32013O0007

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 32013O0007 - EN

Help

Search tips

Need more search options? Use the Advanced search

Document 32013O0007

Help

2013/215/UE: Linja gwida tal-Bank Ċentrali Ewropew tat- 22 ta’ Marzu 2013 dwar statistika fuq investimenti f’titoli (BĊE/2013/7)

ĠU L 125, 7.5.2013, p. 17–33 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 01 Volum 014 P. 181 - 197

Legal status of the document In force: This act has been changed. Current consolidated version: 01/10/2018

ELI: http://data.europa.eu/eli/guideline/2013/215/oj

HTML

PDF

Official Journal

7.5.2013

Il-Ġurnal Uffiċjali tal-Unjoni Ewropea

L 125/17

LINJA GWIDA TAL-BANK ĊENTRALI EWROPEW

tat-22 ta’ Marzu 2013

dwar statistika fuq investimenti f’titoli

(BĊE/2013/7)

(2013/215/UE)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikoli 5.1, 12.1 u 14.3 tiegħu,

Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1),

Wara li kkunsidra r-Regolament (UE) Nru 1011/2012 tal-Bank Ċentrali Ewropew tas-17 ta’ Ottubru 2012 dwar statistika fuq investimenti f’titoli (BĊE/2012/24) (2),

Billi:

(1)

Ir-Regolament (UE) Nru 1011/2012 (BĊE/2012/24) jistipula illi aġenti għar-rapportar residenti fi Stat Membru fiż-żona tal-euro għandhom jirrapportaw dwar pożizzjonijiet, tranżazzjonijiet u, fejn disponibbli, bidliet oħra fil-volum ta’ titoli miżmuma minnhom fuq bażi ta’ titolu b’titolu Il-banek ċentrali nazzjonali tal-Istati Membri li l-munita tagħhom hija l-euro (BĊNi) jintalbu jikklassifikaw u jaggregaw din id-dejta. Huwa għalhekk neċessarju illi jiġu definiti l-proċeduri biex BĊNi jirrapportaw lill-Bank Ċentrali Ewropew (BĊE), f’konformità mar-Regolament (UE) Nru 1011/2012 (BĊE/2012/24), tagħrif statistiku mnissel mid-dejta miġbura mill-propolazzjoni ta’ rrapportar attwali.

(2)

Il-Kummissjoni ppubblikat proposta għal regolament tal-Parlament Ewropew u tal-Kunsill dwar is-Sistema Ewropea tal-kontijiet nazzjonali u reġjonali fl-Unjoni Ewropea (3) (minn hawn ‘il quddiem “ESA 2010”), li huwa qafas ta’ kontabbiltà kompatibbli internazzjonalment użat biex jiddeskrivi l-ekonomiji tal-Istati Membri, u li ser jieħu post l-ESA 95. Il-klassifika ta’ dejta li trid tiġi rapportata taħt din il-Linja Gwida għandha ssegwi r-regoli stabbiliti fl-ESA 2010.

(3)	Huwa neċessarju li tiġi stabbilita proċedura li biha jkunu jistgħu jsiru l-emendi tekniċi għall-Annessi ta’ din il-Linja Gwida b’mod effettiv, sakemm emendi bħal dawn la jbiddlu l-qafas kunċettwali sottostanti u lanqas jeffettwaw il-piż ta’ rrapportar fuq l-aġenti għar-rapportar,

ADOTTA DIN IL-LINJA GWIDA:

Artikolu 1

Kamp ta’ applikazzjoni

Din il-Linja Gwida tistabbilixxi l-obbligi tal-BĊNi biex jirrapportaw lill-BĊE statistika dwar investimenti f’titoli miġbura skont ir-Regolament (UE) Nru 1011/2012 (BĊE/2012/24).

Artikolu 2

Definizzjonijiet

It-termini użati f’din il-Linja Gwida għandhom l-istess tifsira bħal dawk iddefiniti fir-Regolament (UE) Nru 1011/2012 (BĊE/2012/24).

Artikolu 3

Obbligi tal-BĊNi għar-rapportar ta’ investimenti f’titoli b’kodiċi ISIN

1. Il-BĊNi għandhom jiġbru u jirrapportaw lill-BĊE tagħrif statistiku dwar investimenti f’titoli b’kodiċi ISIN, fuq bażi ta’ titolu b’titolu, skont l-iskemi ta’ rrapportar f’Anness I, Parti 1 (Tabelli 1 sa 3) u Parti 2 (Tabelli 1 sa 3), u b’konformità mal-istandards ta’ rrapportar elettroniku li huma stipulati separatament, għat-tipi ta’ strumenti li ġejjin: titoli ta’ dejn għal żmien qasir (F.31), titoli ta’ dejn għal żmien twil (F.32), ishma kkwotati (F.511) u ishma jew unitajiet ta’ fond ta’ investiment (F.52).

L-obbligi ta’ rapportar tal-BĊNi għandhom ikopru l-pożizzjonijiet tal-aħħar tat-trimestru u jew (i) it-tranżazzjonijiet finanzjarji matul it-trimestru ta’ referenza fl-aħħar tat-trimestru, jew (ii) id-dejta tal-aħħar tax-xahar jew tal-aħħar tat-trimestru li hija neċessarja biex jitnisslu t-tranżazzjonijiet finanzjarji, kif stipulat fil-paragrafu 2.

It-tranżazzjonijet finanzjarji jew id-dejta neċessarja biex jitnisslu t-tranzazzjonijiet finanzjarji li jiġu rapportati minn aġenti għar rapportar attwali lil BĊNi skont Parti 1 ta’ Anness 1 tar-Regolament (UE) Nru 1011/2012 (BĊE/2012/24) għandhom jitkejlu kif stipulat f’Parti 3 ta’ Anness II tar-Regolament (UE) Nru 1011/2012 (BĊE/2012/24).

2. Il-BĊNi għandhom jirrapportaw lill-BĊE id-dejta msemmija fil-paragrafu 1 għall-perijodi ta’ referenza li ġejjin u skont l-iskadenzi li ġejjin:

(a)

fir-rigward ta’ investimenti f’titoli minn investituri residenti bl-esklużjoni ta’ BĊNi, titoli miżmumin f’kustodja minn kustodji residenti f’isem investituri residenti fi Stati Membri oħrajn taż-żona tal-euro u titoli maħruġin minn entitajiet fiż-żona tal-euro miżmumin f’kustodja minn kustodji residenti f’isem investituri residenti barra ż-żona tal-euro:

(i)	Fuq bażi trimestrali l-BĊNi għandhom jirrapportaw dejta dwar il-pożizzjonijiet titolu b’titolu fl-aħħar tat-trimestru fis-70 jum tal-kalendarju wara t-tmiem tat-trimestru li għalih tirreferi d-dejta;

(ii)

Il-BĊNi għandhom jirrapportaw jew (1) fuq bażi trimestrali it-tranżazzjonijiet titolu b’titolu u, fejn jeżistu, bidliet oħra fil-volum matul it-trimestru ta’ referenza sal-għeluq tan-negozju fis-70 jum tal-kalendarju wara t-tmiem tat-trimestru li għalih tirreferi d-dejta; jew (2) il-pożizzjonijiet titolu b’titolu u, fejn jeżistu, bidliet oħra fil-volum, li huma neċessarji għat-tnissil ta’ tranżazzjonijiet. Fil-każ tal-aħħar, il-BĊNi jirrapportaw skont il-metodi deskritti taħt Parti 1 ta’ Anness I tar-Regolament (UE) Nru 1011/2012 (BĊE/2012/24) sal-għeluq tan-negozju fis-70 jum tal-kalendarju wara t-tmiem tat-trimestru li għalih tirreferi d-dejta għal dejta trimestrali titolu b’titolu u fit-63 jum tal-kalendarju wara t-tmiem tax-xahar li għalih tirreferi d-dejta għal dejta ta’ kull xara titolu b’titolu.

