This document is an excerpt from the EUR-Lex website
Document 32023R1711
Commission Implementing Regulation (EU) 2023/1711 of 7 September 2023 concerning the renewal of the authorisation of a preparation of the fermentation product of Aspergillus oryzae NRRL 458 as a feed additive for dairy cows and repealing Regulation (EC) No 537/2007 (holder of authorisation: Biozyme Incorporated) (Text with EEA relevance)
Regolament ta’ Implimentazzjoni tal-Kummissjoni (UE) 2023/1711 tas-7 ta’ Settembru 2023 dwar it-tiġdid tal-awtorizzazzjoni ta’ preparat tal-prodott ta’ fermentazzjoni ta’ Aspergillus oryzae NRRL 458 bħala addittiv tal-għalf għall-baqar tal-ħalib u li jħassar ir-Regolament (KE) Nru 537/2007 (detentur tal-awtorizzazzjoni: Biozyme Incorporated) (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2023/1711 tas-7 ta’ Settembru 2023 dwar it-tiġdid tal-awtorizzazzjoni ta’ preparat tal-prodott ta’ fermentazzjoni ta’ Aspergillus oryzae NRRL 458 bħala addittiv tal-għalf għall-baqar tal-ħalib u li jħassar ir-Regolament (KE) Nru 537/2007 (detentur tal-awtorizzazzjoni: Biozyme Incorporated) (Test b’rilevanza għaż-ŻEE)
C/2023/5949
ĠU L 221, 8.9.2023, p. 42–45
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
8.9.2023 |
MT |
Il-Ġurnal Uffiċjali tal-Unjoni Ewropea |
L 221/42 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1711
tas-7 ta’ Settembru 2023
dwar it-tiġdid tal-awtorizzazzjoni ta’ preparat tal-prodott ta’ fermentazzjoni ta’ Aspergillus oryzae NRRL 458 bħala addittiv tal-għalf għall-baqar tal-ħalib u li jħassar ir-Regolament (KE) Nru 537/2007 (detentur tal-awtorizzazzjoni: Biozyme Incorporated)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għat-tiġdid ta’ din l-awtorizzazzjoni. |
(2) |
Preparazzjoni tal-prodott ta’ fermentazzjoni ta’ Aspergillus oryzae NRRL 458 kien ġie awtorizzat għal 10 snin bħala addittiv tal-għalf għall-baqar tal-ħalib bir-Regolament tal-Kummissjoni (KE) Nru 537/2007 (2). |
(3) |
F’konformità mal-Artikolu 14 tar-Regolament (KE) Nru 1831/2003, tressqet applikazzjoni għat-tiġdid tal-awtorizzazzjoni ta’ dak il-preparat tal-prodott tal-fermentazzjoni ta’ Aspergillus oryzae NRRL 458 bħala addittiv tal-għalf għall-baqar tal-ħalib fil-kategorija tal-addittivi “addittivi żootekniċi” u fil-grupp funzjonali “sustanzi li jsaħħu d-diġestibbiltà”. Ma’ din l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) ta’ dak ir-Regolament. |
(4) |
Fl-opinjoni tagħha tal-10 ta’ Novembru 2021 (3), b’referenza għall-opinjoni tagħha tat-28 ta’ Jannar 2020 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-applikant ipprovda evidenza li l-preparat tal-prodott ta’ fermentazzjoni ta’ Aspergillus oryzae NRRL 458 għadu sikur għall-ispeċijiet fil-mira, għall-konsumaturi u għall-ambjent skont il-kundizzjonijiet tal-użu awtorizzati bħalissa. L-Awtorità ddikjarat li l-preparat jenħtieġ li jitqies bħala sensitizzatur respiratorju potenzjali u indikat li ma kienx hemm bżonn li tiġi vvalutata l-effikaċja tiegħu fil-kuntest tat-tiġdid tal-awtorizzazzjoni. Hija vverifikat ukoll ir-rapport dwar il-metodi ta’ analiżi użati għall-kontroll tas-sustanzi attivi tal-preparat imressqa mil-Laboratorju ta’ Referenza stabbilit bir-Regolament (KE) Nru 1831/2003, inkluż metodu mmodifikat għall-kwantifikazzjoni tal-attività tal-endo-1,4-beta-glukanażi fl-addittiv tal-għalf. Il-Laboratorju ta’ Referenza rrakkomanda li jinbidlu kif xieraq l-ispeċifikazzjoni u d-deskrizzjoni tal-enzima tal-endo-1,4-beta-glukanażi fl-att ta’ awtorizzazzjoni. |
(5) |
Il-valutazzjoni tal-preparat tal-prodott ta’ fermentazzjoni ta’ Aspergillus oryzae NRRL 458 turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-awtorizzazzjoni ta’ dak il-preparat tiġġedded. |
(6) |
Il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv. Dawk il-miżuri protettivi jenħtieġ li jkunu mingħajr preġudizzju għal rekwiżiti oħra tas-sikurezza tal-ħaddiema skont id-dritt tal-Unjoni. |
(7) |
Bħala konsegwenza tat-tiġdid tal-awtorizzazzjoni tal-preparat tal-prodott ta’ fermentazzjoni ta’ Aspergillus oryzae NRRL 458 bħala addittiv tal-għalf, jenħtieġ li jitħassar ir-Regolament (KE) Nru 537/2007. |
(8) |
Peress li r-raġunijiet ta’ sikurezza ma jirrikjedux l-applikazzjoni immedjata tal-modifiki fil-kundizzjonijiet tal-awtorizzazzjoni għall-preparat ikkonċernat, jixraq li jiġi previst perjodu ta’ tranżizzjoni biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. |
(9) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Tiġdid tal-awtorizzazzjoni
L-awtorizzazzjoni tal-preparat tal-prodott tal-fermentazzjoni ta’ Aspergillus oryzae NRRL 458, tal-kategorija tal-addittivi “addittivi żootekniċi” u tal-grupp funzjonali “sustanzi li jsaħħu d-diġestibbiltà”, hija mġedda soġġetta għall-kundizzjonijiet stabbiliti fl-Anness.
