Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R1771

    Regolament ta’ Implimentazzjoni tal-Kummissjoni (UE) 2020/1771 tas-26 ta’ Novembru 2020 li japprova l-massa ta’ reazzjoni tal-aċidu peraċetiku (PAA) u l-aċidu perossiottanojku (POOA) bħala sustanza attiva eżistenti għall-użu fil-prodotti bijoċidali għall-prodotti tat-tipi 2, 3 u 4 (Test b’rilevanza għaż-ŻEE)

    C/2020/8163

    ĠU L 398, 27.11.2020, p. 9–11 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2020/1771/oj

    27.11.2020   

    MT

    Il-Ġurnal Uffiċjali tal-Unjoni Ewropea

    L 398/9

    REGOLAMENT TA’ IMPLIMENTAZZJONI TAL-KUMMISSJONI (UE) 2020/1771

    tas-26 ta’ Novembru 2020

    li japprova l-massa ta’ reazzjoni tal-aċidu peraċetiku (PAA) u l-aċidu perossiottanojku (POOA) bħala sustanza attiva eżistenti għall-użu fil-prodotti bijoċidali għall-prodotti tat-tipi 2, 3 u 4

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari t-tielet subparagrafu tal-Artikolu 89(1) tiegħu,

    Billi:

    (1)

    Ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista tas-sustanzi attivi eżistenti li riedu jiġu evalwati biex possibbilment jiġu approvati għall-użu fil-prodotti bijoċidali. Dik il-lista tinkludi l-aċidu perossiottanojku, li se jingħata l-isem ġdid il-massa ta’ reazzjoni tal-aċidu peraċetiku u l-aċidu perossiottanojku, bħala riżultat tal-evalwazzjoni.

    (2)

    Il-massa ta’ reazzjoni tal-aċidu peraċetiku u l-aċidu perossiottanojku ġiet evalwata għall-użu fil-prodotti bijoċidali tat-tip 2, diżinfettanti u alkaċidi li mhumiex maħsuba għall-applikazzjoni diretta fuq il-bnedmin jew l-annimali, fil-prodotti tat-tip 3, fl-iġjene veterinarja, fil-prodotti tat-tip 4, fil-qasam tal-ikel u tal-għalf, kif deskritt fl-Anness V tar-Regolament (UE) Nru 528/2012.

    (3)

    Franza nħatret l-Istat Membru relatur u l-awtorità kompetenti tagħha ssottomettiet ir-rapport tal-valutazzjoni flimkien mal-konklużjonijiet tagħha lill-Aġenzija Ewropea għas-Sustanzi Kimiċi fit-2 ta’ Jannar 2019.

    (4)

    F’konformità mal-Artikolu 7(2) tar-Regolament Delegat (UE) Nru 1062/2014, il-Kumitat dwar il-Prodotti Bijoċidali adotta l-opinjonijiet tal-Aġenzija (3) fl-4 ta’ Marzu 2020, wara li kkunsidra l-konklużjonijiet tal-awtorità kompetenti li wettqet l-evalwazzjoni.

    (5)

    Skont dawk l-opinjonijiet, il-prodotti bijoċidali tat-tipi tal-prodotti 2, 3 u 4 li jkun fihom massa ta’ reazzjoni tal-aċidu peraċetiku u l-aċidu perossiottanojku, jistgħu jkunu mistennija li jissodisfaw il-kriterji stabbiliti fil-punt (b) tal-Artikolu 19(1) tar-Regolament (UE) Nru 528/2012, dment li jkunu konformi ma’ ċerti speċifikazzjonijiet u kundizzjonijiet li jikkonċernaw l-użu tagħhom.

    (6)

    Filwaqt li jitqiesu l-opinjonijiet tal-Aġenzija, jixraq li tiġi approvata l-massa ta’ reazzjoni tal-aċidu peraċetiku u l-aċidu perossiottanojku għall-użu fil-prodotti bijoċidali tat-tipi tal-prodotti 2, 3 u 4, soġġett għall-konformità ma’ ċerti speċifikazzjonijiet u kundizzjonijiet.

    (7)

    Qabel ma tiġi approvata sustanza attiva, jenħtieġ li jitħalla jgħaddi perjodu ta’ żmien raġonevoli li jippermetti lill-partijiet interessati jlestu l-miżuri ta’ tħejjija li jeħtieġu biex jissodisfaw ir-rekwiżiti l-ġodda.

    (8)

    Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

    ADOTTAT DAN IR-REGOLAMENT:

    Artikolu 1

    Il-massa ta’ reazzjoni tal-aċidu peraċetiku u l-aċidu perossiottanojku hija approvata bħala sustanza attiva għall-użu fil-prodotti bijoċidali tat-tipi tal-prodotti 2, 3, u 4, soġġett għall-ispeċifikazzjonijiet u l-kundizzjonijiet stabbiliti fl-Anness.

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-26 ta’ Novembru 2020.

    Għall-Kummissjoni

    Il-President

    Ursula VON DER LEYEN

    (1)   ĠU L 167, 27.6.2012, p. 1

    (2)  Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).

    (3)  Opinjonijiet tal-Kumitat dwar il-Prodotti Bijoċidali dwar l-applikazzjoni għall-approvazzjoni tas-sustanza attiva l-massa ta’ reazzjoni tal-aċidu peraċetiku (PAA) u l-aċidu perossiottanojku (POOA); Tip tal-prodott: 2, 3 u 4; ECHA/BPC/242, 243 u 244, adottata fl-4 ta’ Marzu 2020.

