjonijiet multipli tas-sistema tal-egżost jew tas-silenzjatur għandhom jiġu elenkati b’mod espliċitu taħt l-istess approvazzjoni ta’ tip ta’ mutur bir-riżultati tat-test rispettivi tagħhom. |
|
5.3. |
In-notifika ta’ approvazzjoni jew ta’ estensjoni jew ta’ rifjut ta’ approvazzjoni ta’ tip ta’ mutur skont dan ir-Regolament għandha tiġi kkomunikata lill-Partijiet għall-Ftehim li japplikaw dan ir-Regolament permezz ta’ formula konformi mal-mudell muri fl-Anness 1 ta’ dan ir-Regolament, flimkien ma’ tpinġijiet tas-sistema tal-egżost jew tas-silenzjatur (ipprovduti mill-applikant għall-approvazzjoni) f’format mhux akbar minn A4 (210 × 297 mm), jew mitwijin għal dak il-format, u fuq skala xierqa. |
|
5.4. |
L-informazzjoni rispettiva għal konfigurazzjonijiet multipli tas-sistema tal-egżost jew tas-silenzjatur imsemmija fil-paragrafu 5.2.2. ta’ hawn fuq għandha tiġi pprovduta fl-Anness 1 ta’ dan ir-Regolament. |
|
5.5. |
Fuq kull mutur li jkun konformi ma’ tip ta’ mutur approvat skont dan ir-Regolament għandu jitwaħħal, f’post li jidher u li jkun faċilment aċċessibbli speċifikat fuq il-formola tal-approvazzjoni marka tal-approvazzjoni internazzjonali li tikkonsisti minn: |
|
5.5.1. |
Ċirku madwar l-ittra “E” segwit bin-numru li jiddistingwi l-pajjiż li jkun ta l-approvazzjoni3; u |
|
5.5.2. |
In-numru ta’ dan ir-Regolament, segwit mill-ittra “R”, sing u n-numru tal-approvazzjoni fuq il-lemin taċ-ċirku preskritt fil-paragrafu 5.5.1. |
|
5.6. |
Jekk il-mutur jikkonforma ma’ tip ta’ mutur approvat, skont Regolament ieħor jew Regolamenti oħra anness/i mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 5.5.1. ta’ hawn fuq ma għandux għalfejn jiġi ripetut; f’każ bħal dan, ir-Regolament u n-numri u s-simboli addizzjonali tar-Regolamenti kollha li skonthom ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandhom jitqiegħdu f’kolonni vertikali fuq il-lemin tas-simbolu preskritt fil-paragrafu 5.5.1. |
|
5.7. |
Il-marka tal-approvazzjoni għandha tkun tista’ tinqara b’mod ċar u ma tkunx tista’ titħassar. |
|
5.8. |
Il-marka tal-approvazzjoni għandha titqiegħed qrib ta’ jew fuq il-pjanċa tad-data tal-mutur li jkun waħħal il-manifattur. |
|
5.9. |
L-Anness 2 ta’ dan ir-Regolament jagħti eżempji ta’ arranġamenti tal-marka tal-approvazzjoni. |
6. SPEĊIFIKAZZJONIJIET
|
6.1. |
Speċifikazzjonijiet ġenerali |
|
6.1.1. |
L-informazzjoni li ġejja għandha tiġi pprovduta fuq il-mutur f’post faċilment aċċessibbli iżda mhux bilfors viżibbli mill-ewwel:
|
|
6.2. |
Speċifikazzjonijiet fir-rigward tal-livelli tal-ħoss |
|
6.2.1. |
L-emissjonijiet tal-ħoss tat-tip ta’ mutur imressaq għall-approvazzjoni għandhom jitkejlu biż-żewġ metodi deskritti fl-Anness 3 ta’ dan ir-Regolament (mutur f’moviment u mutur wieqaf) (5); fil-każ ta’ mutur fejn il-magna ta’ kombustjoni interna ma taħdimx meta l-mutur ikun wieqaf, l-istorbju emess għandu jitkejjel biss meta l-mutur ikun qiegħed jagħmel moviment. |
|
6.2.2. |
Ir-riżultati tat-test miksuba f’konformità mad-dispożizzjonijiet tal-paragrafu 6.2.1. hawn fuq għandhom jitniżżlu fir-rapport tat-test u fuq formola li tkun konformi mal-mudell fl-Anness 1 ta’ dan ir-Regolament. |
|
6.2.3. |
Ir-riżultati tat-test għall-mutur f’moviment miksuba f’konformità mal-paragrafu 1. tal-Anness 3 ta’ dan ir-Regolament u matematikament ittondjati għall-eqreb numru sħiħ ma għandhomx jaqbżu l-limiti preskritti (għal muturi ġodda u għal sistemi tas-silenzjatur ġodda) fl-Anness 6 ta’ dan ir-Regolament għall-kategorija li l-mutur jappartjeni għaliha. Fi kwalunkwe każ, L wot ma għandux jaqbeż il-valur ta’ limitu għal L urban b’aktar minn 5 dB. |
|
6.3. |
Dispożizzjonijiet addizzjonali dwar l-emissjoni tal-ħoss |
|
6.3.1. |
Il-manifattur tal-mutur ma għandu jbiddel, jaġġusta jew jintroduċi intenzjonalment ebda apparat jew proċedura biss sabiex jissodisfa r-rekwiżiti tal-emissjonijiet tal-istorbju ta’ dan ir-Regolament, li ma jkunux operattivi waqt tħaddim tipiku fit-triq. |
|
6.3.2. |
It-tip ta’ vettura li għandu jiġi approvat għandu jissodisfa r-rekwiżiti tal-Anness 7 ta’ dan ir-Regolament. Jekk il-mutur ikollu programmi jew modalitajiet ta’ software li jistgħu jingħażlu mill-utent li jaffettwaw l-emissjoni tal-ħoss tal-vettura, dawn il-modalitajiet kollha għandhom ikunu f’konformità mar-rekwiżiti fl-Anness 7. |
|
6.3.3. |
Fl-applikazzjoni għal approvazzjoni tat-tip jew għal modifika jew estensjoni ta’ approvazzjoni tat-tip, il-manifattur għandu jipprovdi dikjarazzjoni f’konformità mal-Anness 8 li t-tip ta’ vettura li għandu jiġi approvat huwa konformi mar-rekwiżiti tal-paragrafu 6.3.1. ta’ dan ir-Regolament. |
|
6.3.4. |
Ir-riżultati tat-test miksuba f’konformità mad-dispożizzjonijiet tal-paragrafu 6.3.2. hawn fuq għandhom jitniżżlu fir-rapport tat-test u fuq formola li tkun konformi mal-mudell fl-Anness 1 ta’ dan ir-Regolament. |
|
6.4. |
Speċifikazzjonijiet addizzjonali dwar sistemi tal-egżost jew tas-silenzjatur mimlija b’materjal fibruż |
|
6.4.1. |
Jekk is-sistema tal-egżost jew tas-silenzjatur tal-mutur ikun fiha materjali fibrużi, għandhom japplikaw ir-rekwiżiti tal-Anness 5. Jekk il-bokka tal-magna tkun mgħammra b’filtru tal-arja u/jew b’assorbitur tal-istorbju tad-dħul li huwa/huma meħtieġ(a) sabiex tkun żgurata konformità mal-livell permissibbli ta’ ħoss, il-filtru u/jew l-assorbitur għandu/għandhom jiġi/jiġu kkunsidrat(i) bħala li huwa/huma parti mis-sistema tas-silenzjatur, u r-rekwiżiti tal-Anness 5 għandhom japplikaw għalih/om ukoll. |
|
6.5. |
Il-preskrizzjonijiet addizzjonali relatati mal-manipulazzjoni u s-sistemi ta’ multimodalità manwalment aġġustabbli tal-egżost jew tas-silenzjatur |
|
6.5.1. |
Is-sistemi tas-silenzjatur jew tal-egżost kollha għandhom jinbnew b’tali mod li ma jippermettux it-tneħħija faċli tal-baffles, l-exit-cones u partijiet oħra li l-funzjoni primarja tagħhom hija bħala parti mill-kompartimenti tas-silenzjatur/tal-espansjoni. Meta l-inkorporazzjoni ta’ part bħal din tkun inevitabbli, il-metodu biex din titwaħħal għandu jkun tali li t-tneħħija ma tkunx iffaċilitata wisq (pereżempju, permezz ta’ fissanti b’kamin konvenzjonali) u għandha tkun imwaħħla wkoll b’tali mod li t-tneħħija tikkawża ħsara permanenti/irrekuperabbli lill-assemblaġġ. |
|
6.5.2. |
Sistemi tas-silenzjatur jew tal-egżost, b’modalitajiet multipli operattivi manwalment aġġustabbli għandhom jissodisfaw il-ħtiġijiet kollha fil-modalitajiet operattivi kollha. Il-livelli tal-istorbju rrapportati għandhom ikunu dawk li jirriżultaw mill-modalità bl-ogħla livelli ta’ storbju. |
7. MODIFIKA U ESTENSJONI TAL-APPROVAZZJONI TAT-TIP TA’ MUTUR JEW TAT-TIP TA’ SISTEMA/I TAL-EGŻOST JEW TAS-SILENZJATUR
|
7.1. |
Kull modifika tat-tip ta’ mutur jew tas-sistema tal-egżost jew tas-silenzjatur għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ mutur. Imbagħad, l-Awtorità tal-Approvazzjoni tat-Tip tista’ jew: |
|
7.1.1. |
Tikkunsidra li l-modifiki li saru ma humiex probabbli li se jkollhom effetti avversi apprezzabbli, u li fi kwalunkwe każ, il-mutur għadu konformi mar-rekwiżiti ta’ dan ir-Regolament; jew |
|
7.1.2. |
Tirrikjedi rapport tat-test ulterjuri mingħand is-Servizz Tekniku responsabbli għat-twettiq tat-testijiet. |
|
7.2. |
Konferma jew rifjut ta’ approvazzjoni, li tispeċifika l-alterazzjonijiet, għandha tiġi kkomunikata lill-Partijiet għall-Ftehim li japplikaw dan ir-Regolament skont il-proċedura speċifikata fil-paragrafu 5.3. ta’ hawn fuq. |
|
7.3. |
L-awtorità kompetenti li tkun ħarġet l-estensjoni tal-approvazzjoni għandha tassenja numru tas-serje lill-estensjoni u għandha tinnotifika b’dan lill-Partijiet l-oħra għall-Ftehim tal-1958 li japplikaw dan ir-Regolament, permezz ta’ formola ta’ komunikazzjoni li tkun konformi mal-mudell fl-Anness 1 ta’ dan ir-Regolament. |
8. KONFORMITÀ TAL-PRODUZZJONI
Il-proċeduri ta’ konformità tal-produzzjoni għandhom ikunu konformi ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2) bir-rekwiżiti li ġejjin:
|
8.1. |
Kwalunkwe mutur immanifatturat għandu jkun konformi ma’ tip ta’ mutur approvat skont dan ir-Regolament, għandu jkun mgħammar bis-silenzjatur li bih ingħata l-approvazzjoni tat-tip u għandu jissodisfa r-rekwiżiti tal-paragrafu 6 hawn fuq. |
|
8.2. |
Sabiex tiġi ttestjata l-konformità kif meħtieġ hawn fuq, għandu jittieħed kampjun ta’ mutur mil-linja ta’ produzzjoni tat-tip approvat skont dan ir-Regolament. Il-livelli tal-ħoss tiegħu, imkejla u pproċessati (Lurban u Lwot) skont il-metodu deskritt fl-Anness 3, bl-istess ger(ijiet) u bl-istess distanza/distanzi ta’ preaċċellerazzjoni kif intużaw fit-test oriġinali tal-approvazzjoni tat-tip, u matematikament ittondjati għall-eqreb numru sħiħ ma għandhomx jaqbżu l-valuri mkejla u pproċessati fi żmien l-approvazzjoni tat-tip b’aktar minn 3,0 dB(A). Barra minn hekk, L urban ma għandux jaqbeż b’aktar minn 1,0 dB(A) il-limitu stabbilit fl-Anness 6 ta’ dan ir-Regolament, u Lwot, b’rabta ma’ 6.2.3., ma għandux jaqbeż il-valur ta’ limitu għal Lurban b’aktar minn 6,0 dB(A). |
|
8.3. |
Għall-konformità tal-produzzjoni, il-manifattur għandu jagħmel dikjarazzjoni mill-ġdid li t-tip għadu jissodisfa r-rekwiżiti tal-paragrafu 6.3.1. ta’ dan ir-Regolament. Il-livelli mkejla ta’ ħoss skont l-Anness 7 ma għandhomx jaqbżu l-limiti mogħtija fil-paragrafu 2.6. tal-Anness 7 b’aktar minn 1,0 dB(A). Bħala minimu, għandhom jitwettqu testijiet fil-kundizzjonijiet operattivi għall-punti ta’ referenza skont il-paragrafu 3.2. tal-Anness 7. |
9. PENALI GĦAN-NUQQAS TA’ KONFORMITÀ TAL-PRODUZZJONI
|
9.1. |
L-approvazzjoni mogħtija fir-rigward ta’ tip ta’ mutur skont dan ir-Regolament tista’ tiġi rtirata jekk ma jiġux issodisfati r-rekwiżiti stabbiliti fil-paragrafu 8. hawn fuq. |
|
9.2. |
Jekk Parti Kontraenti għall-Ftehim li tapplika dan ir-Regolament tirtira l-approvazzjoni li tkun tat qabel, għandha tgħarraf b’dan lill-Partijiet Kontraenti l-oħra li japplikaw dan ir-Regolament permezz ta’ formola ta’ komunikazzjoni li tkun konformi mal-mudell fl-Anness 1 ta’ dan ir-Regolament. |
10. PRODUZZJONI MWAQQFA GĦALKOLLOX
Jekk id-detentur tal-approvazzjoni jieqaf għalkollox milli jimmanifattura tip ta’ mutur approvat f’konformità ma’ dan ir-Regolament, huwa għandu jinforma lill-awtorità li tkun tat l-approvazzjoni. Malli tirċievi l-komunikazzjoni rilevanti dik l-awtorità għandha tinforma b’dan lill-Partijiet l-oħra għall-Ftehim li japplikaw dan ir-Regolament, permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament.
