REGOLAMENT TAL-KUMMISSJONI (UE) 2019/1939
tas-7 ta’ Novembru 2019
li jemenda r-Regolament (UE) Nru 582/2011 fir-rigward tal-Istrateġiji Awżiljarji għall-Kontroll tal-Emissjonijiet (AES), l-aċċess għall-informazzjoni tal-OBD tal-vettura u għall-informazzjoni dwar it-tiswija u l-manutenzjoni tal-vettura, il-kejl tal-emissjonijiet matul il-perjodi ta’ startjar b’magna kiesħa u l-użu ta’ sistemi portabbli għall-kejl tal-emissjonijiet (PEMS) biex jitkejlu n-numri ta’ partikuli, fir-rigward ta’ vetturi heavy duty
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 595/2009 tal-Parlament Ewropew u tal-Kunsill tat-18 ta’ Ġunju 2009 dwar l-approvazzjoni tat-tip ta’ vetturi bil-mutur u ta’ magni rigward l-emissjonijiet minn vetturi heavy duty (Euro VI) u dwar l-aċċess għall-informazzjoni dwar it-tiswija u l-manutenzjoni tal-vetturi u li jemenda r-Regolament (KE) Nru 715/2007 u d-Direttiva 2007/46/KE u li jħassar id-Direttivi 80/1269/KEE, 2005/55/KE u 2005/78/KE (1), u b’mod partikolari l-Artikoli 4(3), 5(4), 6(2) u 12 tiegħu,
Billi:
|
(1)
|
Ir-regoli għad-dikjarazzjoni u l-valutazzjoni tal-Istrateġiji Awżiljarji għall-Kontroll tal-Emissjonijiet (AES) inbidlu reċentement għall-vetturi ħfief tal-passiġġieri u għall-vetturi kummerċjali bir-Regolament tal-Kummissjoni (UE) 2017/1151 (2). F’ġieħ il-konsistenza, id-dispożjonijiet diġà stabbiliti fir-Regolament tal-Kummissjoni (UE) Nru 582/2011 (3) għall-vetturi heavy duty jenħtieġ jiġu allinjati.
|
|
(2)
|
L-ittestjar tal-konformità waqt is-servizz jirrappreżenta wieħed mill-elementi kostitwenti tal-proċedura tal-approvazzjoni tat-tip ta’ vettura u jippermetti li r-rendiment tas-sistemi ta’ kontroll tal-emissjonijiet jiġi vverifikat tul il-ħajja operattiva ta’ vettura. Ir-Regolament tal-Kummissjoni (UE) Nru 582/2011 jirrikjedi li t-testijiet jitwettqu permezz ta’ sistema portabbli għall-kejl tal-emissjonijiet (PEMS), li tivvaluta l-emissjonijiet f’kundizzjonijiet normali tal-użu. L-approċċ tal-PEMS jintuża bl-istess mod biex jiġu vverifikati l-emissjonijiet off-cycle waqt l-approvazzjoni tat-tip.
|
|
(3)
|
Attwalment ir-rendiment tal-emissjonijiet ta’ vetturi heavy duty fil-perjodu wara l-istartjar b’magna kiesħa ma jiġix ivvalutat bħala parti mit-test ta’ dimostrazzjoni tal-approvazzjoni tat-tip jew mit-test ta’ konformità waqt is-servizz. Wara eżerċizzju ta’ monitoraġġ li matulu nġabret u ġiet analizzata d-data mit-testijiet tal-approvazzjoni tat-tip u tal-konformità waqt is-servizz, instab li ammonti sinifikanti tal-emissjonijiet totali ta’ NOx kienu esklużi mill-analiżi b’riżultat tan-nuqqas ta’ valutazzjoni tal-perjodu tal-istartjar b’magna kiesħa. Għaldaqstant, sabiex l-emissjonijiet fid-dinja reali jiġu rrappreżentati aħjar, jenħtieġ li l-proċedura tal-kejl tiġi reveduta biex tinkludi l-kejl tal-emissjonijiet ta’ sustanzi li jniġġsu matul il-perjodu tal-istartjar b’magna kiesħa.
|
|
(4)
|
Il-kejliet tan-numru ta’ partikuli bl-użu tal-PEMS ġew implimentati b’suċċess skont ir-regoli tal-approvazzjoni tat-tip tal-emissjonijiet għall-vetturi ħfief għall-passiġġieri u għall-vetturi kummerċjali (4). Wara studju pilota miċ-Ċentru Konġunt tar-Riċerka tal-Kummissjoni li fih twettqet analiżi tat-tagħmir portabbli tan-numru ta’ partikuli għall-vetturi heavy duty, jitqies li huwa xieraq li jiġi introdott rekwiżit simili fir-regoli dwar l-approvazzjoni tat-tip tal-emissjonijiet għall-vetturi heavy duty. Skont ir-Regolament (KE) Nru 595/2009, il-Kummissjoni se tkun obbligata żżomm taħt rieżami l-livell tal-fattur ta’ konformità finali għall-emissjonijiet tan-numru ta’ partikuli, filwaqt li tqis il-progress tekniku.
|
|
(5)
|
Il-Kummissjoni tirrikonoxxi li l-vetturi mgħammra b’magna ta’ tqabbid bl-ispark plaggs jew b’magna li tuża żewġ tipi ta’ fjuwils tat-tip ta’ Gass Naturali Kkompressat (CNG), Gass Naturali Likwifkat (LNG) jew Gass Likwifikat miż-Żejt (LPG) jistgħu jirrikjedu adattamenti tekniċi biex jikkonformaw mal-fattur ta’ konformità tan-numru ta’ partikuli. Sabiex jiġi żgurat li l-manifatturi ta’ magni li jaħdmu bil-gass ikollhom biżżejjed żmien biex ikunu jistgħu jimmodifikaw il-prodotti tagħhom f’konformità mar-rekwiżiti stipulati b’dan ir-Regolament, jenħtieġ li jitħalla perjodu tranżizzjonali biex jikkonformaw mal-fattur massimu ta’ konformità permess għall-vetturi mgħammra b’tali magni.
|
|
(6)
|
Jenħtieġ li r-rekwiżiti introdotti b’dan ir-Regolament għall-ittestjar tal-konformità waqt is-servizz ma japplikawx b’mod retroattiv għall-magni u għall-vetturi li saritilhom approvazzjoni tat-tip qabel l-introduzzjoni ta’ dawk ir-rekwiżiti. Għalhekk, l-emendi stabbiliti fl-Annessi I, II u III ta’ dan ir-Regolament jenħtieġ li japplikaw biss għall-ittestjar tal-konformità waqt is-servizz ta’ tipi ġodda ta’ magni jew ta’ vetturi, fi kliem ieħor għal magni jew għal vetturi li tkun saritilhom approvazzjoni tat-tip f’konformità mal-emendi introdotti b’dan ir-Regolament.
|
|
(7)
|
Ir-regoli dwar l-aċċess għall-informazzjoni tal-OBD tal-vettura u għall-informazzjoni dwar it-tiswija u l-manutenzjoni tal-vettura ġew inkorporati fir-Regolament (UE) 2018/858 tal-Parlament Ewropew u tal-Kunsill (5), li japplika mill-1 ta’ Settembru 2020. Għalhekk, jenħtieġ li d-dispożizzjonijiet fir-Regolament (UE) Nru 582/2011 rigward l-aċċess għal tali informazzjoni jitħallew barra b’effett minn dik id-data.
|
|
(8)
|
Għalhekk, jenħtieġ li r-Regolament (UE) Nru 582/2011 jiġi emendat skont dan.
|
|
(9)
|
Il-miżuri previsti f’dan ir-Regolament huma skont l-opinjoni tal-Kumitat Tekniku – Vetturi bil-Mutur,
|
ADOTTAT DAN IR-REGOLAMENT:
Artikolu 1
Ir-Regolament (UE) Nru 582/2011 huwa emendat kif ġej:
|
(1)
|
l-Artikolu 2 huwa emendat kif ġej:
|
(a)
|
fil-punt (5), il-kliem “u informazzjoni dwar it-tiswija u l-manutenzjoni” jitħassru;
|
|
(b)
|
il-punt (43) jitħassar;
|
|
(c)
|
jiżdied il-punt li ġej:
|
“(57)
|
‘in-numru tal-materja partikolata’ (numru PM) tfisser in-numru totali ta’ partikuli solidi emessi mill-egżost ikkwantifikat skont il-metodi ta’ dilwizzjoni, ta’ kampjunar u ta’ kejl kif speċifikati fl-Anness 4 tar-Regolament Nru 49 tal-NU/KEE (*1).
|
(*1) Ir-Regolament Nru 49 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispoizzjonijiet uniformi dwar il-miżuri li għandhom jittieħdu kontra l-emissjoni ta’ inkwinanti gassużi u partikoli minn magni li jaqbdu bil-kompressjoni u minn magni li jaqbdu bl-ispark plaggs għall-użu fil-vetturi (ĠU L 171 24.6.2013 p. 1.).”;"
|
|
|
(2)
|
l-Artikoli 2a, 2b, 2c, 2d, 2e, 2f, 2 g u 2h jitħassru;
|
|
(3)
|
l-Artikolu 3 huwa emendat kif ġej:
|
(a)
|
il-paragrafu 1 huwa sostitwit b’dan li ġej:
“1. Sabiex jingħata approvazzjoni tat-tip tal-UE ta’ sistema ta’ magni jew familja ta’ magni bħala unità teknika separata, approvazzjoni tat-tip tal-UE ta’ vettura b’sistema ta’ magni approvata b’rabta mal-emissjonijiet, jew approvazzjoni tat-tip tal-UE ta’ vettura b’rabta mal-emissjonijiet, il-manifattur għandu, f’konformità mad-dispożizzjonijiet tal-Anness I, juri li l-vetturi, is-sistemi ta’ magni jew il-familja ta’ magni jkunu soġġetti għat-testijiet u jikkonformaw mar-rekwiżiti stabbiliti fl-Artikoli 4 u 14 u fl-Annessi III sa VIII, X, XIII u XIV. Il-manifattur għandu jiżgura wkoll li jkun hemm konformità mal-ispeċifikazzjonijiet tal-fjuwils ta’ referenza stabbiliti fl-Anness IX. Fil-każ tal-magni u l-vetturi li jużaw żewġ tipi ta’ fjuwils għandu jikkonforma mar-rekwiżiti stabbiliti fl-Anness XVIII.
Sabiex jingħata approvazzjoni tat-tip tal-UE għal vettura b’sistema approvata ta’ magni b’rabta mal-emissjonijiet, jew approvazzjoni tat-tip tal-UE għal vettura b’rabta mal-emissjonijiet, il-manifattur għandu juri wkoll li r-rekwiżiti stipulati fl-Artikolu 6 u fl-Anness II tar-Regolament tal-Kummissjoni (UE) 2017/2400 (*2) ġew issodisfati fir-rigward tal-grupp ikkonċernat ta’ vetturi. Madankollu, dak ir-rekwiżit ma għandux japplika meta l-manifattur jindika li l-vetturi l-ġodda tat-tip li jrid jiġi approvat mhux se jiġu rreġistrati, jitqiegħdu fis-suq jew jiddaħħlu fis-servizz fl-Unjoni fid-dati jew wara d-dati stipulati fil-punti (a), (b) u (c) tal-paragrafu 1 tal-Artikolu 24 tar-Regolament (UE) 2017/2400 għall-grupp rispettiv ta’ vetturi.