    ANNESS

    Isem Komuni

    Isem IUPAC

    Numri tal-identifikazzjoni

    Grad minimu ta’ purità tas-sustanza attiva  (1)

    Data tal-approvazzjoni

    Data ta’ skadenza tal-approvazzjoni

    Tip ta’ prodott

    Kundizzjonijiet speċifiċi

    Massa ta’ reazzjoni tal-aċidu peraċetiku (PAA) u l-aċidu perossiottanoiku (POOA)

    Isem IUPAC: Massa ta’ reazzjoni tal-aċidu peraċetiku (PAA) u l-aċidu perossiottanoiku (POOA)

    Numru KE: 201-186-8 u 450-280-7

    Numru CAS: 79-21-0 u 33734-57-5

    Il-purità minima tas-sustanza attiva mhijiex rilevanti billi s-sustanza attiva hija ekwilibriju doppju bl-użu tal-perossidu tal-idroġenu, tal-aċidu aċetiku u tal-aċidu ottanojku bħala materjali tal-bidu. L-ispeċifikazzjonijiet jikkorrispondu ma’ medda ta’ konċentrazzjonijiet.

    fl-1 ta’ April 2022.

    fil-31 ta’ Marzu 2032.

    2

    L-awtorizzazzjonijiet għall-prodotti bijoċidali huma soġġetti għall-kundizzjonijiet li ġejjin:

    (a)

    Il-valutazzjoni tal-prodott għandha tagħti attenzjoni partikolari lill-esponiment, lir-riskji u lill-effikaċja marbutin ma’ kull użu li għalih tkun saret applikazzjoni għall-awtorizzazzjoni, iżda li ma jkunx ġie kopert fil-valutazzjoni tar-riskju tas-sustanza attiva fil-livell tal-Unjoni.

    (b)

    Fid-dawl tar-riskji identifikati għall-użu vvalutat, fil-valutazzjoni tal-prodott għandha tingħata attenzjoni partikolari lill-utenti professjonali.

    Komponenti

    Kontenut tal-medda tal-ispeċifikazzjonijiet (% w/w)

    Sustanza attiva

    Aċidu peraċetiku

    1,8 - 13,9

    Sustanza attiva

    Aċidu perossiottanoiku

    0,15 - 2,42

    Impurità relevanti

    Perossidu tal-idroġenu

    1,1 - 25,45

    Impurità relevanti

    Aċidu aċetiku

    5,74 — 51

    3

    L-awtorizzazzjonijiet għall-prodotti bijoċidali huma soġġetti għall-kundizzjonijiet li ġejjin:

    (a)

    Il-valutazzjoni tal-prodott għandha tagħti attenzjoni partikolari lill-esponiment, lir-riskji u lill-effikaċja marbutin ma’ kull użu li għalih tkun saret applikazzjoni għall-awtorizzazzjoni, iżda li ma jkunx ġie kopert fil-valutazzjoni tar-riskju tas-sustanza attiva fil-livell tal-Unjoni.

    (b)

    Fid-dawl tar-riskji identifikati għall-użu vvalutat, fil-valutazzjoni tal-prodott għandha tingħata attenzjoni partikolari lill-utenti professjonali.

    Impurità relevanti

    Aċidu ottanoiku

    1,63 - 9,03

     

    4

    L-awtorizzazzjonijiet għall-prodotti bijoċidali huma soġġetti għall-kundizzjonijiet li ġejjin:

    (a)

    Il-valutazzjoni tal-prodott għandha tagħti attenzjoni partikolari lill-esponiment, lir-riskji u lill-effikaċja marbutin ma’ kull użu li għalih tkun saret applikazzjoni għall-awtorizzazzjoni, iżda li ma jkunx ġie kopert fil-valutazzjoni tar-riskju tas-sustanza attiva fil-livell tal-Unjoni.

    (b)

    Il-prodotti li jkun fihom il-massa ta’ reazzjoni tal-aċidu peraċetiku u l-aċidu perossiottanojku ma għandhomx jiġu inkorporati f’materjali u f’oġġetti maħsuba biex jiġu f’kuntatt mal-ikel skont it-tifsira tal-Artikolu 1(1) tar-Regolament (KE) Nru 1935/2004 tal-Parlament Ewropew u tal-Kunsill  (2), dejjem jekk il-Kummissjoni ma tkunx stabbiliet limiti speċifiċi għall-migrazzjoni tal-massa ta’ reazzjoni tal-aċidu peraċetiku u l-aċidu perossiottanojku fl-ikel jew f’konformità ma’ dak ir-Regolament tkun stabbiliet li dawn il-limiti mhumiex meħtieġa.

    (c)

    Fid-dawl tar-riskji identifikati għall-użu vvalutat, fil-valutazzjoni tal-prodott għandha tingħata attenzjoni partikolari lill-utenti professjonali.

    (1)  Il-purità indikata f’din il-kolonna kienet il-grad minimu ta’ purità tas-sustanza attiva evalwata. Is-sustanza attiva fil-prodott li jitqiegħed fis-suq tista’ tkun tal-istess purità jew ta’ purità differenti jekk ikun ġie ppruvat li hi teknikament ekwivalenti għas-sustanza attiva evalwata.

    (2)  Ir-Regolament (KE) Nru 1935/2004 tal-Parlament Ewropew u tal-Kunsill tas-27 ta’ Ottubru 2004 dwar materjali u oġġetti maħsuba biex jiġu f’kuntatt mal-ikel u li jħassar id-Direttivi 80/590/KEE u 89/109/KEE (ĠU L 338, 13.11.2004, p. 4).

    Top