(b)

fir-rigward ta’ investimenti f’titoli minn gruppi ta’ rapportar, inkluż entitajiet mhux residenti, fuq bażi trimestrali l-BĊNi jirrapportaw id-dejta dwar il-pożizzjonijiet titolu b’titolu fl-aħħar tat-trimestru sal-iskadenzi li ġejjin:

(i)	mill-2013 sal-2015, sal-għeluq tan-negozju fis-70 jum tal-kalendarju wara t-tmiem tat-trimestru li għalih tirreferi d-dejta; u

(ii)	mill-2016, sal-għeluq tan-negozju fil-55 jum tal-kalendarju wara t-tmiem tat-trimestru li għalih tirreferi d-dejta.

3. Sa Settembru ta’ kull sena, il-BĊE jikkomunika lill-BĊNi d-dati eżatti tat-trażmissjoni ta’ dejta li trid tiġi rapportata fil-forma ta’ kalendarju ta’ rapportar għas-sena ta’ wara.

4. Ir-regoli ġenerali li ġejjin għandhom japplikaw għar-reviżjoni ta’ data ta’ kull xahar u dik trimestrali.

(a)

Il-BĊNi għandhom jagħmlu rapport dwar reviżjonijiet regolari kif ġej:

(i)

reviżjonijiet għad-dejta ta’ kull xahar b’referenza għat-tliet xhur qabel l-aktar trimestru riċenti, li jiġu trażmessi fuq bażi trimestrali, għandhom jintbagħtu flimkien mad-dejta għall-aktar trimestru riċenti (trażmissjoni ta’ dejta regolari); reviżjonijiet għad-dejta ta’ kull xahar b’referenza għax-xahar qabel l-aktar xahar reċenti, li jiġu trażmessi fuq bażi ta’ kull xahar, għandhom jintbagħtu flimkien mad-dejta għall-aktar xahar riċenti (trażmissjoni ta’ dejta regolari);

(ii)	reviżjonijiet għal dejta trimestrali b’referenza għat-trimestru qabel l-aktar trimestru riċenti għandhom jintbagħtu flimkien mad-dejta għall-aktar trimestru riċenti (trażmissjoni ta’ dejta regolari);

(iii)

reviżjonijiet għat-tliet snin preċedenti (12-il trimestru) għandhom jintbagħtu flimkien mat-trażmissjoni ta’ dejta regolari li tirreferi għat-tielet trimestru tas-sena;

(iv)	ir-rapportar ta’ xi reviżjonijiet regolari oħrajn li ma jaqgħux taħt il-punti (i) sa (iii) għandu jiġu miftiehem mal-BĊE.

(b)	Il-BĊNi jirrapportaw reviżjoniijet eċċezzjonali li jtejbu b’mod sinifikanti l-kwalità tad-dejta malli din tkun disponibbli u barra l-perijodi ta’ trażmissjoni regolari mingħajr ħsara għall-ftehim minn qabel mal-BĊE.

Il-BĊNi jippreżentaw noti spjegattivi lill-BĊE li jistipulaw ir-raġunijiet għal reviżjonijiet sinifikanti. Il-BĊNi jistgħu jippreżentaw ukoll noti spjegattivi għal xi reviżjonijiet oħra fuq bażi volontarja.

5. Il-ħtiġijiet ta’ rrapportar stipulati f’dan l-Artikolu huma mingħajr ħsara għal-ħtiġijiet ta’ rrapportar li ġejjin għal dejta b’lura.

(a)	Safejn huwa possibbli, il-BĊNi għandhom jirrapportaw dejta b’lura għall-perijodu ta’ referenza sa mill-ewwel trimestru tal-2009 sar-raba’ trimestru tal-2013.

(b)

Fejn Stat Membru jadotta l-euro wara li tidħol fis-seħħ din il-Linja Gwida, japplikaw ir-regoli li ġejjin:

(i)

BĊNi ta’ Stati Membri li ngħaqdu mal-Unjoni qabel Diċembru tal-2012 għandhom jirrapportaw dejta b’lura lill-BĊE, fuq il-bażi tal-aqwa sforz, li tkopri tal-anqas (1) il-perijodi ta’ referenza tad-dejta li jibdew minn Marzu tal-2014, jew (2) il-ħames snin li jippreċedu l-adozzjoni tal-euro mill-Istat Membru relevanti, hu liema hu l-perijodu li huwa iqsar;

(ii)

BĊNi ta’ Stati Membri li ngħaqdu mal-Unjoni wara Diċembru tal-2012 għandhom jirrapportaw dejta b’lura lill-BĊE, fuq il-bażi tal-aqwa sforz, li tkopri tal-anqas (1) il-perijodi ta’ referenza tad-dejta li jibdew minn Marzu tal-2016, jew (2) il-ħames snin li jippreċedu l-adozzjoni tal-euro mill-Istat Membru relevanti, hu liema hu l-perijodu li huwa iqsar.

6. Ir-regoli tal-kontabbiltà stipulati fl-Artikolu 5 tar-Regolament (UE) Nru 1011/2012 (BĊE/2012/24) japplikaw ukoll meta l-BĊNi jirrapportaw dejta skont din il-Linja Gwida.

Artikolu 4

Metodi ta’ rapportar għal investimenti f’titoli mingħajr kodiċi ISIN

1. Il-BĊNi jistgħu jiddeċiedu jekk jirrapportawx lill-BĊE l-informazzjoni statistika li tkopri titoli mingħajr kodiċi ISIN miżmumin minn MFIs, IFs, FVCs u kapijiet ta’ gruppi ta’ rapportar suġġetti għar-Regolament (UE) Nru 1011/2012 (BĊE/2012/24) jew miżmumin minn kustodji f’isem (i) investituri residenti mhux suġġetti għar-Regolament (UE) Nru 1011/2012 (BĊE/2012/24), (ii) investituri mhux finanzjarji residenti fi Stati Membri oħrajn taż-żona tal-euro, jew (iii) investituri residenti fi Stati Membri li mhumiex taż-żona tal-euro, kif iddefinit fir-Regolament (UE) Nru 1011/2012 (BĊE/2012/24), li ma ngħatawx deroga mir-rekwiżiti tar-rapportar skont ir-Regolament (UE) Nru 1011/2012 (BĊE/2012/24).

2. Il-BĊNi li jirrapportaw it-tagħrif statistiku bis-saħħa tal-paragrafu 1 għandhom jagħmlu dan skont ir-regoli stabbiliti fl-Artikolu 3(2), bl-użu ta’ skemi ta’ rapportar tal-Anness I, Parti I (Tabelli 1, 2 u 4) u Parti 2 (Tabelli 1, 2 u 4) kif ukoll l-istandards ta’ rapportar elettroniku stabbiliti separatament.

3. Id-dejta trimestrali għandha tiġi rriveduta skont l-Artikoli 3(4)(a) u (b).

4. Il-BĊNi jippreżentaw noti spjegattivi lill-BĊE li jistipulaw ir-raġunijiet għal reviżjonijiet sinifikanti. Il-BĊNi jistgħu jippreżentaw ukoll noti spjegattivi għal xi reviżjonijiet oħra fuq bażi volontarja. Barra minn dan, il-BĊNi għandhom jipprovdu tagħrif dwar riklassifikazzjonijiet sinjifikanti fis-setturi tad-detentur jew fil-klassifikazzjoni tal-istrument, fejn tkun disponibbli.

