(a)

tnaqqis fin-nefqa farmaċewtika tal-anqas b’EUR 1 076 miljun, fl-2012;

(b)

tnaqqis fi ħlas għas-sahra lit-tobba fl-isptarijiet tal-anqas b’EUR 50 miljun fl-2012;

(c)

tnaqqis fl-akkwist ta’ materjal militari b’EUR 300 miljun (ħlasijiet u konsenji) fl-2012);

(d)

tnaqqis b’10 % fir-rimunerazzjoni ta’ persunal elett u relatat fil-livell lokali fl-2012 u tnaqqis fl-għadd ta’ viċi sindki u persunal assoċjat fl-2013 bil-għan li jiġu ffrankati tal-anqas EUR 9 miljun fl-2012 u EUR 28 miljun addizzjonali fl-2013;

(e)

tnaqqis fin-nefqa operazzjonali tal-gvern ċentrali, u nfiq relatat mal-elezzjonijiet, tal-anqas b’EUR 370 miljun (meta mqabbel mal-baġit tal-2012), li minnhom tal-anqas EUR 100 miljun f’nefqa operazzjonali b’rabta militari, u tal-anqas EUR 70 miljun f’infiq elettorali;

(f)

tnaqqis fin-nefqa operazzjonali mill-gvern lokali bil-għan li jiġu ffrankati tal-anqas EUR 50 miljun fl-2012;

(g)

tnaqqis f’sussidji lil residenti f’żoni remoti, u tnaqqis f’għotjiet lil diversi entitajiet taħt is-superviżjoni tal-ministeri, bl-għan li fl-2012 in-nefqa titnaqqas tal-anqas b’EUR 190 miljun;

(h)

tnaqqis fil-baġit tal-investiment pubbliku (PIB) b’EUR 400 miljun fl-2012. Dan it-tnaqqis fil-baġit tal-PIB mhuwa se jkollu l-ebda impatt fuq proġetti li huma kkofinanzjati mill-fondi strutturali (inklużi l-proġetti TEN-T);

(i)

bidliet f’fondi ta’ pensjonijiet supplementari u f’fondi ta’ pensjonijiet b’pensjonijiet medji elevati jew li jirċievu sussidji għoljin mill-baġit, u tnaqqis f’pensjonijiet għoljin oħra, bl-għan li jiġu ffrankati tal-anqas EUR 450 miljun fl-2012 (netti wara li jitqies l-impatt fuq it-taxxi u l-kontribuzzjonijiet soċjali);

(j)

tnaqqis fil-benefiċċji lill-familji għal dawk l-unitajiet domestiċi li għandhom introjtu għoli, bl-għan li jiġu ffrankati EUR 43 miljun fl-2012;

(k)

deċiżjonijiet ministerjali biex tiġi kkompletata l-implimentazzjoni sħiħa tal-istruttura l-ġdida tal-pagi fl-entitajiet pertinenti kollha, u l-leġiżlazzjoni dwar il-modalitajiet għall-irkupru tal-pagi mħallsa żejda minn Novembru 2011.

(l)

l-emenda tal-Artikolu 3 u 21 tal-Liġi 4038/2012 sabiex jiġu riveduti l-kundizzjonijiet biex jiġu estiżi l-pjanijiet tal-ħlasijiet akkont ta’ taxxi u kontribuzzjonijiet soċjali dovuti: il-pjanijiet tal-ħlasijiet akkont se japplikaw biss għall-ammonti eżistenti dovuti taħt EUR 10 000 għall-individwi u EUR 75 000 għall-korporazzjonijiet. Il-kontribwenti li japplikaw għal pjan estiż ta’ ħlasijiet akkont għandhom jiżvelaw id-dikjarazzjonijiet finanzjarji kollha tagħhom lill-awtoritajiet tat-taxxi.

(m)

liġi ta’ qafas, b’reviżjoni profonda tal-funzjonament tal-fondi tal-pensjonijiet pubbliċi sekondarji/supplementari bl-għan li tiġi stabbilizzata n-nefqa tal-pensjonijiet, tiġi ggarantita n-newtralità baġitarja ta’ dawn l-iskemi, u tiġi żgurata s-sostenibbiltà tas-sistema fuq perjodu ta’ żmien medju u twil.”.