(*2) Ir-Regolament tal-Kummissjoni (UE) 2017/2400 tat-12 ta’ Diċembru 2017 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011 (ĠU L 349, 29.12.2017, p. 1).”;"
|
|
(b)
|
il-paragrafi 1a, 1b u 1c jitħassru;
|
|
(c)
|
il-paragrafu 2 huwa sostitwit b’dan li ġej:
“2. Sabiex jingħata approvazzjoni tat-tip tal-UE ta’ vettura b’sistema approvata ta’ magni b’rabta mal-emissjonijiet, jew approvazzjoni tat-tip tal-UE ta’ vettura b’rabta mal-emissjonijiet, il-manifattur għandu jiżgura li jkun hemm konformità mar-rekwiżiti stabbiliti fit-Taqsima 4 tal-Anness I u, fil-każ ta’ vetturi li jużaw żewġ tipi ta’ fjuwils, mar-rekwiżiti addizzjonali għall-installazzjoni stabbiliti fit-Taqsima 6 tal-Anness XVIII.”;
|
|
(d)
|
il-paragrafu 3 huwa sostitwit b’dan li ġej:
“3. Sabiex jingħata estensjoni tal-approvazzjoni tat-tip tal-UE ta’ vettura b’rabta mal-emissjonijiet b’approvazzjoni tat-tip skont dan ir-Regolament b’massa ta’ referenza li taqbeż l-2 380 kg iżda li ma taqbiżx l-2 610 kg, il-manifattur għandu jissodisfa r-rekwiżiti stabbiliti fit-Taqsima 5 tal-Anness VIII.”;
|
|
(e)
|
il-paragrafu 6 huwa sostitwit b’dan li ġej:
“6. Sabiex jingħata approvazzjoni tat-tip tal-UE ta’ sistema ta’ magni jew ta’ familja ta’ magni bħala unità teknika separata, jew approvazzjoni tat-tip tal-UE ta’ vettura b’rabta mal-emissjonijiet għall-finijiet li jikseb approvazzjoni tat-tip universali għal firxa ta’ fjuwils, approvazzjoni tat-tip ristretta għal firxa ta’ fjuwils jew approvazzjoni tat-tip għal fjuwil speċifiku, il-manifattur għandu jiżgura li jkun hemm konformità mar-rekwiżiti stabbiliti fit-Taqsima 1 tal-Anness I.”;
|
|
|
(4)
|
l-Artikolu 5 huwa emendat kif ġej:
|
(a)
|
l-intestatura hija sostitwita b’dan li ġej:
“Applikazzjoni għall-approvazzjoni tat-tip tal-UE ta’ sistema ta’ magni jew ta’ familja ta’ magni bħala unità teknika separata b’rabta mal-emissjonijie
t”;
|
|
(b)
|
il-paragrafu 3 huwa sostitwit b’dan li ġej:
“3. Flimkien mal-applikazzjoni, il-manifattur jenħtieġ li jipprovdi pakkett ta’ dokumentazzjoni li jispjega bis-sħiħ kwalunkwe element ta’ disinn li jaffettwa l-emissjonijiet, l-istrateġija ta’ kontroll tal-emissjonijiet tas-sistema tal-magna, il-mezz li bih is-sistema tal-magna tikkontrolla l-varjabbli tal-output li għandhom rilevanza fuq l-emissjonijiet, kemm jekk dak il-kontroll ikun dirett kif ukoll indirett, il-miżuri kontra t-tbagħbis u jispjega bis-sħiħ is-sistema ta’ twissija jew ta’ inċitament meħtieġa mit-Taqsimiet 4 u 5 tal-anness XIII. Il-pakkett ta’ dokumentazzjoni għandu jiġi identifikat u datat mill-awtorità tal-approvazzjoni u għandu jinżamm minn dik l-awtorità għal minn tal-inqas 10 snin wara li tingħata l-approvazzjoni.
Il-pakkett ta’ dokumentazzjoni għandu jikkonsisti minn dawn il-partijiet:
l-informazzjoni stabbilita fit-Taqsima 8 tal-Anness I,
il-pakkett ta’ dokumentazzjoni tal-AES, kif deskritt fl-Appendiċi 11 tal-Anness I ta’ dan ir-Regolament sabiex l-awtoritajiet tal-approvazzjoni jkunu jistgħu jivvalutaw l-użu xieraq tal-AES.
Fuq it-talba tal-manifattur, l-awtorità tal-approvazzjoni għandha twettaq valutazzjoni preliminari tal-AES għal tipi ġodda ta’ vetturi. F’dak il-każ, il-manifattur għandu jipprovdi l-abbozz tal-pakkett ta’ dokumentazzjoni tal-AES lill-awtorità tal-approvazzjoni bejn xahrejn u 12-il xahar qabel il-bidu tal-proċess tal-approvazzjoni tat-tip.
L-awtorità tal-approvazzjoni għandha tagħmel valutazzjoni preliminari abbażi tal-abbozz tal-pakkett ta’ dokumentazzjoni tal-AES ipprovdut mill-manifattur. L-awtorità tal-approvazzjoni għandha tagħmel il-valutazzjoni preliminari f’konformità mal-metodoloġija deskritta fl-Appendiċi 2 tal-Anness VI. L-awtorità tal-approvazzjoni tista’ tiddevja minn dik il-metodoloġija f’każijiet eċċezzjonali u debitament iġġustifikati.
Il-valutazzjoni preliminari tal-AES għal tipi ġodda ta’ vetturi għandha tibqa’ valida għall-finijiet tal-approvazzjoni tat-tip għal perjodu ta’ 18-il xahar. Dak il-perjodu jista’ jiġi estiż bi 12-il xahar oħra jekk il-manifattur jipprovdi prova lill-awtorità tal-approvazzjoni li l-ebda teknoloġija ġdida ma saret disponibbli fis-suq li tista’ tibdel il-valutazzjoni preliminari tal-AES.
Kull sena, il-Forum għall-Iskambju ta’ Informazzjoni dwar l-Infurzar għandu jħejji lista ta’ AES li tqiesu li mhumiex aċċettabbli mill-awtoritajiet tal-approvazzjoni, u l-Kummissjoni għandha tagħmilha disponibbli għall-pubbliku.”
|
|
(c)
|
fil-paragrafu 4, il-punti (d) u (g) jitħassru;
|
|
|
(5)
|
l-Artikolu 6 huwa emendat kif ġej:
|
(a)
|
l-intestatura hija sostitwita b’dan li ġej:
“Dispożizzjonijiet amministrattivi għall-approvazzjoni tat-tip tal-UE ta’ sistema ta’ magni jew ta’ familja ta’ magni bħala unità teknika separata b’rabta mal-emissjonijie
t”;
|
|
(b)
|
fil-paragrafu 1, l-ewwel u t-tieni subparagrafi huma sostitwiti b’dan li ġej:
“Jekk jiġu ssodisfati r-rekwiżiti rilevanti kollha, l-awtorità tal-approvazzjoni għandha tagħti approvazzjoni tat-tip tal-UE ta’ sistema ta’ magni jew ta’ familja ta’ magni bħala unità teknika separata u toħroġ numru tal-approvazzjoni tat-tip f’konformità mas-sistema ta’ numerazzjoni stabbilita fl-att ta’ implimentazzjoni applikabbli, adottat skont l-Artikolu 28(3) tar-Regolament (UE) 2018/858 tal-Parlament Ewropew u tal-Kunsill (*3).
Mingħajr preġudizzju għad-dispożizzjonijiet tal-att ta’ implimentazzjoni, it-Taqsima 3 tan-numru tal-approvazzjoni tat-tip għandha titfassal f’konformità mal-Appendiċi 9 tal-Anness I ta’ dan ir-Regolament.
(*3) Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1)”;"
|
|
(c)
|
fil-paragrafu 1a, il-punt (b) jitħassar;
|
|
|
(6)
|
l-Artikolu 7 huwa emendat kif ġej:
|
(a)
|
l-intestatura hija sostitwita b’dan li ġej:
“Applikazzjoni għall-approvazzjoni tat-tip tal-UE ta’ vettura b’sistema ta’ magni approvata b’rabta mal-emissjonijie
t”;
|
|
(b)
|
il-paragrafu 1 huwa sostitwit b’dan li ġej:
“1. Il-manifattur għandu jippreżenta applikazzjoni għall-approvazzjoni tat-tip tal-UE ta’ vettura b’sistema ta’ magna approvata b’rabta mal-emissjonijiet lill-awtorità tal-approvazzjoni.”;
|
|
(c)
|
fil-paragrafu 4, il-punti (c) u (d) jitħassru;
|
|
|
(7)
|
l-Artikolu 8 huwa emendat kif ġej:
|
(a)
|
l-intestatura hija sostitwita b’dan li ġej:
“Dispożizzjonijiet amministrattivi għall-approvazzjoni tat-tip tal-UE ta’ vettura b’sistema ta’ magni approvata b’rabta mal-emissjonijie
t”;
|
|
(b)
|
fil-paragrafu 1, l-ewwel u t-tieni subparagrafi huma sostitwiti b’dan li ġej:
“Jekk jiġu ssodisfati r-rekwiżiti rilevanti kollha, l-awtorità tal-approvazzjoni għandha tagħti approvazzjoni tat-tip tal-UE ta’ vettura b’sistema ta’ magni approvata b’rabta mal-emissjonijiet u toħroġ numru tal-approvazzjoni tat-tip f’konformità mas-sistema ta’ numerazzjoni stabbilita fl-att ta’ implimentazzjoni applikabbli, adottat skont l-Artikolu 28(3) tar-Regolament (UE) 2018/858.
Mingħajr preġudizzju għad-dispożizzjonijiet tal-att ta’ implimentazzjoni, it-Taqsima 3 tan-numru tal-approvazzjoni tat-tip għandha titfassal f’konformità mal-Appendiċi 9 tal-Anness I ta’ dan ir-Regolament.”;
|
|
(c)
|
il-paragrafu 1a huwa emendat kif ġej:
|
(i)
|
il-kliem introduttiv huwa sostitwit b’dan li ġej:
“Bħala alternattiva għall-proċedura prevista fil-paragrafu 1, l-awtorità tal-approvazzjoni għandha tagħti approvazzjoni tat-tip tal-UE ta’ vettura b’sistema ta’ magni approvata b’rabta mal-emissjonijiet jekk jiġu ssodisfati l-kundizzjonijiet kollha li ġejjin:”;
|
|
(ii)
|
il-punt (b) jitħassar;
|
|
|
|
(8)
|
l-Artikolu 9 huwa emendat kif ġej:
|
(a)
|
l-intestatura hija sostitwita b’dan li ġej:
“Applikazzjoni għall-approvazzjoni tat-tip tal-UE ta’ vettura b’rabta mal-emissjonijie
t”;
|
|
(b)
|
il-paragrafu 1 huwa sostitwit b’dan li ġej:
“1. Il-manifattur għandu jippreżenta applikazzjoni għall-approvazzjoni tat-tip tal-UE ta’ vettura b’rabta mal-emissjonijiet lill-awtorità tal-approvazzjoni.”;
|
|
|
(9)
|
l-Artikolu 10 huwa emendat kif ġej:
|
(a)
|
l-intestatura hija sostitwita b’dan li ġej:
“Dispożizzjonijiet amministrattivi għall-approvazzjoni tat-tip tal-UE ta’ vettura b’rabta mal-emissjonijiet”;
|
|
(b)
|
fil-paragrafu 1, l-ewwel u t-tieni subparagrafi huma sostitwiti b’dan li ġej:
“Jekk jiġu ssodisfati r-rekwiżiti rilevanti kollha, l-awtorità tal-approvazzjoni għandha tagħti approvazzjoni tat-tip tal-UE ta’ vettura b’rabta mal-emissjonijiet u toħroġ numru tal-approvazzjoni tat-tip f’konformità mas-sistema ta’ numerazzjoni stabbilita fl-att ta’ implimentazzjoni applikabbli, adottat skont l-Artikolu 28(3) tar-Regolament (UE) 2018/858.
Mingħajr preġudizzju għad-dispożizzjonijiet tal-att ta’ implimentazzjoni, it-Taqsima 3 tan-numru tal-approvazzjoni tat-tip għandha titfassal f’konformità mal-Appendiċi 9 tal-Anness I ta’ dan ir-Regolament.”;
|
|
(c)
|
il-paragrafu 1a huwa emendat kif ġej:
|
(i)
|
il-kliem introduttiv huwa sostitwit b’dan li ġej:
“Bħala alternattiva għall-proċedura prevista fil-paragrafu 1, l-awtorità tal-approvazzjoni għandha tagħti approvazzjoni tat-tip tal-UE ta’ vettura b’rabta mal-emissjonijiet jekk jiġu ssodisfati l-kundizzjonijiet kollha li ġejjin:”;
|
|
(ii)
|
il-punt (b) jitħassar;
|
|
|
|
(10)
|
fl-Artikolu 16, il-paragrafu 3 jitħassar;
|
|
(11)
|
fl-Artikolu 17a, jiżdiedu l-paragrafi li ġejjin:
“3. B’effett mill-1 ta’ Jannar 2021, minħabba raġunijiet marbuta mal-emissjonijiet, l-awtoritajiet nazzjonali għandhom jirrifjutaw li jagħtu approvazzjoni tat-tip tal-UE jew approvazzjoni tat-tip nazzjonali fir-rigward ta’ tipi ġodda ta’ vetturi jew ta’ magni li ma jikkonformawx mar-rekwiżiti ta’ dan ir-Regolament kif emendat bir-Regolament tal-Kummissjoni (UE) 2019/1939 (*4).