11. ISMIJIET U INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI, U TAL-AWTORITAJIET TAL-APPROVAZZJONI TAT-TIP
Il-Partijiet għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli għat-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni u li lilhom għandhom jintbagħtu l-formoli li jiċċertifikaw approvazzjoni jew estensjoni jew rifjut jew irtirar ta’ approvazzjoni, maħruġa f’pajjiżi oħrajn.
12. DISPOŻIZZJONIJIET TRANŻIZZJONALI
|
12.1. |
Mid-data uffiċjali tad-dħul fis-seħħ tas-serje ta’ emendi 05, l-ebda Parti Kontraenti li tapplika dan ir-Regolament ma għandha tirrifjuta li tagħti jew tirrifjuta li taċċetta approvazzjonijiet tat-tip skont dan ir-Regolament kif emendat bis-serje ta’ emendi 05. |
|
12.2. |
Mill-1 ta’ Settembru 2023, il-Partijiet Kontraenti li japplikaw dan ir-Regolament ma għandhomx ikunu obbligati jaċċettaw approvazzjonijiet tat-tip għas-serje ta’ emendi preċedenti, li jkunu nħarġu għall-ewwel darba wara l-1 ta’ Settembru 2023. |
|
12.3. |
Sal-1 ta’ Settembru 2024, il-Partijiet Kontraenti li japplikaw dan ir-Regolament għandhom jaċċettaw approvazzjonijiet tat-tip għas-serje ta’ emendi preċedenti, maħruġa għall-ewwel darba qabel l-1 ta’ Settembru 2023. |
|
12.4. |
Mill-1 ta’ Settembru 2024, il-Partijiet Kontraenti li japplikaw dan ir-Regolament ma għandhomx ikunu obbligati jaċċettaw approvazzjonijiet tat-tip maħruġa għas-serje ta’ emendi preċedenti għal dan ir-Regolament. |
|
12.5. |
Minkejja d-dispożizzjonijiet tranżizzjonali ta’ hawn fuq, il-Partijiet Kontraenti li jibdew japplikaw dan ir-Regolament wara d-data tad-dħul fis-seħħ tas-serje ta’ emendi l-aktar reċenti ma humiex obbligati jaċċettaw approvazzjonijiet tat-tip li jkunu ngħataw f’konformità ma’ kwalunkwe waħda mis-serje preċedenti ta’ emendi għal dan ir-Regolament/huma obbligati biss li jaċċettaw approvazzjonijiet tat-tip mogħtija f’konformità mas-serje ta’ emendi 05. |
|
12.6. |
Minkejja l-paragrafu 12.4., il-Partijiet Kontraenti li japplikaw dan ir-Regolament għandhom ikomplu jaċċettaw approvazzjonijiet tat-tip maħruġa skont is-serje preċedenti ta’ emendi għal dan ir-Regolament, għall-vetturi/is-sistemi ta’ vetturi li ma humiex affettwati mill-bidliet introdotti bis-serje ta’ emendi 05. |
|
12.7. |
Il-Partijiet Kontraenti li japplikaw dan ir-Regolament jistgħu jagħtu approvazzjonijiet tat-tip skont kwalunkwe serje preċedenti ta’ emendi għal dan ir-Regolament. Madankollu, il-wiċċ tat-triq li jkopri s-sit tat-test jista’ jikkonforma mal-ISO10844:2014 meta tingħata l-approvazzjoni tat-tip skont is-serje ta’ emendi 03 għal dan ir-Regolament jew l-estensjonijiet tiegħu. |
|
12.8. |
Il-Partijiet Kontraenti li japplikaw dan ir-Regolament għandhom ikomplu jagħtu estensjonijiet għall-approvazzjonijiet eżistenti għal kwalunkwe serje preċedenti ta’ emendi għal dan ir-Regolament. Madankollu, il-wiċċ tat-triq li jkopri s-sit tat-test jista’ jikkonforma mal-ISO10844:2014 meta tingħata l-approvazzjoni tat-tip skont is-serje ta’ emendi 03 għal dan ir-Regolament jew l-estensjonijiet tiegħu. |
(1) Kif iddefiniti fir-Riżoluzzjoni Konsolidata dwar il-Kostruzzjoni tal-Vetturi (R.E.3.), id-dokument ECE/TRANS/WP.29/78/Rev.6, para. 2 - www.unece.org/trans/main/wp29/wp29wgs/wp29gen/wp29resolutions.html
(2) Jekk il-potenza netta massima nominali tintlaħaq b’diversi veloċitajiet tal-magna, f’dan ir-Regolament S tintuża bħala l-ogħla veloċità tal-magna li biha tintlaħaq il-qawwa netta massima nominali.
(3) In-numri li jiddistingwu l-Partijiet Kontraenti għall-Ftehim tal-1958 jidhru għal darb’oħra fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev. 6, Anness 3- www.unece.org/trans/main/wp29/wp29wgs/wp29gen/wp29resolutions.html.
(4) L-istabbiliment ta’ bażi tad-data elettronika dwar l-approvazzjonijiet tat-tip mistennija tagħmel il-provvista tad-data ta’ referenza tal-konformità fl-użu dwar il-mutur żejda.
(5) Isir test fuq mutur wieqaf sabiex jiġi pprovdut valur ta’ referenza għall-amministrazzjonijiet li jużaw dan il-metodu sabiex jikkontrollaw il-muturi waqt l-użu.
ANNESS 1
Komunikazzjoni
(Format massimu: A4 (210 × 297 mm)
|
|
maħruġa minn: |
Isem l-amministrazzjoni … … … |
|
dwar (2): |
Approvazzjoni mogħtija Approvazzjoni estiża Approvazzjoni rrifjutata Approvazzjoni rtirata Produzzjoni mwaqqfa għalkollox |
ta’ tip ta’ mutur fir-rigward tal-istorbju emess mill-muturi skont ir-Regolament Nru 41
Approvazzjoni Nru: … Estensjoni Nru: …
|
1. |
Isem kummerċjali jew trademark tal-mutur: … |
|
2. |
Tip ta’ mutur: … |
|
3. |
L-isem u l-indirizz tal-manifattur: … |
|
4. |
Jekk applikabbli, l-isem u l-indirizz tar-rappreżentant tal-manifattur: … |
|
5. |
Magna |
|
5.1. |
Manifattur: … |
|
5.2. |
Tip: … |
|
5.3. |
Mudell: … |
|
5.4. |
Potenza netta massima nominali: … kW f’ … min-1 |
|
5.5. |
Tip ta’ magna (eż. tqabbid bi spark, tqabbid bil-kompressjoni, eċċ. ): (3)… |
|
5.6. |
Ċikli: two-stroke/four-stroke (2) |
|
5.7. |
Ċilindrata: …cm3 |
|
6. |
Trażmissjoni |
|
6.1. |
Tip ta’ trażmissjoni: gearbox mhux awtomatika/gearbox awtomatika: … |
|
6.2. |
In-numru ta’ gerijiet: … |
|
7. |
Tagħmir |
|
7.1. |
Silenzjatur tal-egżost |
|
7.1.1. |
Il-manifattur jew ir-rappreżentant awtorizzat (jekk ikun hemm): … |
|
7.1.2. |
Mudell: … |
|
7.1.3. |
Tip: f’konformità mad-disinn Nru … |
|
7.2. |
Silenzjatur tad-dħul |
|
7.2.1. |
Il-manifattur jew ir-rappreżentant awtorizzat (jekk ikun hemm): … |
|
7.2.2. |
Mudell: … |
|
7.2.3. |
Tip: … f’konformità mad-disinn Nru … |
|
8. |
Gerijiet użati għat-test tal-mutur f’moviment: … |
|
9. |
Il-proporzjon(ijiet) tat-trażmissjoni finali: … |
|
10. |
Numru tal-approvazzjoni tat-tip tat-tajer(s): …
Jekk ma jkunx disponibbli, għandha tiġi pprovduta l-informazzjoni li ġejja: |
|
10.1. |
Il-manifattur tat-tajers: … |
|
10.2. |
Id-deskrizzjoni(jiet) kummerċjali tat-tip ta’ tajer (skont il-fus), (eż. l-isem kummerċjali, l-indiċi tal-veloċità, l-indiċi tat-tagħbija): … |
|
10.3. |
Id-daqs tat-tajer (skont il-fus): … |
|
10.4. |
Numru ta’ approvazzjoni tat-tip ieħor (jekk ikun disponibbli): … |
|
11. |
Mases |
|
11.1. |
Piż gross massimu permissibbli: …kg |
|
11.2. |
Massa tat-test: …kg |
|
11.3. |
L-indiċi tal-proporzjon potenza-massa (PMR): … |
|
12. |
Tul tal-vettura: …m |
|
12.1. |
Tul ta’ referenza l ref: …m |
|
13. |
Veloċitajiet tal-vettura waqt il-kejl fuq il-ger (i) |
|
13.1. |
Veloċità tal-vettura fil-bidu tal-perjodu ta’ aċċellerazzjoni (medja ta’ tliet provi) għall-ger (i): …km/h |
|
13.2. |
Tul tal-preaċċellerazzjoni għall-ger (i): …m |
|
13.3. |
Veloċità tal-vettura v PP’ (medja ta’ tliet provi) għall-ger (i): … km/h |
|
13.4. |
Veloċità tal-vettura v BB’ (medja ta’ tliet provi) għall-ger (i): … km/h |
|
14. |
Veloċitajiet tal-vettura waqt il-kejl fuq il-ger (i+1) (jekk applikabbli) |
|
14.1. |
Veloċità tal-vettura fil-bidu tal-perjodu ta’ aċċellerazzjoni (medja ta’ tliet provi) għall-ger (i+1): …km/h |
|
14.2. |
Tul tal-preaċċellerazzjoni għall-ger (i+1): …m |
|
14.3. |
Veloċità tal-vettura v PP’ (medja ta’ tliet provi) għall-ger (i+1): … km/h |
|
14.4. |
Veloċità tal-vettura v BB’ (medja ta’ tliet provi) għall-ger (i+1): … km/h |
|
15. |
L-aċċellerazzjonijiet jiġu kkalkulati bejn il-linji AA’ u BB’/PP’ u BB’ |
|
15.1. |
Deskrizzjoni tal-funzjonalità tal-apparati użati sabiex l-aċċellerazzjoni tiġi stabbilizzata (jekk applikabbli): … |
|
16. |
Livelli ta’ storbju tal-vettura f’moviment |
|
16.1. |
Riżultat tat-test bl-aċċelleratur miftuħ kollu Lwot: …db(A) |
|
16.2. |
Riżultati tat-test tal-veloċità kostanti Lcrs: …db(A) |
|
16.3. |
Fattur tal-qawwa parzjali kp: … |
|
16.4. |
Riżultat finali tat-test Lurban: …db(A) |
|
17. |
Livell ta’ storbju tal-vettura wieqfa |
|
17.1. |
Pożizzjoni u orjentazzjoni tal-mikrofonu (skont l-Appendiċi 2 tal-Anness 3): … |
|
17.2. |
Ir-riżultat tat-test għal test bil-vettura wieqfa: … dB(A) f’… min-1 |
|
18. |
Dispożizzjonijiet addizzjonali dwar l-emissjonijiet tal-ħoss:
|
|
18.2. |
Ara d-dikjarazzjoni ta’ konformità tal-manifattur mar-rekwiżiti tal-paragrafu 6.3.1. (mehmuża). |
|
19. |
Data ta’ referenza tal-konformità waqt l-użu |
|
19.1. |
Il-ger (i) jew, għall-vetturi ttestjati bi proporzjonijiet tal-gerijiet mhux illokkjati, il-pożizzjoni tas-selettur tal-gerijiet magħżula għat-test: … |
|
19.2. |
Tul tal-preaċċellerazzjoni l PA: …m |
|
19.3. |
Veloċità tal-vettura fil-bidu tal-perjodu ta’ aċċellerazzjoni (medja ta’ tliet provi) għall-ger (i): …km/h |
|
19.4. |
Livell ta’ pressjoni tal-ħoss L wot(i): …dB(A) |
