Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018D2007

Deċiżjoni tal-Kunsill (PESK) 2018/2007 tas-17 ta' Diċembru 2018 li temenda l-Azzjoni Konġunta 2008/851/PESK dwar operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja

ST/14703/2018/INIT

ĠU L 322, 18.12.2018, pp. 22–23 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2018/2007/oj

18.12.2018   

MT

Il-Ġurnal Uffiċjali tal-Unjoni Ewropea

L 322/22

DEĊIŻJONI TAL-KUNSILL (PESK) 2018/2007

tas-17 ta' Diċembru 2018

li temenda l-Azzjoni Konġunta 2008/851/PESK dwar operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikoli 42(4) u 43(2) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,

Billi:

(1)

Fl-10 ta' Novembru 2008, il-Kunsill adotta l-Azzjoni Konġunta 2008/851/PESK (1) li stabbilixxiet l-operazzjoni militari Atalanta tal-UE (“Atalanta”).

(2)

Fit-30 ta' Lulju 2018, il-Kunsill adotta d-Deċiżjoni (PESK) 2018/1083 (2) li emendat l-Azzjoni Konġunta 2008/851/PESK u estendiet l-Atalanta sal-31 ta' Diċembru 2020.

(3)

Fl-14 ta' Novembru 2018, il-Kunsill tas-Sigurtà tan-NU (KSNU) adotta r-Riżoluzzjoni 2444 (2018), li tterminat il-mandat tal-Grupp ta' Monitoraġġ tas-Somalja u l-Eritrea b'effett mis-16 ta' Diċembru 2018 u stabbilixxiet il-Bord ta' Esperti dwar is-Somalja bl-istess kompiti fir-rigward tas-Somalja.

(4)

Fit-22 ta' Novembru 2018, il-Kumitat Politiku u ta' Sigurtà (KPS) qabel li l-Atalanta għandha tkun awtorizzata tittrasferixxi informazzjoni lill-INTERPOL u lill-EUROPOL, inkluża data personali miksuba fl-ambitu tal-qafas legali eżistenti, dwar attivitajiet illegali li mhumiex piraterija, li tkun inġabret matul l-operazzjonijiet tagħha kontra l-piraterija, filwaqt li ma jinbidilx il-mandat tal-Atalanta.

(5)

Il-KPS qabel ukoll li fl-Azzjoni Konġunta 2008/851/PESK jenħtieġ li tiddaħħal dispożizzjoni dwar il-liġi applikabbli għar-rilaxx ta' data personali f'dak il-kuntest.

(6)

Jenħtieġ għalhekk li l-Azzjoni Konġunta 2008/851/PESK tiġi emendata kif meħtieġ.

(7)

F'konformità mal-Artikolu 5 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li għandhom implikazzjonijiet ta' difiża. Id-Danimarka ma tiħux sehem fl-implimentazzjoni ta' din id-Deċiżjoni u għalhekk ma tiħux sehem fil-finanzjament ta' din l-operazzjoni,

ADOTTA DIN ID-DEĊIŻJONI:

Artikolu 1

L-Azzjoni Konġunta 2008/851/PESK hija emendata kif ġej:

(1)

fl-Artikolu 2, il-punt (n) huwa sostitwit minn dan li ġej:

“(n)

 tappoġġa, b'mod konsistenti mal-Konvenzjoni tan-Nazzjonijiet Uniti dwar il-Liġi tal-Baħar u skont il-mezzi u l-kapaċitajiet eżistenti, l-attivitajiet tal-Bord ta' Esperti dwar is-Somalja f'konformità mar-Riżoluzzjoni 2444 (2018) billi timmonitorja u tirrapporta lil dak il-Bord bastimenti ta' interess suspettati li jappoġġaw lin-netwerks tal-piraterija.”;

(2)

fl-Artikolu 15, il-paragrafu 4 huwa sostitwit minn dan li ġej:

“4.   L-Atalanta hija b'dan awtorizzata li tikkondividi mal-Bord ta' Esperti dwar is-Somalja u mas-CMF informazzjoni, minbarra data personali, dwar attivitajiet illegali jew mhux awtorizzati, miġbura matul l-operazzjonijiet kontra l-piraterija.”;

(3)

fl-Artikolu 15, jiżdiedu l-paragrafi li ġejjin:

“5.   L-operazzjoni Atalanta hija b'dan awtorizzata tirrilaxxa lill-INTERPOL, f'konformità mal-Artikolu 2(h), u lill-EUROPOL, f'konformità mal-Artikolu 2(i), informazzjoni dwar attivitajiet illegali li mhumiex piraterija li tkun inġabret matul l-operazzjonijiet tagħha kontra l-piraterija.

6.   Ir-rilaxx ta' data personali skont l-Artikolu 2 għandu jsir f'konformità mal-liġijiet tal-Istat tal-bastiment jew tal-inġenju tal-ajru li jipproċessa tali data personali.”.

Artikolu 2

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmul fi Brussell, is-17 ta' Diċembru 2018.

Għall-Kunsill

Il-President

E. KÖSTINGER

(1)  Azzjoni Konġunta tal-Kunsill 2008/851/PESK tal-10 ta' Novembru 2008 dwar l-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (ĠU L 301, 12.11.2008, p. 33).

(2)  Id-Deċiżjoni tal-Kunsill (PESK) 2018/1083 tat-30 ta' Lulju 2018 li temenda l-Azzjoni Konġunta 2008/851/PESK dwar l-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin tal-atti ta' piraterija u ta' serq bl-użu tal-armi 'l barra mix-xtut tas-Somalja (ĠU L 194, 31.7.2018, p. 142).

Top