B’deroga mill-ewwel subparagrafu, it-tipi ġodda ta’ magni ta’ tqabbid bl-ispark plaggs, il-magni tat-tip 1 A li jużaw żewġ tipi ta’ fjuwils u l-magni tat-tip 1B li jużaw żewġ tipi ta’ fjuwils (fil-modalità ta’ żewġ tipi ta’ fjuwils), u l-vetturi mgħammra b’tali magni, għandhom jikkonformaw mal-fattur ta’ konformità massimu permess għan-numru PM skont il-punt 6.3 tal-Anness II b’effett mill-1 ta’ Jannar 2023. Madankollu, mill-1 ta’ Jannar 2021, il-fattur ta’ konformità tat-tieqa operattiva tan-numru ta’ partikuli u l-fattur ta’ konformità tat-tieqa tal-massa ta’ CO2 għandhom jiġu ddikjarati fir-riżultati tat-test ta’ dimostrazzjoni tal-PEMS fuq iċ-ċertifikat tal-approvazzjoni tat-tip għal finijiet ta’ monitoraġġ.
4. B’effett mill-1 ta’ Jannar 2022, fil-każ ta’ vetturi ġodda li ma jikkonformawx mar-rekwiżiti ta’ dan ir-Regolament kif emendat bir-Regolament (UE) 2019/1939, l-awtoritajiet nazzjonali għandhom iqisu ċ-ċertifikati ta’ konformità maħruġa fir-rigward ta’ dawk il-vetturi bħala li ma għadhomx validi iktar għall-finijiet tal-Artikolu 48 tar-Regolament (UE) 2018/858, u għal raġunijiet marbuta mal-emissjonijiet, għandhom jipprojbixxu r-reġistrazzjoni, it-tqegħid fis-suq u d-dħul fis-servizz ta’ tali vetturi.
B’deroga mill-ewwel subparagrafu, b’effett mill-1 ta’ Jannar 2024, fil-każ ta’ vetturi ġodda mgħammra b’magni bi tqabbid bl-ispark plaggs, b’magni tat-tip 1 A li jużaw żewġ tipi ta’ fjuwils u b’magni tat-tip 1B li jużaw żewġ tipi ta’ fjuwils (fil-modalità ta’ żewġ tipi ta’ fjuwils) li ma jikkonformawx mal-fattur ta’ konformità massimu permess għan-numru PM skont il-punt 6.3 tal-Anness II u mar-rekwiżiti ta’ dan ir-Regolament kif emendat bir-Regolament (UE) 2019/1939, l-awtoritajiet nazzjonali għandhom iqisu ċ-ċertifikati ta’ konformità maħruġa fir-rigward ta’ dawk il-vetturi bħala li ma għadhomx validi iktar għall-finijiet tal-Artikolu 48 tar-Regolament (UE) 2018/858, u għal raġunijiet marbuta mal-emissjonijiet, għandhom jipprojbixxu r-reġistrazzjoni, it-tqegħid fis-suq u d-dħul fis-servizz ta’ tali vetturi. Madankollu, mill-1 ta’ Jannar 2022, il-fattur ta’ konformità tat-tieqa operattiva tan-numru ta’ partikuli u l-fattur ta’ konformità tat-tieqa tal-massa ta’ CO2 għandhom jiġu ddikjarati fir-riżultati tat-test ta’ dimostrazzjoni tal-PEMS fuq iċ-ċertifikat tal-approvazzjoni tat-tip għal finijiet ta’ monitoraġġ.
B’effett mill-1 ta’ Jannar 2022 u għajr fil-każ ta’ magni ta’ sostituzzjoni għal vetturi fis-servizz, għal raġunijiet marbuta mal-emissjonijiet, l-awtoritajiet nazzjonali għandhom jipprojbixxu t-tqegħid fis-suq u d-dħul fis-servizz ta’ magni ġodda li ma jikkonformawx mar-rekwiżiti ta’ dan ir-Regolament kif emendat bir-Regolament (UE) 2019/1939.
B’deroga mit-tielet subparagrafu, b’effett mill-1 ta’ Jannar 2024 u għajr fil-każ ta’ magni ta’ sostituzzjoni għal vetturi fis-servizz, għal raġunijiet marbuta mal-emissjonijiet, l-awtoritajiet nazzjonali għandhom jipprojbixxu t-tqegħid fis-suq u d-dħul fis-servizz ta’ magni ġodda bi tqabbid bl-ispark plaggs, ta’ magni ġodda tat-tip 1 A li jużaw żewġ tipi ta’ fjuwils u ta’ magni ġodda tat-tip 1B li jużaw żewġ tipi ta’ fjuwils (fil-modalità ta’ żewġ tipi ta’ fjuwils) li ma jikkonformawx mar-rekwiżiti ta’ dan ir-Regolament kif emendat bir-Regolament (UE) 2019/1939.
(*4) Ir-Regolament tal-Kummissjoni (UE) 2019/1939 tas-7 ta’ Novembru 2019 li jemenda r-Regolament (UE) Nru 582/2011 fir-rigward tal-Istrateġiji Awżiljarji għall-Kontroll tal-Emissjonijiet (AES), l-aċċess għall-informazzjoni tal-OBD tal-vettura u għall-informazzjoni dwar it-tiswija u l-manutenzjoni tal-vettura, il-kejl tal-emissjonijiet matul il-perjodi ta’ startjar b’magna kiesħa u l-użu ta’ sistemi portabbli għall-kejl tal-emissjonijiet (PEMS) biex jitkejlu n-numri ta’ partikuli, fir-rigward ta’ vetturi heavy duty (ĠU L 303, 25.11.2019, p. 1).”;"
|
|
(12)
|
l-Anness I huwa emendat f’konformità mal-Anness I ta’ dan ir-Regolament;
|
|
(13)
|
l-Anness II huwa emendat f’konformità mal-Anness II ta’ dan ir-Regolament;
|
|
(14)
|
l-Anness VI huwa emendat f’konformità mal-Anness III ta’ dan ir-Regolament;
|
|
(15)
|
fl-Anness VIII, il-punt 5.1.2 huwa sostitwit b’dan li ġej:
|
“5.1.2.
|
Il-paragrafu A.1.2.1 tal-Appendiċi 1 tal-Anness 12 tar-Regolament Nru 49 tal-NU/KEE għandu jinftiehem kif ġej:
|
‘A.1.2.1.
|
Sabiex jingħata estensjoni ta’ approvazzjoni tat-tip tal-UE għal vettura fir-rigward tal-magna tagħha b’approvazzjoni tat-tip skont ir-Regolament (KE) Nru 595/2009 u dan ir-Regolament għal vettura b’massa ta’ referenza li taqbeż l-2 380 kg iżda li ma taqbiżx l-2 610 kg, il-manifattur għandu jissodisfa r-rekwiżiti marbuta mal-kejl tal-emissjonijiet ta’ CO2 u l-konsum tal-fjuwil stabbiliti bil-proċeduri tal-ittestjar tal-emissjonijiet stabbiliti fis-subanness 6 tal-Anness XXI tar-Regolament tal-Kummissjoni (UE) 2017/1151 bil-korrezzjonijiet ta’ RCB u tat-traċċa tal-veloċità biss. L-emissjonijiet ta’ CO2 għandhom jiġu ddeterminati skont it-tabella A6/2 bla ma jitqiesu r-riżultati tat-test ta’ riferiment tal-emissjonijiet, fejn il-vettura ma għandha tapplika ebda AES waqt l-ittestjar u titqies bħala VH. Ir-rapporti tat-test speċifikati fl-Anness I, Appendiċi 8a, il-parti I, sal-punt 2.1. inkluż, u fl-Anness I, l-Appendiċi 8b, tar-Regolament tal-Kummissjoni (UE) 2017/1151, għandhom jiġu ppreżentati lill-awtoritajiet tal-approvazzjoni tat-tip u jinkludu r-riżultati tal-emissjonijiet ta’ sustanzi li jniġġsu.
Il-manifattur għandu jipprovdi lill-awtorità tal-approvazzjoni tat-tip b’dikjarazzjoni ffirmata li l-varjanti u l-verżjonijiet kollha li għalihom qed tintalab din l-estensjoni huma f’konformità mar-rekwiżiti tal-approvazzjoni tat-tip tal-emissjonijiet tar-Regolament (KE) Nru 595/2009 u li t-test tat-tip 1 twettaq f’konformità mal-paragrafu preċedenti.
L-approvazzjonijiet tat-tip tal-UE eżistenti għal vettura b’massa ta’ referenza li taqbeż l-2 380 kg iżda li ma taqbiżx l-2 610 kg, fir-rigward tal-magna tagħha b’approvazzjoni tat-tip skont ir-Regolament (KE) Nru 595/2009, jistgħu jiġu estiżi sa mhux aktar tard mid-data ta’ applikazzjoni ta’ dan ir-Regolament.
Għal magni apposta bi tqabbid bil-kompressjoni li jaħdmu bl-etanol (ED95), għandu jintuża proporzjon fiss ta’ karbonju-idroġenu-ossiġenu għall-finijiet tal-kalkolu tal-valuri tal-konsum tal-fjuwil, li għandu jkun C1H2,92O0,46’”;
|
|
|
|
(16)
|
fl-Anness X, il-punt li ġej jiddaħħal wara l-punt 2.4.1.3.:
|
“2.4.1.4.
|
L-istandard OBD EUR 6-2 fit-Tabella 1 tal-Appendiċi 6 tal-Anness I tar-Regolament tal-Kummissjoni (UE) 2017/1151 għandu jitqies ekwivalenti għall-ittra E tat-Tabella 1 tal-Appendiċi 9 tal-Anness I ta’ dan ir-Regolament.”;
|
|
|
(17)
|
fl-Anness XI, fl-Appendiċi 1, fil-mudell tad-dokument ta’ informazzjoni, jitħassru l-punti 2 sa 2.3;
|
|
(18)
|
fl-Anness XIII, it-tieni paragrafu tal-punt 12 huwa sostitwit b’dan li ġej:
“Dan l-Appendiċi japplika meta l-manifattur tal-vettura jitlob għal approvazzjoni tat-tip ta’ vettura b’magna approvata b’rabta mal-emissjonijiet f’konformità mar-Regolament (KE) Nru 595/2009 u ma’ dan ir-Regolament.”;
|
|
(19)
|
l-Anness XVII jitħassar.
|
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2021.
L-Artikolu 1(15) għandu japplika mid-data tad-dħul fis-seħħ.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Novembru 2019.
Għall-Kummissjoni
Il-President
Jean-Claude JUNCKER
(1) ĠU L 188, 18.7.2009, p. 1.
(2) Ir-Regolament tal-Kummissjoni (UE) 2017/1151 tal-1 ta’ Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).
(3) Ir-Regolament tal-Kummissjoni (UE) Nru 582/2011 tal-25 ta’ Mejju 2011 li jimplimenta u li jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy duty (Euro VI) u li jemenda l-Annessi I u III tad-Direttiva 2007/46/KE tal-Parlament Ewropew u tal-Kunsill (ĠU L 167, 25.6.2011, p. 1).
(4) Ir-Regolament tal-Kummissjoni (KE) Nru 692/2008 tat-18 ta’ Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).
(5) Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).