|
19.5. |
Programmi jew modalitajiet ta’ software li jistgħu jintgħażlu mill-utent b’effett jew fuq Lwot(i) jew Lcrs jew Lurb jew LASEP |
|
19.5.1. |
Lista ta’ programmi jew modalitajiet ta’ software li jistgħu jintgħażlu mill-utent: … |
|
19.5.2. |
Programmi jew modalitajiet ta’ software li jistgħu jintgħażlu mill-utent użati għad-determinazzjoni ta’ Lurb skont l-Anness 3: … |
|
19.5.3. |
Programmi jew modalitajiet ta’ software li jistgħu jintgħażlu mill-utent użati għad-determinazzjoni ta’ Lwot u LASEP skont l-Anness 7: … |
|
20. |
Data li fiha l-vettura tressqet għall-approvazzjoni: … |
|
21. |
Servizz Tekniku li jwettaq it-testijiet tal-approvazzjoni: … |
|
22. |
Data tar-rapport maħruġ minn dak is-servizz: … |
|
23. |
Numru tar-rapport maħruġ minn dak is-servizz: … |
|
24. |
Approvazzjoni mogħtija/estiża/miċħuda/irtirata: 2… |
|
25. |
Post: … |
|
26. |
Data: … |
|
27. |
Firma: … |
|
28. |
Id-dokumenti li ġejjin huma mehmuża ma’ din il-komunikazzjoni, u għandhom in-numru tal-approvazzjoni indikat hawn fuq:
Tpinġijiet, dijagrammi u skemi tal-magna u tas-sistema għat-tnaqqis tal-istorbju; Ritratti tal-magna u tas-sistema tal-egżost jew tas-silenzjatur; Lista ta’ komponenti, debitament identifikati, li jikkostitwixxu s-sistema għat-tnaqqis tal-istorbju. |
(1) Numru distintiv tal-pajjiż li jkun ta/estenda/irrifjuta jew irtira l-approvazzjoni
(2) Ħassar dak li ma japplikax
(3) Jekk tintuża magna mhux konvenzjonali, dan għandu jiġi ddikjarat
ANNESS 2
Arranġamenti tal-marki tal-approvazzjoni
Mudell A
(Ara l-paragrafu 5.5 ta’ dan ir-Regolament)
a = 8 mm min
Il-marka tal-approvazzjoni ta’ hawn fuq imwaħħla fuq mutur turi li t-tip ta’ mutur ikkonċernat, fir-rigward tal-istorbju, ġie approvat fin-Netherlands (E4) skont ir-Regolament Nru 41 bin-numru tal-approvazzjoni 052439. L-ewwel żewġ ċifri tan-numru tal-approvazzjoni jindikaw li l-approvazzjoni ngħatat f’konformità mar-rekwiżiti tar-Regolament Nru 41 kif emendat bis-serje ta’ emendi 05.
Mudell B
(Ara l-paragrafu 5.6. ta’ dan ir-Regolament)
a = 8 mm min
Il-marka ta’ approvazzjoni ta’ hawn fuq imwaħħla fuq mutur turi li t-tip ta’ mutur ikkonċernat ġie approvat fin-Netherlands (E 4) skont ir-Regolamenti Nri 41 u 10. L-ewwel żewġ ċifri tan-numri tal-approvazzjoni jindikaw li fid-data meta ngħataw dawn l-approvazzjonijiet, ir-Regolament Nru 41 kien jinkludi s-serje ta’ emendi 05 u r-Regolament Nru 10 kien jinkludi s-serje ta’emendi 01.
ANNESS 3
Metodi u strumenti għall-kejl tal-istorbju li jagħmlu l-muturi
|
1. |
Storbju tal-mutur f’moviment (kundizzjonijiet u metodu ta’ kejl għall-ittestjar tal-vettura waqt l-approvazzjoni tat-tip tal-komponenti). |
|
1.1. |
Strumenti tal-kejl |
|
1.1.1. |
Kejl akustiku |
|
1.1.1.1. |
Ġenerali
L-apparat li jintuża biex jitkejjel il-livell ta’ pressjoni tal-ħoss għandu jkun miter tal-livell tal-ħoss jew sistema ta’ kejl ekwivalenti li tissodisfa r-rekwiżiti tal-istrumenti tal-Klassi 1 (inkluż il-windscreen rakkomandat, jekk jintuża). Dawn ir-rekwiżiti ġew deskritti fl-IEC 61672-1:2002. Il-kejl għandu jsir bl-użu tal-ponderazzjoni tal-ħin “F” tal-istrument tal-kejl akustiku u tal-kurva tal-ponderazzjoni tal-frekwenza “A” deskritti wkoll fl-IEC 61672-1:2002. Meta tintuża sistema li tinkludi monitoraġġ perjodiku tal-livell ta’ pressjoni tal-ħoss ponderat-A, għandu jittieħed qari f’intervalli ta’ ħin ta’ mhux aktar minn 30 ms. L-istrumenti għandhom jinżammu f’kundizzjoni tajba u jiġu kkalibrati f’konformità mal-istruzzjonijiet tal-manifattur tal-istrument. |
|
1.1.1.2. |
Kalibrazzjoni
Fil-bidu u fi tmiem ta’ kull sessjoni ta’ kejl, is-sistema tal-kejl akustiku kollha għandha tiġi vverifikata permezz ta’ kalibratur tal-ħoss li jissodisfa r-rekwiżiti għall-kalibraturi tal-ħoss tal-Klassi 1 skont l-IEC 60942:2003. Bla ebda aġġustament ulterjuri, id-differenza bejn il-qari għandha tkun ta’ anqas minn jew ta’ 0,5 dB(A). Jekk dan il-valur jinqabeż, ir-riżultati tal-kejl li jkunu nkisbu wara l-verifika sodisfaċenti preċedenti għandhom jiġu skartati. |
|
1.1.1.3. |
Konformità mar-rekwiżiti
Il-konformità tal-kalibratur tal-ħoss mar-rekwiżiti tal-IEC 60942:2003 għandha tiġi vverifikata darba fis-sena. Il-konformità tas-sistema tal-istrumentazzjoni mar-rekwiżiti tal-IEC 61672-1:2002 għandha tiġi vverifikata mill-inqas darba kull sentejn. L-ittestjar għall-konformità kollu għandu jsir minn laboratorju awtorizzat biex iwettaq kalibrazzjonijiet skont l-istandards xierqa. |
|
1.1.2. |
Strumentazzjoni għall-kejl tal-veloċità
Il-veloċità rotazzjonali tal-magna għandha titkejjel bi strument bi preċiżjoni ta’ mill-anqas ±2 fil-mija jew aħjar bil-veloċitajiet tal-magna meħtieġa għall-kejl li jkun qiegħed isir. F’każ li jkun hemm kejl ieħor korrelatat mal-veloċitajiet tal-magna, jista’ jintuża l-valur ikkalkulat (eż. kalkolu mill-kejl tal-veloċità tal-vettura). Il-veloċità tal-vettura fit-triq għandha titkejjel bi strumenti bi preċiżjoni minima ta’ ±0,5 km/h meta jintużaw apparati ta’ kejl kontinwu. Jekk l-ittestjar juża kejl indipendenti tal-veloċità, din l-istrumentazzjoni għandu jkollha preċiżjoni minima ta’ ±0,2 km/h. (1) |
|
1.1.3. |
Strumentazzjoni meteoroloġika
L-istrumentazzjoni meteoroloġika użata sabiex jiġu mmonitorjati l-kundizzjonijiet ambjentali waqt it-test għandha tissodisfa l-ispeċifikazzjonijiet li ġejjin:
|
|
1.2. |
Ambjent akustiku, kundizzjonijiet meteoroloġiċi u l-istorbju fl-isfond |
|
1.2.1. |
Is-sit tat-test
Is-sit tat-test għandu jikkonsisti f’sezzjoni ċentrali tal-aċċellerazzjoni mdawra b’żona tat-test sostanzjalment ċatta u invell. Is-sezzjoni tal-aċċellerazzjoni għandha tkun ċatta u invell; il-wiċċ tagħha għandu jkun niexef u ddisinjat b’mod tali li l-istorbju tad-dawrien tat-tajers jibqa’ baxx. Fuq is-sit tat-test, il-varjazzjonijiet fil-kamp akustiku ħieles bejn is-sors tal-ħoss fiċ-ċentru tas-sezzjoni tal-aċċellerazzjoni u l-mikrofonu għandhom jinżammu fi ħdan 1 dB(A). Din il-kundizzjoni titqies bħala li ġiet issodisfata jekk ma jkunx hemm oġġetti kbar li jirriflettu l-ħoss, bħal ilqugħ, blat, pontijiet jew bini, f’distanza ta’ 50 metru miċ-ċentru tas-sezzjoni tal-aċċellerazzjoni. Il-wiċċ tat-triq li jkopri s-sit tat-test għandu jikkonforma mal-ISO10844:2014. Il-mikrofonu ma għandux ikun ostakolat b’xi mod li jista’ jaffettwa l-kamp akustiku, u ebda persuna ma tista’ toqgħod bilwieqfa bejn il-mikrofonu u s-sors tal-ħoss. L-osservatur li jwettaq il-kejl għandu jsib pożizzjoni b’tali mod li ma jaffettwax il-qari tal-istrument tal-kejl. |
|
1.2.2. |
Kundizzjonijiet meteoroloġiċi
L-istrumentazzjoni meteoroloġika għandha tagħti data rappreżentattiva tas-sit tat-test, u għandha tiġi ppożizzjonata biswit iż-żona tat-test f’għoli li jirrappreżenta l-għoli tal-mikrofonu li qiegħed ikejjel. Il-kejl għandu jsir meta t-temperatura tal-arja ambjentali tkun f’medda ta’ bejn 5 °C u 45 °C. It-testijiet ma għandhomx jitwettqu jekk il-veloċità tar-riħ, inklużi l-buffuri, fl-għoli tal-mikrofonu taqbeż il-5 m/s waqt l-intervall fil-kejl tal-istorbju. Waqt l-intervall fil-kejl tal-istorbju għandu jiġi rreġistrat valur rappreżentattiv tat-temperatura, tal-veloċità u tad-direzzjoni tar-riħ, tal-umdità relattiva u tal-pressjoni barometrika. |
|
1.2.3. |
Storbju fl-isfond
Meta jittieħed il-qari, kwalunkwe żieda u tnaqqis f’daqqa fil-livell tal-ħoss li jidhru li ma jkunux relatati mal-karatteristiċi tal-livell ġenerali tal-istorbju tal-vettura għandhom jiġu injorati. L-istorbju fl-isfond għandu jitkejjel għal 10 sekondi immedjatament qabel u wara serje ta’ testijiet ta’ vettura. Il-kejl għandu jitwettaq bl-istess mikrofoni li ntużaw waqt it-test u fil-postijiet fejn tqiegħdu l-mikrofoni waqt it-test. Għandu jiġi rrapportat il-livell massimu ta’ pressjoni tal-ħoss ponderat-A. L-istorbju fl-isfond (inkluż kwalunkwe storbju kkawżat mir-riħ) għandu jkun mill-anqas 10 dB(A) taħt il-livell ta’ pressjoni tal-ħoss ponderat-A prodott mill-vettura li tkun qiegħda tiġi ttestjata. Jekk id-differenza bejn il-livell ta’ pressjoni tal-ħoss fl-isfond u l-livell imkejjel ta’ pressjoni tal-ħoss tkun bejn 10 dB(A) u 15 dB(A), sabiex jiġi kkalkulat ir-riżultat tat-test, mill-qari fuq il-miter tal-livell tal-ħoss għandha titnaqqas il-korrezzjoni xierqa, kif jintwera fit-Tabella 1. Tabella 1 Korrezzjoni applikata lil valur individwali mkejjel tat-test
|
|
1.3. |
Proċeduri tat-test |
|
1.3.1. |
Pożizzjonijiet tal-mikrofoni