Artikolu 5

Metodi għall-ġbir tal-istatistika fuq investimenti f’titoli miżmumin f’kustodja

1. Minkejja l-eżenzjoni mill-obbligi ta’ rapportar statistiku li l-BĊNi jistgħu jagħtu lill-kustodji skont l-Artikolu 4(5)(a) tar-Regolament (UE) Nru 1011/2012 (BĊE/2012/24), għall-konformità mal-Artikolu 3, il-BĊNi, wara li jikkonsultaw mal-BĊE, għandhom jiddeċiedu fuq il-metodu l-iktar xieraq għall-ġbir tal-istatistika fuq titoli miżmumin minn investituri li ma humiex suġġetti għar-rekwiżiti ta’ rappurtar skont ir-Regolament (UE) Nru 1011/2012 (BĊE/2012/24), skont l-organizzazzjoni tas-swieq rilevanti u d-disponibbiltà ta’ informazzjoni statistika, pubblika jew superviżorja rilevanti oħra fl-Istati Membri.

2. Jekk id-dejta fuq investimenti f’titoli ma tiġix rapportata minnkustodji wara l-eżenzjoni mogħtija skont l-Artikolu 4(5)(a) tar-Regolament (UE) Nru 1011/2012 (BĊE/2012/24) u, jekk il-BĊNi jiksbu din id-dejta minn sorsi tad-dejta statistiċi jew superviżorji oħrajn, jew jekk jiġbruhom direttament minn investituri skont l-arranġamenti nazzjonali, il-BĊNi għandhom jieħdu l-miżuri li ġejjin:

(a)	jiżguraw li dawn is-sorsi huma allinjati b’mod suffiċjenti mal-kunċetti statistiċi u d-definizzjonijiet stabbiliti fir-Regolament (UE) Nru 1011/2012 (BĊE/2012/24);

(b)	jimmonitorjataw il-kwalità tad-dejta skont l-istandards statistiċi minimi preskritti fl-Anness III tar-Regolament (UE) Nru 1011/2012 (BĊE/2012/24);

(c)	jekk id-dejta rrapportata ma tissodisfax l-istandards ta’ kwalità msemmija fis-subparagrafu (b), għandha tiżdied il-kwalità ta’ din id-dejta, inkluż il-ġbir tad-dejta minn kustodji kif ipprovdut fl-Artikolu 4(10) u (11) tar-Regolament (UE) Nru 1011/2012 (BĊE/2012/24).

3. Barra minn dan, il-BĊNi għandhom jipprovdu tagħrif fuq tibdil sinjifikanti ieħor fil-volum, meta jkun disponibbli, kif iddefinit fil-Parti 3 tal-Anness II tar-Regolament (UE) Nru 1011/2012 (BĊE/2012/24).

Artikolu 6

Derogi

1. Il-BĊNi għandhom jinfurmaw lill-BĊE, tal-inqas darba fis-sena, bid-derogi mogħtija, imġedda jew irtirati mill-aġenti ta’ rrapportar għas-sena kalendarja ta’ wara, kif ukoll kwalunkwe rekwiżit ta’ rapportar ad hoc impost fuq aġenti ta’ rrapportar attwali li jkunu ngħataw deroga.

2. Il-BĊNi għandhom jivverifikaw regolarment, tal-inqas darba fis-sena, li jiġu ssodisfatti l-kundizzjonijiet stabbilit fl-Artikolu 4 tar-Regolament (UE) Nru 1011/2012 (BĊE/2012/24) għall-għoti, it-tiġdid jew l-irtirar ta’ kwalunkwe deroga.

Artikolu 7

Dejta ta’ riferenza fuq l-assi tal-karta tal-bilanċ konsolidata tal-gruppi ta’ rapportar

1. Il-Kunsill Governattiv tal-BĊE għandu jidentifika l-gruppi ta’ rrapportar kif stabbilit, u skont il-kriterji stabbiliti fl-Artikolu 2(4) tar-Regolament (UE) Nru 1011/2012 (BĊE/2012/24) fuq il-bażi tad-dejta tal-aħħar ta’ Diċembru li tikkorrespondi mas-sena kalendarja preċedenti pprovduta mill-BĊNi lill-BĊE (minn hawn ‘il quddiem id-“dejta ta’ referenza”) sabiex tinġabar statistika tas-SEBĊ fuq id-dejta bankarja għall-Istati Membri.

2. Sa Settembru ta’ kull sena, il-BĊE għandu jikkomunika lill-BĊNi d-data fis-sena ta’ wara sa meta l-BĊNi għandhom jittrażmettu d-dejta ta’ referenza. Din it-trażmissjoni għandha ssir fil-ħin sabiex tippermetti d-derivazzjoni tal-assi konsolidati totali tal-banek tal-Unjoni Ewropea f’Lulju ta’ kull sena.

Artikolu 8

Proċedura ta’ notifika lil kapijiet ta’ gruppi ta’ rapportar

1. Il-BĊNi għandhom, f’isem il-BĊN, jużaw il-galvu tal-ittra fl-Anness II (minn hawn ‘il quddiem l-‘ittra ta’ notifika’) biex jinnotifikaw lill-kapijiet ta’gruppi ta’ rapportar bid-deċiżjoni tal-Kunsill Governattiv skont l-Artikolu 2(4) tar-Regolament (UE) Nru 1011/2012 (BĊE/2012/24) tal-obbligi tar-rapportar tagħhom skont ir-Regolament. L-ittra ta’ notifika għandu jkollha l-kriterji li jiġġustifikaw il-klassifikazzjoni tal-entità notifikata bħala kap ta’ grupp ta’ rrapportar.

2. Il-BĊN rilevanti għandu jibgħat l-ittra ta’ notifika lill-kap ta’ grupp ta’ rrapportar fi żmien 10jiem tax-xogħol tal-BĊE wara d-data tad-deċiżjoni tal-Kunsill Governattiv, u jibgħat kopja ta’ dik l-ittra lis-Segretarjat tal-BĊE.

3. Il-proċedura deskritta fil-paragrafu 2 m’għandhiex tapplika għan-notifika ta‘ kapijiet tal-gruppi tar-rapportar, li ġew identifikati mill-Kunsill Governattiv bis-saħħa tal-Artikolu 2(4) tar-Regolament (UE) Nru 1011/2012 (BĊE/2012/24) qabel id-data li fiha tidħol fis-seħħ din il-Linja Gwida.

Artikolu 9

Proċedura ta’ reviżjoni mill-Kunsill Governattiv

1. Jekk kap ta’ grupp ta’ rapportar innotifikat skont l-Artikolu 8 jippreżenta, fi żmien15-il jum tax-xogħol tal-BĊE minn meta tiġi rċevuta din in-notifika, talba raġunata bil-miktub bl-informazzjoni ta’ appoġġ lill-BĊE rilevanti għar-reviżjoni tal-klassifika tiegħu bħala kap ta’ grupp ta’ rrapportar, il-BĊN rilevanti għandu jittrażmetti din t-talba lill-Kunsill Governattiv fi żmien 10 jiem tax-xogħol tal-BĊE.

2. Wara li tiġi rċevuta t-talba bil-miktub bis-saħħa tal-paragrafu 1, il-Kunsill Governattiv għandu jirrivedi l-klassifikazzjoni u jikkomunika d-deċiżjoni rraġunata tiegħu bil-miktub, fi żmien xahrejn minn meta tiġi rċevuta t-talba, lill-BĊN rilevanti, li għandu jinnotifika lill-kap tal-grupp ta’ rapportar bid-deċiżjoni tal-Kunsill Governattiv fi żmien 10 jiem tax-xogħol tal-BĊE.

Artikolu 10

Kooperazzjoni ma’ awtoritajiet kompetenti oħrajn minbarra l-BĊNi

1. Fejn id-dejta kollha deskritta fir-Regolament (UE) Nru 1011/2012 (BĊE/2012/24) jew parti minnha tista’ tinkiseb mill-awtoritajiet kompetenti minbarra l-BĊNi, il-BĊNi għandhom jistabbilixxu l-mekkaniżmi ta’ kooperazzjoni xierqa ma’ dawn l-awtoritajiet biex tiġi żgurata struttura permanenti biex tiġi rċevuta din id-dejta.