ANNESS I
L-Anness I tar-Regolament (UE) Nru 582/2011 huwa emendat kif ġej:
|
(1)
|
fil-punt 3.1, il-kliem introduttiv huwa sostitwit b’dan li ġej:
Fil-każ ta’ magna b’approvazzjoni tat-tip bħala unità teknika separata jew fil-każ ta’ vettura b’approvazzjoni tat-tip b’rabta mal-emissjonijiet, il-magna għandu jkollha fuqha:”;
|
|
(2)
|
il-punt 3.4 huwa sostitwit b’dan li ġej:
|
“3.4.
|
Fil-każ ta’ applikazzjoni għall-approvazzjoni tat-tip tal-UE ta’ vettura b’magna approvata b’rabta mal-emissjonijiet jew għall-approvazzjoni tat-tip tal-UE ta’ vettura b’rabta mal-emissjonijiet, it-tikketta speċifikata fit-Taqsima 3.3 għandha titpoġġa wkoll qrib l-apertura għall-mili tal-fjuwil.”;
|
|
|
(3)
|
it-Taqsima 8 hija sostitwita b’dan li ġej:
|
8.1.
|
Il-pakkett ta’ dokumentazzjoni meħtieġ skont l-Artikoli 5, 7 u 9 li jippermettu lill-awtorità tal-approvazzjoni tevalwa l-istrateġiji għall-kontroll tal-emissjonijiet u s-sistemi abbord il-vettura u l-magna biex tiżgura l-applikazzjoni korretta tal-miżuri ta’ kontroll tal-NOx, kif ukoll il-pakketti ta’ dokumentazzjoni meħtieġa skont l-Anness VI (emissjonijiet off-cycle), l-Anness X (OBD) u l-Anness XVIII (magni li jużaw żewġ tipi ta’ fjuwils) għandhom jinkludu l-informazzjoni li ġejja:
|
(a)
|
deskrizzjoni sħiħa tas-sistema ta’ inċitament meħtieġa mill-Anness XIII, inkluż l-istrateġiji ta’ monitoraġġ assoċjati;
|
|
(b)
|
id-deskrizzjoni tal-miżuri kontra t-tbagħbis imsemmija fil-punt (b) tal-Artikolu 5(4) u fil-punt (a) tal-Artikolu 7(4).
|
|
|
|
(4)
|
l-Appendiċi 4 huwa emendat kif ġej:
|
(a)
|
l-ewwel paragrafu huwa sostitwit b’dan li ġej:
|
|
“rigward:
|
|
l-approvazzjoni tat-tip tal-UE ta’ magna jew ta’ familja ta’ magni bħala unità teknika separata,
|
|
|
l-approvazzjoni tat-tip tal-UE ta’ vettura b’magna approvata b’rabta mal-emissjonijiet,
|
|
|
l-approvazzjoni tat-tip tal-UE ta’ vettura b’rabta mal-emissjonijiet.”;
|
|
|
|
(b)
|
taħt l-intestatura “Noti ta’ spjegazzjoni (dwar kif għandha timtela t-tabella)”, ir-raba’, il-ħames u s-sitt paragrafi huma sostitwiti b’dan li ġej:
“Fil-każ ta’ applikazzjoni għall-approvazzjoni tat-tip tal-UE ta’ magna jew ta’ familja ta’ magni bħala unità teknika separata, għandhom jimtlew il-parti ġenerali u l-Parti 1.
Fil-każ ta’ applikazzjoni għall-approvazzjoni tat-tip tal-UE ta’ vettura b’magna approvata b’rabta mal-emissjonijiet, għandhom jimtlew il-parti ġenerali u l-Parti 2.
Fil-każ ta’ applikazzjoni għall-approvazzjoni tat-tip tal-UE ta’ vettura b’rabta mal-emissjonijiet, għandhom jimtlew il-parti ġenerali u l-Partijiet 1 u 2.”;
|
|
(c)
|
fil-“parti ġenerali” tat-tabella, il-ħames ringiela hija sostitwita b’dan li ġej:
|
“0.2.0.3.
|
Tip ta’ magna bħala unità teknika separata/familja ta’ magni bħala unità teknika separata/vettura b’magna approvata b’rabta mal-emissjonijiet/vettura b’rabta mal-emissjonijiet(1)”
|
|
|
|
(d)
|
taħt il-“parti ġenerali” tat-tabella, il-kliem “Parti 3: AĊĊESS GĦALL-INFORMAZZJONI DWAR IT-TISWIJA U L-MANUTENZJONI TAL-VETTURI” jitħassar;
|
|
(e)
|
il-Parti 3 tat-tabella titħassar;
|
|
|
(5)
|
fl-Appendiċi 5, fit-Tabella 6a (it-test ta’ dimostrazzjoni tal-PEMS) taħt il-punt 1.4.4 tal-Addendum taċ-ċertifikat tal-approvazzjoni tat-tip tal-UE, ir-ringieli li jikkonċernaw “Riżultati jekk il-vettura/il-magna għaddietx jew le” għall-“Fattur ta’ konformità waqt it-tieqa tax-xogħol” u għall-“Fattur ta’ konformità tat-tieqa tal-massa CO2” huma sostitwiti b’dan li ġej:
|
Riżultati jekk il-vettura/il-magna għaddietx jew le(7)
|
CO
|
THC
|
NMHC
|
CH4
|
NOx
|
Numru PM
|
|
“Fattur ta’ konformità tat-tieqa operattiva (11)
|
|
|
|
|
|
|
|
Fattur ta’ konformità tat-tieqa tal-massa ta’ CO2(11)”
|
|
|
|
|
|
|
|
|
(6)
|
fl-Appendiċi 7, fit-Tabella 6a (it-test ta’ dimostrazzjoni tal-PEMS) taħt il-punt 1.4.4 tal-Addendum taċ-ċertifikat tal-approvazzjoni tat-tip tal-UE, ir-ringieli li jikkonċernaw “Riżultati jekk il-vettura/il-magna għaddietx jew le” għall-“Fattur ta’ konformità waqt it-tieqa tax-xogħol” u għall-“Fattur ta’ konformità tat-tieqa tal-massa CO2” huma sostitwiti b’dan li ġej:
|
Riżultati jekk il-vettura/il-magna għaddietx jew le(7)
|
CO
|
THC
|
NMHC
|
CH4
|
NOx
|
Numru PM
|
|
“Fattur ta’ konformità tat-tieqa operattiva (11)
|
|
|
|
|
|
|
|
Fattur ta’ konformità tat-tieqa tal-massa ta’ CO2(11)”
|
|
|
|
|
|
|
|
|
(7)
|
fl-Appendiċi 9, it-Tabella 1 u d-Didaskalija li takkumpanjaha huma sostitwiti b’dan li ġej:
“Tabella 1
|
Ittra
|
NO (1) OTL1
|
PM OTL (2)
|
CO OTL (3)
|
IUPR (4)
|
Kwalità tar-reaġent
|
Monitors addizzjonali tal-OBD (5)
|
Rekwiżiti tal-livell limitu tal-potenza (6)
|
Startjar b’magna kiesħa u numru PM
|
Dati tal-implimentazzjoni: tipi ġodda
|
Dati tal-implimentazzjoni: il-vetturi kollha
|
L-aħħar data tar-reġistrazzjoni
|
|
A (7)
(8)
B (8)
|
Ir-ringiela “Perjodu tad-dħul gradwali” tat-Tabella 1 jew tat-Tabella 2
|
Monitoraġġ tar-Rendiment (9)
|
Mhux Applikabbli
|
Dħul gradwali (10)
|
Dħul gradwali (11)
|
Mhux Applikabbli
|
20 %
|
Mhux Applikabbli
|
31.12.2012
|
31.12.2013
|
31.8.2015 (7)
30.12.2016 (8)
|
|
B (12)
|
Ir-ringiela “Perjodu tad-dħul gradwali” tat-Tabelli 1 u 2
|
(Mhux applikabbli)
|
Ir-ringiela “Perjodu tad-dħul gradwali” tat-Tabella 2
|
(Mhux applikabbli)
|
Dħul gradwali (11)
|
(Mhux applikabbli)
|
20 %
|
(Mhux applikabbli)
|
1.9.2014
|
1.9.2015
|
30.12.2016
|
|
C
|
Ir-ringiela “Rekwiżiti ġenerali” tat-Tabella 1 jew tat-Tabella 2
|
Ir-ringiela “Rekwiżiti ġenerali” tat-Tabella 1
|
Ir-ringiela “Rekwiżiti ġenerali” tat-Tabella 2
|
Ġenerali (13)
|
Ġenerali (14)
|
Iva
|
20 %
|
(Mhux applikabbli)
|
31.12.2015
|
31.12.2016
|
31.8.2019
|
|
D
|
Ir-ringiela “Rekwiżiti ġenerali” tat-Tabella 1 jew tat-Tabella 2
|
Ir-ringiela “Rekwiżiti ġenerali” tat-Tabella 1
|
Ir-ringiela “Rekwiżiti ġenerali” tat-Tabella 2
|
Ġenerali (13)
|
Ġenerali (14)
|
Iva
|
10 %
|
(Mhux applikabbli)
|
1.9.2018
|
1.9.2019
|
31.12.2021
|
|
E
|
Ir-ringiela “Rekwiżiti ġenerali” tat-Tabella 1 jew tat-Tabella 2
|
Ir-ringiela “Rekwiżiti ġenerali” tat-Tabella 1
|
Ir-ringiela “Rekwiżiti ġenerali” tat-Tabella 2
|
Ġenerali (13)
|
Ġenerali (14)
|
Iva
|
10 %
|
Iva
|
1.1.2021 (15)
|
1.1.2022 (15)
|
|
|
|
|
(8)
|
fl-Appendiċi 10, tiddaħħal in-nota ta’ spjegazzjoni li ġejja:
|
“(11)
|
Is-CFfinali jeħtieġ li jiġi ddikjarat, jekk applikabbli.”;
|
|
|
(9)
|
jiżdied l-Appendiċi li ġej:
“Appendiċi 11
Il-Pakkett ta’ Dokumentazzjoni tal-AES
Il-pakkett ta’ dokumentazzjoni tal-AES għandu jinkludi dan li ġej:
Informazzjoni dwar l-AES kollha:
|
(a)
|
dikjarazzjoni mill-manifattur li s-sistema tal-magna jew it-tip ta’ familja ta’ magni b’approvazzjoni tat-tip bħala unità teknika separata, jew il-vettura b’sistema tal-magna b’approvazzjoni tat-tip b’rabta mal-emissjonijiet, jew vettura b’approvazzjoni tat-tip b’rabta mal-emissjonijiet, ma fiha ebda strateġija ta’ tbagħbis;
|
|
(b)
|
deskrizzjoni tal-magna u tal-istrateġiji għall-kontroll tal-emissjonijiet u tal-apparati li ntużaw, kemm jekk softwer kif ukoll jekk ħardwer, u kwalunkwe kundizzjoni(jiet) li biha/bihom l-istrateġiji u l-apparati ma jaħdmux bħalma jaħdmu matul l-ittestjar għall-Approvazzjoni tat-Tip;
|
|
(c)
|
dikjarazzjoni tal-verżjonijiet tas-softwer li ntużaw biex jiġu kkontrollati l-AES/il-BES, inkluż iċ-checksums xierqa ta’ dawn il-verżjonijiet tas-softwer u l-istruzzjonijiet lill-awtorità dwar kif għandhom jinqraw iċ-checksums; id-dikjarazzjoni għandha tiġi aġġornata u għandha tintbagħat lill-awtorità tal-approvazzjoni li jkollha dan il-pakkett ta’ dokumentazzjoni kull meta jkun hemm verżjoni ġdida tas-softwer li jkollha impatt fuq l-AES/il-BES;
|
|
(d)
|
raġunament tekniku dettaljat ta’ kwalunkwe AES, inkluż valutazzjoni tar-riskju li tagħti stima tar-riskju bl-AES u mingħajrha, u inkluż dan li ġej:
|
(i)
|
l-informazzjoni dwar l-element(i) tal-ħardwer li jeħtieġ li jiġu protetti mill-AES, jekk applikabbli;
|
|
(ii)
|
prova ta’ ħsara f’daqqa u irreparabbli fil-magna li ma tistax tiġi evitata permezz ta’ manutenzjoni regolari u li sseħħ fin-nuqqas tal-AES, fejn applikabbli;
|
|
(iii)
|
spjegazzjoni motivata għalfejn jeħtieġ li tintuża AES malli l-magna tiġi startjata jew imsaħħna, fejn applikabbli;
|
|
|
(e)
|
deskrizzjoni tal-loġika tal-kontroll tas-sistema tal-fjuwil, tal-istrateġiji tat-timing u l-punti ta’ swiċċjar fil-modalitajiet kollha ta’ tħaddim;
|
|
(f)
|
deskrizzjoni tar-relazzjonijiet ġerarkiċi fost l-AES (jiġifieri, meta iktar minn AES waħda jaf ikunu attivi fl-istess ħin, indikazzjoni ta’ liema AES hija dik ewlenija biex tirreaġixxi l-ewwel, il-metodu li bih jinteraġixxu l-istrateġiji, inkluż id-dijagrammi tal-fluss tad-data, il-loġika tad-deċiżjonijiet u kif il-ġerarkija taċċerta li l-emissjonijiet mill-AES kollha jiġu kkontrollati sal-inqas livell prattiku;
|
|
(g)
|
lista ta’ parametri li jitkejlu u/jew li jiġu kkalkulati mill-AES, flimkien mal-iskop ta’ kull parametru mkejjel u/jew ikkalkulat u kif kull wieħed minn dawk il-parametri huwa relatat mal-ħsara tal-magna; inkluż il-metodu ta’ kalkolu u kemm dawn il-parametri kkalkulati jikkorrelataw mal-istat reali tal-parametru li jkun qed jiġi kkontrollat u kwalunkwe tolleranza jew fattur ta’ sikurezza li jirriżultaw u li huma inkorporati fl-analiżi;
|
|
(h)
|
lista ta’ parametri tal-magna/tal-kontroll tal-emissjonijiet li huma modulati bħala funzjoni tal-parametri li jitkejlu jew li jiġu kkalkulati u l-firxa ta’ modulazzjoni għal kull parametru tal-magna/tal-kontroll tal-emissjonijiet; flimkien mar-relazzjoni bejn il-parametri tal-magna/tal-kontroll tal-emissjonijiet u l-parametri li jitkejlu jew li jiġu kkalkulati;
|
|
(i)
|
evalwazzjoni dwar kif l-AES se tikkontrolla l-emissjonijiet waqt is-sewqan reali sal-inqas livell prattiku, inkluż analiżi dettaljata taż-żieda mistennija tat-total ta’ sustanza niġġiesa rregolati u ta’ emissjonijiet ta’ CO2 bl-użu tal-AES, meta mqabbla mal-BES;
|
Il-pakkett ta’ dokumentazzjoni tal-AES għandu jkun limitat għal 100 paġna u għandu jinkludi l-elementi prinċipali kollha li permezz tagħhom l-awtorità tal-approvazzjoni tkun tista’ tivvaluta l-AES (skont ir-rekwiżiti tal-Appendiċi 2 tal-Anness VI), l-effettività tas-sistema ta’ inċitament u l-miżuri kontra t-tbagħbis. Il-pakkett jista’ jkun ikkomplementat b’annessi u b’dokumenti mehmuża oħra, li jkun fihom elementi addizzjonali u komplementari, jekk ikunu meħtieġa. Il-manifattur għandu jibgħat verżjoni ġdida tal-pakkett ta’ dokumentazzjoni tal-AES lill-awtorità tal-approvazzjoni kull darba li jiddaħħlu xi bidliet fl-AES. Il-verżjoni ġdida għandha tkun limitata għall-bidliet u għall-effett tagħhom. Il-verżjoni ġdida tal-AES għandha tiġi evalwata u approvata mill-awtorità tal-approvazzjoni.
