EUR-Lex Access to European Union law
This document is an excerpt from the EUR-Lex website
Document 32021D0537
Decision (EU) 2021/537 of the European Parliament and of the Council of 24 March 2021 amending Council Decisions 2003/17/EC and 2005/834/EC as regards the equivalence of field inspections and the equivalence of checks on practices for the maintenance of varieties of agricultural plant species carried out in the United Kingdom (Text with EEA relevance)
Deċiżjoni (UE) 2021/537 tal-Parlament Ewropew u tal-Kunsill tal-24 ta’ Marzu 2021 li temenda d-Deċiżjonijiet tal-Kunsill 2003/17/KE u 2005/834/KE fir-rigward tal-ekwivalenza tal-ispezzjonijiet fuq il-post u tal-ekwivalenza tal-kontrolli fuq il-prattiki għaż-żamma tal-varjetajiet ta’ speċijiet ta’ pjanti agrikoli mwettqa fir-Renju Unit (Test b’rilevanza għaż-ŻEE)
Deċiżjoni (UE) 2021/537 tal-Parlament Ewropew u tal-Kunsill tal-24 ta’ Marzu 2021 li temenda d-Deċiżjonijiet tal-Kunsill 2003/17/KE u 2005/834/KE fir-rigward tal-ekwivalenza tal-ispezzjonijiet fuq il-post u tal-ekwivalenza tal-kontrolli fuq il-prattiki għaż-żamma tal-varjetajiet ta’ speċijiet ta’ pjanti agrikoli mwettqa fir-Renju Unit (Test b’rilevanza għaż-ŻEE)
PE/4/2021/REV/1
ĠU L 108, 29.3.2021, p. 4–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
29.3.2021 |
MT |
Il-Ġurnal Uffiċjali tal-Unjoni Ewropea |
L 108/4 |
DEĊIŻJONI (UE) 2021/537 TAL-PARLAMENT EWROPEW U TAL-KUNSILL
tal-24 ta’ Marzu 2021
li temenda d-Deċiżjonijiet tal-Kunsill 2003/17/KE u 2005/834/KE fir-rigward tal-ekwivalenza tal-ispezzjonijiet fuq il-post u tal-ekwivalenza tal-kontrolli fuq il-prattiki għaż-żamma tal-varjetajiet ta’ speċijiet ta’ pjanti agrikoli mwettqa fir-Renju Unit
(Test b’rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari l-Artikolu 43(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Filwaqt li jaġixxu skont il-proċedura leġiżlattiva ordinarja (2),
Billi:
(1) |
Id-Deċiżjoni tal-Kunsill 2003/17/KE (3) tipprevedi li, taħt ċerti kundizzjonijiet, l-ispezzjonijiet fuq il-post imwettqa fuq ċerti uċuħ tar-raba’ li jipproduċu ż-żerriegħa fil-pajjiżi terzi elenkati fl-Anness I għal dik id-Deċiżjoni għandhom jitqiesu ekwivalenti għall-ispezzjonijiet fuq il-post imwettqa f’konformità mal-liġi tal-Unjoni u li, taħt ċerti kundizzjonijiet, iż-żerriegħa ta’ ċerti speċijiet prodotta f’dawk il-pajjiżi terzi għandha titqies ekwivalenti għaż-żerriegħa prodotta f’konformità mal-liġi tal-Unjoni. |
(2) |
Id-Deċiżjoni tal-Kunsill 2005/834/KE (4) tistabbilixxi regoli dwar l-ekwivalenza tal-kontrolli fuq il-prattiki għaż-żamma tal-varjetajiet imwettqa f’ċerti pajjiżi terzi. Hija tipprevedi li l-kontrolli uffiċjali fuq il-prattiki għaż-żamma tal-varjetajiet imwettqa f’dawk il-pajjiżi terzi u mill-awtoritajiet elenkati fl-Anness għal dik id-Deċiżjoni, għall-ispeċijiet koperti mid-Direttivi msemmija għal kull wieħed minn dawk il-pajjiżi terzi, għandhom jipprovdu l-istess garanziji bħal dawk imwettqa mill-Istati Membri. |
(3) |
Ir-Renju Unit ittraspona u implimenta b’mod effettiv id-Direttivi tal-Kunsill 66/401/KEE (5), 66/402/KEE (6), 2002/53/KE (7), 2002/54/KE (8), 2002/55/KE (9) u 2002/57/KE (10), kif ukoll l-atti ta’ implimentazzjoni adottati skont dawk id-Direttivi. Dawk l-atti ta’ implimentazzjoni jistabbilixxu r-regoli li fuq il-bażi tagħhom dawk id-Direttivi jirrikonoxxu l-ekwivalenza kkonċernata. |
(4) |
