1.

L-Artikolu VI.C. tal-Istatut jipprevedi li l-istrument ta’ ratifikazzjoni jew ta’ adeżjoni ta’ organizzazzjoni reġjonali u intergovernattiva għall-integrazzjoni ekonomika għandu jkollu dikjarazzjoni tal-punt safejn għandhom jaslu l-kompetenzi tiegħu fir-rigward tal-materji rregolati mill-Istatut.

2.

Waqt li jiġi rikonoxxut l-istatus tal-Unjoni Ewropea bħala membru, bħala regola ġenerali, l-Istati Membri tal-Unjoni Ewropea għandhom il-kompetenza fuq punti tal-aġenda li jittrattaw materji ta’ organizzazzjoni (pereżempju kwistjonijiet legali jew baġitarji) u kwistjonijiet ta’ proċedura (pereżempju elezzjoni ta’ presidenti, adozzjoni tal-aġenda, adozzjoni ta’ rapporti).

3.

Konformement mat-Trattat dwar il-Funzjonament tal-Unjoni Ewropea, l-Unjoni u l-Istati Membri għandhom kompetenzi fil-qasam tal-enerġija rinnovabbli kif ġej:

Il-lista ta’ atti tal-Unjoni ta’ hawn taħt turi il-punt safejn l-Unjoni eżerċitat il-kompetenza interna tagħha f’dan il-qasam f’konformità mat-Trattat dwar il-Funzjonament tal-Unjoni Ewropea. Il-punt safejn twassal il-kompetenza tal-Unjoni li tirriżulta minn dawn l-atti għandu jkun ivvalutat b’referenza għad-dispożizzjonijiet preċiżi ta’ kull miżura, u b’mod partikolari l-punt safejn dawn id-dispożizzjonijiet jistabbilixxu regoli komuni, u, għall-finijiet tad-determinazzjoni tal-eżistenza ta’ kompetenza esklużiva tal-Unjoni, il-punt safejn dawn ir-regoli komuni huma affettwati jew il-kamp ta’ applikazzjoni tiegħu mibdul mid-dispożizzjonijiet tal-istatut tal-IRENA jew minn att adottat b’implimentazzjoni tiegħu.

4.

L-eżerċizzju tal-kompetenzi li l-Istati Membri tal-Unjoni ttrasferew lill-Unjoni skont it-Trattati huwa, min-natura tiegħu, soġġett għal bdil kontinwu. L-Unjoni Ewropea għalhekk tirriżerva d-dritt li taġġusta din id-Dikjarazzjoni.

A.

Il-Partijiet għal dan l-Istatut hawnhekk qegħdin jistabbilixxu l-Aġenzija Internazzjonali għall-Enerġija Rinnovabbli (minn hawn 'l quddiem imsejħa “l-Aġenzija”) skont it-termini u kondizzjonijiet li ġejjin.

B.

L-Aġenzija hija bbażata fuq il-prinċipju tal-ugwaljanza bejn il-Membri kollha tagħha u għandha tirrispetta b’mod xieraq id-drittijiet sovrani u l-kompetenzi tal-Membri tagħha fit-twettiq tal-attivitajiet tagħha.

(a)

prijoritajiet u benefiċċji nazzjonali u domestiċi derivati minn approċċ ikkombinat ta’ miżuri relatati mal-enerġija rinnovabbli u miżuri ta’ effiċjenza fl-enerġija, u

(b)

il-kontribuzzjoni tal-enerġija rinnovabbli għall-preservazzjoni ambjentali, permezz ta’ limitazzjoni tal-pressjoni fuq riżorsi naturali u t-tnaqqis tad-deforestazzjoni, b’mod partikolari d-deforestazzjoni tropikali, id-deżertifikazzjoni u t-telfien tal-bijodiversità; għall-ħarsien tal-klima; għat-tkabbir ekonomiku u l-koeżjoni soċjali inklużi t-tnaqqis tal-faqar u l-iżvilupp sostenibbli; għall-aċċess u s-sigurtà tal-provvista tal-enerġija; għall-iżvilupp reġjonali u għar-responsabbiltà interġenerazzjonali.