Id-distanza tal-pożizzjonijiet tal-mikrofoni mil-linja CC’, fuq il-linja tal-mikrofonu PP’, perpendikulari għal-linja ta’ referenza CC’ fuq il-korsa tat-testijiet (ara l-Anness 4 — Illustrazzjoni 1), għandha tkun ta’ 7,5 ±0,05 m. Il-mikrofoni għandhom ikunu 1,2 m ±0,02 m ’il fuq mill-art. Id-direzzjoni ta’ referenza għal kundizzjonijiet ta’ kamp akustiku ħieles (ara l-IEC 61672-1:2002) għandha tkun orizzontali u diretta b’mod perpendikulari lejn il-mogħdija tal-linja CC’ tal-vettura. |
|
1.3.2. |
Kundizzjonijiet tal-vettura |
|
1.3.2.1. |
Kundizzjonijiet Ġenerali
Il-vettura/vetturi ttestjata/ttestjati għandha/għandhom tkun/ikunu rappreżentattiva/rappreżentattivi tal-vetturi li għandhom jitqiegħdu fis-suq skont it-tip ta’ vettura li għandu/għandhom jiġi/jiġu approvat(i) u magħżul(a) mill-manifattur bi qbil mal-Awtorità tal-Approvazzjoni tat-Tip, sabiex tikkonforma/jikkonformaw mar-rekwiżiti ta’ dan ir-Regolament. Qabel ma jibda l-kejl, il-vettura għandha tinġieb għall-kundizzjonijiet operattivi normali tagħha. Jekk il-mutur ikun mgħammar b’fannijiet li jkollhom mekkaniżmu ta’ attwazzjoni awtomatiku, ma għandhiex isseħħ interferenza ma’ din is-sistema waqt il-kejl tal-ħsejjes. Għall-muturi li jkollhom aktar minn rota motriċi waħda, jista’ jintuża biss l-ingranaġġ ipprovdut għal tħaddim normali fit-triq. |
|
1.3.2.2. |
Massa tat-test tal-vettura
Il-kejl għandu jsir fuq vetturi bil-massa tat-test m t li ġejja, f’kg, speċifikata bħala: m t = m kerb + 75 ±5 kg (75 ±5 kg hija daqs il-massa tas-sewwieq u tal-istrumentazzjoni) |
|
1.3.2.3. |
Għażla u kundizzjoni tat-tajers
It-tajers għandhom ikunu dawk xierqa għall-vettura u għandhom jintefħu għall-pressjoni rrakkomandata mill-manifattur tal-vettura għall-massa tat-test tal-vettura. It-tajers għandhom jintgħażlu mill-manifattur tal-vettura u għandhom jikkorrispondu għal wieħed mid-daqsijiet u mit-tipi tat-tajers indikati għall-vettura mill-manifattur tal-vettura. Il-fond minimu tat-tread għandu jkun mill-anqas ta’ 80 fil-mija tal-fond tat-tread sħiħ. |
|
1.3.3. |
Kundizzjonijiet operattivi |
|
1.3.3.1. |
Kundizzjonijiet operattivi ġenerali
Il-mogħdija tal-linja ċentrali tal-vettura għandha ssegwi kemm jista’ jkun mill-qrib il-linja CC’ matul it-test kollu, mill-avviċinament lejn il-linja AA’ sakemm il-parti ta’ wara tal-vettura tgħaddi l-linja BB’ +20m (ara l-Anness 4 — Illustrazzjoni 1). |
|
1.3.3.1.1. |
Għat-testijiet tal-aċċellerazzjoni bl-aċċelleratur magħfus kollu, il-vettura għandha toqrob lejn il-linja AA’ b’veloċità kostanti. Meta l-parti ta’ quddiem tal-vettura tgħaddi mil-linja AA’, il-kontroll tal-aċċelleratur għandu jiġi mċaqlaq għall-pożizzjoni massima tal-aċċelleratur malajr kemm jista’ jkun u għandu jinżamm f’din il-pożizzjoni sakemm il-parti ta’ wara tal-vettura tgħaddi l-BB’. F’dan il-mument, il-kontroll tal-aċċelleratur għandu jiġi mċaqlaq għall-pożizzjoni idle malajr kemm jista’ jkun.
Sakemm ma jkunx speċifikat mod ieħor, il-manifattur jista’ jagħżel li juża l-preaċċellerazzjoni f’test tal-aċċellerazzjoni bl-aċċelleratur magħfus kollu bil-għan li tinkiseb aċċellerazzjoni stabbli bejn il-linji AA’ u BB’. Test ta’ preaċċellerazzjoni jsir kif deskritt hawn fuq ħlief għall-fatt li l-kontroll tal-aċċelleratur jgħaddi għall-pożizzjoni massima tal-aċċellerazzjoni diġà qabel ma l-vettura tgħaddi l-linja AA’, jiġifieri meta l-parti ta’ quddiem tal-vettura tkun għadha f’distanza l PA, it-tul ta’ qabel l-aċċellerazzjoni, mil-linja AA’. Il-veloċità tal-avviċinament għandha tingħażel b’tali mod li l-vettura tilħaq veloċità preskritta tat-test v test meta l-parti ta’ quddiem tagħha tgħaddi l-linja PP’. |
|
1.3.3.1.2. |
Waqt testijiet tal-veloċità kostanti, l-unità ta’ kontroll tal-aċċellerazzjoni għandha tiġi ppożizzjonata b’mod li żżomm veloċità kostanti tal-vettura bejn il-linji AA’ u BB’. |
|
1.3.3.2. |
Kundizzjonijiet operattivi għal vetturi b’PMR ≤ 25
Il-vettura tiġi ttestjata b’test tal-aċċellerazzjoni bl-aċċelleratur magħfus kollu bl-ispeċifikazzjonijiet li ġejjin:
Il-ger għat-test għandu jintgħażel bil-mod iterattiv li ġej: Il-veloċità tat-test inizjali għandha tkun kif speċifikat hawn fuq. Il-veloċità tat-test għandha titnaqqas b’żidiet ta’ 10 fil-mija ta’ v test (jiġifieri 4 km/h) f’każ li l-veloċità tal-ħruġ v BB’ taqbeż il-75 fil-mija ta’ v max jew f’każ li l-veloċità tal-magna taqbeż il-veloċità nominali tal-magna S f’BB’. Il-ger magħżul għandu jkun l-aktar wieħed baxx mingħajr ma tinqabeż il-veloċità nominali tal-magna S matul it-test. Il-kundizzjonijiet tat-test finali jiġu ddeterminati mill-ger l-aktar baxx possibbli bl-ogħla veloċità possibbli tat-test mingħajr ma jinqabżu jew 75 fil-mija ta’ v max jew il-veloċità nominali tal-magna S f’BB’. Sabiex jiġi ffrankat il-ħin tal-ittestjar, il-manifattur jista’ jipprovdi informazzjoni dwar il-proċedura iterattiva għall-għażla tal-gerijiet speċifikata hawn fuq. Fl-Appendiċi 1 ta’ dan l-anness tingħata dijagramma sekwenzjali tal-proċedura tat-test. |
|
1.3.3.3. |
Kundizzjonijiet operattivi għal vetturi b’PMR > 25
Il-vettura tiġi ttestjata f’test tal-aċċellerazzjoni bl-aċċelleratur magħfus kollu u f’test tal-veloċità kostanti. |
|
1.3.3.3.1. |
Test tal-aċċellerazzjoni bl-aċċelleratur magħfus kollu
Għat-testijiet tal-aċċellerazzjoni bl-aċċelleratur magħfus kollu, il-veloċità tat-test u l-aċċellerazzjoni medja tal-vettura fil-korsa tat-testijiet jiġu speċifikati. L-aċċellerazzjonijiet ma jitkejlux direttament iżda jiġu kkalkulati mill-kejl tal-veloċità tal-vettura kif deskritt fil-paragrafu 1.4. hawn isfel. |
|
1.3.3.3.1.1. |
Veloċità tat-test
Il-veloċità tat-test v test għandha tkun:
Jekk, f’ger partikolari, il-veloċità tal-ħruġ v BB’ taqbeż il-75 fil-mija tal-veloċità massima v max tal-vettura, il-veloċità tat-test għat-test f’dan il-ger għandha titnaqqas suċċessivament b’żidiet ta’ 10 fil-mija ta' v test (jiġifieri 4 km/h jew 5 km/h) sakemm il-veloċità tal-ħruġ v BB’ taqa’ taħt il-75 fil-mija ta’ v max. |
|
1.3.3.3.1.2. |
Aċċellerazzjoni ta’ referenza u aċċellerazzjoni fil-mira
Waqt it-testijiet tal-aċċellerazzjoni bl-aċċelleratur magħfus kollu, il-vettura għandha tilħaq l-aċċellerazzjoni ta’ referenza a wot ref iddefinita bħala: a wot ref = 2,47 * log(PMR) - 2,52għal vetturi b’PMR > 50; u a wot ref = 3,33 * log(PMR) - 4,16għal vetturi b’PMR > 50 Ir-riżultati ta’ dawn it-testijiet tal-aċċellerazzjoni bl-aċċelleratur magħfus kollu jintużaw flimkien mar-riżultati tat-testijiet tal-veloċità kostanti sabiex tiġi approssimata aċċellerazzjoni b’tagħbija parzjali tipika għal sewqan urban. L-aċċellerazzjoni fil-mira korrispondenti a urban hija ddefinita bħala: a urban = 1,37 * log(PMR) - 1,08għal vetturi b’PMR > 50; u a urban = 1,28 * log(PMR) - 1,19għal vetturi b’PMR > 50. |
|
1.3.3.3.1.3. |
Għażla tal-gerijiet
Hija r-responsabbiltà tal-manifattur li jiddetermina l-mod korrett ta’ ttestjar sabiex jintlaħqu l-veloċità u l-aċċellerazzjoni tat-test meħtieġa. |
|
1.3.3.3.1.3.1. |
Vetturi bi trażmissjonijiet manwali, bi trażmissjonijiet awtomatiċi jew bi proporzjonijiet ta’ trażmissjoni kontinwament varjabbli (CVT’s) ittestjati b’gerijiet illokkjati
L-għażla tal-gerijiet għat-test tiddependi mill-aċċellerazzjoni speċifika taħt aċċelleratur magħfus kollu fid-diversi gerijiet b’rabta mal-aċċellerazzjoni ta’ referenza a wot,ref meħtieġa għat-testijiet tal-aċċellerazzjoni bl-aċċelleratur magħfus kollu skont il-paragrafu 1.3.3.3.1.2. hawn fuq. Il-kundizzjonijiet għall-għażla tal-ger li ġejjin huma possibbli:
Jekk il-veloċità nominali tal-magna tinqabeż f’ger qabel ma l-vettura tgħaddi BB’, għandu jintuża l-ogħla ger li jmiss. Jekk il-vettura jkollha aktar minn ger wieħed, l-ewwel ger ma għandux jintuża. Jekk awot,ref tista’ tintlaħaq biss fl-ewwel ger, għandu jintuża t-tieni ger. |
|
1.3.3.3.1.3.2. |
Vetturi bi trażmissjonijiet awtomatiċi, bi trażmissjonijiet adattivi jew bi trażmissjonijiet bi proporzjonijiet ta’ trażmissjoni varjabbli ttestjati b’gerijiet mhux illokkjati
Għandha tintuża l-pożizzjoni tas-selettur tal-gerijiet għal tħaddim kompletament awtomatiku. It-test imbagħad jista’ jinkludi l-bdil tal-ger għal ger aktar baxx u aċċellerazzjoni ogħla. Bidla tal-ger għal ger ogħla u għal aċċellerazzjoni aktar baxxa ma humiex permessi. Fi kwalunkwe każ, bidla tal-ger għal ger li tipikament ma jintużax fil-kundizzjoni speċifikata fi traffiku urban għandha tiġi evitata. Għalhekk, huwa permess li jiġu stabbiliti u jintużaw apparati elettroniċi jew mekkaniċi, inklużi pożizzjonijiet alternattivi tas-selettur tal-gerijiet, biex ikun ipprevenut it-twaqqigħ tal-gerijiet għal ger li tipikament ma jintużax fil-kundizzjoni speċifikata tat-test fi traffiku urban. Jekk jintużaw apparati bħal dawn, ma tista’ tiġi applikata l-ebda preaċċellerazzjoni. Il-funzjonalità tal-apparati għandha tiġi deskritta fil-formola ta’ komunikazzjoni. |