(a)

il-punti (a) u (b) għandhom jinbidlu b’dan li ġej:

(b)

jiżdiedu l-punti li ġejjin:

“(a)

il-finalizzazzjoni tal-analiżi tal-programmi tal-infiq pubbliku. Din l-analiżi għandha tissejjes fuq assistenza teknika esterna u tiffoka fuq il-pensjonijiet u t-trasferimenti soċjali (b’mod li jippreserva l-protezzjoni soċjali bażika), infiq fuq id-difiża mingħajr preġudizzju għall-kapaċità tad-difiża tal-pajjiż u r-ristrutturar tal-amministrazzjonijiet ċentrali u lokali; razzjonalizzazzjoni ulterjuri tal-infiq farmaċewtiku u operazzjonali tal-isptarijiet, u tal-benefiċċji soċjali fi flus, se jiġu speċifikati wkoll;

(b)

l-adozzjoni ta’ riforma fit-taxxi li tissimplifika s-sistema tat-taxxi, telimina l-eżenzjonijiet u l-iskemi preferenzjali, li tinkludi t-twessigħ tal-bażijiet, biex b’hekk tippermetti tnaqqis gradwali fir-rati tat-taxxi hekk kif il-prestazzjoni tad-dħul titjieb. Din ir-riforma hija relatata mat-taxxi fuq id-dħul personali, it-taxxi fuq id-dħul korporattivi u l-VAT, it-taxxi fuq il-proprjetajiet, kif ukoll il-kontribuzzjonijiet soċjali, u se żżomm il-piż relattiv tat-taxxi mit-taxxi indiretti;

(c)

ir-reviżjoni tal-valuri legali tal-beni immobbli biex jiġu allinjati aħjar mal-prezzijiet tas-suq;

(d)

id-diskontinwazzjoni tal-ħlasijiet fi flus u f’ċekkijiet fl-uffiċċji tat-taxxi li għandhom jinbidlu bit-trasferimenti bankarji, sabiex il-persunal jinħeles biex jiffoka fuq xogħol ta’ valur miżjud akbar (awditjar, infurzar tal-ġbir u l-għoti ta’ pariri lill-kontribwenti);

(e)

tnaqqis ta’ medja ta’ 12 % fil-“pagi speċjali” tas-settur pubbliku, li għalihom l-istruttura l-ġdida tal-pagi ma tapplikax. Dan se japplika mill-1 ta’ Lulju 2012 u se jirriżulta f’iffrankar ta’ mill-anqas EUR 205 miljun (netti wara li jitqies l-impatt fuq it-taxxi u l-kontribuzzjonijiet soċjali);

(f)

deċiżjonijiet biex isir provvediment għar-Regolament ta’ Implimentazzjoni tal-AUAP; l-AUAP tibda topera biex tissodisfa l-mandat, l-għanijiet, il-kompetenzi u s-setgħat tagħha kif iddefiniti fil-liġi dwar l-AUAP u l-Pjan ta’ Azzjoni maqbul mal-Kummissjoni Ewropea f’Novembru 2010.”.

(a)

abbozz ta’ baġit għall-2013 skont il-mira ta’ surplus primarju stabbilit fl-Artikolu 1(2);

(b)

regoli u proċeduri għal kuntratti ta’ akkwist/qafas ċentralizzati għal provvisti jew servizzi li jiġu akkwistati ta’ spiss fil-livell tal-gvern ċentrali bl-obbligu għall-ministeri u l-korpi tal-gvern ċentrali li r-rifornimenti jsiru skont dawn il-kuntratti u użu fakultattiv għall-entitajiet reġjonali.

(a)

l-adozzjoni finali tal-baġit għall-2013 skont il-mira ta’ surplus primarju stabbilita fl-Artikolu 1(2);

(b)

leġiżlazzjoni li tissimplifika l-proċedura għas-sottomissjoni u l-approvazzjoni tal-baġits supplementari.”.