Il-liġi tal-Unjoni, inklużi d-Deċiżjonijiet 2003/17/KE u 2005/834/KE, kienet applikabbli għar-Renju Unit u fih, matul il-perjodu ta’ tranżizzjoni li ntemm fil-31 ta’ Diċembru 2020, f’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (11) (il-‘Ftehim dwar il-Ħruġ’), u b’mod partikolari mal-Artikolu 126 u mal-Artikolu 127(1) tiegħu. |
(5) |
Fid-dawl tat-tmiem tal-perjodu ta’ tranżizzjoni previst fil-Ftehim dwar il-Ħruġ, ir-Renju Unit issottometta talba lill-Kummissjoni għar-rikonoxximent tal-ekwivalenza, mill-1 ta’ Jannar 2021, ta’ żerriegħa ta’ pjanti tal-għalf, ta’ żerriegħa taċ-ċereali, ta’ żerriegħa tal-pitravi, ta’ żerriegħa tal-ħxejjex u ta’ żerriegħa tal-pjanti taż-żejt u tal-fibra prodotti fir-Renju Unit għal żerriegħa ta’ pjanti tal-għalf, għal żerriegħa taċ-ċereali, għal żerriegħa tal-pitravi, għal żerriegħa tal-ħxejjex u għal żerriegħa tal-pjanti taż-żejt u tal-fibra prodotti fl-Unjoni u f’konformità mad-Direttivi 66/401/KEE, 66/402/KEE, 2002/54/KE, 2002/55/KE u 2002/57/KE. |
(6) |
Ir-Renju Unit talab ukoll ir-rikonoxximent tal-ekwivalenza fir-rigward tal-kontrolli fuq il-prattiki għaż-żamma tal-varjetajiet imwettqa fir-Renju Unit skont id-Direttivi 66/401/KEE, 66/402/KEE, 2002/54/KE, 2002/55/KE u 2002/57/KE, u wkoll skont id-Direttiva 2002/53/KE. |
(7) |
Ir-Renju Unit informa lill-Kummissjoni li l-leġiżlazzjoni tiegħu, li tittrasponi d-Direttivi 66/401/KEE, 66/402/KEE, 2002/53/KE, 2002/54/KE, 2002/55/KE u 2002/57/KE mhijiex se tinbidel u tkompli tapplika mill-1 ta’ Jannar 2021. |
(8) |
Il-Kummissjoni eżaminat il-leġiżlazzjoni rilevanti tar-Renju Unit u l-ekwivalenza tagħha mar-rekwiżiti tal-Unjoni, u kkonkludiet li l-ispezzjonijiet fuq il-post imwettqa fuq l-uċuħ tar-raba’ li jipproduċu ż-żerriegħa jitwettqu kif xieraq u jissodisfaw il-kundizzjonijiet tal-Anness II tad-Deċiżjoni 2003/17/KE u r-rekwiżiti xierqa tad-Direttivi 66/401/KEE, 66/402/KEE, 2002/54/KE u 2002/57/KE. |
(9) |
Għalhekk, u sabiex jiġi evitat kwalunkwe tfixkil bla bżonn għall-kummerċ wara tmiem il-perjodu ta’ tranżizzjoni, huwa xieraq li tiġi rikonoxxuta l-ekwivalenza tal-ispezzjonijiet fuq il-post imwettqa fir-rigward ta’ dawk iż-żrieragħ prodotti fir-Renju Unit u ċċertifikati uffiċjalment mill-awtoritajiet tiegħu. |
(10) |
Il-Kummissjoni eżaminat il-leġiżlazzjoni rilevanti tar-Renju Unit u l-ekwivalenza tagħha mad-dispożizzjonijiet dwar il-prattiki għaż-żamma tal-varjetajiet skont id-Direttivi 2002/53/KE u 2002/55/KE. Il-Kummissjoni kkonkludiet li l-kontrolli fuq il-prattiki għaż-żamma ta’ dawk il-varjetajiet imwettqa fir-Renju Unit jagħtu l-istess garanziji bħal dawk imwettqa mill-Istati Membri. |
(11) |
Għalhekk, huwa xieraq li tiġi rikonoxxuta l-ekwivalenza tal-kontrolli fuq il-prattiki għaż-żamma tal-varjetajiet, kif previst fid-Direttivi 66/401/KEE, 66/402/KEE, 2002/53/KE, 2002/54/KE, 2002/55/KE u 2002/57/KE, imwettqa fir-Renju Unit. |
(12) |
Għalhekk, jenħtieġ li r-Renju Unit jiġi inkluż fl-Anness I tad-Deċiżjoni 2003/17/KE u fl-Anness tad-Deċiżjoni 2005/834/KE, mingħajr preġudizzju għall-applikazzjoni tal-liġi tal-Unjoni għar-Renju Unit u fih fir-rigward tal-Irlanda ta’ Fuq f’konformità mal-Artikolu 5(4) tal-Protokoll dwar l-Irlanda/l-Irlanda ta’ Fuq tal-Ftehim dwar il-Ħruġ flimkien mal-Anness 2 ta’ dak il-Protokoll. |
(13) |
Għalhekk, jenħtieġ li d-Deċiżjonijiet 2003/17/KE u 2005/834/KE jiġu emendati kif xieraq. |
(14) |
Fid-dawl tal-fatt li l-perjodu ta’ tranżizzjoni previst fil-Ftehim dwar il-Ħruġ intemm fil-31 ta’ Diċembru 2020, u sabiex tiġi żgurata l-kontinwità, jenħtieġ li din id-Deċiżjoni tidħol fis-seħħ b’urġenza u jenħtieġ li tapplika, b’effett retroattiv, mill-1 ta’ Jannar 2021, |
ADOTTAW DIN ID-DEĊIŻJONI:
