Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32011R1011

Regolament tal-Kunsill (UE) Nru 1011/2011 tat- 13 ta' Ottubru 2011 li jemenda r-Regolament (UE) Nru 442/2011 dwar miżuri ristrettivi fid-dawl tas-sitwazzjoni fis-Sirja

ĠU L 269, 14.10.2011, p. 18–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 18/01/2012; Imħassar b' 32012R0036

ELI: http://data.europa.eu/eli/reg/2011/1011/oj

14.10.2011   

MT

Il-Ġurnal Uffiċjali tal-Unjoni Ewropea

L 269/18

REGOLAMENT TAL-KUNSILL (UE) Nru 1011/2011

tat-13 ta' Ottubru 2011

li jemenda r-Regolament (UE) Nru 442/2011 dwar miżuri ristrettivi fid-dawl tas-sitwazzjoni fis-Sirja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2011/273/PESK dwar miżuri restrittivi kontra s-Sirja (1),

Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u l-Kummissjoni Ewropea,

Billi:

(1)

Fid-9 ta’ Mejju 2011, il-Kunsill adotta r-Regolament (UE) Nru 442/2011 (2) dwar miżuri ristrettivi fid-dawl tas-sitwazzjoni fis-Sirja.

(2)

Fit-2 ta’ Settembru 2011 (3), il-Kunsill emenda r-Regolament (UE) Nru 442/2011 biex jestendi l-miżuri kontra s-Sirja, inkluża espansjoni tal-kriterji tal-elenkar, u projbizzjoni fuq ix-xiri, l-importazzjoni jew it-trasportazzjoni taż-żejt mhux maħdum mis-Sirja. Fit-23 ta’ Settembru 2011 (4) il-Kunsill reġa’ emenda r-Regolament (UE) Nru 442/2011 biex jestendi aktar il-miżuri kontra s-Sirja, biex jinkludi projbizzjoni fuq l-investiment fis-settur taż-żejt mhux maħdum, iż-żieda ta’ aktar elenkar, u projbizzjoni fuq twassil ta’ flus tal-karta u muniti lill-Bank Ċentrali tas-Sirja.

(3)

Id-Deċiżjoni tal-Kunsill 2011/684/PESK (5) li temenda d-Deċiżjoni 2011/273/PESK tipprevedi miżura addizzjonali, jiġifieri l-elenkar ta’ entità oħra, flimkien ma’ deroga li tippermetti għal perjodu limitat, l-użu tal-fondi ffriżati rċevuti sussegwentement minn dik l-entità b’konnessjoni mal-iffinanzjar ta’ kummerċ ma’ persuni jew entitajiet mhux magħżulin.

(4)

Dik il-miżura taqa’ fl-ambitu tat-Trattat dwar il-Funzjonament tal-Unjoni Ewropea u, għalhekk azzjoni regolatorja fil-livell tal-Unjoni hija meħtieġa sabiex tiġi implimentata, partikolarment bil-ħsieb li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha.

(5)

Sabiex jiġi garantit li l-miżura prevista f’dan ir-Regolament tkun effettiva, dan ir-Regolament irid jidħol fis-seħħ minnufih mal-pubblikazzjoni tiegħu,

ADOTTA DAN IR-REGOLAMENT:

Artikolu 1

Ir-Regolament (UE) Nru 442/2011 huwa b’dan emendat kif ġej:

(1)

fl-Artikoli 4(1), 4(2), 5(2) u 5(3) u l-punt (a) tal-Artikolu 6, il-kliem “Anness II” għandhom jiġu sostitwiti bil-kliem “Annessi II u IIa.”;

(2)

fil-punti (a) u (c) tal-Artikolu 7 u fl-Artikoli 9 u 14(1) il-kliem “Anness II” għandhom jiġu sostitwiti bil-kliem “Anness II jew Anness IIa”;

(3)

fl-Artikolu 5, il-paragrafu 1 huwa sostitwit b’dan li ġej:

“1.   L-Annessi II u IIa għandhom jikkonsistu f’dan li ġej:

(a)

