Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R0207

Regolament ta’ Implimentazzjoni tal-Kummissjoni (UE) 2020/207 tal-14 ta’ Frar 2020 li jemenda r-Regolament (UE) Nru 142/2011 fir-rigward ta’ importazzjonijiet ta’ ikel għall-annimali domestiċi mill-Għarabja Sawdita (Test b’rilevanza għaż-ŻEE)

C/2020/785

ĠU L 43, 17.2.2020, p. 69–71 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2020/207/oj

17.2.2020   

MT

Il-Ġurnal Uffiċjali tal-Unjoni Ewropea

L 43/69

REGOLAMENT TA’ IMPLIMENTAZZJONI TAL-KUMMISSJONI (UE) 2020/207

tal-14 ta’ Frar 2020

li jemenda r-Regolament (UE) Nru 142/2011 fir-rigward ta’ importazzjonijiet ta’ ikel għall-annimali domestiċi mill-Għarabja Sawdita

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1069/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (1), u b’mod partikolari l-Artikolu 41(4) tiegħu,

Billi:

(1)

Ir-Regolament tal-Kummissjoni (UE) Nru 142/2011 (2) jistabbilixxi r-regoli li jimplimentaw ir-Regolament (KE) Nru 1069/2009, fosthom il-kundizzjonijiet tas-saħħa pubblika u s-saħħa tal-annimali għall-importazzjoni tal-ikel għall-annimali domestiċi.

(2)

Ir-rekwiżiti għall-importazzjoni fl-Unjoni u t-tranżitu minnha ta’ ikel għall-annimali domestiċi u affarijiet ta’ tgerrim għall-klieb huma stabbiliti fit-Taqsima 1 tal-Kapitolu II tal-Anness XIV tar-Regolament (UE) Nru 142/2011, kif ukoll il-lista ta’ pajjiżi terzi fir-ringiela 12 tat-Tabella 2 tagħha.

(3)

L-awtoritajiet kompetenti tar-Renju tal-Arabja Sawdija taw l-assigurazzjonijiet lill-Kummissjoni li r-Renju tal-Arabja Sawdija jista’ jikkonforma mal-kundizzjonijiet tas-saħħa rilevanti u taw garanziji suffiċjenti għall-kontrolli li jwettqu fuq il-produzzjoni ta’ ikel għall-annimali domestiċi miksub mit-tjur. Għalhekk huwa ġġustifikat li l-Arabja Sawdija tinżied mal-lista ta’ pajjiżi terzi minn fejn l-ikel ipproċessat għall-annimali domestiċi li joriġina mit-tjur jista’ jiġi importat fl-Unjoni u jgħaddi bi tranżitu mill-Unjoni.

(4)

Għaldaqstant it-Tabella 2 tat-Taqsima 1 tal-Kapitolu II tal-Anness XIV tar-Regolament (UE) Nru 142/2011 għandha tiġi emendata skont dan.

(5)

Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

It-Tabella 2 tat-Taqsima 1 tal-Kapitolu II tal-Anness XIV tar-Regolament (UE) Nru 142/2011 hija emendata skont it-test stabbilit fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta’ Frar 2020.

Għall-Kummissjoni

Il-President

Ursula VON DER LEYEN

(1)   ĠU L 300, 14.11.2009, p. 1.

(2)  Ir-Regolament tal-Kummissjoni (UE) Nru 142/2011 tal-25 ta’ Frar 2011 li jimplimenta r-Regolament (KE) Nru 1069/2009 tal-Parlament Ewropew u tal-Kunsill li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jimplimenta d-Direttiva tal-Kunsill 97/78/KE li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi skont dik id-Direttiva (ĠU L 54, 26.2.2011, p. 1).

ANNESS

Fit-Tabella 2 tat-Taqsima 1 tal-Kapitolu II tal-Anness XIV tar-Regolament (UE) Nru 142/2011, ir-ringiela 12 hija sostitwita b’dan li ġej:

“12

Ikel għall-annimali domestiċi, inkluż l-affarijiet ta’ tgerrim għall-klieb

(a)

Fil-każ ta’ ikel ipproċessat għall-annimali domestiċi u ta’ affarijiet ta’ tgerrim għall-klieb: il-materjali msemmijin fl-Artikolu 35(a)(i) u (ii).

(b)

Fil-każ tal-ikel nej għall-annimali domestiċi: il-materjali msemmijin fl-Artikolu 35(a)(iii).

L-ikel għall-annimali domestiċi u l-affarijiet ta’ tgerrim għall-klieb iridu jkunu ġew prodotti skont il-Kapitolu II tal-Anness XIII.

(a)

Fil-każ tal-ikel nej għall-annimali domestiċi:

Il-pajjiżi terzi elenkati fil-Parti 1 tal-Anness II tar-Regolament (UE) Nru 206/2010 jew fl-Anness I tar-Regolament (KE) Nru 798/2008, li minnhom l-Istati Membri jawtorizzaw importazzjonijiet ta’ laħam frisk mill-istess speċi u minn fejn huwa awtorizzat biss il-laħam bl-għadma.

Fil-każ ta’ materjali tal-ħut, il-pajjiżi terzi elenkati fl-Anness II tad-Deċiżjoni 2006/766/KE.

(b)

Fil-każ ta’ affarijiet ta’ tgerrim għall-klieb u ikel għall-annimali domestiċi minbarra l-ikel nej għall-annimali domestiċi:

Il-pajjiżi terzi elenkati fil-Parti 1 tal-Anness II tar-Regolament (UE) Nru 206/2010, u l-pajjiżi li ġejjin:

 

(JP) Il-Ġappun

 

(EC) L-Ekwador

 

(LK) Is-Sri Lanka

 

(TW) It-Tajwan

 

(SA) L-Arabja Sawdija (l-ikel ipproċessat għall-annimali domestiċi li joriġina mit-tjur biss)

Fil-każ ta’ ikel ipproċessat għall-annimali domestiċi dderivat minn materjali tal-ħut, il-pajjiżi terzi elenkati fl-Anness II tad-Deċiżjoni 2006/766/KE.

(a)

Fil-każ ta’ ikel għall-annimali domestiċi fil-landa: L-Anness XV, il-Kapitolu 3(A).

(b)

Fil-każ ta’ ikel ipproċessat għall-annimali domestiċi minbarra l-ikel għall-annimali domestiċi fil-landa: L-Anness XV, il-Kapitolu 3(B).

(c)

Fil-każ tal-affarijiet ta’ tgerrim għall-klieb: L-Anness XV, il-Kapitolu 3(C).

(d)

Fil-każ ta’ ikel nej għall-annimali domestiċi: L-Anness XV, il-Kapitolu 3(D).”
Top