|
1.3.3.3.2. |
Test tal-veloċità kostanti
Għat-testijiet tal-veloċità kostanti, il-gerijiet jew il-pożizzjonijiet tas-selettur tal-gerijiet u l-veloċitajiet tat-test għandhom ikunu identiċi għal dawk użati fit-testijiet tal-aċċellerazzjoni bl-aċċelleratur magħfus kollu mwettqa qabel. |
|
1.4. |
Ipproċessar u rapportar tad-data |
|
1.4.1. |
Ġenerali
Għal kull kundizzjoni tat-test, il-kejl għandu jsir mill-anqas għal tliet darbiet fuq kull naħa tal-vettura u għal kull ger. Il-livell massimu ta’ pressjoni tal-ħoss ponderat-A “L” indikat kull darba li l-vettura tgħaddi bejn AA’ u meta l-parti ta’ wara tal-vettura tgħaddi BB’ + 20 m (ara l-Anness 4 — Illustrazzjoni 1) għandu jitnaqqas b’1 dB(A) sabiex titqies l-inakkuratezza tal-kejl u għandu jiġi matematikament ittondjat għall-eqreb l-ewwel pożizzjoni deċimali eż. XX,X) għaż-żewġ pożizzjonijiet tal-mikrofonu. Jekk jiġu osservati żieda u tnaqqis f’daqqa fil-livell tal-ħoss li jkunu differenti, b’mod ovvju, mil-livell ġenerali ta’ pressjoni tal-ħoss, dak il-kejl għandu jitwarrab. Għall-kalkolu tar-riżultat intermedju jew finali xieraq, għandhom jintużaw l-ewwel tliet riżultat validi konsekuttivi tal-kejl għal kull kundizzjoni tat-test, fi ħdan 2,0 dB(A), li jagħti l-possibbiltà li jitħassru r-riżultati mhux validi. Il-kejl tal-veloċità f’AA’ (v AA’), BB’ (v BB’), u PP’ (v PP’) għandu jiġi matematikament ittondjat għall-eqreb l-ewwel pożizzjoni deċimali eż. XX,X) u għandu jitniżżel għal kalkoli ulterjuri. |
|
1.4.2. |
Kalkolu tal-aċċellerazzjoni
L-aċċellerazzjonijiet kollha jiġu kkalkulati billi jintużaw veloċitajiet differenti tal-vettura fuq il-korsa tat-testijiet. Skont it-tip ta’ trażmissjoni, l-aċċellerazzjoni jew tiġi kkalkulata bejn il-linji AA’ u BB’ jew bejn il-linji PP’ u BB’ kif speċifikat hawn taħt. Il-metodu użat għall-kalkolu tal-aċċellerazzjoni għandu jkun indikat fir-rapport tat-test. Fil-każijiet kollha li ġejjin, l-aċċellerazzjoni tiġi kkalkulata bejn il-linji AA’ u BB’ kif speċifikat fil-paragrafu 1.4.2.1. hawn isfel:
Fil-każijiet l-oħra kollha, l-aċċellerazzjoni tiġi kkalkulata bejn il-linji PP’ u BB’ kif ġie speċifikat fil-paragrafu 1.4.2.2. aktar ’l isfel. |
|
1.4.2.1. |
Kalkolu tal-aċċellerazzjoni bejn il-linji AA’ u BB’
L-aċċellerazzjoni tiġi kkalkulata mill-kejl tal-veloċità tal-vettura fil-linji AA’ u BB’: a wot,(i),j = ((v BB’,j / 3,6)2 - (v AA’,j / 3,6)2) / (2 * (20 + l ref)) Fejn: L-indiċi “(i)” jirreferi għall-ger użat, filwaqt li l-indiċi “j” jirreferi għan-numru tal-kejl individwali. Il-veloċitajiet jiġu espressi f’unitajiet ta’ km/h u l-aċċellerazzjonijiet li jirriżultaw għandhom unitajiet ta’ m/s2; l ref hija t-tul tal-vettura jew 2 m; l-għażla tista’ ssir bil-libertà kollha mill-manifattur tal-vettura, mill-Awtorità tal-Approvazzjoni tat-Tip u mis-Servizz Tekniku. |
|
1.4.2.2. |
Kalkolu tal-aċċellerazzjoni bejn il-linji PP’ u BB’
L-aċċellerazzjoni tiġi kkalkulata mill-kejl tal-veloċità tal-vettura fil-linji PP’ u BB’: a wot,(i),j = ((v BB’,j / 3,6)2 - (v PP’,j / 3,6)2) / (2 * (10 + l ref)) Fejn: L-indiċi “(i)” jirreferi għall-ger użat, filwaqt li l-indiċi “j” jirreferi għan-numru tal-kejl individwali. Il-veloċitajiet jiġu espressi f’unitajiet ta’ km/h u l-aċċellerazzjonijiet li jirriżultaw għandhom unitajiet ta’ m/s2; l ref hija t-tul tal-vettura jew 2 m; l-għażla tista’ ssir bil-libertà kollha mill-manifattur tal-vettura, mill-Awtorità tal-Approvazzjoni tat-Tip u mis-Servizz Tekniku. Ma għandhiex tintuża l-preaċċellerazzjoni. |
|
1.4.2.3. |
Kalkolu tal-medja tal-kejl individwali
Għandha tiġi kkalkulata l-medja aritmetika tal-aċċellerazzjonijiet ikkalkulati minn tliet provi validi sabiex tinkiseb l-aċċellerazzjoni medja għall-kundizzjoni tat-test: a wot,(i) = (1 / 3) * (a wot,(i),1 + a wot,(i),2 + a wot,(i),3) L-aċċellerazzjoni medja a wot,(i) għandha tiġi matematikament ittondjata għall-eqreb tieni pożizzjoni deċimali (eż. XX,XX) u għandha tiġi nnotata għal kalkoli ulterjuri. |
|
1.4.3. |
Kalkolu tal-fattur ta’ ponderazzjoni tal-gerijiet
Il-fattur ta’ ponderazzjoni tal-gerijiet k jintuża biss fil-każ ta’ test b’żewġ gerijiet sabiex ir-riżultati miż-żewġ gerijiet jiġu kkombinati f’riżultat wieħed. Il-fattur ta’ ponderazzjoni tal-gerijiet huwa numru mingħajr dimensjoni ddefinit bħala: k = (a wot,ref - a wot,(i+1)) / (a wot(i) - a wot,(i+1)) |
|
1.4.4. |
Kalkolu tal-fattur ta’ potenza parzjali
Il-fattur ta’ potenza parzjali k p huwa numru mingħajr dimensjoni li jintuża sabiex ir-riżultati ta’ test tal-aċċellerazzjoni bl-aċċelleratur magħfus kollu jiġu kkombinati ma’ dawk ta’ test tal-veloċità kostanti. |
|
1.4.4.1. |
Għall-vetturi ttestjati f’żewġ gerijiet, il-fattur ta’ potenza parzjali jiġi ddefinit bħala
k p = 1 - (a urban / a wot,ref). |
|
1.4.4.2. |
Għall-vetturi ttestjati f’ger wieħed jew bis-selettur tal-gerijiet f’pożizzjoni waħda, il-fattur ta’ potenza parzjali jiġi ddefinit bħala:
k p = 1 - (a urban / a wot,(i)) Jekk a wot,(i) ikun daqs jew anqas minn a urban, k p jiġi ssettjat għal żero. |
|
1.4.5. |
Ipproċessar tal-kejl tal-pressjoni tal-ħoss
Għal kundizzjoni partikolari tat-test, il-medja tat-tliet riżultati individwali ta’ kull naħa tal-vettura għandha tiġi kkalkulata b’mod separat: L mode,(i),side = (1 / 3) * (L mode,(i),side,1 + L mode,(i),side,2 + L mode,(i),side,3) Fejn l-indiċi “mode” jirreferi għall-modalità tat-test (aċċellerazzjoni bl-aċċelleratur magħfus kollu jew veloċità kostanti), “(i)” għall-ger, filwaqt li “side” jirreferi għall-pożizzjoni tal-mikrofonu (xellug jew lemin). L-ogħla valur miż-żewġ medji għandu jiġi matematikament ittondjat għall-eqreb l-ewwel pożizzjoni deċimali (eż. XX,X) u għandu jitniżżel għal kalkoli ulterjuri: L mode,(i) = MAX (L mode,(i),left; L mode,(i),right) |
|
1.4.6. |
Kalkolu tar-riżultati finali tat-test |
|
1.4.6.1. |
Vetturi b’PMR ≤ 25
Il-vetturi b’PMR li ma jaqbiżx il-25 jiġu ttestjati f’ger wieħed jew f’pożizzjoni waħda tas-selettur tal-gerijiet b’aċċelleratur magħfus kollu biss. Ir-riżultat finali tat-test huwa l-livell ta’ pressjoni tal-ħoss L wot,(i) matematikament ittondjat għall-eqreb l-ewwel pożizzjoni deċimali (eż. XX,X). |
|
1.4.6.2. |
Vetturi b’PMR > 25
Jekk il-vettura tkun ġiet ittestjata f’żewġ gerijiet, il-fattur ta’ ponderazzjoni tal-gerijiet jintuża sabiex jiġu kkalkulati r-riżultati tat-test tat-testijiet tal-aċċellerazzjoni bl-aċċelleratur magħfus kollu u tat-testijiet tal-veloċità kostanti:
Jekk il-vettura tkun ġiet ittestjata f’ger wieħed jew f’pożizzjoni waħda tas-selettur tal-gerijiet ma tkun meħtieġa l-ebda ponderazzjoni ulterjuri:
Il-livell ta’ pressjoni tal-ħoss L urban li jirrappreżenta sewqan urban finalment jiġi kkalkulat billi jintuża l-fattur ta’ potenza parzjali k p:
Il-livelli ta’ pressjoni tal-ħoss kollha jiġu matematikament ittondjati għall-eqreb l-ewwel pożizzjoni deċimali eż. XX,X). |
|
2. |
Storbju minn mutur wieqaf (kundizzjonijiet u metodu ta’ kejl għall-ittestjar tal-vettura waqt l-użu). |
|
2.1. |
Livell ta’ pressjoni tal-ħoss fil-viċinanzi immedjati tal-mutur
Sabiex ikunu ffaċilitati t-testijiet tal-istorbju sussegwenti fuq muturi waqt l-użu, il-livell ta’ pressjoni tal-ħoss għandu jitkejjel ukoll fil-viċinanzi immedjati tal-iżbokk tas-sistema tal-egżost f’konformità mar-rekwiżiti li ġejjin, u r-riżultat tal-kejl jitniżżel fil-komunikazzjoni msemmija fl-Anness 1. |
|
2.2. |
Strumenti tal-kejl
Għandu jintuża miter tal-livell tal-ħoss ta’ akkuratezza kif iddefinit fil-paragrafu 1.1.1. ta’ dan l-anness. |
|
2.3. |
Kundizzjonijiet tal-kejl |
|
2.3.1. |
Kundizzjoni tal-mutur