L-Anness II għandu jikkonsisti minn elenku ta’ persuni fiżiċi jew ġuridiċi, entitajiet u korpi li, f’konformità mal-Artikolu 4(1) tad-Deċiżjoni 2011/273/PESK ikunu ġew identifikati mill-Kunsill bħala persuni u entitajiet responsabbli għar-ripressjoni vjolenti kontra l-popolazzjoni ċivili fis-Sirja, persuni u entitajiet li jibbenefikaw minn jew isostnu lir-reġim, u persuni fiżiċi jew ġuridiċi u entitajiet assoċjati magħhom, u li għalihom m’għandux japplika l-Artikolu 9a.

(b)

L-Anness IIa għandu jikkonsisti minn elenku ta’ entitajiet li, f’konformità mal-Artikolu 4(1) tad-Deċiżjoni 2011/273/PESK, ġew identifikati mill-Kunsill bħala entitajiet assoċjati ma’ persuni jew entitajiet responsabbli għar-ripressjoni vjolenti kontra l-popolazzjoni ċivili fis-Sirja, jew ma’ persuni u entitajiet li jibbenefikaw minn jew isostnu lir-reġim, u li għalihom għandu japplika l-Artikolu 9a.”

(4)

Fl-Artikolu 14, il-paragrafu 4 huwa sostitwit b’dan li ġej:

“4.   Il-listi fl-Annessi II u IIa għandhom jiġu riveduti f’intervalli regolari u tal-inqas kull 12-il xahar.”;

(5)

jiddaħħal l-Artikolu li ġej:

“Artikolu 9a

Permezz ta’ deroga mill-Artikolu 4(1), entità elenkata fl-Anness IIa tista’, għal perjodu ta’ xahrejn mid-data li fiha hija tkun ġiet identifikata, tagħmel pagament mill-fondi ffriżati jew mir-riżorsi ekonomiċi li din l-entità tkun irċeviet wara d-data li fiha hija ġiet identifikata, sakemm:

(a)

tali pagament ikun dovut b’riżultat ta’ kuntratt ta’ negozju; u

(b)

l-awtorità kompetenti tal-Istat Membru relevanti tkun iddeterminat li l-pagament ma jkunux se jirċevuh, direttament jew indirettament, persuna jew entità elenkata fl-Anness II jew fl-Anness IIa.”.

Artikolu 2

L-Anness II għar-Regolament (UE) Nru 442/2001 huwa b’dan emendat kif stabbilit fl-Anness II għal dan ir-Regolament.

Artikolu 3

It-test tal-Anness I għal dan ir-Regolament għandu jiġi inserit bħala l-Anness IIa għar-Regolament (UE) Nru 442/2011.

Artikolu 4

It-test tal-Anness IV għar-Regolament (UE) Nru 442/2011 huwa b’dan sostitwit bl-Anness III għal dan ir-Regolament.

Artikolu 5

Dan ir-Regolament jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Ottubru 2011.

Għall-Kunsill

Il-President

M. DOWGIELEWICZ

(1)  ĠU L 121, 10.5.2011, p. 11.

(2)  ĠU L 121, 10.5.2011, p. 1

(3)  Ir-Regolament tal-Kunsill (UE) Nru 878/2011 (ĠU L 228, 3.9.2011, p. 1).

(4)  Ir-Regolament tal-Kunsill (UE) Nru 950/2011, (ĠU L 247, 24.9.2011, p. 3).

(5)  Ara paġna 33 ta' dan il-Ġurnal Uffiċjali.

ANNESS I

“ANNESS IIa

Lista ta’ entitajiet imsemmija fl-Artikoli 4 u 5

Entitajiet

 

Isem

Informazzjoni ta’ identifikazzjoni

Raġunijiet

Data ta’ inklużjoni fil-lista

1.