2. Il-BĊNi għandhom jiżguraw li d-dejta msemmija fil-paragrafu 1 tissodisfa l-istandards statistiċi minimi stabbiliti fl-Anness III tar-Regolament (UE) Nru 1011/2012 (BĊE/2012/24), kif ukoll kull rekwiżit ieħor stabbit fir-Regolament (UE) Nru 1011/2012 (BĊE/2012/24), qabel ma jittrażmettuha lill-BĊE skont l-Artikolu 3.

Artikolu 11

Verifika

1. Bla ħsara għad-drittijiet ta’ verifika tal-BĊE stabbiliti fir-Regolamenti (KE) Nru 2533/98 u (UE) Nru 1011/2012 (BĊE/2012/24), il-BĊNi għandhom jimmonitorjaw u jiżguraw il-kwalità u l-affidabbiltà tat-tagħrif statistiku disponibbli għall-BĊE u jikkooperaw mill-qrib mal-operaturi tas-Securities Holdings Statistics Database ([Database tal-Istatistika tal-Investimenti fit-Titoli] iktar ‘il quddiem l-‘SHSDB’) bħal parti mill-ġestjoni tal-kwalità tad-dejta komplessiva.

2. Il-BĊE għandu jevalwa din id-dejta b’mod simili, f’kooperazzjoni mill-qrib mal-operaturi tal-SHSDB. L-evalwazzjoni għandha titwettaq fil-ħin.

Artikolu 12

Standards ta’ trażmissjoni

Il-BĊNi għandhom jużaw l-ESCB-Net għat-trażmissjoni elettronika tat-tagħrif statistiku meħtieġ mill-BĊE. It-tagħrif statistiku għandu jkun disponibbli għall-BĊE skont l-istandards ta’ rapportar elettroniku stabbiliti separatament. Bla ħsara għall-kunsens minn qabel tal-BĊE, jistgħu jintużaw mezzi oħrajn għat-trażmissjoni tat-tagħrif statistiku.

Artikolu 13

Proċedura ssimplifikata għall-emendi

Filwaqt li jkunu kkunsidrati l-fehmiet tal-Kumitat tal-Istatistika tas-SEBĊ, il-Bord Eżekuttiv tal-BĊE jista’ jagħmel emendi tekniċi fl-annessi ta’ din il-Linja Gwida, sakemm dawn l-emendi la jibdlu l-qafas konċettwali sottostanti u lanqas jaffettwaw il-piż ta’ rapportar fuq l-aġenti ta’ rapportar. Il-Bord Eżekuttiv għandu jinforma lill-Kunsill Governattiv b’kull emenda bħal din mingħajr dewmien żejjed.

Artikolu 14

Dħul fis-seħħ u implimentazzjoni

Din il-Linja Gwida tidħol fis-seħħ fil-jum tan-notifika tagħha lill-BĊNi. Il-banek ċentrali tal-Eurosistema għandhom jikkonformaw mal-Artikoli 8 u 9 mid-data tan-notifika tal-Linja Gwida lill-BĊNi u mal-bqija tad-dispożizzjonijiet tal-Linja Gwida mill-1 ta’ Jannar 2014.

Artikolu 15

Indirizzati

Din il-Linja Gwida hija indirizzata lill-banek ċentrali kollha tal-Eurosistema.

Magħmul fi Frankfurt am Main, it-22 ta’ Marzu 2013.

Għall-Kunsill Governattiv tal-BĊE

Il-President tal-BĊE

Mario DRAGHI

(1) ĠU L 318, 27.11.1998, p. 8

(2) ĠU L 305, 1.11.2012, p. 6.

(3) KUMM(2010) 774 finali.

ANNESS I

SKEMI TA’ RAPPORTAR

PARTI 1

Investimenti f’titoli bis-settur bl-esklużjoni ta’ investimenti minn banek ċentrali nazzjonali

Tabella 1

Informazzjoni ġenerali u nota spjegattiva

Informazzjoni rrapportata (1)

Attribut

Status (2)

Deskrizzjoni

1.	Informazzjoni ġenerali

Istituzzjoni ta’ rapportar

Kodiċi ta’ identifikazzjoni għall-istituzzjoni ta’ rapportar

Data ta’ sottomissjoni

Data li fiha d-dejta tintbagħat lill-SHSDB

Perijodu ta’ referenza

Perijodu li għalih tirreferi d-dejta

Frekwenza tar-rapportar

Dejta trimestrali

Dejta ta’ kull xahar (3)

2.	Noti spjegattivi (metadata)

Trattament ta’ fidi bikri

Trattament ta’ imgħax akkumulat

Tabella 2

Tagħrif dwar investimenti f’ titoli

Informazzjoni rrapportata (4)	Attribut	Status (5)	Deskrizzjoni
Tagħrif dwar titoli	Settur tad-detentur	M	Settur/subsettur tal-investitur.
				Korporazzjonijiet mhux finanzjarji (S.11) (6)
				Korporazzjonijiet li jieħdu depożiti minbarra banek ċentrali (S.122)
				Fondi tas-swieq tal-flus (S.123)
				Fondi ta’ investiment mhux MMF (S.124)
				Korporazzjonijiet oħra finanzjarji (7) bl-esklużjoni ta’ korporazzjonijiet ta’ vetturi finanzjarji
				Korporazzjonijiet vetturi finanzjarji
				Korporazzjonijiet tal-assigurazzjoni (S.128)
				Fondi tal-pensjoni (S.129)
				Korporazzjonijiet tal-assigurazzjoni u fondi ta’ pensjonijiet (subsettur mhux identifikat) (S.128 + S.129) (perijodu tranzitorju)
				Gvern ċentrali (S.1311) (taqsim volontarju)
				Gvern tal-Istat (S.1312) (taqsim volontarju)
				Gvern lokali (S.1313) (taqsim volontarju)
				Fondi tas-sigurtà soċjali (S.1314) (taqsim volontarju)
				Gvern ġenerali ieħor (subsettur mhux identifikat)
				Djar bl-esklużjoni ta’ istituzzjonijiet mhux għall-profitt li jservu d-djar (S.14) (taqsim volontarju għal investituri residenti, obbligatorju għall-investimenti ta’ terzi)
				Istituzzjonijiet mhux għall-profitt li jservu d-djar (S.15) (taqsim volontarju)
				Djar oħrajn u istituzzjonijiet mhux għall-profitt li jservu djar (S.14 + S.15) (subsettur mhux identifikat)
				Investituri mhux finanzjarji bl-esklużjoni ta’ djar (għal investimenti ta’ terzi biss) (S.11 + S.13 + S.15) (8)
				Banek ċentrali u gvern ġenerali jiġu rrapportati biss għal investimenti minn pajjiżi mhux taż-żona tal-euro(S.121 + S.13) (9)
				Investituri li ma jkunux banek ċentrali u gvernijiet jiġu rrapportati biss għal investimenti minn pajjiżi mhux taż-żona tal-euro (9)
				Settur mhux magħruf (10)
	Pajjiż detentur	M	Pajjiż ta’ residenza tal-investitur
	Sors:	M	Sors tal-informazzjoni mibgħuta fuq l-investimenti ta’ titoli
				Rapportar dirett
				Rapportar tal-kustodju
				Rapportar imħallat (11)
				Mhux disponibbli
	Funzjoni	M	Funzjoni tal-investiment skont il-klassifika tal-istatistika tal-bilanċ tal-pagamenti
				Investiment dirett
				Investiment ta’ portafoll
				Mhux speċifikat
	Bażi ta’ rapportar	M/V (12)	Jindika kif inhu kkwotat it-titolu, bħala perċentwali jew f’unitajiet
				Perċentwali
				Unitajiet
	Munita nominali	V	Munita li fiha huwa ddenominat l-ISIN, irrapportat meta l-bażi tar-rapportar hija daqs il-perċentwali.
	Pożizzjonijiet	M	L-ammont totali tat-titoli miżmumin
				Fil-valur nominali (13) Numru ta’ ishma jew unitajiet ta’ titolu jew ammont nominali aggregat (f’munita nominali jew f’euro) jekk it-titolu jiġi nnegozjat f’ammonti pjuttost milli f’unitajiet, bl-esklużjoni ta’ imgħax aggregat
				Fil-valur tas-suq. Ammont miżmum fil-prezz ikkwotat fis-suq tal-euro, inkluż imgħax akkumulat (14)
	Pożizzjonijiet: li minnhom ammont	M (15)	Ammont ta’ titoli miżmumin mill-iktar żewġ investituri kbar
				Fil-valur nominali, skont l-istess metodu ta’ valutazzjoni bħala pożizzjonijiet
				Fil-valur tas-suq, skont l-istess metodu ta’ valutazzjoni bħala pożizzjonijiet
	Il-format	M (13)	Jispeċifika l-format użat għall-pożizzjonijiet fil-valur nominali
				Valur nominali f’euro jew munita rilevanti oħra
				Numru ta’ ishma/unitajiet (16)
	Tibdil ieħor fil-volum	M	Tibdil ieħor fl-ammont tat-titolu miżmum
				Fil-valur nominali fl-istess format bħall-pożizzjonijiet fil-valur nominali
				Fil-valur tas-suq f’euro
	Tibdil ieħor fil-volum: liema ammont	M (15)	Tibdil ieħor fil-volum fl-ammont miżmum miż-żewġ l-ikbar investituri
				Fil-valur nominali, skont l-istess metodu ta’ valutazzjoni bħala pożizzjonijiet
				Fil-valur tas-suq, skont l-istess metodu ta’ valutazzjoni bħala pożizzjonijiet
	Tranżazzjonijiet finanzjarji	M (17)	Total tax-xiri bil-bejgħ ta’ titoli mnaqqsa, irreġistrat fil-valur tat-tranżazzjoni f’euro inkluż imgħax akkumulat (18)
	Tranżazzjonijiet finanzjarji: ta’ liema ammont	M (15), (19)	Total tal-aktar żewġ tranżazzjonijiet kbar f’termini assoluti minn detenturi individwali, skont l-istess metodu ta’ valutazzjoni bħal tranżazzjonijiet finanzjarji
	Status ta’ konfidenzjalità	M (20)	Status ta’ konfidenzjalità għal pożizzjonijiet, tranżazzjonijiet, tibdil ieħor fil-volum
				Mhux għall-pubblikazzjoni, ristrett għall-użu intern biss
				Tagħrif statistiku kunfidenzjali
				Ma japplikax (21)