It-trażmissjoni tal-vettura għandha tkun f’pożizzjoni newtrali u l-klaċċ għandu jkun magħfus, jew f’pożizzjoni ta’ pparkjar għal trażmissjoni awtomatika, bil-brejk tal-ipparkjar applikat għal finijiet ta’ sikurezza, jekk il-vettura jkollha wieħed. Il-kundizzjonatur tal-arja tal-vettura, jekk ikollha wieħed, għandu jkun mitfi. Jekk il-vettura tkun mgħammra b’fann(ijiet) li jkollu/jkollhom mekkaniżmu ta’ attwazzjoni awtomatiku, ma għandhiex isseħħ interferenza ma’ din is-sistema waqt il-kejl tal-livell ta’ pressjoni tal-ħoss. Il-bonit jew l-għata tal-kompartiment tal-magna għandhom ikunu magħluqin. Qabel kull sensiela ta’ kejl, il-magna għandha tinġieb għat-temperatura operattiva normali tagħha, kif speċifikat mill-manifattur. Fil-każ ta’ vettura bil-magna b’żewġ roti li ma jkollha l-ebda pożizzjoni tal-ger newtrali, il-kejl għandu jitwettaq bir-rota ta’ wara mgħollija ’l fuq mill-art sabiex ir-rota tkun tista’ ddur bil-libertà kollha. Jekk ikun meħtieġ li vettura b’żewġ roti tiġi mgħollija ’l fuq mill-art sabiex jitwettaq it-test, il-pożizzjoni ta’ kejl tal-mikrofonu għandha tiġi aġġustata sabiex tinkiseb id-distanza speċifikata mill-punt ta’ referenza tal-pajp tal-egżost; ara l-Illustrazzjoni 1 għall-post fejn jinsabu l-punti ta’ referenza. |
|
2.3.2. |
Is-sit tat-test
Sit tat-test adatt għandu jkun fuq barra u għandu jikkonsisti f’wiċċ ċatt u invell tal-konkrit, tal-asfalt dens bl-ebda livell sinifikattiv ta’ porożità jew ta’ materjal iebes simili, ħieles mill-borra, minn ħaxix, minn ħamrija mhux kompatta, minn irmied jew minn materjal ieħor li jassorbi l-ħsejjes. Huwa għandu jkun fi spazju miftuħ, ħieles minn uċuh kbar li jirriflettu bħal vetturi pparkjati, bini, billboards, siġar, arbuxelli, ħitan paralleli, persuni, eċċ, fi ħdan raġġ ta’ 3 m mill-post fejn ikun qiegħed il-mikrofonu u minn kwalunkwe punt tal-vettura. Bħala alternattiva għal ittestjar fuq barra, tista’ tintuża kamra semianekojka. Il-kamra semianekojka għandha tissodisfa r-rekwiżiti akustiċi mogħtija hawn fuq. Dawn ir-rekwiżiti għandhom jiġu ssodisfati jekk il-faċilità tal-ittestjar tissodisfa l-kriterji ta’ distanza ta’ 3 m ta’ hawn fuq u jkollha frekwenza ta’ qtugħ taħt l-aktar baxx minn:
|
|
2.3.3. |
Mixxellanji
Ir-riżultati tal-istrument tal-kejl ikkawżati minn storbju ambjentali u minn effetti tar-riħ għandhom ikunu mill-anqas 10 dB(A) aktar baxxi mil-livelli tal-ħoss li għandhom jitkejlu. Mal-mikrofonu jista’ jitwaħħal ilqugħ għar-riħ adatt, dment li jiġi kkunsidrat l-effett li jkollu fuq is-sensittività tal-mikrofonu. It-testijiet ma għandhomx jitwettqu jekk il-veloċità tar-riħ, inklużi l-buffuri, taqbeż il-5 m/s waqt l-intervall fil-kejl tal-ħoss. |
|
2.4. |
Metodu ta’ kejl |
|
2.4.1. |
Pożizzjonament tal-mikrofonu (ara l-Appendiċi 2)
Il-mikrofonu għandu jitqiegħed f’distanza ta’ 0,5 ±0,01 m mill-punt ta’ referenza tal-pajp tal-egżost iddefinit fl-Illustrazzjoni 1 u f’angolu ta’ 45 ±5° mal-pjan vertikali li minnu jgħaddi l-assi tal-fluss tat-tarf tal-pajp. Il-mikrofonu għandu jkun fl-għoli tal-punt ta’ referenza, iżda mhux anqas minn 0,2 m minn wiċċ l-art. L-assi ta’ referenza tal-mikrofonu għandu jkun fi pjan parallel ma’ wiċċ l-art u għandu jkun dirett lejn il-punt ta’ referenza fuq l-iżbokk tal-egżost. Il-punt ta’ referenza għandu jkun l-ogħla punt li jissodisfa l-kundizzjonijiet li ġejjin:
Jekk huma possibbli żewġ pożizzjonijiet tal-mikrofonu, għandu jintuża l-post l-aktar ’il bogħod lateralment mil-linja ċentrali lonġitudinali tal-vettura. Jekk l-assi tal-fluss tal-pajp ta’ żbokk tal-egżost ikun f’angolu ta’ 90° ±5° għal-linja ċentrali lonġitudinali tal-vettura, il-mikrofonu għandu jitqiegħed fil-punt l-aktar ’il bogħod mill-magna. Jekk vettura jkollha żewġ żbokki tal-egżost jew aktar imbegħdin 0,3 m jew anqas minn xulxin u konnessi ma’ silenzjatur wieħed, għandu jsir kejl wieħed biss. Il-mikrofonu għandu jitqiegħed b’mod relattiv mal-iżbokk l-aktar imbiegħed mil-linja ċentrali lonġitudinali tal-vettura jew, meta ma jkunx hemm żbokk ta’ din ix-xorta, mal-iżbokk li jkun l-ogħla ’l fuq mill-art. Il-kejl ta’ 0,3 m għandu jsir tul pjan wieħed perpendikolari għall-assi tal-fluss tal-gassijiet tal-egżost. Jekk vettura jkollha żewġ żbokki tal-egżost jew aktar imbegħdin minn xulxin b’0,3 m jew anqas u konnessi ma’ silenzjaturi differenti, għandu jsir kejl wieħed biss. Il-mikrofonu għandu jitqiegħed b’mod relattiv mal-iżbokk l-aktar imbiegħed mil-linja ċentrali lonġitudinali tal-vettura jew, meta ma jkunx hemm żbokk ta’ din ix-xorta, mal-iżbokk li jkun l-ogħla ’l fuq mill-art. Għal vetturi li jkollhom egżost bi żbokki mbegħdin minn xulxin b’aktar minn 0,3 m, għandu jsir kejl wieħed għal kull żbokk daqslikieku kien l-uniku wieħed, u għandu jitniżżel l-ogħla livell ta’ pressjoni tal-ħoss. Għall-finijiet tal-kontrolli mal-ġenb tat-triq, il-punt ta’ referenza jista’ jiġi mċaqlaq għan-naħa ta’ barra tal-karozzerija. |
Illustrazzjoni 1
Punt ta’ referenza
|
2.4.2. |
Kundizzjonijiet operattivi |
|
2.4.2.1. |
Veloċità tal-magna fil-mira
Il-veloċità tal-magna fil-mira hija ddefinita bħala 75 fil-mija ta’ Sgħal vetturi b’S ≤ 5 000 min–1, u 50 fil-mija ta’ S għal vetturi b’S > 5 000 min–1. Għal vettura li, f’test b’vettura wieqfa, ma tistax tilħaq il-veloċità mira tal-magna ddefinita hawn fuq, bħala veloċità mira tal-magna, minflok għandha tintuża 95 fil-mija tal-veloċità massima tal-magna li tista’ tintlaħaq f’test b’vettura wieqfa. |
|
2.4.2.2. |
Proċedura tat-test
Il-veloċità tal-magna għandha tiġi miżjuda b’mod gradwali minn idle għall-veloċità mira tal-magna u għandha tinżamm kostanti f’medda ta’ tolleranza ta’ ± 5 fil-mija. Imbagħad il-kontroll tal-aċċelleratur għandu jiġi rilaxxat malajr u l-veloċità tal-magna għandha titreġġa’ għal tħaddim tal-magna fuq idle. Il-livell ta’ pressjoni tal-ħoss għandu jitkejjel waqt perjodu li fih il-veloċità tal-magna tinżamm kostanti għal mill-anqas sekonda waħda (1 s) u matul il-perjodu ta’ deċelerazzjoni kollu. Il-qari massimu tal-miter tal-livell tal-ħoss għandu jitqies bħala l-valur tat-test. Kejl għandu jitqies bħala validu biss jekk il-veloċità tat-test tal-magna ma jkunx iddevja mill-veloċità mira tal-magna b’aktar mit-tolleranza speċifikata ta’ ±5 fil-mija għal mill-anqas 1 s. |
|
2.4.3. |
Sistema multimodali tal-egżost
Il-vetturi mgħammra b’sistema tal-egżost b’diversi modalitajiet u manwalment aġġustabbli għandhom jiġu ttestjati fil-modalitajiet kollha. |
|
2.5. |
Riżultati |
|
2.5.1. |
Il-Komunikazzjoni msemmija fl-Anness 1 għandha tindika d-data kollha rilevanti u b’mod partikolari dik użata fil-kejl tal-istorbju tal-mutur wieqaf. |
|
2.5.2. |
Il-kejl għandu jsir fil-post(ijiet) fejn jitqiegħdu l-mikrofoni preskritti hawn fuq. Il-livell ta’ pressjoni tal-ħoss ponderat-A massimu indikat waqt it-test għandu jitniżżel, filwaqt li tinżamm ċifra waħda sinifikanti wara l-pożizzjoni deċimali (pereżempju, 92,45 għandu jitniżżel bħala 92,5 filwaqt li 92,44 għandu jitniżżel bħala 92,4).
It-test għandu jiġi ripetut sakemm f’kull żbokk jinkisbu tliet kejlijiet konsekuttivi li jkunu fi ħdan 2,0 dB(A) minn xulxin. |
|
2.5.3. |
Ir-riżultat għal żbokk partikolari huwa l-medja aritmetika tat-tliet kejlijiet validi, matematikament ittondjata għall-eqreb numru sħiħ (eż. 92,5 għandu jitniżżel bħala 93 filwaqt 92,4 għandu jitniżżel bħala 92). |
|
2.5.4. |
Għall-vetturi mgħammra b’diversi żbokki tal-egżost, il-livell irrapportat ta’ pressjoni tal-ħoss għandu jkun għall-iżbokk li jkollu l-ogħla livell medju ta’ pressjoni tal-ħoss. |
|
2.5.5. |
Għall-vetturi mgħammra b’sistema multimodali tal-egżost u b’kontroll manwali jew elettroniku tal-modalità tal-egżost, il-livell irrapportat ta’ pressjoni tal-ħoss għandu jkun dak tal-modalità li jkollha l-ogħla livell medju ta’ pressjoni tal-ħoss. |
|
3. |
L-istorbju minn mutur miexi (data rrapportata sabiex jiġi ffaċilitat l-ittestjar tal-vettura waqt l-użu). |
|
3.1. |
Proċedura tat-test għall-ittestjar tal-konformità fl-użu tista’ tiġi ddefinita minn Parti Kontraenti, filwaqt li jitqiesu b’mod xieraq kwalunkwe differenzi mill-kundizzjonijiet tat-test użati fl-approvazzjoni tat-tip. |
|
3.2. |
Sabiex jiġi ffaċilitat it-test ta’ konformità fl-użu tal-muturi, l-informazzjoni li ġejja relatata mal-kejl tal-livell ta’ pressjoni tal-ħoss imwettaq f’konformità mal-paragrafu 1. tal-Anness 3 għall-mutur f’moviment tissejjaħ data ta’ referenza tal-konformità fl-użu:
|
|
3.3. |
Id-data ta’ referenza tal-konformità fl-użu għandha titniżżel fil-formola ta’ komunikazzjoni konformi mal-Anness 1. |
(1) Kejl indipendenti tal-veloċità huwa meta żewġ apparati separati jew aktar jiddeterminaw il-valuri ta’ vAA’, vBB’ u vPP’. Apparat ta’ kejl kontinwu, bħal radar, jiddetermina l-informazzjoni kollha meħtieġa dwar il-veloċità b’apparat wieħed.
(2) Il-prestazzjoni tal-istorbju tal-faċilitajiet tal-ittestjar fuq ġewwa tiġi speċifikata f’termini tal-frekwenza tal-qtugħ (Hz). Din hija l-frekwenza li ’l fuq minnha wieħed jista’ jassumi li l-kamra tkun qed taġixxi ta’ spazju semianekojku.
