EUR-Lex Access to European Union law
This document is an excerpt from the EUR-Lex website
Document 32018D0935
Commission Implementing Decision (EU) 2018/935 of 28 June 2018 amending Implementing Decision 2014/88/EU suspending temporarily imports from Bangladesh of foodstuffs containing or consisting of Betel leaves (‘Piper betle’) as regards its period of application (notified under document C(2018) 3997) (Text with EEA relevance.)
Deċiżjoni ta' Implimentazzjoni tal-Kummissjoni (UE) 2018/935 tat-28 ta' Ġunju 2018 li temenda d-Deċiżjoni ta' Implimentazzjoni 2014/88/UE li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq Betel (“Piper betle”) jew li jikkonsistu minnu, fir-rigward tal-perjodu ta' applikazzjoni tagħha (notifikata bid-dokument C(2018) 3997) (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2018/935 tat-28 ta' Ġunju 2018 li temenda d-Deċiżjoni ta' Implimentazzjoni 2014/88/UE li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq Betel (“Piper betle”) jew li jikkonsistu minnu, fir-rigward tal-perjodu ta' applikazzjoni tagħha (notifikata bid-dokument C(2018) 3997) (Test b'rilevanza għaż-ŻEE.)
C/2018/3997
ĠU L 165, 2.7.2018, p. 40–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/05/2020; Impliċitament imħassar minn 32020R0625
2.7.2018 |
MT |
Il-Ġurnal Uffiċjali tal-Unjoni Ewropea |
L 165/40 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/935
tat-28 ta' Ġunju 2018
li temenda d-Deċiżjoni ta' Implimentazzjoni 2014/88/UE li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq Betel (“Piper betle”) jew li jikkonsistu minnu, fir-rigward tal-perjodu ta' applikazzjoni tagħha
(notifikata bid-dokument C(2018) 3997)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel, u jistabbilixxi l-proċeduri fi kwistjonijiet ta' sigurtà tal-ikel (1), u b'mod partikolari l-Artikolu 53(1)(b)(i) tiegħu,
Billi:
(1) |
Ir-Regolament (KE) Nru 178/2002 jistabbilixxi l-prinċipji ġenerali li jirregolaw l-ikel b'mod ġenerali, u b'mod partikolari s-sikurezza tal-ikel, fil-livell tal-Unjoni u nazzjonali. Jipprevedi miżuri ta' emerġenza li għandhom jittieħdu mill-Kummissjoni meta jkun hemm evidenza li ikel impurtat minn pajjiż terz x'aktarx li huwa ta' riskju serju għas-saħħa tal-bniedem. |
(2) |
Id-Deċiżjoni ta' Implimentazzjoni tal-Kummissjoni 2014/88/UE (2) pprojbixxiet l-importazzjoni fl-Unjoni ta' oġġetti tal-ikel li fihom il-weraq Betel mill-Bangladexx jew li jikkonsistu minnu, oriġinarjament għal perjodu ta' applikazzjoni limitat sal-31 ta' Lulju 2014. Id-Deċiżjoni ġiet adottata wara li għadd kbir ta' notifiki kienu trażmessi lis-Sistema ta' Twissija Rapida għall-Ikel u l-Għalf (RASFF) minħabba l-preżenza ta' firxa wiesgħa ta' razez tal-mikrobu tas-Salmonella, inkluż is-Salmonella Typhimurium li jinsab f'oġġetti tal-ikel li fihom il-weraq betel (“Piper betle”, magħruf l-aktar bħala “Paan leaf” jew “Betel quid”) mill-Bangladexx jew li jikkonsistu minnu. |
(3) |
Billi l-Bangladexx ma setax jipprovdi garanziji li jiżguraw l-importazzjonijiet tal-weraq Betel fl-Unjoni, id-Deċiżjonijiet ta' Implimentazzjoni tal-Kummissjoni 2014/510/UE (3), (UE) 2015/1028 (4) u (UE) 2016/884 (5) estendew il-perjodu ta' applikazzjoni tas-sospensjoni temporanja tal-importazzjonijiet ta' dawn il-prodotti sat-30 ta' Ġunju 2015, sat-30 ta' Ġunju 2016 u sat-30 ta' Ġunju 2018 rispettivament. |