Il-pakkett ta’ dokumentazzjoni tal-AES għandu jkun strutturat kif ġej:
Pakkett ta’ Dokumentazzjoni tal-AES Nru YYY/OEM
|
Partijiet
|
Paragrafu
|
Punt
|
Spjegazzjoni
|
|
Introduzzjoni dokumenti
|
|
Ittra ta’ introduzzjoni lit-TAA
|
Referenza tad-dokument bil-verżjoni, id-data tal-ħruġ tad-dokument, il-firma mill-persuna rilevanti fl-organizzazzjoni tal-manifattur
|
|
|
Tabella tal-verżjonijiet
|
Il-kontenut tal-modifiki ta’ kull verżjoni: u liema parti hija mmodifikata
|
|
|
Deskrizzjoni tat-tipi (ta’ emissjonijiet) ikkonċernati
|
|
|
|
Tabella tad-dokumenti mehmuża
|
Lista tad-dokumenti mehmuża kollha
|
|
|
Kontroreferenzi
|
Link għall-paragrafi (a) sa (i) tal-Appendiċi 11 (fejn tista’ ssib kull rekwiżit tar-Regolament)
|
|
|
Nuqqas ta’ dikjarazzjoni tal-apparat tat-tbagħbis
|
+ Firma
|
|
Dokument ewlieni
|
0
|
Akronimi/abbrevjazzjonijiet
|
|
|
1
|
DESKRIZZJONI ĠENERALI
|
|
|
1.1
|
Preżentazzjoni ġenerali tal-magna
|
Deskrizzjoni tal-karatteristiki prinċipali: iċ-ċilindrata, wara t-trattament,...
|
|
1.2
|
Arkitettura tas-sistema ġenerali
|
Dijagramma tal-blokka tas-sistema: lista tas-sensuri u tal-attwaturi, spjegazzjoni tal-funzjonijiet ġenerali tal-magna
|
|
1.3
|
Qari tal-verżjoni tas-softwer u tal-ikkalibrar
|
Eż. spjegazzjoni tal-għodda tal-iskennjar
|
|
2
|
Strateġiji tal-Emissjonijiet Bażi
|
|
|
2.x
|
BES x
|
Deskrizzjoni tal-istrateġija x
|
|
2.y
|
BES y
|
Deskrizzjoni tal-istrateġija y
|
|
3
|
Strateġiji Awżiljarji għall-Kontroll tal-Emissjonijiet
|
|
|
3.0
|
Preżentazzjoni tal-AESs
|
Relazzjonijiet ġerarkiċi fost l-AES: deskrizzjoni u ġustifikazzjoni (eż. sikurezza, affidabbiltà, eċċ.)
|
|
3.x
|
AES x
|
3.x.1 Ġustifikazzjoni tal-AES
3.x.2 Il-parametri mkejla u/jew immudellati għal karatterizzazzjoni tal-AES
3.x.3 Il-modalità ta’ azzjoni tal-AES – Il-parametri li ntużaw
3.x.4 L-effett tal-AES fuq is-sustanza niġġiesa u s-CO2
|
|
3.y
|
AES y
|
3.y.1
3.y.2
eċċ.
|
|
4.
|
Deskrizzjoni tas-sistema ta’ inċitament, inkluż l-istrateġiji ta’ monitoraġġ assoċjati
|
|
|
5.
|
Deskrizzjoni tal-miżuri kontra t-tbagħbis
|
|
|
Il-limitu ta’ 100 paġna jintemm hawnhekk
|
|
Anness
|
|
Lista tat-tipi koperti b’din il-BES-AES: inkluż ir-referenza tal-Approvazzjoni tat-Tip, ir-referenza tas-softwer, in-numru tal-ikkalibrar, iċ-checksums ta’ kull verżjoni u ta’ kull unità tal-kontroll elettroniku (il-magna u/jew il-posttrattament, jekk ikun hemm)
|
|
Dokumenti mehmuża
|
|
Nota teknika għall-ġustifikazzjoni tal-AES nru xxx
|
Valutazzjoni tar-riskju jew ġustifikazzjoni permezz ta’ ttestjar jew eżempju ta’ ħsara f’daqqa, jekk ikun hemm
|
|
|
Nota teknika għall-ġustifikazzjoni tal-AES nru yyy
|
|
|
|
Rapport tat-test għall-kwantifikazzjoni speċifika tal-impatt tal-AES
|
Rapport tat-test tat-testijiet speċifiċi kollha mwettqa għall-ġustifikazzjoni tal-AES, id-dettalji tal-kundizzjonijiet tat-test, deskrizzjoni tal-vettura/id-data tat-testijietl-impatt tal-emissjonijiet/tas-CO2 b’attivazzjoni/mingħajr attivazzjoni tal-AES;
|
” |
(1) Ir-rekwiżiti ta’ monitoraġġ tal-“NOx OTL” kif stabbiliti fit-Tabella 1 tal-Anness X għall-magni u għall-vetturi bi tqabbid bil-kompressjoni u li jużaw żewġ tipi ta’ fjuwils u fit-Tabella 2 tal-Anness X għall-magni u għall-vetturi bi tqabbid bl-ispark plaggs.
(2) Ir-rekwiżiti ta’ monitoraġġ tal-“PM OTL” kif stabbiliti fit-Tabella 1 tal-Anness X għall-magni u għall-vetturi bi tqabbid bil-kompressjoni u li jużaw żewġ tipi ta’ fjuwils.
(3) Ir-rekwiżiti ta’ monitoraġġ “CO OTL” kif stabbiliti fit-Tabella 2 tal-Anness X għall-magni u għall-vetturi bi tqabbid bl-ispark plaggs.
(4) L-ispeċifikazzjonijiet tal-IUPR huma stabbiliti fl-Anness X. Il-magni bi tqabbid bl-ispark plaggs u l-vetturi mgħammra b’tali magni mhumiex soġġetti għall-IUPR.
(5) Id-dispożizzjonijiet addizzjonali dwar ir-rekwiżiti ta’ monitoraġġ kif stabbiliti fil-paragrafu 2.3.1.2 tal-Anness 9 A tar-Regolament Nru 49 tal-NU/KEE.
(6) Ir-rekwiżit tal-ISC stabbilit fl-Appendiċi 1 tal-Anness II.
(7) Għall-magni bi tqabbid bl-ispark plaggs u għall-vetturi mgħammra b’tali magni.
(8) Għall-magni bi tqabbid bil-kompressjoni u li jużaw żewġ tipi ta’ fjuwils u għall-vetturi mgħammra b’tali magni.
(9) Ir-rekwiżiti tal-“Monitoraġġ tar-rendiment” kif stabbiliti fil-punt 2.1.1 tal-Anness X.
(10) Ir-rekwiżiti IUPR tad-“Dħul gradwali” kif stabbiliti fit-Taqsima 6 tal-Anness X.
(11) Ir-rekwiżiti tad-“dħul gradwali” tal-kwalità tar-reaġent kif stabbiliti fil-punt 7.1 tal-Anness XIII.
(12) Applikabbli biss għall-magni bi tqabbid bl-ispark plaggs u għall-vetturi mgħammra b’tali magni.
(13) Ir-rekwiżiti IUPR “Ġenerali” kif stabbiliti fit-Taqsima 6 tal-Anness X.
(14) Ir-rekwiżiti “ġenerali” tal-kwalità tar-reaġent kif stabbiliti fil-punt 7.1.1 tal-Anness XIII.
(15) Soġġett għall-miżuri tranżizzjonali stipulati fl-Artikolu 17a.
(Mhux applikabbli) Mhux applikabbli.”
ANNESS II
L-Anness II tar-Regolament (UE) Nru 582/2011 huwa emendat kif ġej:
|
(1)
|
fil-punt 4.1, bejn it-tieni u t-tielet paragrafu jiddaħħal dan li ġej:
“F’każ li l-piż massimu legalment permissibbli tal-vettura jkun inqas mill-massa mgħobbija teknikament permissibbli tal-vettura, huwa permess li l-piż massimu legalment permissibbli tal-vettura jintuża biex tiġi ddeterminata t-tagħbija utli tal-vettura għall-prova tat-test.”;
|
|
(2)
|
il-punt 4.6.2 huwa sostitwit b’dan li ġej:
|
“4.6.2.
|
Il-kampjunar tal-emissjonijiet u ta’ data oħra għandu jibda qabel ma tiġi startjata l-magna. L-emissjonijiet tal-istartjar b’magna kiesħa għandhom jiġu inklużi fl-evalwazzjoni tal-emissjonijiet, f’konformità mal-punt 2.6.1 tal-Appendiċi 1.”;
|
|
|
(3)
|
il-punt 6.3, inkluż it-Tabella 2, huwa sostitwit b’dan li ġej:
|
“6.3.
|
Il-fattur ta’ konformità finali għat-test (CFfinali) għal kull sustanza niġġiesa kkalkolat f’konformità mal-Appendiċi 1 ma għandux jaqbeż il-fattur ta’ konformità massimu permess għal dik is-sustanza niġġiesa stabbilit fit-Tabella 2.
|
Tabella 2
Fatturi ta’ konformità massimi permessi għall-ittestjar tal-konformità tal-emissjonijiet waqt is-servizz
|
Sustanza niġġiesa
|
Fattur ta’ konformità massimu permess
|
|
CO
|
1,50
|
|
THC (1)
|
1,50
|
|
NMHC (2)
|
1,50
|
|
CH4
(2)
|
1,50
|
|
NOx
|
1,50
|
|
Numru PM
|
1,63 (3)
|
|
|
(4)
|
il-punt li ġej jiddaħħal wara l-punt 10.1.8.5:
|
“10.1.8.5a
|
Konċentrazzjoni tan-numru PM [#/cm3]”;
|
|
|
(5)
|
il-punt li ġej jiddaħħal wara l-punt 10.1.9.5:
|
“10.1.9.5a
|
Fluss tan-numru PM [#/s]”;
|
|
|
(6)
|
il-punt li ġej jiddaħħal wara l-punt 10.1.9.10:
|
“10.1.9.10a
|
Numru PM [#]”;
|
|
|
(7)
|
il-punt li ġej jiddaħħal wara l-punt 10.1.9.19:
|
“10.1.9.19a
|
Fattur ta’ konformità tat-tieqa operattiva tan-numru PM [-]”;
|
|
|
(8)
|
il-punt li ġej jiddaħħal wara l-punt 10.1.9.24:
|
“10.1.9.24a
|
Fattur ta’ konformità tat-tieqa tal-massa ta’ CO2 tan-numru PM [-]”;
|
|
|
(9)
|
il-punt li ġej jiddaħħal wara l-punt 10.1.10.12:
|
“10.1.10.12a.