Tabella 3

Investimenti f’titoli b’kodiċi ISIN

Tagħrif rapportat (22)	Attribut	Status (23)	Deskrizzjoni
Dejta ta’ referenza:	Kodiċi ISIN	M	Kodiċi ISIN

Tabella 4

Investimenti f’titoli mingħajr kodiċi ISIN

Tagħrif rapportat (24)

Attribut

Status (25)

Deskrizzjoni

1.	Dejta ta’ referenza bażika

Marka ta’ aggregazzjoni

Tip ta’ dejta

Dejta rrapportata fuq bażi ta’ titolu b’titolu

Dejta aggregata (l-ebda titolu b’titolu)

Numru ta’ identifikazzjoni ta’ titoli/aggregati

Numru ta’ identifikazzjoni tat-titoli intern għal titoli mingħajr kodiċi ISIN u dejta aggregata fuq investimenti f’ titoli

Tip ta’ numru ta’ identifikazzjoni ta’ titoli

M (26)

Tispeċifika n-numru ta’ identifikazzjoni tat-titoli għal titoli rrapportati fuq bażi ta’ titolu b’titolu (27)

Numru intern tal-BĊN

CUSIP

SEDOL

oħrajn (jiġu speċifikati fil-metadata)

Klassifikazzjoni tal-istrument

Klassifikazzjoni tat-titolu skont ESA 2010 u r-Regolament (UE) Nru 1011/2012 (BĊE/2012/24)

Titoli ta’ dejn fuq perjodu ta’ żmien qasir (F.31)

Titoli ta’ dejn fuq perjodu ta’ żmien twil (F.32)

Ishma elenkati (F.511)

Ishma jew unitajiet ta’ fond ta’ investiment (F.52)

Tipi ta’ titoli oħrajn (28)

Settur tal-emittent

Settur istituzzjonali tal-emittent skont ESA 2010 u r-Regolament (UE) Nru 1011/2012 (BĊE/2012/24)

Pajjiż emittent

Pajjiż tal-inkorporazzjoni legali jew domiċilju tal-emittent tat-titolu

Valur tal-prezz (29)

Il-prezz tat-titolu fit-tmiem tal-perjodu ta’ referenza

Bażi tal-valur tal-prezz (29)

Bażi li fuqha jingħata l-valur tal-prezz

Euro jew munita rilevanti oħra

Perċentwali

2.	Dejta ta’ referenza addizzjonali

Isem tal-emittent

Isem qasir

Isem qasir tat-titolu mogħti mill-emittent, iddefinit skont il-karatterisitiċi tat-titolu u kull informazzjoni oħra disponibbli

Data tal-ħruġ

Id-data li fiha t-titoli jiġu kkonsenjati lis-sottoskrivent mill-emittent flimkien ma’ pagament. Din hija d-data meta t-titoli ikunu jistgħu jiġu kkonsenjati lil investituri għall-ewwel darba.

Data tal-maturità

Data meta l-istrument jinfeda

Ammont li għad irid jitħallas

Ammont li għad irid jitħallas ikkonvertit f’euro

Kapitalizzazzjoni tas-suq

L-aħħar kapitalizzazzjoni tas-suq f’euro disponibbli

Imgħax akkumulat

Imgħax akkumulat mill-aħħar pagament ta’ kupun jew mid-data li fiha beda jakkumula l-imgħax.

Fattur tal-aħħar split

Frazzjonamenti (splits) ta’ stokks u raggruppamenti (reverse splits) ta’ ishma

L-aħħar data tal-frazzjonament

Id-data li fiha l-frazzjonament tal-istokk isir effettiv.

Tip ta’ kupun

Tip ta’ kupun (fiss, varjabbli, imtarraġ eċċ)

Tip ta’ dejn

Tip ta’ strument ta’ dejn

Ammont tad-dividend

Ammont tal-aħħar pagament tad-dividend għal kull sehem bit-tip tal-ammont tad-dividend qabel it-taxxa (dividend gross)

Tip tal-ammont tad-dividend

Denominazzjoni jew f’munita tad-dividend jew numru ta’ ishma

Munita tad-dividend

Munita tal-aħħar ħlas ta’ dividend

Tip ta’ titolizzazzjoni tal-attiv

Tip ta’ attiv li bih issir titolizzazzjoni

PARTI 2

Investimenti f’titoli minn gruppi ta’ rapportar

Tabella 1

Tagħrif ġenerali u noti spjegattivi

Tagħrif rapportat (30)

Attribut

Status (31)