Commercial Bank of Syria

—

Damascus Branch, P.O. Box 2231, Moawiya St., Damascus, Sirja;- P.O. Box 933, Yousef Azmeh Square, Damascus, Sirja;

—

Aleppo Branch, P.O. Box 2, Kastel Hajjarin St., Aleppo, Sirja;

SWIFT/BIC CMSY SY DA; l-uffiċċji kollha fid-dinja

Sit web: http://cbs-bank.sy/En-index.php

Tel: +963 11 2218890

Fax: +963 11 2216975

amministrazzjoni ġenerali: dir.cbs@mail.sy

Bank tal-istat li jipprovdi appoġġ finanzjarju lir-reġim.

13.10.2011”

ANNESS II

Fl-Anness II tar-Regolament (UE) Nru 442/2011, l-entrati għal Emad GHRAIWATI, Tarif AKHRAS u Issam ANBOUBA huma sostitwiti b’dawn l-entrati:

“Isem

Informazzjoni ta’ identifikazzjoni (id-data tat-twelid, il-post tat-twelid …)

Raġunijiet

Data tal-elenkar

Emad GHRAIWATI

Data tat-twelid Marzu 1959;

Post tat-twelid: Damasku, is-Sirja;

President tal-Kamra tal-Industrija ta’ Damasku (Zuhair Ghraiwati Sons). Jappoġġja ekonomikament lir-reġim Sirjan.

2.9.2011

Tarif AKHRAS

Data tat-twelid 1949;

Post tat-twelid: Ħoms, is-Sirja

Fundatur tal-Akhras Group (prodotti, kummerċ, ipproċessar u loġistika), Ħoms. Jappoġġja ekonomikament lir-reġim Sirjan.

2.9.2011

Issam ANBOUBA

Data tat-twelid 1949;

Post tat-twelid: Lattakja, is-Sirja

President tal-Issam Anbouba Est. għall-agroindustrija. Jappoġġja ekonomikament lir-reġim Sirjan.

2.9.2011”

ANNESS III

“ANNESS IV

Lista tal-Prodotti taż-Żejt Mhux Raffinat

Kodiċi tas-SA

Deskrizzjoni

2709 00

Żjut miż-żejt mhux raffinat u żjut miksubin minn minerali bituminużi, mhux raffinati:

2710

Żjut miż-żejt mhux raffinat u żjut miksuba minn minerali bituminużi, għajr dawk mhux raffinati; preparazzjonijiet mhux speċifikati jew inklużi xi mkien ieħor, li skont il-piż ikunu 70 % jew aktar ta’ żjut taż-żejt mhux raffinat jew ta’ żjut miksuba minn minerali bituminużi, fejn dawn iż-żjut ikunu l-kostitwenti bażiċi tal-preparazzjonijiet; skart taż-żjut (ħlief għax-xiri fis-Sirja, ta’ pitrolju, fjuwil tal-avjazzjoni kodiċi NM 2710 19 21 li mhuwiex projbit, sakemm ikun hemm l-intenzjoni, u jkun se jiġi użat biss, għall-iskop li l-ajruplan mgħobbi bih ikompli f’titjirtu).

2712

Vażelina; xema’ tal-paraffina, xema’ mikrokristallina taż-żejt, xema’ nofsha raffinata b’kontenut għoli ta’ żejt (slack wax), ożokerit, ix-xema’ tal-linjite, ix-xema’ tal-pit, xemgħat oħra minerali u prodotti simili miksuba permezz ta’ sinteżi jew permezz ta’ proċessi oħrajn kemm jekk ikkuluriti kif ukoll jekk mhumiex.

2713

Kokk taż-żejt mhux raffinat, qatran taż-żejt mhux raffinat u fdalijiet oħrajn ta’ żjut miż-żejt mhux raffinat jew ta’ żjut miksubin minn minerali bituminużi.

2714

Bitum u asfalt, naturali; shale tal-bitum jew taż-żejt u ramel taż-żift; asfaltiti u blat tal-asfalt.

2715 00 00

Taħlitiet bituminużi bbażati fuq asfalt naturali, fuq bitum naturali, fuq bitum taż-żejt mhux raffinat, fuq żift minerali jew żift tal-qatran minerali (pereżempju, gomom bituminużi, cut-backs).”
Top