EUR-Lex Access to European Union law
This document is an excerpt from the EUR-Lex website
Document 32010R0589
Commission Regulation (EU) No 589/2010 of 5 July 2010 amending Council Regulation (EU) No 53/2010 as regards catch limits for the fisheries on sandeel in EU waters of IIIa and EU waters of IIa and IV
Regolament tal-Kummissjoni (UE) Nru 589/2010 tal- 5 ta’ Lulju 2010 li jemenda r-Regolament tal-Kunsill (UE) Nru 53/2010 fir-rigward tal-limiti ta’ qbid għas-sajd taċ-ċiċċirell fl-ilmijiet tal-UE ta’ IIIa u fl-ilmijiet tal-UE ta’ IIa u IV
Regolament tal-Kummissjoni (UE) Nru 589/2010 tal- 5 ta’ Lulju 2010 li jemenda r-Regolament tal-Kunsill (UE) Nru 53/2010 fir-rigward tal-limiti ta’ qbid għas-sajd taċ-ċiċċirell fl-ilmijiet tal-UE ta’ IIIa u fl-ilmijiet tal-UE ta’ IIa u IV
ĠU L 170, 6.7.2010, p. 7–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
6.7.2010 |
MT |
Il-Ġurnal Uffiċjali tal-Unjoni Ewropea |
L 170/7 |
REGOLAMENT TAL-KUMMISSJONI (UE) Nru 589/2010
tal-5 ta’ Lulju 2010
li jemenda r-Regolament tal-Kunsill (UE) Nru 53/2010 fir-rigward tal-limiti ta’ qbid għas-sajd taċ-ċiċċirell fl-ilmijiet tal-UE ta’ IIIa u fl-ilmijiet tal-UE ta’ IIa u IV
IL-KUMMISSJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (UE) Nru 53/2010 tat-14 ta’ Jannar 2010 li jistabbilixxi għall-2010 l-opportunitajiet ta’ sajd għal ċerti stokkijiet ta’ ħut u gruppi ta’ stokkijiet ta’ ħut, applikabbli fl-ilmijiet tal-UE u, għall-bastimenti tal-UE, f’ilmijiet fejn huma meħtieġa limiti ta’ qbid (1), u b’mod partikolari l-Artikolu 5(3) tiegħu;
Billi:
(1) |
Il-limiti ta’ qbid għaċ-ċiċċirell fiż-żoni IIa u IV tal-ICES huma stipulati fl-Anness IA għar-Regolament (UE) Nru 53/2010. |
(2) |
Skont il-punt 6 tal-Anness IID għar-Regolament (UE) Nru 53/2010, il-Kummissjoni għandha tirrevedi l-qbid massimu permissibbli (TAC) u l-kwoti għall-2010 għaċ-ċiċċirell f’dawk iż-żoni, abbażi tal-pariri tal-Kunsill Internazzjonali għall-Esplorazzjoni tal-Ibħra (ICES) u l-Kumitat Xjentifiku, Tekniku u Ekonomiku għas-Sajd (STECF). |
(3) |
L-STECF jindika li l-funzjoni stipulata fil-punt 6 tal-Anness IID għar-Regolament (UE) Nru 53/2010 jindika TAC ta’ mhux aktar minn 400 000 tunnellata. |
(4) |
Iċ-ċiċċirell huwa stokk tal-Baħar tat-Tramuntana li jinqasam flimkien man-Norveġja, iżda li bħalissa mhuwiex taħt ġestjoni konġunta. Il-miżuri pprovduti f’dan ir-Regolament huma konformi mal-konsultazzjonijiet man-Norveġja skont id-dispożizzjonijiet tar-Reġistru Miftiehem tal-konklużjonijiet tal-konsultazzjonijiet tas-sajd bejn il-Komunità Ewropea u n-Norveġja tas-26 ta’ Jannar 2010. B’hekk, is-sehem tal-Unjoni Ewropea minn dik il-parti tat-TAC li tista’ tinqabad fl-ilmijiet tal-UE taż-żoni IIa u IV tal-ICES għandu jkun stabbilit għal 90 % ta’ 400 000 tunnellata. |
(5) |
Wara n-negozjati man-Norveġja, l-ammont allokat lin-Norveġja mis-sehem tal-UE tat-TAC għandu jiżdied minn 20 000 tunnellata għal 27 500 tunnellata bi skambju għal opportunitajiet tas-sajd għal speċijiet oħra fl-ilmijiet Norveġiżi. |
(6) |
Il-Kumitat Xjentifiku, Tekniku u Ekonomiku għas-Sajd jirrakkomanda li t-TAC għandu jiżdied b’4,23 % biex ikunu koperti l-ilmijiet tal-UE taż-żona IIIa tal-ICES. |
(7) |
L-Anness IA għar-Regolament (UE) Nru 53/2010 għandu għalhekk jiġi emendat skont dan. |
ADOTTAT DAN IR-REGOLAMENT:
Artikolu 1
L-Anness IA għar-Regolament (UE) Nru 53/2010 huwa emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Lulju 2010.