(4) |
Il-pjan ta' azzjoni propost li ġie ppreżentat mill-Bangladexx f'Jannar 2018 mhuwiex komplut u ma hemm l-ebda garanzija dwar l-applikazzjoni u l-infurzar effettivi tiegħu. Fil-fatt, l-informazzjoni li waslet ma turix li l-produzzjoni tal-weraq betel tikkonforma mar-Regolament (KE) Nru 852/2004 tal-Parlament Ewropew u tal-Kunsill (6) u li l-pajjiż huwa kapaċi jwassal riżultati analitiċi affidabbli minn laboratorji akkreditati. L-awtoritajiet tal-Bangladexx indikaw ukoll l-użu ta' dekontaminant kimiku li jiddekontamina l-weraq tal-betel, mingħajr ebda evidenza f'termini tas-sikurezza u t-tossiċità tal-prodott użat. Barra minn hekk, minkejja l-adozzjoni u l-kontinwazzjoni tal-applikazzjoni ta' projbizzjoni li l-Bangladexx impona fuqu stess fuq l-esportazzjoni tal-weraq betel minn Mejju 2013, xorta ġew irrappurtati 29 każ ta' notifiki lill-RASFF mill-adozzjoni tagħha 'l hawn. Għalhekk, ma jistax jiġi konkluż li l-garanziji mogħtija mill-Bangladexx huma biżżejjed biex jindirizzaw ir-riskji serji għas-saħħa tal-bniedem. Għalhekk, jenħtieġ li l-miżuri ta' emerġenza stabbiliti bid-Deċiżjoni ta' Implimentazzjoni 2014/88/UE jibqgħu fis-seħħ. |
(5) |
Għalhekk, jenħtieġ li l-perjodu ta' applikazzjoni tad-Deċiżjoni ta' Implimentazzjoni 2014/88/UE jerġa' jiġi estiż. |
(6) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Artikolu 4 tad-Deċiżjoni ta' Implimentazzjoni 2014/88/UE huwa sostitwit b'dan li ġej:
“Artikolu 4
Din id-Deċiżjoni għandha tapplika sat-30 ta' Ġunju 2020.”.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-28 ta' Ġunju 2018.
Għall-Kummissjoni
Vytenis ANDRIUKAITIS
Membru tal-Kummissjoni
(2) Id-Deċiżjoni ta' Implimentazzjoni tal-Kummissjoni 2014/88/UE tat-13 ta' Frar 2014 li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq Betel (“Piper betle”) jew li jikkonsistu minnu (ĠU L 45, 15.2.2014, p. 34).
(3) Id-Deċiżjoni ta' Implimentazzjoni tal-Kummissjoni 2014/510/UE tad-29 ta' Lulju 2014 li temenda d-Deċiżjoni ta' Implimentazzjoni 2014/88/UE li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq betel (“Piper betle”) jew li jikkonsistu minnu fir-rigward tal-perjodu ta' applikazzjoni tagħha (ĠU L 228, 31.7.2014, p. 33).
(4) Id-Deċiżjoni ta' Implimentazzjoni tal-Kummissjoni (UE) 2015/1028 tas-26 ta' Ġunju 2015 li temenda d-Deċiżjoni ta' Implimentazzjoni (UE) 2014/88 li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq betel (“Piper betle”) jew li jikkonsistu minnu, fir-rigward tal-perjodu ta' applikazzjoni tagħha (ĠU L 163, 30.6.2015, p. 53).
(5) Id-Deċiżjoni ta' Implimentazzjoni tal-Kummissjoni (UE) 2016/884 tal-1 ta' Ġunju 2016 li temenda d-Deċiżjoni ta' Implimentazzjoni 2014/88/UE li tissospendi temporanjament l-importazzjonijiet mill-Bangladexx ta' oġġetti tal-ikel li fihom il-weraq betel (“Piper betle”) jew li jikkonsistu minnu, fir-rigward tal-perjodu ta' applikazzjoni tagħha (ĠU L 146, 3.6.2016, p. 29).
(6) Ir-Regolament (KE) Nru 852/2004 tal-Parlament Ewropew u tal-Kunsill tad-29 ta' April 2004 dwar l-iġjene tal-oġġetti tal-ikel (ĠU L 139, 30.4.2004, p. 1).