ANNESS 3
Appendiċi 1
Dijagramma sekwenzjali tal-proċedura tat-test għat-test tal-vettura f’moviment għall-vetturi tal-kategorija L3 b’PMR ≤ 25
Appendiċi 2
Pożizzjonament tal-mikrofoni għat-test tal-istorbju b’mutur wieqaf
Dimensjonijiet f’metri, sakemm ma jiġix speċifikat mod ieħor
ANNESS 4
It-tqassim tal-korsa tat-testijiet
Illustrazzjoni 1
It-tqassim tal-korsa tat-testijiet bid-dimensjonijiet f’metri
Didaskalija
|
|
Erja minima koperta mill-wiċċ tat-triq tat-test, jiġifieri ż-żona tat-test |
|
|
Pożizzjonijiet tal-mikrofoni (għoli ta’ 1,2m) |
ANNESS 5
Sistemi tal-egżost jew tas-silenzjatur li jkun fihom materjal fibruż
|
1. |
Il-materjal fibruż assorbenti għandu jkun ħieles mill-asbestos u jista’ jintuża fil-kostruzzjoni tas-sistema tal-egżost jew tas-silenzjatur biss jekk apparati adatti jiżguraw li l-materjal fibruż jinżamm f’postu l-ħin kollu li tkun qiegħda tintuża s-sistema tal-egżost jew tas-silenzjatur, u dment li s-sistema tal-egżost jew tas-silenzjatur tissodisfa r-rekwiżiti ta’ kwalunkwe wieħed mill-paragrafi 1.1, 1.2, 1.3 jew 1.4: |
|
1.1. |
Wara t-tneħħija tal-materjal fibruż, il-livell tal-ħoss għandu jkun konformi mar-rekwiżiti tal-paragrafu 6 ta’ dan ir-Regolament. |
|
1.2. |
Il-materjal fibruż assorbenti ma jistax jitqiegħed f’dawk il-partijiet tas-silenzjatur li minnhom jgħaddu l-gassijiet tal-egżost u għandu jkun konformi mar-rekwiżiti li ġejjin: |
|
1.2.1. |
Il-materjal għandu jissaħħan f’temperatura ta’ 650 ±5 °C għal erba’ sigħat f’forn mingħajr tnaqqis f’kull tul, dijametru jew densità tal-massa tal-fibra. |
|
1.2.2. |
Wara li jissaħħan f’temperatura ta’ 650 ±5 °C għal siegħa f’forn, mill-anqas 98 fil-mija tal-materjal għandu jinżamm f’għarbiel b’fetħiet ta’ daqs nominali ta’ 250 μm konformi mal-Istandard tal-ISO 3310/1:1990 meta ttestjat f’konformità mal-Istandard tal-ISO 2559:2000. |
|
1.2.3. |
It-telf fil-piż tal-materjal ma għandux ikun ta’ aktar minn 10,5 fil-mija wara li jiġi mgħaddas f’temperatura ta’ 90 ±5°C għal 24 siegħa f’kondensat sintetiku li jkollu l-kompożizzjoni li ġejja: (1)
1 N aċidu idrobromiku (HBr): 10 ml 1 N aċidu sulfuriku (H2SO4): 10 ml Ilma distillat sabiex jinkiseb volum ta’ 1 000 ml |
|
1.3. |
Qabel ma s-sistema tiġi ttestjata f’konformità mal-Anness 3, hija għandha titqiegħed fi stat normal għal użu fit-triq b’wieħed mill-metodi ta’ kundizzjonament li ġejjin: |
|
1.3.1. |
Kundizzjonament bi tħaddim kontinwu fit-triq |
|
1.3.1.1. |
Skont il-klassijiet tal-muturi, id-distanzi minimi li għandhom jiġu kkompletati waqt il-kundizzjonament huma:
|
|
1.3.1.2. |
50 % ±10 % ta’ dan iċ-ċiklu ta’ kundizzjonament jikkonsisti f’sewqan f’belt u l-bqija fi provi tul distanzi twal b’veloċità għolja; iċ-ċiklu kontinwu tat-triq jista’ jiġi sostitwit bi programm korrispondenti f’korsa tat-testijiet. |
|
1.3.1.3. |
Iż-żewġ reġimi ta’ veloċità għandhom jiġu alternati għal mill-anqas sitt darbiet. |
|
1.3.1.4. |
Il-programm tat-test kollu għandu jinkludi minimu ta’ għaxar waqfiet ta’ mill-anqas tliet sigħat biex jiġu riprodotti l-effetti tat- tkessiħ u tal-kondensazzjoni. |
|
1.3.2. |
Kundizzjonament bil-pulsazzjoni |
|
1.3.2.1. |
Is-sistema tal-egżost jew il-komponenti tagħha għandhom jiġu mmuntati fuq il-mutur jew fuq il-magna. Fil-każ tal-ewwel, il-mutur għandu jiġi mmuntat fuq bank tat-test.
L-apparat tat-test, li dijagramma dettaljata tiegħu tidher fl-Illustrazzjoni 1, jiġi mmuntat fl-iżbokk tas-sistema tal-egżost. Kwalunkwe apparat ieħor li jipprovdi riżultati ekwivalenti huwa aċċettabbli. |
|
1.3.2.2. |
It-tagħmir tat-test għandu jiġi aġġustat sabiex il-fluss tal-gassijiet tal-egżost jiġi alternattivament interrott u ristabbilit 2 500 darba permezz ta’ valv ta’ azzjoni rapida. |
|
1.3.2.3. |
Il-valv għandu jiftaħ meta l-kontropressjoni tal-gassijiet tal-egżost, imkejla mill-anqas 100 mm ’l isfel mil-flanġ tad-dħul, tilħaq valur ta’ bejn 35 kPa u 40 kPa. Jekk din iċ-ċifra ma tkunx tista’ tintlaħaq minħabba l-karatteristiċi tal-magna, il-valv għandu jiftaħ meta l-kontropressjoni tal-gass tilħaq livell ekwivalenti għal 90 fil-mija tal-valur massimu li jista’ jitkejjel qabel ma tieqaf il-magna. Il-valv għandu jingħalaq meta din il-pressjoni ma tvarjax b’aktar minn 10 fil-mija mill-valur stabbilizzat bil-valv miftuħ. |
|
1.3.2.4. |
It-time-delay switch għandu jiġi ssettjat għad-durata tal-gassijiet tal-egżost li tiġi kkalkulata abbażi tar-rekwiżiti tal-paragrafu 1.3.2.3. |
|
1.3.2.5. |
Il-veloċità tal-magna għandha tkun ta’ 75 fil-mija tal-veloċità nominali tal-magna (S). |
|
1.3.2.6. |
Il-potenza indikata mid-dinamometru għandha tkun ta’ 50 fil-mija tal-qawwa bl-aċċelleratur magħfus kollu mkejla b’75 fil-mija tal-veloċità nominali tal-magna (S). |
|
1.3.2.7. |
Waqt it-test, kwalunkwe toqba ta’ tbattil għandha tingħalaq. |
|
1.3.2.8. |
It-test kollu għandu jitwettaq fi żmien 48 siegħa. Jekk ikun meħtieġ, wara kull siegħa għandu jiġi permess perjodu ta’ tkessiħ. |
|
1.3.3. |
Kundizzjonament fuq bank tat-test |
|
1.3.3.1. |
Is-sistema tal-egżost għandha tiġi mmuntata fuq magna rappreżentattiva tat-tip armat fuq il-mutur li għalih kienet iddisinjata s-sistema tal-egżost, u għandha tiġi mmuntata fuq bank tat-test. |
|
1.3.3.2. |
Il-kundizzjonament jikkonsisti fin-numru speċifiku ta’ ċikli tal-bank tat-test għal kull klassi ta’ muturi li għalihom ġiet iddisinjata s-sistema tal-egżost. In-numru ta’ ċikli għal kull klassi ta’ mutur huwa:
|
|
1.3.3.3. |
Kull ċiklu tal-bank tat-test għandu jiġi segwit minn waqfa ta’ mill-anqas sitt sigħat sabiex jiġu riprodotti l-effetti tat-tkessiħ u tal-kondensazzjoni. |
|
1.3.3.4. |
Kull ċiklu ta’ bank tat-test jikkonsisti minn sitt fażijiet. Il-kundizzjonijiet tal-magna għal kull fażi, u d-durata ta’ kull fażi huma:
|
|||||||||||||||
|
1.3.3.5. |
Matul din il-proċedura ta’ kundizzjonament, fuq talba tal-manifattur, il-magna u s-silenzjatur jistgħu jiġu mkessħin sabiex it-temperatura rreġistrata f’pożizzjoni mhux aktar minn 100 mm mill-iżbokk tal-gass tal-egżost ma tkunx aktar minn dik imkejla meta l-mutur ikun miexi b’110 km/h jew 75 % S fl-ogħla ger. Il-veloċitajiet tal-magna u/jew tal-mutur jiġu ddeterminati fi ħdan ±3 fil-mija. |
|
1.4. |
Il-gassijiet tal-egżost ma jkunux f’kuntatt ma’ materjali fibrużi u l-materjali fibrużi ma jiġux affettwati minn varjazzjonijiet fil-pressjoni. |
Illustrazzjoni 1
L-apparat tat-test għall-kundizzjonament b’pulsazzjoni
Noti:
|
1. |
Il-flanġ jew sleeve tad-dħul għall-konnessjoni man-naħa ta’ wara tas-sistema tal-egżost tat-test. |
|
2. |
Il-valv tar-regolazzjoni li jitħaddem bl-idejn. |
|
3. |
It-tank ta’ riserva ta’ kumpens, b’kapaċità massima ta’ 40 litru u ħin biex jimtela ta’ mhux anqas minn sekonda. |
|
4. |
Swiċċ tal-pressjoni b’medda operattiva ta’ 5 kPa sa 250 kPa. |
|
5. |
It-time delay switch. |
|
6. |
Il-kuntjatur tal-impulsi. |
|
7. |
Il-valv ta’ azzjoni rapida, bħall-valv tal-egżost tal-brejk b’dijametru ta’ 60 mm, li jitħaddem permezz ta’ ċilindru pnewmatiku b’output ta’ 120 N f’400 kPa. Il-ħin tar-rispons, kemm meta jinfetaħ kif ukoll meta jingħalaq, ma għandux ikun ta’ aktar minn 0,5 sekondi. |
|
8. |
L-evakwazzjoni tal-gass tal-egżost. |
|
9. |
Il-pajp flessibbli. |
|
10. |
Il-gejġ tal-pressjoni. |
(1) Il-materjal għandu jiġi maħsul f’ilma ddistillat, u għandu jitnixxef għal siegħa f’temperatura ta’ 105 °C qabel jintiżen.
ANNESS 6
Limiti massimi tal-livelli tal-ħoss
|
Kategorija |
Indiċi tal-Proporzjon Potenza-Massa (PMR) |
Valur ta’ limitu għal Lurban f’dB(A) |
|
L-ewwel kategorija |
PMR ≤ 25 |
73 |
|
It-tieni kategorija |
25 < PMR ≤ 50 |
74 |
|
It-tielet kategorija |
PMR > 50 |
77 (1) |
(1) Għall-muturi ttestjati fit-tieni ger biss fl-Anness 3, il-valur ta’ limitu jiġi miżjud b’1 dB(A) sad-data fil-paragrafu 12.7. Id-data għall-vetturi affettwati għandha tiġi studjata, u għandhom isiru diskussjonijiet f’każ ta’ estensjoni ulterjuri.