1.

il-bijoenerġija;

2.

l-enerġija ġeotermali;

3.

l-idroenerġija;

4.

l-enerġija mill-oċeani, inkluża inter alia l-enerġija mill-marej, mill-mewġ u dik termali tal-oċeani;

5.

l-enerġija solari; u

6.

l-enerġija mir-riħ.

A.

Bħala ċentru ta’ eċċellenza għat-teknoloġija tal-enerġija rinnovabbli li jieħu r-rwol ta’ faċilitatur u katalista, li jipprovdi l-esperjenza għal applikazzjonijiet u politiki prattiċi u li joffri appoġġ għall-kwistjonijiet kollha relatati mal-enerġija rinnovabbli filwaqt li jgħin pajjiżi differenti biex jibbenefikaw mill-iżvilupp effiċjenti u t-trasferiment ta’ għarfien u teknoloġija, l-Aġenzija twettaq l-attivitajiet li ġejjin:

B.

Waqt li tkun qed twettaq l-attivitajiet tagħha, l-Aġenzija għandha:

C.

L-Aġenzija għandha:

A.

L-Aġenzija għandha twettaq l-attivitajiet tagħha fuq bażi tal-programm ta’ ħidma annwali, imħejji mis-Segretarjat, ikkunsidrat mill-Kunsill u adottat mill-Assemblea.

B.

L-Aġenzija tista’, flimkien mal-programm ta’ ħidma tagħha, wara konsultazzjoni mal-Membri tagħha u, f’każ ta’ nuqqas ta’ qbil, wara approvazzjoni mill-Assemblea, twettaq proġetti mibdija u ffinanzjati mill-Membri skont id-disponibilità ta’ riżorsi mhux finanzjarji tal-Aġenzija.

A.

Is-sħubija hija miftuħa għall-Istati li huma membri tan-Nazzjonijiet Uniti u għal organizzazzjonijiet reġjonali intergovernattivi għall-integrazzjoni ekonomika li huma lesti u kapaċi li jaġixxu b’mod konformi mal-għanijiet u l-attivitajiet stabbiliti f’dan l-Istatut. Biex tkun eliġibbli għas-sħubija mal-Aġenzija, organizzazzjoni reġjonali intergovernattiva għall-integrazzjoni ekonomika għandha tkun kostitwita minn Stati sovrani, li mill-inqas wieħed minnhom huwa Membru tal-Aġenzija, u li l-Istati Membri tagħha jkunu ttrasferewlha kompetenza f’mill-inqas waħda mill-kwistjonijiet fl-ambitu tal-Aġenzija.

B.

Stati u organizzazzjonijiet reġjonali intergovernattivi għall-integrazzjoni ekonomika bħal dawn imsemmija għandhom isiru:

C.

Fil-każ ta’ kwalunkwe organizzazzjoni reġjonali intergovernattiva għall-integrazzjoni ekonomika, l-organizzazzjoni u l-Istati Membri tagħha għandhom jiddeċiedu dwar ir-responsabbiltajiet rispettivi tagħhom rigward it-twettiq tal-obbligi tagħhom skont dan l-Istatut. L-organizzazzjoni u l-Istati Membri tagħha m’għandhomx ikunu intitolati li jeżerċitaw drittijiet, inklużi drittijiet tal-vot, skont l-Istatut fl-istess waqt. Fl-istrumenti tagħhom ta’ ratifika jew ta’ adeżjoni, l-organizzazzjonijiet imsemmija hawn fuq għandhom jiddikjaraw l-estent tal-kompetenza tagħhom fir-rigward tal-kwistjonijiet regolati minn dan l-Istatut. Dawn l-organizzazzjonijiet għandhom ukoll jgħarrfu lill-Gvern Depożitarju dwar tibdiliet rilevanti fl-estent tal-kompetenza tagħhom. Fil-każ ta’ votazzjoni dwar kwistjonijiet fil-kompetenza tagħhom, organizzazzjonijiet reġjonali intergovernattivi għall-integrazzjoni ekonomika għandhom jivvotaw bin-numru ta’ voti ugwali għan-numru totali ta’ voti attribwibbli lill-Istati Membri tagħhom li huma wkoll membri ta’ din l-Aġenzija.