Deskrizzjoni

1.	Tagħrif ġenerali

Istituzzjoni ta’ rapportar

Kodiċi ta’ identifikazzjoni għall-istituzzjoni ta’ rapportar

Data ta’ sottomissjoni

Data meta d-dejta tintbagħat lill-SHSDB

Perijodu ta’ referenza

Perijodu li għalih tirreferi d-dejta

Frekwenza tar-rapportar

Dejta trimestrali

2.	Noti spjegattivi (metadata)

Trattament ta’ fidi bikri

Trattament ta’ imgħax akkumulat

Tabella 2

Tagħrif dwar investimenti f’ titoli

Informazzjoni rrapportata (32)	Attribut	Status (33)	Deskrizzjoni
Tagħrif dwar titoli	ID tal-grupp ta’ rapportar	M	ID tal-grupp ta’ rapportar (34)
	Residenza tal-entitajiet tal-grupp	V	Residenza tal-entitajiet tal-grupp, meta rrapportata separatament mill-uffiċċju ewlieni (35)
				Residenti fil-pajjiż tal-uffiċċju prinċipali
				Mhux residenti fil-pajjiż tal-uffiċċju prinċipali
				Jekk mhux residenti fil-pajjiż tal-uffiċċju prinċipali, residenti f’ pajjiżi oħrajn taż-żona tal-euro
				Jekk mhux residenti fil-pajjiż tal-uffiċċju prinċipali, residenti barra ż-żona tal-euro
	ID tal-entità	V	ID tal-entità tal-grupp (34)
	Pajjiż ta’ residenza tal-entità	V	Pajjiż tal-inkorporazzjoni legali jew domiċilju tal-entità
	Tip ta‘ grupp	M	Tip ta‘ grupp
				Grupp bankarju
	Bażi ta’ rapportar	M	Jindika kif inhu kkwotat it-titolu, bħala perċentwali jew f’unitajiet
				Perċentwali
				Unitajiet
	Munita nominali	V	Munita li fiha huwa ddenominat l-ISIN, irrapportat meta l-bażi tar-rapportar hija daqs il-perċentwali.
	Il-format	M (36)	Jispeċifika l-format użat għall-pożizzjonijiet fil-valur nominali
				Valur nominali f’euro jew munita rilevanti oħra
				Numru ta’ ishma/unitajiet (37)
	Pożizzjonijiet	M	L-ammont totali tat-titoli miżmumin
				Bil-valur nominali (36) Numru ta’ ishma jew unitajiet ta’ titolu jew ammont nominali aggregat (f’munita nominali jew euro) jekk it-titolu jiġi nnegozjat f’ammonti pjuttost milli f’unitajiet, bl-esklużjoni ta’ imgħax aggregat
				Fil-valur tas-suq. Ammont miżmum fil-prezz ikkwotat fis-suq tal-euro, inkluż imgħax akkumulat (38)
	Tibdil ieħor fil-volum	V	Tibdil ieħor fil-volum fl-ammont tat-titolu miżmum
				Fil-valur nominali fl-istess format bħall-pożizzjonijiet fil-valur nominali (36)
				Fil-valur tas-suq f’euro
	Tranżazzjonijiet finanzjarji	V	Total tax-xiri bil-bejgħ ta’ titoli mnaqqsa, irreġistrat fil-valur tat-tranżazzjoni f’euro inkluż imgħax akkumulat (38)
	L-emittent huwa parti mill-grupp ta’ rrapportar	V	Jindika jekk it-titolu nħariġx minn entità tal-istess grupp ta’ rapportar

Tabella 3

Investimenti f’titoli b’kodiċi ISIN

Tagħrif rapportat (39)	Attribut	Status (40)	Deskrizzjoni
Dejta ta’ referenza:	Kodiċi ISIN	M	Kodiċi ISIN

Tabella 4

Investimenti f’titoli mingħajr kodiċi ISIN

Tagħrif rapportat (41)

Attribut

Status (42)

Deskrizzjoni

1.	Dejta ta’ referenza bażika

Marka ta’ aggregazzjoni

Tip ta’ dejta

Dejta rrapportata fuq bażi ta’ titolu b’titolu

Dejta aggregata (l-ebda titolu b’titolu)

Numru ta’ identifikazzjoni tat-titoli

Numru ta’ identifikazzjoni tal-BĊN intern għal investimenti f’ titoli mingħajr kodiċi ISIN irrapportat fuq bażi ta’ titolu b’titolu, jew fuq bażi aggregata

Tip ta’ numru ta’ identifikazzjoni ta’ titoli

M (43)

Tispeċifika n-numru ta’ identifikazzjoni tat-titoli għal titoli rrapportati fuq bażi ta’ titolu b’titolu (44)

Numru intern tal-BĊN

CUSIP

SEDOL

oħrajn (45)

Klassifikazzjoni tal-istrument

Klassifikazzjoni tat-titolu skont ESA 2010 u r-Regolament (UE) Nru 1011/2012 (BĊE/2012/24)

Titoli ta’ dejn fuq perjodu ta’ żmien qasir

Titoli ta’ dejn fuq perjodu ta’ żmien twil

Ishma kkwotati

Ishma ta’ fondi ta’ investiment

Tipi ta’ titoli oħrajn (46)

Settur tal-emittent

Settur istituzzjonali tal-emittent skont ESA 2010 u r-Regolament (UE) Nru 1011/2012 (BĊE/2012/24)

Pajjiż emittent

Pajjiż tal-inkorporazzjoni legali jew domiċilju tal-emittent tat-titolu

Valur tal-prezz (47)

Il-prezz tat-titolu fit-tmiem tal-perjodu ta’ referenza

Bażi tal-valur tal-prezz (47)

Tispeċifika l-bażi li fuqha jingħata l-valur tal-prezz

Euro jew munita rilevanti oħra

Perċentwali

2.	Dejta ta’ referenza addizzjonali

Isem tal-emittent

Isem qasir

Isem qasir tat-titolu mogħti mill-emittent, iddefinit skont il-karatterisitiċi tat-titolu u kull informazzjoni oħra disponibbli

L-emittent huwa parti mill-grupp ta’ rrapportar

Jindika jekk it-titolu nħariġx minn entità tal-istess grupp ta’ rapportar għal titoli rrapportati fuq bażi ta’ titolu b’titolu

Data tal-ħruġ

Id-data li fiha t-titoli jiġu kkonsenjati lis-sottoskrivent mill-emittent flimkien ma’ pagament. Din hija d-data meta t-titoli ikunu jistgħu jiġu kkonsenjati lil investituri għall-ewwel darba.

Data tal-maturità

Data meta l-istrument ta’ dejn jinfeda

Ammont li għad irid jitħallas

Ammont li għad irid jitħallas ikkonvertit f’euro

Kapitalizzazzjoni tas-suq

L-aħħar kapitalizzazzjoni tas-suq f’euro disponibbli

Imgħax akkumulat

Imgħax akkumulat mill-aħħar pagament ta’ kupun jew mid-data li fiha beda jakkumula l-imgħax.

Fattur tal-aħħar split

Frazzjonamenti (splits) ta’ stokks u raggruppamenti (reverse splits) ta’ ishma

L-aħħar data tal-frazzjonament

Id-data li fiha l-frazzjonament tal-istokk isir effettiv.

Tip ta’ kupun

Tip ta’ kupun (fiss, varjabbli, imtarraġ eċċ)

Tip ta’ dejn

Tip ta’ strument ta’ dejn

Ammont tad-dividend

Ammont tal-aħħar pagament tad-dividend għal kull sehem bit-tip tal-ammont tad-dividend qabel it-taxxa (dividend gross)

Tip tal-ammont tad-dividend

Denominazzjoni jew f’munita tad-dividend jew numru ta’ ishma

Munita tad-dividend

Munita tal-aħħar ħlas ta’ dividend

Tip ta’ titolizzazzjoni tal-attiv

Tip ta’ attiv li bih issir titolizzazzjoni

(1) L-istandards ta’ rapportar elettroniċi huma stabbiliti separatament.

(2) M: attribut obbligatorju; V: attribut volontarju.

(3) Għall-pożizzjonijiet biss, jekk it-tranżazzjonijiet jirriżultaw minn posizzjonijiet ta’ kull xahar fl-SHSDB.

(4) L-istandards ta’ rapportar elettroniċi huma stabbiliti separatament.

(5) M: attribut obbligatorju; V: attribut volontarju.

(6) L-enumerazzjoni tal-kategoriji f’din il-Linja Gwida kollha tirrifletti l-enumerazzjoni introdotta fl-ESA 2010.