ANNESS 7
Dispożizzjonijiet Addizzjonali dwar l-Emissjoni tal-Ħoss f’Sewqan Reali (RD-ASEP)
|
1. |
Kamp ta’ Applikazzjoni |
|
1.1. |
Dan l-anness japplika għall-vetturi tal-kategorija L3 b’PMR > 50. |
|
2. |
Rekwiżiti addizzjonali dwar l-emissjonijiet tal-ħoss |
|
2.1. |
Strumenti tal-kejl
Ir-rekwiżiti għat-tagħmir tal-kejl huma identiċi għal dawk iddefiniti fil-paragrafu 1.1. tal-Anness 3 għat-testijiet tal-mutur f’moviment. |
|
2.2. |
Ambjent akustiku, kundizzjonijiet meteoroloġiċi u l-istorbju fl-isfond
Ir-rekwiżiti dwar l-ambjent akustiku, il-kundizzjonijiet meteoroloġiċi u l-istorbju fl-isfond huma identiċi għal dawk iddefiniti fil-paragrafu 1.2. tal-Anness 3 għat-testijiet tal-mutur f’moviment. |
|
2.3. |
Pożizzjonijiet tal-mikrofoni u kundizzjonijiet tal-vettura
Ir-rekwiżiti dwar il-pożizzjonijiet tal-mikrofoni u l-kundizzjonijiet tal-vettura huma identiċi għal dawk iddefiniti fil-paragrafi 1.3.1. u 1.3.2. tal-Anness 3 għat-testijiet tal-mutur f’moviment. |
|
2.4. |
Kundizzjonijiet operattivi ġenerali
Il-kundizzjonijiet operattivi ġenerali huma identiċi għal dawk iddefiniti fil-paragrafu 1.3.3.1. tal-Anness 3 għat-testijiet tal-mutur f’moviment. |
|
2.5. |
Il-medda ta’ kontroll RD-ASEP
Ir-rekwiżiti ta’ dan l-anness japplikaw għal kull operazzjoni tal-vettura bir-restrizzjonijiet li ġejjin:
Il-valuri għall-medda ta’ kontroll RD-ASEP għandhom jitqiesu bħala valuri assoluti u ma għandhomx jiżdiedu jew jitnaqqsu biż-żieda jew bit-tnaqqis tat-tolleranza għal vtest kif indikat fil-paragrafu 3.3.1. |
|
2.6. |
Il-limiti RD-ASEP
Il-livell massimu ta’ storbju rreġistrat waqt li l-mutur ikun għaddej mill-korsa tat-testijiet ma għandux jaqbeż:
Fejn Lwot,(i) u nPP’ ikollhom l-istess tifsira bħal fil-paragrafu 1 tal-Anness 3 u nwot,(i) tirreferi għall-veloċità tal-magna korrispondenti meta l-parti ta’ quddiem tal-vettura tgħaddi l-linja PP’. Jekk it-testijiet skont l-Anness 3 ta’ dan ir-Regolament tan-NU u t-testijiet RD-ASEP jitwettqu bl-istess vettura f’sekwenza immedjata, jistgħu jintużaw il-valuri għal Lwot(i) u nwot(i) mit-test tal-Anness 3, jekk ikun hemm qbil dwarhom mill-awtorità tal-approvazzjoni tat-tip. Alternattivament, meta l-konformità ma’ dawn il-limiti tiġi kkontrollata, il-valuri għal Lwot(i) u nwot(i) għandhom jiġu ddeterminati mill-ġdid bil-kejl kif iddefinit fil-paragrafu 1. tal-Anness 3, madankollu billi jintużaw l-istess ger (i) u l-istess distanza ta’ preaċċellerazzjoni li ntużaw waqt l-approvazzjoni tat-tip. |
|
2.7. |
Faċilitajiet
Minħabba l-limitazzjonijiet tal-faċilitajiet tal-ittestjar u fir-rigward tas-sikurezza, mhux kull kundizzjoni tat-test tista’ titwettaq b’mod sikur f’kull faċilità tal-ittestjar. Minkejja tali restrizzjonijiet, l-approvazzjoni tat-tip għandha tingħata f’dawn il-faċilitajiet tal-ittestjar, iżda l-vettura trid tikkonforma mad-dispożizzjonijiet kollha ta’ dan l-Anness 7. F’dawn il-każijiet, il-manifattur tal-vettura għandu jispjega għas-sodisfazzjon tal-awtorità preżenti fl-approvazzjoni tat-tip li l-vettura tissodisfa r-rekwiżiti li ma setgħux jiġu ttestjati minħabba r-restrizzjoni tal-faċilità tal-ittestjar. |
|
3. |
Ittestjar tal-konformità bil-kejl (1) |
|
3.1. |
Ġenerali
L-Awtorità tal-Approvazzjoni tat-Tip kif ukoll is-servizz tekniku għandhom jitolbu testijiet sabiex tiġi kkontrollata l-konformità tal-mutur mar-rekwiżiti tal-paragrafu 2. hawn fuq. Sabiex jiġi evitat xogħol żejjed, l-ittestjar huwa ristrett għall-punti ta’ referenza ddefiniti fil-paragrafu 3.2. ta’ hawn taħt u għal tliet kundizzjonijiet operattivi addizzjonali kif iddefiniti fil-paragrafu 3.3. ta’ dan l-Anness għal kull ger. L-għadd totali ta’ kundizzjonijiet operattivi li għandhom jiġu ttestjati skont il-paragrafu 3.3. ta’ dan l-Anness għandu jitnaqqas bil-kundizzjonijiet operattivi li ġew applikati għat-testijiet skont il-paragrafu 3.2. ta’ dan l-Anness u għad-determinazzjoni ta’ Lurb skont l-Anness 3. Għal vetturi bi proporzjonijiet varjabbli tal-gerijiet jew bi trażmissjoni awtomatika bi ttestjar tal-proporzjonijiet tal-gerijiet li ma jistgħux jiġu llokkjati, l-ittestjar għandu jkun limitat għal sitt kundizzjonijiet operattivi kif iddefiniti fil-paragrafu 3.3. ta’ dan l-Anness, u differenti mill-kundizzjonijiet operattivi li ġew applikati għad-determinazzjoni ta’ Lurb skont l-Anness 3. |
|
3.2. |
Kundizzjonijiet tat-test ta’ referenza RD-ASEP |
|
3.2.1. |
Proċedura tat-test
Meta l-parti ta’ quddiem tal-vettura tilħaq AA’, l-aċċelleratur għandu jkun magħfus kollu u għandu jinżamm magħfus kollu sakemm il-parti ta’ wara tal-vettura tilħaq BB’. Imbagħad l-aċċelleratur għandu jiġi rritornat kemm jista’ jkun malajr fil-pożizzjoni idle. Tista’ tintuża preaċċellerazzjoni jekk l-aċċellerazzjoni ddum aktar minn AA’. Il-post tal-bidu tal-aċċellerazzjoni għandu jiġi rrapportat. |
|
3.2.2. |
Veloċità tat-test u għażla tal-gerijiet
Il-vettura għandha tiġi ttestjata f’kull waħda mill-kundizzjonijiet operattivi li ġejjin:
|
|
3.2.3. |
Ipproċessar u rapportar tad-data
Għandhom jiġu applikati r-rekwiżiti tal-paragrafu 1.4. tal-Anness 3. Barra minn hekk, il-valuri tal-veloċità tal-magna f’AA’, f’BB’, u f’PP’ f’unitajiet ta’ min-1 għandhom jiġu matematikament ittondjati għall-eqreb numru sħiħ għal kalkoli ulterjuri. Għal kundizzjoni tat-test partikolari, għandha tiġi kkalkulata l-medja aritmetika tat-tliet veloċitajiet tal-magna individwali. Il-livelli finali ta’ pressjoni tal-ħoss għall-aċċellerazzjoni bl-aċċelleratur magħfus kollu ma għandhomx jaqbżu l-limiti speċifikati fil-paragrafu 2.6. hawn fuq. |
|
3.3. |
Kundizzjonijiet operattivi addizzjonali |
|
3.3.1. |
Proċedura tat-test
Il-vettura għandha tqarreb il-linja AA’ b’veloċità kostanti jew b’aċċellerazzjoni jew b’deċellerazzjoni, skont it-tħaddim tal-aċċelleratur li jista’ jintalab mis-servizz tekniku responsabbli għat-twettiq tat-testijiet tal-approvazzjoni bi qbil mal-awtoritajiet tal-approvazzjoni tat-tip. Il-veloċità tal-avviċinament għandha tingħażel b’tali mod li l-vettura tilħaq veloċità preskritta tat-test vtest +/- 5 km/h meta l-parti ta’ quddiem tagħha tgħaddi l-linja AA’. Eżempji:
Meta l-parti ta’ quddiem tal-vettura tgħaddi mil-linja AA’, il-kontroll tal-aċċelleratur għandu jiġi aġġustat malajr kemm jista’ jkun għal pożizzjoni (aċċelleratur parzjali, aċċelleratur miftuħ wiesa’ jew tinżamm il-pożizzjoni attwali tal-kontroll tal-aċċelleratur) li jista’ jiġi ddefinit mis-servizz tekniku responsabbli għat-twettiq tat-testijiet tal-approvazzjoni bi qbil mal-awtoritajiet tal-approvazzjoni tat-tip u għandu jinżamm f’din il-pożizzjoni sakemm in-naħa ta’ wara tal-vettura tgħaddi l-linja BB’. Meta n-naħa ta’ wara tal-vettura tgħaddi l-linja BB’, il-kontroll tal-aċċelleratur għandu jiċċaqlaq għall-pożizzjoni idle malajr kemm jista’ jkun. Il-pożizzjoni tal-aċċelleratur bejn il-linji AA’ u BB’ ma għandhiex tirriżulta f’deċellerazzjoni tal-vettura. |
|
3.3.2. |
Il-veloċità tat-test, l-għażla tal-gerijiet u tal-modalitajiet u t-tħaddim tal-aċċelleratur
Il-kundizzjonijiet ta’ dan il-paragrafu jistgħu jiġu ddefiniti mis-servizz tekniku responsabbli għat-twettiq tat-testijiet tal-approvazzjoni bi qbil mal-awtoritajiet tal-approvazzjoni tat-tip. It-test tal-veloċità vtest jista’ jkun ta’ kwalunkwe veloċità fi ħdan il-medda ta’ kontroll RD-ASEP kif iddefinit fil-paragrafu 2.5. ta’ dan l-Anness. Il-vettura tista’ tiġi ttestjata fi kwalunkwe ger disponibbli, inkluż l-ewwel ger. Il-vettura tista’ tiġi ttestjata fi kwalunkwe wieħed mill-programmi jew modalitajiet tas-software li jista’ jintgħażel mill-utent disponibbli li jaffettwaw l-emissjonijiet tal-ħoss tal-vettura. It-tħaddim tal-aċċelleratur għandu jkun f’konformità mal-paragrafu 3.3.1. ta’ dan l-Anness. It-tħaddim tal-aċċelleratur qabel il-linja AA’ u bejn il-linji AA’ u BB’ għandu jiġi ddefinit u deskritt b’mod li jkun jista’ jsir minn sewwieq b’ħiliet speċjalizzati li jkun iffamiljarizza ruħu mal-karatteristiċi tar-rikba tal-vettura tat-test, u li l-eżekuzzjoni korretta tkun tista’ tiġi vvalutata permezz ta’ osservazzjoni mingħajr il-ħtieġa ta’ tagħmir tekniku fuq il-vettura jew fuq is-sit tat-test għajr it-tagħmir li huwa meħtieġ għat-testijiet skont l-Anness 3. Jekk il-kundizzjonijiet operattivi mitluba jwasslu għal imġiba mhux tas-soltu tal-vettura (jiġifieri togħla r-rota ta’ quddiem, tgħaqqid apparenti tar-rota, moviment mhux regolari tal-katina minħabba li l-katina tkun laxka (chain slap), skossi fil-magna minħabba spid eċċessiv tal-magna waqt sewqan b’veloċità baxxa) jew kwalunkwe kundizzjoni oħra tar-rikba li tista’ ma tkunx mistennija li sseħħ meta l-vettura titħaddem fi traffiku reali, dik il-prova tat-test għandha tiġi skartata u għandha ssir prova tat-test b’kundizzjonijiet operattivi differenti. |
|
3.3.3. |
Ipproċessar u rapportar tad-data |
|
3.3.3.1. |
Il-livell massimu ta’ pressjoni tal-ħoss ponderat-A “L” indikat meta l-vettura tgħaddi bejn AA’ u meta l-parti ta’ wara tal-vettura tgħaddi BB’ + 20 m (ara l-Anness 4 — Illustrazzjoni 1) għandu jitnaqqas b’1 dB(A) sabiex titqies l-inakkuratezza tal-kejl u għandu jiġi matematikament ittondjat għall-eqreb l-ewwel pożizzjoni deċimali (eż. XX,X) għal kull pożizzjoni tal-mikrofonu (2).
Jekk jiġu osservati żieda u tnaqqis f’daqqa fil-livell tal-ħoss li jkunu differenti, b’mod ovvju, mil-livell ġenerali ta’ pressjoni tal-ħoss, dak il-kejl għandu jitwarrab, u l-prova tat-test għandha terġa’ ssir bl-istess kundizzjonijiet operattivi. |
|
3.3.3.2. |
L-ipproċessar tal-kejl tal-pressjoni tal-ħoss u l-kalkolu tar-riżultati finali tat-test
LASEP = MAX (LASEP,left; LASEP,right) Fejn l-indiċi “left, “right” tirreferi għall-pożizzjoni tal-vettura (xellug jew lemin). |
|
3.3.3.3. |
Il-valuri tal-veloċità tal-magna f’AA’, f’BB’, u f’PP’ f’unitajiet ta’ min-1 għandhom jiġu matematikament ittondjati għall-eqreb numru sħiħ għal kalkoli ulterjuri |
|
3.3.3.4. |
Il-livelli finali ta’ pressjoni tal-ħoss għall-aċċellerazzjoni bl-aċċelleratur magħfus kollu ma għandhomx jaqbżu l-limiti speċifikati fil-paragrafu 2.6. ta’ dan l-Anness. |
(1) Huwa rrakkomandat li s-sewwieq li jkun qiegħed iwettaq it-testijiet ikun qiegħed jiffamiljarizza ruħu familjari mal-karatteristiċi tar-rikba tal-vettura tat-test qabel ma jwettaq il-provi.
(2) Il-livell ta’ pressjoni tal-ħoss “L” jiġi ddeterminat permezz ta’ prova tat-test waħda.
ANNESS 8
Dikjarazzjoni ta’ konformità mad-Dispożizzjonijiet Addizzjonali dwar l-Emissjoni tal-Ħoss
(Format massimu: A4 (210 × 297 mm))
… (L-isem tal-manifattur) jafferma li vetturi ta’ dan it-tip (tip fir-rigward tal-emissjonijiet tal-istorbju tagħha skont ir-Regolament tal-UE Nru 41) jikkonformaw mar-rekwiżiti tal-paragrafu 6.3. tar-Regolament Nru 41.
… (Isem il-manifattur) qiegħed jagħmel din id-dikjarazzjoni bona fide, wara li wettaq evalwazzjoni xierqa tal-prestazzjoni tal-emissjonijiet tal-ħoss tal-vetturi.
Data: …
Isem ir-rappreżentant awtorizzat: …
Firma tar-rappreżentant awtorizzat: …