This document is an excerpt from the EUR-Lex website
Document 32019R0905
Commission Delegated Regulation (EU) 2019/905 of 13 March 2019 amending Delegated Regulation (EU) 2018/2034 establishing a discard plan for certain demersal fisheries in North-Western waters for the period 2019-2021
Regolament Delegat tal-Kummissjoni (UE) 2019/905 tat-13 ta' Marzu 2019 li jemenda r-Regolament Delegat (UE) 2018/2034 li jistabbilixxi pjan għall-iskartar għal ċertu sajd demersali fl-ilmijiet tal-Majjistral għall-perjodu 2019-2021
Regolament Delegat tal-Kummissjoni (UE) 2019/905 tat-13 ta' Marzu 2019 li jemenda r-Regolament Delegat (UE) 2018/2034 li jistabbilixxi pjan għall-iskartar għal ċertu sajd demersali fl-ilmijiet tal-Majjistral għall-perjodu 2019-2021
C/2019/1838
ĠU L 145, 4.6.2019, p. 2–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2019; Impliċitament imħassar minn 32019R2239
4.6.2019 |
MT |
Il-Ġurnal Uffiċjali tal-Unjoni Ewropea |
L 145/2 |
REGOLAMENT DELEGAT TAL-KUMMISSJONI (UE) 2019/905
tat-13 ta' Marzu 2019
li jemenda r-Regolament Delegat (UE) 2018/2034 li jistabbilixxi pjan għall-iskartar għal ċertu sajd demersali fl-ilmijiet tal-Majjistral għall-perjodu 2019-2021
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (1), u b'mod partikolari l-Artikoli 15(6) u 18(1) u (3) tiegħu,
Billi:
(1) |
Ir-Regolament (UE) Nru 1380/2013 għandu l-għan li jelimina b'mod progressiv il-qbid skartat fis-sajd kollu tal-Unjoni bl-introduzzjoni ta' obbligu ta' ħatt l-art għall-qabdiet ta' speċijiet li għalihom hemm limiti tal-qbid. |
(2) |
Sabiex jiġi implimentat l-obbligu ta' ħatt l-art, l-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni tadotta pjanijiet għall-iskartar permezz ta' atti delegati għal perjodu inizjali ta' mhux aktar minn tliet snin li jista' jiġġedded għal perjodu totali ieħor ta' tliet snin abbażi ta' rakkomandazzjonijiet konġunti li jiżviluppaw l-Istati Membri b'konsultazzjoni mal-Kunsilli Konsultattivi rilevanti. |
(3) |
Il-Belġju, Spanja, Franza, l-Irlanda, in-Netherlands u r-Renju Unit għandhom interess ta' ġestjoni tas-sajd dirett fl-ilmijiet tal-Majjistral. Wara li kkonsultaw lill-Kunsill Konsultattiv tal-Ilmijiet tal-Majjistral u lill-Kunsill Konsultattiv tal-Istokkijiet Pelaġiċi, fil-31 ta' Mejju 2018 dawk l-Istati Membri ressqu rakkomandazzjoni konġunta lill-Kummissjoni dwar pjan għall-iskartar għal ċertu sajd demersali fl-ilmijiet tal-Majjistral għall-perjodu mill-2019 sal-2021. Ir-rakkomandazzjoni konġunta ġiet emendata fit-30 ta' Awwissu 2018. |
(4) |
Abbażi ta' dik ir-rakkomandazzjoni konġunta, ir-Regolament Delegat tal-Kummissjoni (UE) 2018/2034 (2) stabbilixxa pjan għall-iskartar għal ċertu sajd demersali fl-ilmijiet tal-Majjistral għall-2019 sal-2021. |
(5) |
Fl-14 ta' Novembru 2018, il-Belġju, Spanja, Franza, l-Irlanda, in-Netherlands u r-Renju Unit ressqu rakkomandazzjoni konġunta ġdida li fiha ssuġġerew li jsiru tliet korrezzjonijiet fil-pjan għall-iskartar stabbilit bir-Regolament Delegat (UE) 2018/2034. |
(6) |
Skont l-Artikolu 18(2) tar-Regolament (UE) Nru 1380/2013, il-Kummissjoni għandha tiffaċilita l-kooperazzjoni bejn l-Istati Membri, inkluż, fejn ikun meħtieġ, billi tiżgura li jinkiseb kontribut xjentifiku mingħand il-korpi xjentifiċi rilevanti. Qabel ma ġie adottat ir-Regolament Delegat (UE) 2018/2034, inkisbu kontributi xjentifiċi mingħand il-korpi xjentifiċi rilevanti li ġew evalwati mill-Kumitat Xjentifiku, Tekniku u Ekonomiku għas-Sajd (l-STECF). Ir-rakkomandazzjoni konġunta l-ġdida tissuġġerixxi li jsiru korrezzjonijiet ta' natura teknika li huma koperti mill-kontribut xjentifiku li diġà nkiseb. |