|
Numru PM [#]. ”;
|
|
|
(10)
|
il-punt li ġej jiddaħħal wara l-punt 10.1.11.5:
|
“10.1.11.5a.
|
Fattur ta’ konformità tat-tieqa operattiva tan-numru PM [-].”;
|
|
|
(11)
|
il-punt li ġej jiddaħħal wara l-punt 10.1.11.9.:
|
“10.1.11.9a
|
Fattur ta’ konformità tat-tieqa tal-massa ta’ CO2 tan-numru PM [-].”;
|
|
|
(12)
|
il-punt li ġej jiddaħħal wara l-punt 10.1.12.4:
|
“10.1.12.4a
|
Analizzatur żero tan-numru PM, qabel u wara t-test.”;
|
|
|
(13)
|
l-Appendiċi 1 huwa emendat kif ġej:
|
(a)
|
fil-punt 1, l-ewwel paragrafu huwa sostitwit b’dan li ġej:
“Dan l-Appendiċi jiddeskrivi l-proċedura li permezz tagħha jiġu ddeterminati l-emissjonijiet niġġiesa mill-kejliet imwettaq fuq il-vettura waqt li qiegħda fit-triq bl-użu ta’ Sistemi Portabbli għall-Kejl tal-Emissjonijiet (minn hawn ’il quddiem “PEMS”). L-emissjonijiet niġġiesa li jridu jitkejlu mill-egżost tal-magna jinkludu l-komponenti li ġejjin: il-monossidu tal-karbonju, it-total tal-idrokarburi, l-ossidi tan-nitroġenu u n-numru PM għall-magni bi tqabbid bil-kompressjoni, u l-monossidu tal-karbonju, l-idrokarburi mhux bil-metan, il-metan, l-ossidi tan-nitroġenu u n-numru PM għall-magni bi tqabbid bl-ispark plaggs. Barra minn hekk, id-dijossidu tal-karbonju għandu jitkejjel biex ikunu jistgħu jsiru l-proċeduri ta’ kalkolu deskritti fit-Taqsima 4.”;
|
|
(b)
|
il-punt 2.1.1 huwa sostitwit b’dan li ġej:
|
“2.1.1.
|
Analizzaturi tal-gassijiet u analizzaturi tan-numru PM għall-kejl tal-konċentrazzjonijiet ta’ sustanza niġġiesa rregolati fil-gass tal-egżost.”;
|
|
|
(c)
|
fil-punt 2.2, it-Tabella 1 hija sostitwita b’dan li ġej:
“Tabella 1
Parametri tat-test
|
Parametru
|
Unità
|
Sors
|
|
Konċentrazzjoni tat-THC (4)
|
ppm
|
Analizzatur tal-gass
|
|
Konċentrazzjoni tas-CO (4)
|
ppm
|
Analizzatur tal-gass
|
|
Konċentrazzjoni tal-NOx
(4)
|
ppm
|
Analizzatur tal-gass
|
|
Konċentrazzjoni tas-CO2
(4)
|
ppm
|
Analizzatur tal-gass
|
|
Konċentrazzjoni tas-CH4
(4)
(5)
|
ppm
|
Analizzatur tal-gass
|
|
Konċentrazzjoni tan-numru PM
|
#/cm3
|
Analizzatur tan-numru PM
|
|
Konfigurazzjoni tad-dilwizzjoni (jekk applikabbli)
|
-
|
Analizzatur tan-numru PM
|
|
Fluss tal-gass tal-egżost
|
kg/h
|
Miter għall-Kejl tal-Fluss tal-Egżost (minn hawn ’il quddiem “EFM”)
|
|
Temperatura tal-egżost
|
K
|
EFM
|
|
Temperatura ambjentali (6)
|
K
|
Sensur
|
|
Pressjoni ambjentali
|
kPa
|
Sensur
|
|
Torque tal-magna (6)
|
Nm
|
ECU jew Sensur
|
|
Spid tal-magna
|
rpm
|
ECU jew Sensur
|
|
Fluss tal-fjuwil tal-magna
|
g/s
|
ECU jew Sensur
|
|
Temperatura tal-fluwidu berried tal-magna
|
K
|
ECU jew Sensur
|
|
Temperatura tal-arja li tidħol fil-magna (5)
|
K
|
Sensur
|
|
Spid tal-vettura fuq l-art
|
km/h
|
ECU u GPS
|
|
Latitudni tal-vettura
|
grad
|
GPS
|
|
Lonġitudni tal-vettura
|
grad
|
GPS
|
|
|
(d)
|
fit-Taqsima 2.4, jiżdiedu l-punti li ġejjin:
|
“2.4.6.
|
Installazzjoni ta’ analizzatur tan-numru PM
L-installazzjoni u t-tħaddim tal-PEMS għandhom iseħħu mingħajr tnixxijiet u bl-inqas telf ta’ sħana. Sabiex tiġi evitata l-ġenerazzjoni ta’ partikuli, il-konnetturi għandhom ikunu termalment stabbli fit-temperaturi tal-gass tal-egżost mistennija matul it-test. Fejn jintużaw konnetturi tal-elastomeru biex iqabbdu l-iżbokk tal-egżost tal-vettura u t-tubu tal-konnessjoni, dawk il-konnetturi ma għandu jkollhom l-ebda kuntatt mal-gass tal-egżost sabiex jevitaw artefatti b’tagħbija għolja tal-magna.
|
|
2.4.7.
|
Kampjunar tal-emissjonijiet tan-numru PM
Il-kampjunar tal-emissjonijiet għandu jkun rappreżentattiv u għandu jitwettaq f’postijiet fejn l-egżost ikun imħallat sew u fejn l-influwenza tal-arja ambjentali ’l isfel mill-punt tal-kampjunar tkun minima. Fejn ikun applikabbli, għandu jsir kampjunar tal-emissjonijiet ’l isfel mill-miter għall-kejl tal-fluss tal-massa tal-egżost, filwaqt li tiġi rrispettata distanza ta’ mill-inqas 150 mm mill-element li jkejjel il-fluss. Is-sonda tal-kampjunar għandha titwaħħal mill-inqas tliet darbiet id-dijametru intern tal-pajp tal-egżost ’il fuq mill-punt li fih l-egżost joħroġ fl-ambjent. Għandu jsir kampjunar tal-egżost miċ-ċentru tal-fluss tal-egżost. Fejn jintużaw diversi sondi għall-kampjunar tal-emissjonijiet, is-sonda tal-kampjunar tal-partikuli għandha titqiegħed ’il fuq minn sondi tal-kampjunar oħra. Is-sonda tal-kampjunar tal-partikuli ma għandhiex tinterferixxi mal-kampjunar tas-sustanzi niġġiesa gassużi. It-tip u l-ispeċifikazzjonijiet tas-sonda u l-muntatura tagħha għandhom jiġu ddokumentati fid-dettall, jew fir-rapport tat-test tas-Servizz Tekniku (fil-każ ta’ ttestjar fl-approvazzjoni tat-tip) jew fid-dokumentazzjoni tal-manifattur tal-vettura stess (fil-każ tal-ittestjar tal-konformità waqt is-servizz).
Fejn isir kampjunar tal-partikuli u ma jiġux dilwiti fl-iżbokk tal-egżost, il-linja tal-kampjunar mill-punt tal-kampjun tal-egżost mhux trattat sal-punt ta’ dilwizzjoni jew sal-apparat tad-detezzjoni tal-partikuli għandha tissaħħan għal temperatura minima ta’ 373 K (100 °C).
Il-partijiet kollha tas-sistema ta’ kampjunar mill-pajp tal-egżost sal-apparat tad-detezzjoni tal-partikuli, li jiġu f’kuntatt mal-gass tal-egżost mhux ittrattat jew dilwit, għandhom ikunu ddisinjati b’mod li jimminimizzaw id-depożitu tal-partikuli. Il-partijiet kollha għandhom ikunu magħmulin minn materjal antistatiku biex jiġu evitati l-effetti elettrostatiċi.”;
|
|
|
(e)
|
fit-Taqsima 2.5, jiżdied il-punt li ġej:
|
“2.5.5.
|
Iċċekkjar tal-analizzatur tan-numru PM
Il-PEMS għandhom jiffunzjonaw mingħajr intoppi u twissijiet kritiċi. Il-livell żero tal-analizzatur tan-numru PM għandu jiġi rreġistrat permezz ta’ kampjunar tal-arja ambjentali ffiltrata b’effiċjenza għolja (HEPA) fil-bokka tal-linja tal-kampjunar fil-perjodu ta’ 12-il siegħa qabel ma jibda t-test. Is-sinjal għandu jiġi rreġistrat bi frekwenza kostanti medja ta’ mill-inqas 1,0 Hz fuq perjodu ta’ żewġ minuti. Il-konċentrazzjoni assoluta finali għandha tkun skont l-ispeċifikazzjonijiet tal-manifattur, u barra minn hekk ma għandhiex taqbeż il-5 000 partikula għal kull ċentimetru kubu. ”;
|
|
|
(f)
|
il-punt 2.6.1 huwa sostitwit b’dan li ġej:
|
“2.6.1.
|
Bidu tat-test
Għall-finijiet tal-proċedura tat-test, “bidu tat-test” għandha tfisser l-ewwel tqabbid tal-magna b’kombustjoni interna.
Il-kampjunar tal-emissjonijiet, il-kejl tal-parametri tal-egżost u r-reġistrazzjoni tad-data tal-magna u ambjentali għandhom jibdew qabel il-bidu tat-test. It-tisħin artifiċjali tas-sistemi tal-kontroll tal-emissjonijiet tal-vettura qabel il-bidu tat-test għandu jkun ipprojbit.
Fil-bidu tat-test, it-temperatura tal-fluwidu berried ma għandiex tkun ogħla mit-temperatura ambjentali b’aktar minn 5 °C, u ma għandhiex tkun aktar minn 303 K (30 °C). L-evalwazzjoni tad-data għandha tibda wara li l-fluwidu berried ikun laħaq temperatura ta’ 303 K (30 °C) għall-ewwel darba jew ladarba t-temperatura tal-fluwidu berried tkun stabbilizzat għal +/– 2 K tul perjodu ta’ ħames minuti, skont liema tiġi l-ewwel, iżda xorta waħda mhux iktar tard minn 10 minuti wara l-bidu tat-test.”;
|
|
|
(g)
|
il-punt 2.6.3 huwa sostitwit b’dan li ġej:
|
“2.6.3.
|
Tmiem it-test
Tmiem it-test jintlaħaq meta l-vettura tkun lestiet it-traġitt u l-magna b’kombustjoni interna tintefa.