A.

Il-pożizzjoni ta’ osservatur tista’ tingħata mill-Assemblea lil:

B.

Osservaturi jistgħu jipparteċipaw mingħajr id-dritt għall-vot fis-sessjonijiet pubbliċi tal-Assemblea u tal-organi sussidjarji tagħha.

A.

Huma hawnhekk stabbiliti bħala l-organi prinċipali tal-Aġenzija:

B.

L-Assemblea u l-Kunsill, fuq approvazzjoni mill-Assemblea, jistgħu jistabbilixxu organi sussidjarji bħal dawn skont kif meħtieġ għall-eżerċizzju tal-funzjonijiet tagħhom skont dan l-Istatut.

A.

B.

L-Assemblea għandha tkun komposta mill-Membri kollha tal-Aġenzija. L-Assemblea għandha tiltaqa’ f’sessjonijiet regolari li għandhom isiru kull sena sakemm ma jiġix deċiż mod ieħor.

C.

L-Assemblea tinkludi rappreżentant wieħed minn kull Membru. Ir-rappreżentanti jistgħu jiġu akkumpanjati minn sostituti u konsulenti. L-ispejjeż tal-parteċipazzjoni ta’ delegazzjoni għandhom jitħallsu mill-Istat Membru rispettiv.

D.

Sessjonijiet tal-Assemblea għandhom isiru fis-sede tal-Aġenzija, sakemm l-Assemblea ma tiddeċidix mod ieħor.

E.

Fil-bidu ta’ kull sessjoni regolari, l-Assemblea għandha teleġġi President u uffiċjali oħra bħal dawn skont kif meħtieġ, waqt li tikkunsidra rappreżentanza ġeografika ekwa. Dawn għandhom jibqgħu fil-kariga sakemm jiġu eletti President u uffiċjali ġodda fis-sessjoni regolari li jkun imiss. L-Assemblea għandha tadotta r-regoli tagħha ta’ proċedura b’konformità ma’ dan l-Istatut.

F.

Skont l-Artikolu VI paragrafu C, kull Membru tal-Aġenzija għandu jkollu vot wieħed fl-Assemblea. L-Assemblea għandha tieħu deċiżjonijiet dwar kwistjonijiet ta’ proċedura permezz ta’ maġġoranza sempliċi tal-Membri preżenti u li jivvotaw. Deċiżjonijiet dwar kwistjonijiet ta’ sustanza għandhom jittieħdu b’kunsens tal-Membri preżenti. Jekk ma jkunx jista’ jintlaħaq l-ebda kunsens, il-kunsens għandu jitqies bħala milħuq jekk ma joġġezzjonawx aktar minn 2 Membri, sakemm l-Istatut ma jipprovdix mod ieħor. Meta jqum il-punt dwar jekk il-kwistjoni hijiex waħda ta’ sustanza jew le, din għandha tiġi ttrattata bħala ta’ sustanza sakemm l-Assemblea bil-kunsens tal-Membri preżenti ma tiddeċidix mod ieħor, li, jekk ma jintlaħaq l-ebda kunsens, għandu jitqies bħala milħuq jekk ma joġġezzjonawx aktar minn 2 Membri. Maġġoranza tal-Membri tal-Aġenzija għandha tikkostitwixxi kworum għall-Assemblea.

G.

L-Assemblea għandha, bil-kunsens tal-Membri preżenti:

H.

L-Assemblea għandha b’kunsens tal-Membri preżenti, li jekk ma jkunx jista’ jintlaħaq l-ebda kunsens, għandu jitqies bħala milħuq jekk ma joġġezzjonawx aktar minn 2 Membri:

I.

L-Assemblea għandha tinnomina s-sede tal-Aġenzija u d-Direttur Ġenerali tas-Segretarjat (minn hawn 'l quddiem imsejjaħ “Direttur Ġenerali”) bil-kunsens tal-Membri preżenti, jew, jekk ma jistax jintlaħaq l-ebda kunsens, b’vot ta’ maġġoranza ta’ żewġ terzi tal-Membri preżenti u li jivvotaw.

J.

