This document is an excerpt from the EUR-Lex website
Document 32014D0890
2014/890/EU: Commission Implementing Decision of 8 December 2014 authorising the placing on the market of chia oil ( Salvia hispanica ) as a novel food ingredient under Regulation (EC) No 258/97 of the European Parliament and of the Council (notified under document C(2014) 9209)
2014/890/UE: Deċiżjoni ta' Implimentazzjoni tal-Kummissjoni tat- 8 ta' Diċembru 2014 li tawtorizza t-tqegħid fis-suq taż-żejt taċ-chia ( Salvia hispanica ) bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2014) 9209)
2014/890/UE: Deċiżjoni ta' Implimentazzjoni tal-Kummissjoni tat- 8 ta' Diċembru 2014 li tawtorizza t-tqegħid fis-suq taż-żejt taċ-chia ( Salvia hispanica ) bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2014) 9209)
ĠU L 353, 10.12.2014, pp. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
10.12.2014 |
MT |
Il-Ġurnal Uffiċjali tal-Unjoni Ewropea |
L 353/15 |
DEĊIŻJONI TA' IMPLIMENTAZZJONI TAL-KUMMISSJONI
tat-8 ta' Diċembru 2014
li tawtorizza t-tqegħid fis-suq taż-żejt taċ-chia (Salvia hispanica) bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2014) 9209)
(It-test bl-Ingliż biss huwa awtentiku)
(2014/890/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti ġodda tal-ikel (1), u partikolarment l-Artikolu 7 tiegħu,
Billi:
|
(1) |
Fit-12 ta' Novembru 2012, il-kumpanija Functional Products Trading S.A. għamlet talba lill-awtoritajiet kompetenti tar-Renju Unit biex iqiegħdu ż-żejt taċ-chia (Salvia hispanica) fis-suq bħala ingredjent ġdid tal-ikel għall-użu fiż-żjut veġetali u bħala suppliment tal-ikel. |
|
(2) |
Fit-8 ta' Lulju 2013, il-korp kompetenti tar-Renju Unit tal-valutazzjoni tal-ikel ħareġ l-ewwel rapport tiegħu tal-valutazzjoni. F'dak ir-rapport wasal għall-konklużjoni li ż-żejt taċ-chia (Salvia hispanica) jissodisfa l-kriterji ta' ikel ġdid kif stabbilit fl-Artikolu 3(1) tar-Regolament (KE) Nru 258/97. |
|
(3) |
Fit-13 ta' Settembru 2013, il-Kummissjoni ressqet ir-rapport inizjali ta' valutazzjoni lill-Istati Membri l-oħra. |
|
(4) |
Tul il-perjodu ta' 60 jum stabbilit fl-ewwel subparagrafu tal-Artikolu 6(4) tar-Regolament (KE) Nru 258/97 tqajmu xi oġġezzjonijiet motivati. Skont l-Artikolu 7(1) tar-Regolament (KE) Nru 258/97, trid issir Deċiżjoni ta' Implimentazzjoni tal-Kummissjoni li tqis l-oġġezzjonijiet li saru. L-ispjegazzjonijiet addizzjonali min-naħa tal-applikant taffew dan it-tħassib b'mod sodisfaċenti għall-Istati Membri u l-Kummissjoni. |
|
(5) |
Id-Direttiva 2002/46/KE tal-Parlament Ewropew u tal-Kunsill (2) tistabbilixxi rekwiżiti dwar is-supplimenti tal-ikel. L-użu taż-żejt taċ-chia (Salvia hispanica) għandu jkun awtorizzat mingħajr preġudizzju għar-rekwiżiti ta' dik il-leġiżlazzjoni. |
|
(6) |
Il-miżuri stipulati f'din id-Deċiżjoni huma skont l-opinjoni tal- Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Iż-żejt taċ-chia (Salvia hispanica) kif speċifikat f'Anness I jista' jitqiegħed fis-suq tal-Unjoni bħala ingredjent ġdid tal-ikel skont l-użi definiti u fil-livelli massimi stabbiliti fl-Anness II mingħajr preġudizzju għad-dispożizzjonijiet tad-Direttiva 2002/46/KE.
Artikolu 2
Id-denominazzjoni taż-żejt taċ-chia awtorizzata b'din id-Deċiżjoni biex tidher fuq it-tikketta tal-oġġetti tal-ikel li fihom dan l-ingredjent għandha tkun “Żejt taċ-chia (Salvia hispanica)”.
Artikolu 3
Din id-Deċiżjoni hija indirizzata lill-Functional Products Trading S.A., Av. Luis Pasteur 5842 Of. 302 — Vitacura, Santiago, Chile.
Magħmul fi Brussell, it-8 ta' Diċembru 2014.
Għall-Kummissjoni
Vytenis ANDRIUKAITIS
Membru tal-Kummissjoni
(2) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS I
SPEĊIFIKAZZJONIJIET TAŻ-ŻEJT TAĊ-CHIA (SALVIA HISPANICA)
Deskrizzjoni:
Iż-żejt taċ-chia huwa prodott miċ-chia (Salvia hispanica L.) (99,9 % pur) permezz tat-tagħsir kiesaħ. Ma jintużaw l-ebda solventi u, ladarba jiġi magħsur, iż-żejt jinżmamm f'tankijiet ta' dekantazzjoni u jsirlu proċess ta' filtrazzjoni sabiex jitneħħew l-impuritajiet.
|
Test |
Speċifikazzjoni |
|
Aċidità espressa bħala aċidu olejku |
Mhux iktar minn 2 % |
|
Il-valur tal-perossidu |
Mhux iktar minn 10 meq/kg |
|
Impuritajiet insolubbli |
Mhux iktar minn 0,05 % |
|
Aċidu alfa-linoleniku |
Mhux anqas minn 60 % |
|
Aċidu linolejku |
15–20 % |
ANNESS II
UŻU AWTORIZZAT TAŻ-ŻEJT TAĊ-CHIA (SALVIA HISPANICA)
|
Kategorija tal-ikel |
Livelli tal-użu |
|
Xaħmijiet u żjut |
Mhux iktar minn 10 % |
|
Supplimenti tal-ikel |
Mhux aktar minn 2 g kuljum |