Il-magna b’kombustjoni interna għandha tintefa malajr kemm jista’ jkun malli jintemm it-traġitt. Id-data għandha tkompli tiġi rreġistrata sakemm il-ħin tar-rispons tas-sistemi tal-kampjunar ikun għadda.”;
|
|
|
(h)
|
fit-Taqsima 2.7, il-paragrafu (a) tal-punt 2.7.4 huwa sostitwit b’dan li ġej:
|
“(a)
|
jekk id-differenza bejn ir-riżultati ta’ qabel it-test u ta’ wara t-test tkun inqas minn ta’ 2 % kif speċifikat fil-punti 2.7.2 u 2.7.3, il-konċentrazzjonijiet imkejla jistgħu jintużaw bla korrezzjoni jew għandhom, fuq it-talba tal-manifattur, jiġu kkoreġuti għad-devjazzjoni skont il-punt 2.7.5.”;
|
|
|
(i)
|
fit-Taqsima 2.7, jiżdied il-punt li ġej:
|
“2.7.6
|
Iċċekkjar tal-analizzatur tan-numru PM
Il-livell żero tal-analizzatur tan-numru PM għandu jiġi ċċekkjat qabel il-bidu tat-test u wara tmiem it-test u għandu jiġi rreġistrat f’konformità mar-rekwiżiti tal-punt 2.5.5.”;
|
|
|
(j)
|
il-punti 3.1.1, 3.1.2 u 3.1.3 huma sostitwiti b’dan li ġej:
|
“3.1.1.
|
Data tal-analizzaturi
Id-data mill-analizzaturi tal-gassijiet għandha tiġi allinjata kif xieraq billi tintuża l-proċedura stipulata fil-paragrafu 9.3.5 tal-Anness 4 tar-Regolament Nru 49 tal-NU/KEE. Id-data mill-analizzatur tan-numru PM għandha tiġi allinjata mal-ħin tat-trasformazzjoni tiegħu stess, skont l-istruzzjonijiet tal-manifattur tal-istrument.
|
|
3.1.2.
|
Data tal-Analizzaturi u tal-Miter tal-Fluss tal-Egżost (EFM)
Id-data mill-analizzaturi tal-gassijiet u mill-analizzaturi tan-numru PM għandha tiġi allinjata kif xieraq mad-data tal-EFM billi tintuża l-proċedura fil-punt 3.1.4.
|
|
3.1.3.
|
Data mill-PEMS u tal-magna
Id-data mill-PEMS (l-analizzaturi tal-gassijiet, l-analizzatur tan-numru PM u l-EFM) għandha tiġi allinjata kif xieraq mad-data tal-ECU tal-magna billi tintuża l-proċedura fil-punt 3.1.4.”;
|
|
|
(k)
|
fil-punt 3.1.4, “1: Analizzaturi tal-gassijiet (konċentrazzjonijiet THC, CO, CO2, NOx);” hija sostitwita b’dan li ġej:
|
“1.
|
:
|
Analizzaturi tal-gassijiet (konċentrazzjonijiet ta’ THC, ta’ CO, ta’ CO2 u ta’ NOx) u analizzatur tan-numru PM;”
|
|
|
(l)
|
fit-Taqsima 3, jiżdied il-punt li ġej:
|
“3.6.
|
Kalkolu tal-emissjonijiet istantanji tan-numru PM
L-emissjonijiet istantanji tan-numru PM (PNi) [#/s] għandhom jiġu ddeterminati billi tiġi mmultiplikata l-konċentrazzjoni istantanja tan-numru PM [#/cm3] bir-rata istantanja tal-fluss tal-massa tal-egżost [kg/s], it-tnejn li huma kkoreġuti u allinjati għall-ħin tat-trasformazzjoni, skont il-paragrafu 1.4.3 tal-Appendiċi 3. Il-valuri tal-emissjonijiet istantanji negattivi kollha għandhom jiddaħħlu f’evalwazzjonijiet sussegwenti tad-data bħala żero. Iċ-ċifri sinifikanti kollha tar-riżultati intermedji għandhom jiddaħħlu fil-kalkolu tal-emissjonijiet istantanji. Il-formula li ġejja għandha tapplika għall-finijiet tad-determinazzjoni tal-emissjonijiet istantanji tan-numru PM:
|
fejn:
|
PNi
|
huwa n-numru PM tal-emissjonijiet istantanji [#/s]
|
|
cPNi
|
hija l-konċentrazzjoni mkejla tan-numru PM [#/m3] normalizzata għal temperatura ta’ 273 K (0 °C), inkluż dilwizzjoni interna u telf ta’ partikuli
|
|
qmewi
|
hija r-rata istantanja mkejla tal-fluss tal-massa tal-egżost [kg/s]
|
|
ρe
|
hija d-densità tal-gass tal-egżost [kg/m3] f’temperatura ta’ 273 K (0 °C).”;
|
|
|
(m)
|
il-punti 4.2.1 u 4.2.1.1 huma sostitwiti b’dan li ġej:
|
4.2.1.
|
Kalkolu tal-emissjonijiet speċifiċi
L-emissjonijiet speċifiċi e ([mg/kWh] jew [#/kWh]) għandhom jiġu kkalkulati għal kull tieqa u għal kull sustanza niġġiesa kif ġej:
|
fejn:
|
m
|
hija l-emissjonijiet tal-massa tas-sustanza niġġiesa [mg/tieqa] jew in-numru PM [#/tieqa]
|
|
W(t2,i) – W(t1,i)
|
hija x-xogħol tal-magna waqt it-tieqa medja ta’ ith [kWh].
|
|
4.2.1.1.
|
Kalkolu tal-emissjonijiet speċifiċi għal fjuwil tas-suq iddikjarat
Jekk ikun twettaq test skont dan l-Anness bi fjuwil tas-suq iddikjarat fil-punt 3.2.2.2.1 tal-Parti 1 fl-Appendiċi 4 tal-Anness I, l-emissjonijiet speċifiċi e ([mg/kWh] jew [#/kWh]) għandhom jiġu kkalkulati għal kull tieqa u għal kull sustanza niġġiesa billi jiġu mmultiplikati l-emissjonijiet speċifiċi ddeterminati f’konformità mal-punt 4.2.1. bil-fattur ta’ korrezzjoni tal-potenza ddeterminat skont il-punt 1.1.2 (a1) tal-Anness I.”;
|
|
|
(n)
|
il-punt 4.2.3 huwa sostitwit b’dan li ġej:
|
“4.2.3.
|
Kalkolu tal-fatturi ta’ konformità
Il-fatturi ta’ konformità għandhom jiġu kkalkulati għal kull tieqa valida individwali u għal kull sustanza niġġiesa individwali kif ġej:
|
fejn:
|
e
|
hija l-emissjoni speċifika għall-brejk tas-sustanza niġġiesa gassuża [mg/kWh] jew [#/kWh];
|
|
L
|
huwa l-limitu applikabbli [mg/kWh] jew [#/kWh].”;
|
|
|
(o)
|
il-punt 4.3.2 huwa sostitwit b’dan li ġej:
|
“4.3.2.
|
Kalkolu tal-fatturi ta’ konformità
Il-fatturi ta’ konformità għandhom jiġu kkalkulati għal kull tieqa valida individwali u għal kull sustanza niġġiesa individwali kif ġej:
|
Fejn:
fejn:
|
m
|
hija l-emissjonijiet tal-massa tas-sustanza niġġiesa gassuża [mg/tieqa], jew in-numru PM [#/tieqa];
|
|
mCO2(t2,i) – mCO2(t1,i)
|
hija l-massa ta’ CO2 waqt it-tieqa medja tal-ith [kg];
|
|
mCO2,ref
|
hija l-massa ta’ CO2 tal-magna ddeterminata għad-WHTC [kg];
|
|
mL
|
hija l-emissjonijiet tal-massa tas-sustanza niġġiesa gassuża jew in-numru PM li jikkorrispondi għal-limitu applikabbli fuq id-WHTC [mg] jew [#] rispettivament. ”;
|
|
|
(p)
|
fit-Taqsima 4, jiżdiedu l-punti li ġejjin:
|
“4.4.
|
Kalkolu tal-fattur ta’ konformità finali għat-test
|
|
4.4.1.
|
Il-fattur ta’ konformità finali għat-test (CFfinali) għal kull sustanza niġġiesa għandu jiġi kkalkulat kif ġej:
|
fejn:
|
CFbierda
|
huwa l-fattur ta’ konformità tal-perjodu tat-tħaddim tat-test b’magna bierda, li għandu jkun ugwali għall-ogħla fattur ta’ konformità tat-twieqi medji mobbli li jibdew b’temperatura taħt it-343 K (70 °C) tal-fluwidu berried, iddeterminat għal dik is-sustanza niġġiesa f’konformità mal-proċeduri ta’ kalkolu speċifikati fil-punti 4.1, u 4.2 jew inkella 4.3, kif applikabbli;
|
|
CFsħuna
|
huwa l-fattur ta’ konformità tal-perjodu tat-tħaddim tat-test b’magna sħuna, li għandu jkun ugwali għad-90 perċentil kumulattiv tal-fatturi ta’ konformità ddeterminati għal dik is-sustanza niġġiesa f’konformità mal-proċeduri ta’ kalkolu speċifikati fil-punti 4.1, u 4.2 jew inkella 4.3, kif applikabbli, meta l-evalwazzjoni tad-data tinbeda wara li t-temperatura tal-fluwidu berried tilħaq it-343 K (70 °C) għall-ewwel darba.”;
|
|
|
|
(14)
|
l-Appendiċi 2 huwa emendat kif ġej:
|
(a)
|
il-punt 1 huwa sostitwit b’dan li ġej:
|
“1.
|
ĠENERALI
L-emissjonijiet gassużi u n-numru PM għandhom jitkejlu skont il-proċedura stabbilita fl-Appendiċi 1. Dan l-Appendiċi jiddeskrivi l-karatteristiki tat-tagħmir portabbli għall-kejl li għandu jintuża biex jitwettqu tali testijiet tal-kejl.”;
|
|
|
(b)
|
fit-Taqsima 2, jiżdiedu l-punti li ġejjin:
|
“2.5.
|
Analizzaturi tan-numru PM
|
|
2.5.1.1.
|
L-analizzatur tan-numru PM għandu jikkonsisti minn unità ta’ prekundizzjonament u minn apparat tad-detezzjoni tal-partikuli (ara l-Illustrazzjoni 1). L-apparat tad-detezzjoni tal-partikuli jista’ wkoll jipprekundizzjona l-aerosol. Is-sensittività tal-analizzatur għax-xokkijiet, għall-vibrazzjonijiet, għaż-żmien, għall-varjazzjonijiet fit-temperatura u fil-pressjoni tal-arja, għall-interferenzi elettromanjetiċi u għal affarijiet oħra li jistgħu jaffettwaw it-tħaddim tal-vettura jew tal-analizzatur għandha tinżamm kemm jista’ jkun minima u għandha tiġi ddikjarata b’mod ċar fid-dokumentazzjoni ta’ sostenn imfassla mill-manifattur tal-istrument. L-analizzatur tan-numru PM għandu jissodisfa r-rekwiżiti ta’ dan ir-Regolament u l-ispeċifikazzjonijiet tal-manifattur tal-istrument.
Illustrazzjoni 1
Eżempju ta’ konfigurazzjoni ta’ analizzatur ta’ numru PM:
(il-linji bit-tikek jindikaw partijiet fakultattivi)
EFM: Miter għall-Kejl tal-Fluss tal-Massa tal-Egżost
d: dijametru intern
PND: Apparat tad-Detezzjoni tan-Numru PM
|
|
2.5.1.2.
|
L-analizzatur tan-numru PM għandu jitqabbad mal-punt tal-kampjunar permezz ta’ sonda tal-kampjunar li tiġbed kampjun mil-linja tan-nofs tat-tubu tal-iżbokk tal-egżost. Jekk il-partikuli ma jiġux dilwiti fl-iżbokk tal-egżost, il-linja tal-kampjunar għandha tissaħħan għal temperatura minima ta’ 373 K (100 °C) sal-punt tal-ewwel dilwizzjoni tal-analizzatur tan-numru PM jew tal-apparat tad-detezzjoni tal-partikuli tal-analizzatur. Il-ħin ta’ permanenza tal-kampjun fil-linja tal-kampjunar tal-partikuli għandu jkun inqas minn tliet sekondi sal-punt tal-ewwel dilwizzjoni jew tal-apparat tad-detezzjoni tal-partikuli.
|
|
2.5.1.3.
|
Il-partijiet kollha f’kuntatt mal-kampjun tal-gass tal-egżost għandhom jinżammu dejjem f’temperatura li tevita l-kondensazzjoni ta’ kwalunkwe kompost fl-apparat. Dan jista’ jinkiseb, pereżempju, bit-tisħin sa temperatura ogħla u d-dilwizzjoni tal-kampjun jew l-ossidazzjoni tal-ispeċijiet (semi)volatili.
|
|
2.5.1.4.
|
L-analizzatur tan-numru PM għandu jinkludi sezzjoni msaħħna f’temperatura tas-superfiċe ta’ ≥ 573 K (300 °C). L-unità ta’ prekundizzjonament għandha tikkontrolla l-istadji msaħħna sa temperaturi operattivi nominali kostanti, b’tolleranza ta’ ±10 K u għandha tagħti indikazzjoni jekk il-partijiet imsaħħna għandhomx it-temperaturi operattivi korretti. Temperaturi iktar baxxi huma aċċettabbli diment li l-effiċjenza tat-tneħħija tal-partikuli volatili tissodisfa l-ispeċifikazzjonijiet stabbiliti fil-punt 2.5.4.