Għall-Kummissjoni
Il-President
José Manuel BARROSO
ANNESS
L-Anness IA għar-Regolament (UE) Nru 53/2010 huwa emendat kif ġej:
L-annotazzjoni dwar l-ispeċi taċ-ċiċċirell fl-ilmijiet tal-UE ta’ IIIa u fl-ilmijiet tal-UE ta’ IIa u IV għandha tinbidel b’dan li ġej:
|
|
|||||||
Id-Danimarka |
327 250 (2) |
|
||||||
Ir-Renju Unit |
7 153 (3) |
|
||||||
Il-Ġermanja |
500 (4) |
|
||||||
L-Iżvezja |
12 017 (5) |
|
||||||
L-UE |
346 920 (6) |
TAC Analitiku. L-Artikolu 3 tar-Regolament (KE) Nru 847/96 ma japplikax. L-Artikolu 4 tar-Regolament (KE) Nru 847/96 ma japplikax. L-Artikolu 5(2) tar-Regolament (KE) Nru 847/96 japplika. |
||||||
In-Norveġja |
27 500 (7) |
|||||||
Il-Gżejjer Faroe |
2 500 |
|||||||
TAC |
376 920 |
(1) Esklużi ilmijiet sa 6 mili mil-linji bażi tar-Renju Unit f’Shetland, Fair Isle u Foula.
(2) Li minnu mhux aktar minn 311 289 tunnellata jistgħu jkunu mistada fl-ilmijiet tal-UE ta’ IIa u IV. Il-kwantità li jifdal tista’ tiġi mistada biss fl-ilmijiet tal-UE taż-żona IIIa tal-ICES (SAN/*03 A.).
(3) Li minnu mhux aktar minn 6 804 tunnellata jistgħu jkunu mistada fl-ilmijiet tal-UE ta’ IIa u IV. Il-kwantità li jifdal tista’ tiġi mistada biss fl-ilmijiet tal-UE taż-żona IIIa tal-ICES (SAN/*03 A.).
(4) Li minnu mhux aktar minn 476 tunnellata jistgħu jkunu mistada fl-ilmijiet tal-UE ta’ IIa u IV. Il-kwantità li jifdal tista’ tiġi mistada biss fl-ilmijiet tal-UE taż-żona IIIa tal-ICES (SAN/*03 A.).
(5) Li minnu mhux aktar minn 11 431 tunnellata jistgħu jkunu mistada fl-ilmijiet tal-UE ta’ IIa u IV. Il-kwantità li jifdal tista’ tiġi mistada biss fl-ilmijiet tal-UE taż-żona IIIa tal-ICES. (SAN/*03 A.).
(6) Li minnu mhux aktar minn 330 000 tunnellata jistgħu jkunu mistada fl-ilmijiet tal-UE ta’ IIa u IV. Il-kwantità li jifdal tista’ tiġi mistada biss fl-ilmijiet tal-UE taż-żona IIIa tal-ICES. (SAN/*03 A.).
(7) Għandhom jinqabdu fiż-żona IV tal-ICES.