This document is an excerpt from the EUR-Lex website
Document 42019D0163
Decision (EU, Euratom) 2019/163 of the Representatives of the Governments of the Member States of 1 February 2019 appointing Judges to the General Court
Deċiżjoni (UE, Euratom) 2019/163 tar-Rappreżentanti tal-Gvernijiet tal-Istati Membri tal-1 ta' Frar 2019 li taħtar Imħallfin tal-Qorti Ġenerali
Deċiżjoni (UE, Euratom) 2019/163 tar-Rappreżentanti tal-Gvernijiet tal-Istati Membri tal-1 ta' Frar 2019 li taħtar Imħallfin tal-Qorti Ġenerali
ST/15850/2018/INIT
ĠU L 32, 4.2.2019, p. 5–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
4.2.2019 |
MT |
Il-Ġurnal Uffiċjali tal-Unjoni Ewropea |
L 32/5 |
DEĊIŻJONI (UE, Euratom) 2019/163 TAR-RAPPREŻENTANTI TAL-GVERNIJIET TAL-ISTATI MEMBRI
tal-1 ta' Frar 2019
li taħtar Imħallfin tal-Qorti Ġenerali
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Wara li kkunsidraw it-Trattat dwar l-Unjoni Ewropea, u b'mod partikolari l-Artikolu 19 tiegħu,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikoli 254 u 255 tiegħu,
Wara li kkunsidraw it-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a(1) tiegħu,
Billi:
(1) |
Il-mandati ta' tlieta u għoxrin Imħallef fil-Qorti Ġenerali ser jiskadu fil-31 ta' Awwissu 2019. Jenħtieġ li jsiru ħatriet biex jimtlew dawn il-karigi għall-perijodu mill-1 ta' Settembru 2019 sal-31 ta' Awwissu 2025. |
(2) |
Il-kandidaturi tas-Sur Stéphane GERVASONI, is-Sa Mariyana KANCHEVA, is-Sur Alexander KORNEZOV, is-Sur Ulf ÖBERG, is-Sa Inga REINE u s-Sur Fredrik SCHALIN ġew proposti għat-tiġdid tal-mandat tagħhom. |
(3) |
Barra minn hekk, l-Artikolu 48 tal-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea, kif emendat bir-Regolament (UE, Euratom) 2015/2422 tal-Parlament Ewropew u tal-Kunsill (1), jipprevedi li l-Qorti Ġenerali tkun komposta minn żewġ imħallfin għal kull Stat Membru mill-1 ta' Settembru 2019 'il quddiem. L-Artikolu 2(c) ta' dak ir-Regolament jiddetermina t-tul tal-mandat ta' disa' mħallfin supplementari ġodda nnominati mill-1 ta' Settembru 2019 b'tali mod li t-tmiem ta' dan il-mandat jikkorrispondi mat-tiġdid parzjali tal-Qorti Ġenerali li ser isir fl-1 ta' Settembru 2022 u l-1 ta' Settembru 2025. |
(4) |
Il-kandidatura tas-Sa Mirela STANCU u tas-Sur Laurent TRUCHOT ġew proposti għall-karigi ta' Mħallfin supplementari fil-Qorti Ġenerali. |
(5) |
Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni dwar l-idoneità tas-Sur Stéphane GERVASONI, is-Sa Mariyana KANCHEVA, is-Sur Alexander KORNEZOV, is-Sur Ulf ÖBERG, is-Sa Inga REINE, is-Sur Fredrik SCHALIN, is-Sa Mirela STANCU u s-Sur Laurent TRUCHOT għall-qadi tad-dmirijiet ta' Mħallef fil-Qorti Ġenerali, |
ADOTTAW DIN ID-DEĊIŻJONI:
Artikolu 1
1. Is-segwenti għandhom jinħatru Mħallfin tal-Qorti Ġenerali għall-perijodu mill-1 ta' Settembru 2019 sal-31 ta' Awwissu 2025:
— |
is-Sur Stéphane GERVASONI, |
— |
is-Sa Mariyana KANCHEVA, |
— |
is-Sur Alexander KORNEZOV, |
— |
is-Sur Ulf ÖBERG, |
— |
is-Sa Inga REINE, |
— |
is-Sur Fredrik SCHALIN, |
— |
is-Sur Laurent TRUCHOT. |
2. Is-Sa Mirela STANCU għandha tinħatar Imħallef tal-Qorti Ġenerali għall-perijodu mill-1 ta' Settembru 2019 sal-31 ta' Awwissu 2022.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-1 ta' Frar 2019.
Il-President
L. ODOBESCU
(1) Ir-Regolament (UE, Euratom) 2015/2422 tal-Parlament Ewropew u tal-Kunsill tas-16 ta' Diċembru 2015 li jemenda l-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea (ĠU L 341 tal-24.12.2015, p. 14).