|
|
2.5.1.5.
|
Is-sensuri tal-pressjoni u tat-temperatura kif ukoll sensuri oħra għandhom jimmonitorjaw il-funzjonament tal-istrument waqt it-tħaddim tiegħu u għandhom jagħtu twissija jew iwasslu messaġġ f’każ ta’ xi ħsara.
|
|
2.5.1.6.
|
Il-ħin tad-dewmien ġewwa l-analizzatur tan-numru PM għandu jkun < 5 s. “Ħin tad-dewmien” tfisser id-differenza fil-ħin bejn bidla fil-konċentrazzjoni fil-punt ta’ referenza u rispons tas-sistema ta’ 10 % tal-qari finali.
|
|
2.5.1.7.
|
L-analizzatur tan-numru PM (u/jew tal-apparat tad-detezzjoni tal-partikuli) għandu jkollu ħin tat-tlugħ ta’ < 3,5 sekondi.
|
|
2.5.1.8.
|
Il-kejliet tal-konċentrazzjoni tal-partikuli għandhom jiġu rrapportati normalizzati għal 273 K (0 °C) u għal 101,3 kPa. Jekk jitqies li jkun meħtieġ li jintuża l-aħjar ġudizzju inġiniriku, il-pressjoni u/jew it-temperatura fil-bokka tal-apparat tad-detezzjoni għandhom jitkejlu u jiġu rrapportati għall-finijiet ta’ normalizzazzjoni tal-konċentrazzjoni tal-partikuli.
|
|
2.5.1.9.
|
L-analizzaturi tan-numru PM li jikkonformaw mar-rekwiżiti tal-ikkalibrar tar-Regolament Nru 83 jew 49 jew GTR 15 tal-NU/KEE għandhom jitqiesu li jikkonformaw mar-rekwiżiti tal-ikkalibrar ta’ dan l-Anness.
|
|
2.5.2.
|
Rekwiżiti ta’ effiċjenza
|
|
2.5.2.1.
|
Is-sistema kompluta tal-analizzatur tan-numru PM u l-linja tal-kampjunar għandhom jissodisfaw ir-rekwiżiti ta’ effiċjenza tat-Tabella 1.
Tabella 1
ir-rekwiżiti ta’ effiċjenza tas-sistema tal-analizzatur tan-numru PM (u l-linja tal-kampjunar)
|
dp [nm]
|
sub-23
|
23
|
30
|
50
|
70
|
100
|
200
|
|
E(dp)
|
-- (*1)
|
0,2-0,6
|
0,3-1,2
|
0,6-1,3
|
0,7-1,3
|
0,7-1,3
|
0,5-2,0
|
|
|
2.5.2.2.
|
L-effiċjenza E(dp) hija l-proporzjon fil-qari tas-sistema tal-analizzatur tan-numru PM mal-konċentrazzjoni numerika ta’ referenza ta’ Apparat li Jgħodd il-Partikuli tal-Kondensazzjoni (CPC) (d50 = 10 nm jew inqas, iċċekkjat għal-linearità u kkalibrat b’elettrometru) jew ta’ Elettrometru li jkejjel b’mod parallel l-aerosol monodispers tad-dijametru tal-mobbiltà dp u normalizzat bl-istess kundizzjonijiet ta’ temperatura u ta’ pressjoni. Il-materjal għandu jkun bħal nugrufun u termalment stabbli (eż. grafit skarikat minn spark jew nugrufun tal-fjamma tad-diffużjoni bi trattament termali minn qabel). Jekk il-kurva tal-effiċjenza titkejjel b’aerosol differenti (eż. NaCl), il-korrelazzjoni mal-kurva simili għan-nugrufun għandha tingħata bħala ċart li tqabbel l-effiċjenzi miksuba permezz taż-żewġ aerosols tal-ittestjar. Id-differenzi fl-effiċjenzi tal-għadd għandhom jitqiesu billi jiġu aġġustati l-effiċjenzi mkejla abbażi taċ-ċart li tingħata bit-tqabbil sabiex jiġu pprovduti l-effiċjenzi tal-aerosol simili għan-nugrufun. Kwalunkwe korrezzjoni għall-partikuli ċċarġjati b’mod multiplu għandha tiġi applikata u ddokumentata, iżda ma għandhiex taqbeż l-10 %. L-effiċjenzi finali (eż. aġġustati għall-materjal differenti u għall-partikuli ċċarġjati b’mod multiplu) għandhom ikopru l-analizzatur tan-numru PM u l-linja tal-kampjunar. L-analizzatur tan-numru PM jista’ wkoll jiġi kkalibrat parti parti (jiġifieri l-unità ta’ prekundizzjonament b’mod separat mill-apparat tad-detezzjoni tal-partikuli) diment li l-analizzatur tan-numru PM u l-linja tal-kampjunar flimkien jissodisfaw ir-rekwiżiti tat-Tabella 1. Is-sinjal imkejjel mill-apparat tad-detezzjoni għandu jkun > 2 (darbtejn) mil-limitu tad-detezzjoni (hawnhekk definit bħala l-livell żero flimkien ma’ tliet devjazzjonijiet standard).
|
|
2.5.3.
|
Rekwiżiti ta’ linearità
|
|
2.5.3.1.
|
Ir-rekwiżiti ta’ linearità għandhom jiġu vverifikati kull meta tiġi osservata xi ħsara, kif meħtieġ mill-proċeduri tal-awditjar intern jew mill-manifattur tal-istrument, mill-inqas darba fil-perjodu ta’ 12-il xahar qabel isir it-test.
|
|
2.5.3.2.
|
L-analizzatur tan-numru PM, u l-linja tal-kampjunar, għandhom jissodisfaw ir-rekwiżiti ta’ linearità stabbiliti fit-Tabella 2.
Tabella 2
Rekwiżiti ta’ linearità tal-analizzatur tan-numru PM (u tal-linja tal-kampjunar)
|
Parametru/strument tal-kejl
|
|χmin× (a1 - 1)+ a0|
|
Inklinazzjoni a1
|
Żball standard SEE
|
Koeffiċjent ta’ determinazzjoni r2
|
|
Analizzatur tan-numru PM
|
massimu ta’ ≤ 5 %
|
0,85-1,15
|
massimu ta’ ≤ 10 %
|
≥ 0,950
|
|
|
2.5.3.3.
|
Is-sistema tal-analizzatur tan-numru PM u l-linja tal-kampjunar għandhom jissodisfaw ir-rekwiżiti ta’ linearità tat-Tabella 2 permezz ta’ partikuli monodispersi jew polidispersi simili għan-nugrufun. Id-daqs tal-partikuli (id-dijametru tal-mobbiltà jew id-dijametru medjan tal-għadd) għandu jkun ikbar minn 45 nm. L-istrument ta’ referenza għandu jkun Elettrometru jew Apparat li Jgħodd il-Partikuli tal-Kondensazzjoni (CPC) b’d50 = 10 nm jew inqas, ivverifikati għal-linearità. Alternattivament, l-istrument ta’ referenza jista’ jkun sistema ta’ numru ta’ partikuli li tikkonforma mar-rekwiżiti tar-Regolament Nru 49 tal-NU/KEE.
|
|
2.5.3.4.
|
Barra minn hekk, id-differenzi bejn l-analizzatur tan-numru PM u l-istrument ta’ referenza f’kull wieħed mill-punti li jiġu ċċekkjati (għajr il-punt żero) għandhom ikunu sa 15 % tal-valur medju tagħhom. Mill-inqas ħames punti mqassma b’mod ugwali (flimkien mal-punt żero) għandhom jiġu ċċekkjati. Il-konċentrazzjoni massima ċċekkjata għandha tkun il-konċentrazzjoni massima permessa tal-analizzatur tan-numru PM.
Jekk l-analizzatur tan-numru PM jiġi kkalibrat parti parti, il-linearità tista’ tiġi ċċekkjata biss għall-apparat tad-detezzjoni, iżda l-effiċjenzi tal-partijiet l-oħra u tal-linja tal-kampjunar għandhom jitqiesu fil-kalkolu tal-inklinazzjoni.
|
|
2.5.4.
|
L-effiċjenza tat-tneħħija volatili
|
|
2.5.4.1.
|
Is-sistema tal-analizzatur tan-numru PM għandha tikseb > 99 % tat-tneħħija ta’ ≥ 30 nm ta’ partikuli tat-tetrakontan (CH3(CH2)38CH3), b’konċentrazzjoni fil-bokka ta’ ≥ 10 000 partikuli għal kull ċentimetru kubu bid-dilwizzjoni minima.
|
|
2.5.4.2.
|
Barra minn hekk, is-sistema tal-analizzatur tan-numru PM għandha tikseb ukoll effiċjenza tat-tneħħija ta’ > 99 % tal-alkan polidispers (dekan jew ogħla) jew taż-żejt tal-iżmerill b’dijametru medjan tal-għadd ta’ > 50 nm u b’konċentrazzjoni fil-bokka ta’ ≥ 5 × 106 partikuli għal kull ċentimetru kubu bid-dilwizzjoni minima (massa ekwivalenti ta’ > 1 mg/m3).
|
|
2.5.4.3.
|
L-effiċjenza tat-tneħħija volatili bit-tetrakontan u/jew bl-alkan jew biż-żejt polidispers jeħtieġ li tiġi pprovata darba biss għall-familja tal-PEMS. Familja tal-PEMS titqies li hija grupp ta’ strumenti bl-istess analizzaturi, kampjun, kundizzjonament termali u algoritmi ta’ kumpens għas-softwer. Il-manifattur tal-istrument għandu jipprovdi l-intervall ta’ manutenzjoni jew ta’ sostituzzjoni li jiżgura li l-effiċjenza tat-tneħħija ma tkunx inqas mir-rekwiżiti tekniċi. Jekk tali informazzjoni ma tiġix ipprovduta mill-manifattur tal-istrument, l-effiċjenza tat-tneħħija volatili għandha tiġi ċċekkjata kull sena għal kull strument.”;
|
|
|
|
(15)
|
fl-Appendiċi 3, jiżdiedu l-punti li ġejjin:
|
“1.4.
|
Ikkalibrar u verifika tal-analizzatur tan-numru PM
|
|
1.4.1.
|
It-test tat-tnixxija tal-PEMS għandu jsir f’konformità mar-rekwiżiti stabbiliti fil-paragrafu 9.3.4 tal-Anness 4 tar-Regolament Nru 49 tal-NU/KEE jew inkella f’konformità mal-istruzzjonijiet tal-manifattur tal-istrument.
|
|
1.4.2.
|
L-iċċekkjar tal-ħin tar-rispons tal-analizzatur tan-numru PM għandu jsir f’konformità mar-rekwiżiti stabbiliti fil-paragrafu 9.3.5 tal-Anness 4 tar-Regolament Nru 49 tal-NU/KEE billi jintużaw partikuli jekk ma jistgħux jintużaw gassijiet.
|
|
1.4.3.
|
Il-ħin tat-trasformazzjoni tas-sistema tal-analizzatur tan-numru PM u tal-linja tal-kampjunar tagħha, għandu jiġi ddeterminat f’konformità mal-paragrafu A.8.1.3.7 tal-Appendiċi 8 tal-Anness 4 tar-Regolament Nru 49 tal-NU/KEE. “Ħin tat-trasformazzjoni” tfisser id-differenza fil-ħin bejn bidla fil-konċentrazzjoni fil-punt ta’ referenza u rispons tas-sistema ta’ 50 % tal-qari finali.”
|
|
(1) Għall-magni bi tqabbid bil-kompressjoni.
(2) Għall-magni bi tqabbid bl-ispark plaggs.
(3) Soġġett għall-miżuri tranżizzjonali stipulati fl-Artikolu 17a”
(4) Imkejla jew ikkoreġuti għal bażi mxarrba.
(5) Magni li jaħdmu bil-gass biss.
(6) Uża s-sensur tat-temperatura ambjentali jew sensur tat-temperatura tal-arja li tidħol fil-magna.
(7) Il-valur irreġistrat għandu jkun jew (a) il-brake engine torque nett f’konformità mal-punt 2.4.4 ta’ dan l-Appendiċi jew (b) il-brake engine torque nett ikkalkulat mill-valuri tat-torque f’konformità mal-punt 2.4.4 ta’ dan l-Appendiċi.”
(*1) Definit fi stadju iktar tard.
In force