(7) |
Skont il-punt 28 tal-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet, qabel tadotta att delegat, il-Kummissjoni għandha tikkonsulta esperti nnominati minn kull Stat Membru. Il-miżuri li r-rakkomandazzjoni konġunta l-ġdida tissuġġerixxi huma skont l-opinjoni tal-Grupp ta' esperti dwar is-sajd li huwa magħmul minn rappreżentanti tat-28 Stat Membru, tal-Kummissjoni u tal-Parlament Ewropew bħala osservatur. |
(8) |
L-ewwel nett, ir-rakkomandazzjoni konġunta l-ġdida tissuġġerixxi li tiġi kkoreġuta d-definizzjoni tal-“pannell Seltra” stabbilita fir-Regolament Delegat (UE) 2018/2034, minħabba li dik id-definizzjoni mhix konformi mar-rakkomandazzjoni konġunta tal-31 ta' Mejju 2018. |
(9) |
It-tieni nett, ir-rakkomandazzjoni konġunta l-ġdida tissuġġerixxi li jitħassar ir-rekwiżit li jintuża rkaptu tas-sajd selettiv ħafna fis-sajd għall-iskampu maqbud bi xbieki tat-tkarkir bid-diriġenti, minħabba li dak ir-rekwiżit iddaħħal bi żball fir-rakkomandazzjoni konġunta tal-31 ta' Mejju 2018 u, b'hekk, ukoll fir-Regolament Delegat (UE) 2018/2034. |
(10) |
Fl-aħħar nett, ir-rakkomandazzjoni konġunta l-ġdida tissuġġerixxi li s-sajd demersali għall-imriewaħ jiġi eskluż mill-kamp ta' applikazzjoni ta' ċerti miżuri tekniċi maħsubin biex iżidu s-selettività fil-Baħar Irlandiż, minħabba li r-rakkomandazzjoni konġunta tal-31 ta' Mejju 2018 u, b'hekk, ukoll ir-Regolament Delegat (UE) 2018/2034, ma kienx beħsiebhom jinkludu dak it-tip ta' sajd fil-kamp ta' applikazzjoni ta' dawk il-miżuri tekniċi. |
(11) |
Għalhekk jenħtieġ li r-Regolament Delegat (UE) 2018/2034 jiġi emendat kif xieraq. |
(12) |
Billi l-miżuri previsti f'dan ir-Regolament għandhom impatt dirett fuq l-ippjanar tal-istaġun tas-sajd tal-bastimenti tal-Unjoni u fuq l-attivitajiet ekonomiċi relatati ma' dan, jenħtieġ li dan ir-Regolament jidħol fis-seħħ minnufih wara li jiġi ppubblikat. Minħabba li l-pjan għall-iskartar stabbilit bir-Regolament Delegat (UE) 2018/2034 beda japplika mill-1 ta' Jannar 2019, jenħtieġ li dan ir-Regolament jibda japplika b'mod retroattiv mill-1 ta' Jannar 2019, |
ADOTTAT DAN IR-REGOLAMENT:
Artikolu 1
Ir-Regolament Delegat (UE) 2018/2034 huwa emendat kif ġej:
(1) |
fl-Artikolu 2, il-paragrafu 2 huwa sostitwit b'dan li ġej: “2. “Pannell Seltra” tfisser apparat ta' selettività li:
|
(2) |
fl-Artikolu 3(1), il-punt (d) huwa sostitwit b'dan li ġej:
|
(3) |
fl-Artikolu 10(4), it-tieni sentenza hija sostitwita b'dan li ġej: “Din id-dispożizzjoni ma għandhiex tapplika għall-bastimenti b'qabdiet li jkunu jinkludu aktar minn 30 % ta' skampu jew aktar minn 85 % ta' mriewaħ.”. |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu jibda japplika mill-1 ta' Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta' Marzu 2019.
Għall-Kummissjoni
Il-President
Jean-Claude JUNCKER
(1) ĠU L 354, 28.12.2013, p. 22.
(2) Ir-Regolament Delegat tal-Kummissjoni (UE) 2018/2034 tat-18 ta' Ottubru 2018 li jistabbilixxi pjan għall-iskartar għal ċertu sajd demersali fl-ilmijiet tal-Majjistral għall-perjodu 2019-2021 (ĠU L 327, 21.12.2018, p. 8).