Artikolu 2
Tħassir tar-Regolament (KE) Nru 537/2007
Ir-Regolament (KE) Nru 537/2007 jitħassar.
Artikolu 3
Miżuri tranżizzjonali
1. Il-preparat speċifikat fl-Anness u t-taħlitiet lesti minn qabel li jkun fihom dak il-preparat, li jkunu ġew prodotti u ttikkettati qabel is-28 ta’ Marzu 2024 f’konformità mar-regoli applikabbli qabel it-28 ta’ Settembru 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.
2. Il-materjali tal-għalf u l-għalf kompost li jkun fihom il-preparat imsemmi fl-Anness, li jkunu prodotti u ttikkettati qabel it-28 ta’ Settembru 2024 f’konformità mar-regoli applikabbli qabel it-28 ta’ Settembru 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Settembru 2023.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) Ir-Regolament tal-Kummissjoni (KE) Nru 537/2007 tal-15 ta’ Mejju 2007 li jikkonċerna l-awtorizzazzjoni għall-prodott ta’ fermentazzjoni Aspergillus oryzae (NRRL 458) (Amaferm) bħala addittiv fl-għalf (ĠU L 128, 16.5.2007, p. 13).
(3) EFSA Journal 2022;20(2):6983.
(4) EFSA Journal 2020;18(2):6011.
ANNESS
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta’ awtorizzazzjoni |
||||||||||||
mg ta’ addittiv/kg ta’ għalf komplet b’kontenut ta’ ndewwa ta’ 12 % |
|||||||||||||||||||||
Kategorija ta’ addittivi żootekniċi. Grupp funzjonali: sustanzi li jsaħħu d-diġestibbiltà |
|||||||||||||||||||||
4a2i |
Biozyme Incorporated |
Prodott tal-fermentazzjoni ta’ Aspergillus oryzae NRRL 458 |
Kompożizzjoni tal-addittiv Preparat ta’:
Karatterizzazzjoni tas-sustanza attiva Endo-1,4-beta-glukanażi (EC 3.2.1.4) u alfa-amilażi (EC 3.2.1.1) li għandhom rispettivament attività minima ta’ 14,5 mU (1)/g u 20 mIU (2)/g. Metodu analitiku (3) Għall-kwantifikazzjoni tal-endo-1,4-beta-glukanażi fl-addittiv tal-għalf: il-metodu kolorimetriku bbażat fuq ir-reazzjoni enzimatika tal-endo-1,4-beta-glukanażi fuq sottostrat CellG5; Għall-kwantifikazzjoni tal-alfa-amilażi fl-addittiv tal-għalf: il-metodu kolorimetriku (DNS) ibbażat fuq ir-reazzjoni enzimatika tal-alfa-amilażi fuq sottostrat tal-lamtu tal-patata. |
Baqar tal-ħalib |
— |
85 |
300 |
|
it-28 ta’ Settembru 2033 |
(1) Unità waħda CellG5 (U) hija l-ammont ta’ enzima meħtieġa għar-rilaxx ta’ mikromol wieħed ta’ 4-nitrofenol minn CellG5 fil-minuta skont il-kundizzjonijiet definiti tal-assaġġ, fil-preżenza ta’ beta-glukosidażi termostabbli żejda.
(2) Unità waħda ta’ attività alfa-amilażi (IU) tirreferi għall-amilażi li jillibera mikromol wieħed ta’ glukożju fil-minuta mil-lamtu tal-patata f’pH 6,9 u fi 38 C.
(3) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_mt