(7) Intermedjarji finanzjarji oħrajn (S.125) kif ukoll awżiljarji finanzjarji (S.126) flimkien ma’ istituzzjonijet finanzjarji kaptivi u selliefa tal-flus (S.127).

(8) Jekk is-setturi S.11, S.13 u S.15 ma jiġux irrapportati separatament biss.

(9) Għad-dejta rapportata minn banek ċentrali nazzjonali mhux taż-żona tal-euro, għar-rapportar tal-investimenti minn investuri mhux residenti biss.

(10) Resident ta‘ settur mhux allokat fil-pajjiż detentur; jiġifieri setturi mhux magħrufin ta’ pajjiżi mhux magħrufin m’għandhomx jiġu rrapportati. Il-BĊNi għandhom jinfurmaw lill-operaturi tal-SHSDB bir-raġuni għas-settur mhux magħruf, fil-każ ta’ valuri rilevanti statistikament.

(11) Jekk ma tistax issir dintinzjoni bejn ir-rapportar dirett u dak tal-kustodju biss.

(12) Obbligatorju għar-rapportar ta‘ titoli b’kodiċi ISIN; volontarju għar-rapportar ta’ titoli mingħajr kodiċi ISIN.

(13) Mhux irrapportat jekk il-valuri tas-suq (u t-tibdil rispettiv l-ieħor f’volum/tranżazzjonijiet) jiġu rrapportati

(14) Hija rrakkomandata l-inklużjoni tal-imgħax akkumulat, fuq bażi tal-aħjar sforz.

(15) Jekk BĊN jirrapporta status ta’ konfidenzjalità, dan l-attribut jista’ ma jiġix irrapportat. L-ammont jista’ jirreferi għall-ikbar investitur wieħed, minflok għall-iktar żewġ investituri kbar, taħt ir-responsabbiltà tal-BĊN li qed jirrapporta.

(16) Il-BĊNi huma mħeġġa biex jirrapportaw il-valur nominali f’numru ta’ unitajiet meta t-titoli huma kkwotati fis-CSDB.

(17) Jiġu rrapportati biss jekk it-tranżazzjonijiet ma jirriżultawx minn pożizzjonijiet fl-SHSDB.

(18) Hija rrakkomandata l-inklużjoni tal-imgħax akkumulat, fuq bażi tal-aħjar sforz.

(19) Jiġu rrapportati biss għal tranżazzjonijiet miġburin minn aġenti ta’ rapportar, mhux irrapportati għal tranżazzjonijiet ġejjin minn pożizzjonijiet minn BĊNi.

(20) Għandu jiġi rrapportat jekk l-ammont korrispondenti tal-aktar żewġ investituri kbar għal pożizzjonijiet, tranżazzjonijiet, tibdil ieħor fil-volum, rispettivament, ma jkunx disponibbli/ipprovdut.

(21) Jintuża biss jekk it-tranżazzjonijiet jiġu minn pożizzjonijiet mill-BĊNi. F’dawn il-każijiet l-istatus tal-konfidenzjalità jiġi mill-SHSDB, jiġifieri jekk il-pożizzjonijiet inizjali u/jew finali huma konfidenzjali, it-tranżazzjoni riżultanti hija mmarkata bħala konfidenzjali.

(22) L-istandards ta’ rapportar elettroniċi huma stabbiliti separatament.

(23) M: attribut obbligatorju; V: attribut volontarju.

(24) L-istandards ta’ rapportar elettroniċi huma stabbiliti separatament.

(25) M: attribut obbligatorju; V: attribut volontarju.

(26) Mhijiex meħtieġa għal titoli rrapportati fuq bażi aggregata.

(27) Il-BĊNi għandhom preferibbilment jużaw l-istess numru ta’ identifikazzjoni tat-titoli għal kull titolu fuq bosta snin. Barra minn dan, kull numru ta’ identifikazzjoni tat-titoli għandu jkun irrelatat ma’ titolu wieħed biss. Il-BĊNi għandhom jinfurmaw lill-operaturi tal-SHSDB jekk humiex f’pożizzjoni li jagħmlu dan. Kodiċijiet CUSIP u SEDOL jistgħu jiġu ttrattati bħala numri interni tal-BĊN.

(28) Dawn it-titoli ma jiġux inklużi fil-produzzjoni tal-aggregati.

(29) Għall-kalkolu pożizzjonijiet fil-valur tas-suq minn pożizzjonijiet fil-valur nominali.

(30) L-istandards ta’ rapportar elettroniku huma stabbiliti separatament.

(31) M: attribut obbligatorju; V: attribut volontarju.

(32) L-istandards ta’ rapportar elettroniċi huma stabbiliti separatament.

(33) M: attribut obbligatorju; V: attribut volontarju.

(34) L-identifikatur jiġi ddefinit separatament.

(35) Il-BĊNi jistgħu jirrapportaw skont erba’ għażliet alternattivi: (1) aggregati għall-entitjajiet kollha tal-grupp inkluż l-uffiċċju prinċipali; (2) aggregati għall-entitajiet residenti fil-pajjiż tal-uffiċċju prinċipali; u aggregati għall-entitajiet mhux residenti fil-pajjiż tal-uffiċċju prinċipali, rispettivament; (3) aggregati għal entitajiet residenti fil-pajjiż tal-uffiċċju prinċipali; aggregati għall-entitjaiet residenti f’pajjiż ieħor taż-żona tal-euro; aggregati għall-entitjajiet residenti barra miż-żona tal-euro; (4) entità b’entità.

(36) Mhux irapportat jekk il-valuri tas-suq huma rrapportati

(37) Il-BĊNi huma mħeġġa biex jirrapportaw il-valur nominali f’numru ta’ unitajiet meta t-titoli huma kkwotati fis-CSDB.

(38) Hija rrakkomandata l-inklużjoni tal-imgħax akkumulat, fuq bażi tal-aħjar sforz.

(39) L-istandards ta’ rapportar elettroniċi huma stabbiliti separatament.

(40) M: attribut obbligatorju; V: attribut volontarju.

(41) L-istandards ta’ rapportar elettroniċi huma stabbiliti separatament.

(42) M: attribut obbligatorju; V: attribut volontarju.

(43) Mhux meħtieġ għal titoli rrapportati fuq bażi agregata.

(44) Il-BĊNi għandhom preferibbilment jużaw l-istess numru ta’ identifikazzjoni tat-titoli għal kull titolu fuq bosta snin. Barra minn dan, kull numru ta’ identifikazzjoni tat-titoli għandu jkun relatat ma’ titolu wieħed biss. Il-BĊNi għandhom jinfurmaw lill-operaturi tal-SHSDB jekk humiex f’pożizzjoni li jagħmlu dan. Kodiċijiet CUSIP u SEDOL jistgħu jiġu ttrattati bħala numri interni tal-BĊN.

(45) Il-BĊNi għandhom jispeċifikaw fil-metadata t-tip ta’ numru identifikazzjoni użat.

(46) Dawn it-titoli ma jiġux inklużi fil-produzzjoni tal-aggregati.

(47) Għall-kalkolu pożizzjonijiet fil-valur tas-suq minn pożizzjonijiet f’valur nominali.

ANNESS II

ITTRA TA’ NOTIFIKA LIL KAPIJIET TAL-GRUPPI TA’ RAPPORTAR

Notifika tal-klassifikazzjoni bħala kap tal-grupp ta’ rapportar bis-saħħa tar-Regolament (UE) Nru 1011/2012 tal-Bank Ċentrali Ewropew tas-17 ta’ Ottubru 2012 dwar statistika fuq investimenti f’titoli (BĊE/2012/24) (1)

[Għażiż/a Sinjur/Sinjura]

Permezz tal-preżenti qegħdin ninnotifikawk, f’isem il-Bank Ċentrali Ewropew (BĊE), li [isem legali tal-kap tal-grupp ta’ rrapportar] ġie kklassifikat mill-Kunsill Governattiv tal-BĊE bħal l-kap tal-grupp ta’ rapportar għall-finijiet ta’ statistika, skont l-Artikoli 1(11) u 2(4) tar-Regolament (UE) Nru 1011/2012 (BĊE/2012/24).