Artikolu 1
Emendi għad-Deċiżjonijiet 2003/17/KE u 2005/834/KE
1. L-Anness I tad-Deċiżjoni 2003/17/KE huwa emendat f’konformità mal-punt 1 tal-Anness ta’ din id-Deċiżjoni.
2. L-Anness tad-Deċiżjoni 2005/834/KE huwa emendat f’konformità mal-punt 2 tal-Anness ta’ din id-Deċiżjoni.
Artikolu 2
Dħul fis-seħħ u data ta’ applikazzjoni
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Hija għandha tapplika mill-1 ta’ Jannar 2021.
Magħmul fi Brussell, l-24 ta’ Marzu 2021.
Għall-Parlament Ewropew
Il-President
D. M. SASSOLI
Għall-Kunsill
Il-President
A. P. ZACARIAS
(1) L-opinjoni tas-27 ta’ Jannar 2021 (għadha mhix ippubblikata fil-Ġurnal Uffiċjali).
(2) Il-pożizzjoni tal-Parlament Ewropew tal-11 ta’ Marzu 2021 (għadha mhix ippubblikata fil-Ġurnal Uffiċjali) u d-Deċiżjoni tal-Kunsill tas-17 ta’ Marzu 2021.
(3) Id-Deċiżjoni tal-Kunsill 2003/17/KE tat-16 ta’ Diċembru 2002 dwar l-ekwivalenza tal-ispezzjonijiet fuq il-post imwettqa fil-pajjiżi terzi fuq l-uċuh tar-raba li jipproduċu ż-żerriegħa u dwar l-ekwivalenza taż-żerriegħa prodotta fil-pajjiżi terzi (ĠU L 8, 14.1.2003, p. 10).
(4) Id-Deċiżjoni tal-Kunsill 2005/834/KE tat-8 ta’ Novembru 2005 dwar l-ekwivalenza tal-kontrolli, rigward il-prattika għaż-żamma ta’ varjetajiet, imwettqa f’pajjiżi terzi u li temenda d-Deċiżjoni 2003/17/KE (ĠU L 312, 29.11.2005, p. 51).
(5) Id-Direttiva tal-Kunsill 66/401/KEE tal-14 ta’ Ġunju 1966 dwar it-tqegħid fis-suq ta’ żerriegħa ta’ pjanti tal-għalf (ĠU L 125, 11.7.1966, p. 2298).
(6) Id-Direttiva tal-Kunsill 66/402/KEE tal-14 ta’ Ġunju 1966 dwar il-marketing taż-żerriegħa tal-ġwież (ĠU L 125, 11.7.1966, p. 2309).
(7) Id-Direttiva tal-Kunsill 2002/53/KE tat-13 ta’ Ġunju 2002 dwar il-varjetajiet komuni ta’ katalgi ta’ speċi ta’ pjanti agrikoli (ĠU L 193, 20.7.2002, p. 1).
(8) Id-Direttiva tal-Kunsill 2002/54/KE tat-13 ta’ Ġunju 2002 dwar il-bejgħ fis-suq ta’ żerriegħa tal-pitravi (ĠU L 193, 20.7.2002, p. 12).
(9) Id-Direttiva tal-Kunsill 2002/55/KE tat-13 ta’ Ġunju 2002 dwar il-marketing ta’ żrieragħ tal-ħxejjex (ĠU L 193, 20.7.2002, p. 33).
(10) Id-Direttiva tal-Kunsill 2002/57/KE tat-13 ta’ Ġunju 2002 fuq il-marketing taż-żerriegħa ta’ pjanti taż-żejt u tal-fibra (ĠU L 193, 20.7.2002, p. 74).
ANNESS
1.
Fl-Anness I tad-Deċiżjoni 2003/17/KE, it-tabella hija emendata kif ġej:
(1) |
ir-ringiela li ġejja tiddaħħal bejn ir-ringieli “CL” u “IL”:
|
(2) |
fin-nota (*) f’qiegħ il-paġna, dak li ġej jiddaħħal bejn “CL— iċ-Ċilì,” u “IL — l-Iżrael,”: “GB — Ir-Renju Unit,”. |
2.
Fl-Anness tad-Deċiżjoni 2005/834/KE, it-tabella hija emendata kif ġej:
(1) |
ir-ringiela li ġejja tiddaħħal bejn ir-ringieli “CS” u “IL”:
|
(2) |
fin-nota (*) f’qiegħ il-paġna, dak li ġej jiddaħħal bejn “CS — Serbja u Montenegro,” u “IL — Iżrael,”. “GB — Ir-Renju Unit,”. |