This document is an excerpt from the EUR-Lex website
Document 32022R0026
Commission Delegated Regulation (EU) 2022/26 of 24 September 2021 supplementing Regulation (EU) 2019/2033 of the European Parliament and of the Council with regard to regulatory technical standards specifying the notion of segregated accounts to ensure client money’s protection in the event of an investment firm’s failure (Text with EEA relevance)
Regolament Delegat tal-Kummissjoni (UE) 2022/26 tal-24 ta’ Settembru 2021 li jissupplimenta r-Regolament (UE) 2019/2033 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kunċett ta’ kontijiet segregati biex tiġi żgurata l-protezzjoni tal-flus tal-klijenti fil-każ ta’ falliment ta’ ditta tal-investiment (Test b’rilevanza għaż-ŻEE)
Regolament Delegat tal-Kummissjoni (UE) 2022/26 tal-24 ta’ Settembru 2021 li jissupplimenta r-Regolament (UE) 2019/2033 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kunċett ta’ kontijiet segregati biex tiġi żgurata l-protezzjoni tal-flus tal-klijenti fil-każ ta’ falliment ta’ ditta tal-investiment (Test b’rilevanza għaż-ŻEE)
C/2021/6807
ĠU L 6, 11.1.2022, p. 7–8
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
11.1.2022 |
MT |
Il-Ġurnal Uffiċjali tal-Unjoni Ewropea |
L 6/7 |
REGOLAMENT DELEGAT TAL-KUMMISSJONI (UE) 2022/26
tal-24 ta’ Settembru 2021
li jissupplimenta r-Regolament (UE) 2019/2033 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kunċett ta’ kontijiet segregati biex tiġi żgurata l-protezzjoni tal-flus tal-klijenti fil-każ ta’ falliment ta’ ditta tal-investiment
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/2033 tal-Parlament Ewropew u tal-Kunsill tas-27 ta' Novembru 2019 dwar ir-rekwiżiti prudenzjali tad-ditti tal-investiment u li jemenda r-Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014 (1), u b’mod partikolari t-tielet subparagrafu tal-Artikolu 15(5), flimkien mal-punt (b) tal-ewwel subparagrafu tal-Artikolu 15(5) tiegħu,
Billi:
(1) |
Kontijiet segregati huma definiti fil-punt (49) tal-Artikolu 4(1) tar-Regolament (UE) 2019/2033 għall-finijiet tat-Tabella 1 fl-Artikolu 15(2) ta’ dak ir-Regolament. Sabiex id-ditti tal-investiment ikunu jistgħu japplikaw koeffiċjenti aktar baxxi għall-kalkolu tar-rekwiżit ta’ kapital “flus tal-klijenti miżmuma”, meta l-flus tal-klijenti jinżammu f’kontijiet segregati, jenħtieġ li l-kunċett ta’ kontijiet segregati jiġi speċifikat bħala li jħaddan il-kundizzjonijiet, li jiżguraw il-protezzjoni tal-flus tal-klijenti f’każ ta’ falliment ta’ ditta tal-investiment. Billi dawk il-kundizzjonijiet huma stabbiliti fl-Artikolu 2(1) tad-Direttiva Delegata tal-Kummissjoni (UE) 2017/593 (2), huwa xieraq li ssir referenza għall-istess kundizzjonijiet għall-finijiet tal-ispeċifikazzjoni tal-kunċett ta’ kontijiet segregati skont dan ir-Regolament. Għalhekk, jenħtieġ li dan ir-Regolament jistabbilixxi sett ta’ rekwiżiti simili bħal dawk stabbiliti fl-Artikolu 2(1) tad-Direttiva Delegata (UE) 2017/593. |
(2) |
Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Bankarja Ewropea. |
(3) |
L-Awtorità Bankarja Ewropea wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat l-ispejjeż u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3), |
ADOTTAT DAN IR-REGOLAMENT:
Artikolu 1
Kunċett ta’ kontijiet segregati
Fir-rigward tal-kundizzjonijiet li jiżguraw il-protezzjoni tal-flus tal-klijenti fil-każ ta’ falliment ta’ ditta tal-investiment, il-kunċett ta’ kontijiet segregati msemmi fl-Artikolu 15(5)(b) tar-Regolament (UE) 2019/2033 għandu jfisser li:
(a) |
ir-rekords u l-kontijiet jinżammu b’mod li jippermetti lid-ditti tal-investiment fi kwalunkwe ħin u mingħajr dewmien jiddistingwu bejn il-fondi miżmuma għal klijent wieħed u l-fondi miżmuma għal kwalunkwe klijent ieħor u l-fondi proprji tagħhom; |
(b) |
ir-rekords u l-kontijiet jinżammu b’mod li jiżgura l-preċiżjoni tagħhom, u b’mod partikolari l-korrispondenza tagħhom mal-fondi miżmuma għall-klijenti, u li dawn jistgħu jintużaw bħala rekord tal-awditjar; |
(c) |
ir-rikonċiljazzjonijiet jitwettqu fuq bażi regolari bejn il-kontijiet interni u r-rekords tad-ditti tal-investiment u dawk ta’ kwalunkwe parti terza li dawk il-fondi jinżammu minnha; |
(d) |
ikunu ttieħdu l-passi meħtieġa biex jiġi żgurat li l-fondi tal-klijenti ddepożitati jinżammu f’kont jew kontijiet identifikati separatament minn kwalunkwe kont użat biex jinżammu fondi li jappartjenu għad-ditta tal-investiment; |
(e) |
ġew introdotti arranġamenti organizzattivi adegwati biex jiġi mminimizzat ir-riskju tat-telf jew it-tnaqqis tal-fondi tal-klijenti, jew tad-drittijiet marbuta ma' dawk il-fondi, b’riżultat ta' użu ħażin tal-fondi, frodi, amministrazzjoni ħażina, żamma tar-rekords inadegwata jew negliġenza. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Settembru 2021.
Għall-Kummissjoni
Il-President
Ursula VON DER LEYEN
(1) ĠU L 314, 5.12.2019, p. 1.
(2) Id-Direttiva Delegata tal-Kummissjoni (UE) 2017/593 tas-7 ta’ April 2016 li tissupplimenta d-Direttiva 2014/65/UE tal-Parlament Ewropew u tal-Kunsill rigward is-salvagwardja tal-istrumenti finanzjarji u l-fondi tal-klijenti, l-obbligi ta' governanza tal-prodotti u r-regoli applikabbli għall-provvediment jew ir-riċeviment ta' tariffi, kummissjonijiet jew kwalunkwe benefiċċju monetarju jew mhux monetarju (ĠU L 87, 31.3.2017, p. 500).
(3) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).