L-obbligi tar-rapportar ta’ [isem legali tal-kap tal-grupp ta’ rrapportar] bħala l-kap ta’ grupp ta’ rrapportar huma stabbiliti fl-Artikolu 3(3) tar-Regolament (UE) Nru 1011/2012 (BĊE/2012/24).

Raġunijiet għall-klassifikazzjoni ta’ ‘kap ta’ grupp ta’ rapportar’

Il-Kunsill Governattiv iddetermina li [isem legali tal-kap tal-grupp ta’ rrapportar] jikkwalifika bħala l-kap ta’ grupp ta’ rapportar skont il-kriterji li ġejjin, skont ir-Regolament (UE) Nru 1011/2012 (BĊE/2012/24):

(a)	[isem legali tal-kap tal-grupp ta’ rrapportar] huwa l-kap ta’ grupp bankarju, kif iddefint fl-Artikolu 1(10)] tar-Regolament (UE) Nru 1011/2012 (BĊE/2012/24);

(b)

il-grupp bankarju li [isem legali tal-kap tal-grupp ta’ rrapportar] qed imexxi jissodisfa il-kriterji li ġejjin (2)

(i)

[l-assi tal-karta tal-bilanċ ikkonsolidata tal-grupp bankarju, ikkalkolati skont it-Taqsima 1 tal-Kapitoli 4 tat-Titolu V tad-Direttiva 2006/48/KE tal-Parlament Ewropew u tal-Kunsill tal- 14 ta’ Ġunju 2006 rigward il-bidu u l-eżerċizzju tan-negozju tal-istituzzjonijiet ta’ kreditu] (3), huwa ikbar minn 0,5 % tal-assi tal-karta tal-bilanċ kkonsolidata totali tal-gruppi bankarji tal-Unjoni Ewropea, skont id-dejta l-iktar riċenti rilevvanti disponibbli għall-BĊE, jiġifieri (a) dejta b’referenza għall-aħħar ta’ Diċembru tas-sena kalendarja li tippreċedi meta ntbagħtet din l-ittra ta’ notifika; jew (b) jekk id-dejta taħt (a) mhijiex disponibbli, dejta b’refrenza għall-aħħar ta’ Diċembru tas-sena ta’ qabel];

(ii)

[il-grupp bankarju huwa importanti għall-istabbiltà u l-funzjonament tas-sistema finanzjarja fiż-żona tal-euro għar-raġunijiet li ġejjin: [żid hawnhekk il-ġustifikazzjoni li tagħmel il-grupp bankarju importanti għall-istabbiltà u l-funzjonament tas-sistema finanzjarja fiż-żona tal-euro:

—	il-grupp bankarju huwa interkonness mill-qrib u estensivament ma’ istituzzjonijiet oħra fiż-żona tal-euro;

—	il-grupp bankarju għandu attività qawwija u estensiva transkonfinali;

—	l-attività tal-grupp bankarju hija fil-parti l-kbira kkonċentrata f’settur wieħed tan-negozju bankarju taż-żona tal-euro, li tiegħu huwa parteċipant ewlieni;

—	il-grupp bankrju għandu struttura korporattiva kumplessa li tmur lil hinn mit-territorju domestiku]];

(iii)

[il-grupp bankarju huwa importanti għall-istabbiltà u l-funzjonament tas-sistema finanzjarja [fiż-żona tal-euro rilevanti għar-raġunijiet li ġejjin: [żid hawnhekk il-ġustifikazzjoni li tagħmel il-grupp bankarju importanti għall-istabbiltà u l-funzjonament tas-sistema finanzjarja fiż-żona tal-euro:

—	il-grupp bankarju huwa interkonness mill-qrib u estensivament ma’ istituzzjonijiet oħra fit-territorju domestiku;

—	l-attività tal-grupp bankarju hija fil-parti l-kbira kkonċentrata [speċifika s-settur tan-negozju bankarju], li fih huwa parteċipant ewlieni domestiku]].

Sors ta’ tagħrif li jsostni l-klassifikazzjoni bħala ‘kap ta’ grupp ta’ rapportar’

Il-BĊE jieħu l-assi tal-karta tal-bilanċ ikkonsolidata totali tal-gruppi bankarji tal-Unjoni Ewropea fuq il-bażi tal-informazzjoni miġbura mill-banek ċentrali nazzjonali fuq il-karta tal-bilanċ ikkonsolidata tal-gruppi bankarji fl-Istat Membru rilevanti, ikkalkulata skont it-Taqsima 1 tal-Kapitolu 4 tat-Titolu V tad-Direttiva 2006/48/KE.

[Fejn ikun meħtieġ, għandhom jiġu inklużi hawnhekk iktar spjegazzjonijiet tal-metodoloġija applikata għall kwalunkwe kriterji ta’ inklużjoni addizzjonali miftiehem mill-Kunsill Governattiv.]

Oġġezzjonijiet u r-reviżjoni tal-Kunsill Governattiv

Kwalunkwe talba għal reviżjoni mill-Kunsill Governattiv tal-BĊE tal-klassifikazzjoni ta’ [isem legali tal-kap tal-grupp ta’ rrapportar] bħala kap tal-grupp ta’ rapportar bħala riżultat tal-ġustifikazzjonijiet msemmijin iktar ‘il fuq għandha tiġi indirizzata fi 15-il jum tax-xogħol tal-BĊE minn meta tiġi rċevuta din l-ittra lil [daħħal l-isem u l-indirizz tal-BĊN]. [isem legali tal-kap tal-grupp ta’ rrapportar] u għandha tinkludi r-raġunijiet għal din it-talba u kull tagħrif li jsostniha.

Data tal-bidu tal-obbligi ta’ rapportar

Fin-nuqqas ta’ kwalunkwe oġġezzjoni, [isem legali tal-kap tal-grupp ta’ rrapportar] għandu jirrapporta tagħrif statistiku skont l-Artikolu 3(3) tar-Regolament (UE) Nru 1011/2012 (BĊE/2012/24) minn [daħħal d-data tal-bidu għar-rapportar, jiġifieri mhx iktar tard minn sitt xhur wara li tintbagħat l-ittra].

Tibdil fl-istatus tal-entità nnotifikata

Qed tintalab tinforma lil [isem il-BĊN li qed jinnotifika] bi kwalunkwe bidla fl-isem jew forma legali, għaqda, ristrutturar u kwalunkwe ġrajja jew ċirkustanza oħra fil-[isem legali tal-kap tal-grupp ta’ rrapportar] li jistgħu jaffettwaw l-obbligi ta’ rapportar ta’ [isem legali tal-kap tal-grupp ta’ rrapportar], fi żmien 10 ijiem tax-xogħol tal-BĊE minn dak l-avveniment.

Minkejja li jkun seħħ dak l-avveniment, [isem legali tal-kap tal-grupp ta’ rrapportar] jibqa’ suġġett għall-obbligi ta‘ rapportar stipulati fir-Regolament (UE) Nru 1011/2012 (BĊE/2012/24) sakemm ninnotifikawk mod ieħor f’isem il-BĊE.

Dejjem tiegħek

[firma]

(1) ĠU L 305, 1.11.2012, p. 6.

(2) Daħħal il-krterji rilevanti li l-entità nnotifikata tissodisfa biex tikkwalifika bħala kap ta’ grupp ta’ rrapportar, kif deċiż mill-Kunsill Governattiv.

(3) ĠU L 239M, 10.9.2010, p. 1.

Top

Choose the experimental features you want to try