L-Assemblea għandha tikkunsidra u tapprova kif xieraq waqt l-ewwel sessjoni tagħha kull deċiżjoni, abbozzi ta’ ftehimiet, dispożizzjonijiet u linji gwida mħejjija mill-Kummissjoni Preparatorja skont il-proċeduri tal-votazzjoni għall-ħruġ rispettiv skont kif stipulat fl-Artikolu IX, paragrafi F sa I.

A.

Il-Kunsill għandu jikkonsisti minn mill-inqas 11 iżda mhux aktar minn 21 rappreżentant tal-Membri tal-Aġenzija, eletti mill-Assemblea. In-numru konkret ta’ bejn 11 u 21 rappreżentant għandu jikkorrispondi għall-eqreb ekwivalenti ta’ terz tal-Membri tal-Aġenzija li għandu jiġi kkalkulat fuq il-bażi tan-numru ta’ Membri tal-Aġenzija fil-bidu tal-elezzjoni rispettiva għall-membri tal-Kunsill. Il-membri tal-Kunsill għandhom jiġu eletti fuq bażi ta’ rotazzjoni skont kif stabbilit fir-regoli ta’ proċedura tal-Assemblea, bil-għan li jiġu żgurati l-parteċipazzjoni effettiva ta’ pajjiżi li qed jiżviluppaw u dik ta’ pajjiżi żviluppati kif ukoll il-kisba ġusta u ekwa tad-distribuzzjoni ġeografika u l-effettività tal-ħidma tal-Kunsill. Il-membri tal-Kunsill għandhom jiġu eletti għal terminu ta’ sentejn.

B.

Il-Kunsill għandu jiltaqa’ kull sitt xhur u l-laqgħat tiegħu għandhom jinżammu fis-sede tal-Aġenzija, sakemm il-Kunsill ma jiddeċidix mod ieħor.

C.

Il-Kunsill għandu, fil-bidu ta’ kull laqgħa għall-perjodu sal-laqgħa tiegħu li jmiss, jeleġġi President u uffiċjali oħra minn fost il-membri tiegħu skont kif meħtieġ. Il-Kunsill għandu jkollu d-dritt li jelabora r-regoli tiegħu ta’ proċedura. Dawn ir-regoli ta’ proċedura għandhom jiġu ppreżentati lill-Assemblea għall-approvazzjoni.

D.

Kull membru tal-Kunsill għandu jkollu vot wieħed. Il-Kunsill għandu jieħu deċiżjonijiet dwar kwistjonijiet ta’ proċedura permezz ta’ maġġoranza sempliċi tal-membri tiegħu. Deċiżjonijiet dwar kwistjonijiet ta’ sustanza għandhom jittieħdu minn maġġoranza ta’ żewġ terzi tal-membri tiegħu. Meta jqum il-punt dwar jekk il-kwistjoni hijiex waħda ta’ sustanza jew le, dik il-kwistjoni għandha tiġi ttrattata bħala waħda ta’ sustanza sakemm il-Kunsill, permezz ta’ maġġoranza ta’ żewġ terzi tal-membri tiegħu, ma jiddeċidix mod ieħor.

E.

Il-Kunsill għandu jkun u għandu jinżamm responsabbli lejn l-Assemblea. Il-Kunsill għandu jwettaq il-poteri u l-funzjonijiet mogħtija lilu permezz ta’ dan l-Istatut, kif ukoll dawk il-funzjonijiet delegati lilu mill-Assemblea. Meta jagħmel dan, għandu jaġixxi b’konformità mad-deċiżjonijiet u b’attenzjoni xierqa għar-rakkomandazzjonijiet tal-Assemblea waqt li jiżgura l-implimentazzjoni xierqa u kontinwa tagħhom.

F.

Il-Kunsill għandu:

A.

Is-Segretarjat għandu jassisti lill-Assemblea, lill-Kunsill, u lill-organi sussidjarji tagħhom fit-twettiq tal-funzjonijiet tagħhom. Huwa għandu jwettaq il-funzjonijiet l-oħra fdati lilu permezz ta’ dan l-Istatut kif ukoll dawk il-funzjonijiet delegati lilu mill-Assemblea jew mill-Kunsill.

