Edizzjoni speċjali bil-Kroat: Kapitolu 02 Volum 018 P. 182 - 184
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32011R1272
Commission Implementing Regulation (EU) No 1272/2011 of 5 December 2011 concerning the classification of certain goods in the Combined Nomenclature
Regolament ta’ Implimentazzjoni tal-Kummissjoni (UE) Nru 1272/2011 tal- 5 ta' Diċembru 2011 dwar il-klassifikazzjoni ta’ ċerti prodotti fin-Nomenklatura Magħquda
Regolament ta’ Implimentazzjoni tal-Kummissjoni (UE) Nru 1272/2011 tal- 5 ta' Diċembru 2011 dwar il-klassifikazzjoni ta’ ċerti prodotti fin-Nomenklatura Magħquda
ĠU L 325, 8.12.2011, p. 3–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
8.12.2011 |
MT |
Il-Ġurnal Uffiċjali tal-Unjoni Ewropea |
L 325/3 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1272/2011
tal-5 ta' Diċembru 2011
dwar il-klassifikazzjoni ta’ ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (1), u speċjalment Artikolu 9(1)(a) tiegħu,
Billi:
|
(1) |
Sabiex tiġi żgurata applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta’ dan ir-Regolament. |
|
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi, fuqha, jew li żżid kwalunkwe suddiviżjoni magħha u li hija stabbilita minn dispożizzjonijiet speċifiċi tal-Unjoni, bil-għan li jiġu applikati tariffi u miżuri oħra relatati mal-kummerċ ta’ prodotti. |
|
(3) |
Skont dawk ir-regoli ġenerali, il-prodotti msemmija fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella. |
|
(4) |
Huwa xieraq li jkun stipulat li tagħrif tariffarju vinkolanti u li jkun inħareġ mill-awtoritajiet doganali tal-Istati Membri, li hu marbut mal-klassifikazzjoni tal-prodotti fin-Nomenklatura Magħquda, iżda li mhuwiex skont dan ir-Regolament jista’, għal perjodu ta’ tliet xhur, ikompli jkun invokat mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (2). |
|
(5) |
Il-miżuri msemmija f’dan ir-Regolament huma konformi mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella kif imniżżla fl-Anness għandhom ikunu klassifikati fin-Nomenklatura Magħquda taħt il-kodiċi NM indikat fil-kolonna (2) ta’ dik it-tabella.
Artikolu 2
Tagħrif tariffarju vinkolanti maħruġ mill-awtoritajiet doganali tal-Istati Membri, li ma jikkonformax ma’ dan ir-Regolament, jista’ jibqa’ jiġi invokat għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Diċembru 2011.
Għall-Kummissjoni, f'isem il-President,
Algirdas ŠEMETA
Membru tal-Kummissjoni
(2) ĠU L 302, 19.10.1992, p. 1.
ANNESS
|
Deskrizzjoni tal-prodotti |
Klassifikazzjoni Kodiċi NM |
Raġunijiet |
||
|
(1) |
(2) |
(3) |
||
|
3302 90 90 |
Il-klassifikazzjoni hija ddeterminata mir-Regoli Ġenerali 1, 3(a) u 6 għall-interpretazzjoni tan-Nomenklatura Magħquda, min-Nota 1 tal-Kapitolu 23, min-Nota 2 tal-Kapitolu 33 u mill-kliem tal-kodiċi NM 3302 , 3302 90 u 3302 90 90 . Il-prodott jikkonsisti f’sustanzi fragranti fi ħdan is-sens tan-Nota 2 tal-Kapitolu 33. Għalkemm il-prodott huwa maħsub li jkun użat fl-għalf tal-annimali bħala taħlita minn qabel ta’ sustanzi li jiftħu l-aptit, żamm il-karatteristiċi meħtieġa tal-materjal oriġinali (sustanzi fragranti). Il-klassifikazzjoni taħt l-intestatura 2309 bħala preparazzjoni użata fl-għalf tal-annimali hija eskluża skont in-Nota 1 tal-Kapitolu 23. Peress li l-prodott għandu jiġi kkunsidrat bħala taħlita ta’ sustanza fragranti waħda jew aktar imħallta ma’ ġarrier miżjud, taqa’ taħt l-intestatura 3302 (ara wkoll l-ewwel paragrafu, punt (6), tan-Noti ta’ Spjega tas-Sistema Armonizzata (Harmonized System Explanatory Notes, HSEN) tal-intestatura 3302 ) Għaldaqstant għandu jiġi kklassifikat taħt il-kodiċi NM 3302 90 90 . |
||
|
3302 90 90 |
Il-klassifikazzjoni hija ddeterminata mir-Regoli Ġenerali 1, 3(a) u 6 għall-interpretazzjoni tan-Nomenklatura Magħquda, min-Nota 1 tal-Kapitolu 23, min-Nota 2 tal-Kapitolu 33 u mill-kliem tal-kodiċi NM 3302 , 3302 90 u 3302 90 90 . Il-prodott jikkonsisti f’sustanza fragranti fi ħdan is-sens tan-Nota 2 tal-Kapitolu 33. Għalkemm il-prodott huwa maħsub li jkun użat fl-għalf tal-annimali bħala taħlita minn qabel ta’ sustanzi li jiftħu l-aptit, żamm il-karatteristiċi meħtieġa tal-materjal oriġinali (sustanzi fragranti). Il-klassifikazzjoni taħt l-intestatura 2309 bħala preparazzjoni użata fl-għalf tal-annimali hija eskluża skont in-Nota 1 tal-Kapitolu 23. Peress li l-prodott għandu jiġi kkunsidrat bħala taħlita ta’ sustanza fragranti waħda jew aktar mħallta ma’ ġarrier miżjud, taqa’ taħt l-intestatura 3302 (ara wkoll l-ewwel paragrafu, punt (6), tan-Noti ta’ Spjega tas-Sistema Armonizzata (Harmonized System Explanatory Notes, HSEN) tal-intestatura 3302 ) Għaldaqstant għandu jiġi kklassifikat taħt il-kodiċi NM 3302 90 90 . |
||
|
3302 90 90 |
Il-klassifikazzjoni hija ddeterminata mir-Regoli Ġenerali 1, 3(a) u 6 għall-interpretazzjoni tan-Nomenklatura Magħquda, min-Nota 1 tal-Kapitolu 23, min-Nota 2 tal-Kapitolu 33 u mill-kliem tal-kodiċi NM 3302 , 3302 90 u 3302 90 90 . Il-prodotti jikkonsistu f’sustanzi fragranti fi ħdan is-sens tan-Nota 2 tal-Kapitolu 33. Għalkemm il-prodott huwa maħsub li jkun użat fl-għalf tal-annimali bħala taħlita minn qabel ta’ sustanzi li jiftħu l-aptit, żamm il-karatteristiċi meħtieġa tal-materjal oriġinali (sustanzi fragranti). Il-klassifikazzjoni taħt l-intestatura 2309 bħala preparazzjoni użata fl-għalf tal-annimali hija eskluża skont in-Nota 1 tal-Kapitolu 23. Peress li l-prodott għandu jiġi kkunsidrat bħala taħlita ta’ sustanza fragranti waħda jew aktar mħallta ma’ ġarrier miżjud, taqa’ taħt l-intestatura 3302 (ara wkoll l-ewwel paragrafu, punt (6), tan-Noti ta’ Spjega tas-Sistema Armonizzata (Harmonized System Explanatory Notes, HSEN) tal-intestatura 3302 ) Għaldaqstant għandu jiġi kklassifikat taħt il-kodiċi NM 3302 90 90 . |