B.

Is-Segretarjat għandu jkun magħmul minn Direttur Ġenerali, li għandu jkun il-kap u l-uffiċjal amministrattiv prinċipali tiegħu, u minn persunal skont kif meħtieġ. Id-Direttur Ġenerali għandu jinħatar mill-Assemblea fuq rakkomandazzjoni tal-Kunsill għal terminu ta’ erba’ snin, li jista’ jiġġedded għal terminu ieħor, iżda mhux aktar.

C.

Id-Direttur Ġenerali għandu jkun responsabbli lejn l-Assemblea u l-Kunsill, inter alia għall-ħatra tal-persunal kif ukoll għall-organizzazzjoni u l-funzjonament tas-Segretarjat. Il-konsiderazzjoni tal-akbar importanza fl-impjieg tal-persunal u fl-istipular tal-kondizzjonijiet tas-servizz għandha tkun il-ħtieġa li jiġu żgurati l-ogħla standards ta’ effiċjenza, kompetenza u integrità. Għandha tingħata attenzjoni lill-importanza tal-fatt li r-reklutaġġ tal-persunal isir primarjament mill-Istati Membri u fuq bażi ġeografika wiesgħa kemm jista’ jkun, billi tiġi kkunsidrata b’mod partikolari r-rappreżentazzjoni adegwata ta’ pajjiżi li qed jiżviluppaw u b’enfasi fuq bilanċ bejn is-sessi.

Fit-tħejjija tal-baġit ir-reklutaġġ propost għandu jiġi mmexxi mill-prinċipju li n-numru tal-persunal għandu jinżamm f’minimu meħtieġ għall-qadi b’mod xieraq tar-responsabbiltajiet tas-Segretarjat.

D.

Id-Direttur Ġenerali jew rappreżentant maħtur minnu jew minnha għandu jipparteċipa, mingħajr id-dritt għall-vot, fil-laqgħat kollha tal-Assemblea u tal-Kunsill.

E.

Is-Segretarjat għandu:

F.

Fil-qadi ta’ dmirijiethom, id-Direttur Ġenerali u l-membri l-oħra tal-persunal m’għandhomx ifittxu jew jirċievu struzzjonijiet minn gvernijiet jew minn kwalunkwe sors ieħor barra l-Aġenzija. Huma għandhom jastjenu minn kwalunkwe azzjoni li tista’ tirrifletti fuq il-pożizzjonijiet tagħhom ta’ uffiċjali internazzjonali responsabbli biss lejn l-Assemblea u l-Kunsill. Kull Membru għandu jirrispetta l-karattru esklussivament internazzjonali tar-responsabbiltajiet tad-Direttur Ġenerali u l-membri l-oħra tal-persunal u m’għandux jipprova jinfluwenzahom f’dak li jirrigwarda l-qadi tar-responsabbiltajiet tagħhom.

A.

Il-baġit tal-Aġenzija għandu jiġi ffinanzjat minn:

skont ir-regoli finanzjarji li għandhom jiġu adottati mill-Assemblea permezz ta’ kunsens, kif stabbilit fl-Artikolu IX, paragrafu G ta’ dan l-Istatut. Ir-regoli finanzjarji u l-baġit għandhom jiżguraw bażi finanzjarja soda tal-Aġenzija u għandhom jiżguraw l-implimentazzjoni effettiva u effiċjenti tal-attivitajiet tal-Aġenzija, kif stabbilit mill-programm ta’ ħidma. Kontribuzzjonijiet mandatorji għandhom jiffinanzjaw attivitajiet ewlenin u spejjeż amministrattivi.

B.

L-abbozz tal-baġit tal-Aġenzija għandu jiġi mħejji mis-Segretarjat u ppreżentat lill-Kunsill biex jiġi eżaminat. Il-Kunsill għandu jew jgħaddih lill-Assemblea b’rakkomandazzjoni għall-approvazzjoni jew iroddu lura lis-Segretarjat għal reviżjoni u preżentazzjoni mill-ġdid.

C.

L-Assemblea għandha taħtar awditur estern li għandu jżomm il-kariga għal perjodu ta’ erba’ snin u li għandu jkun eliġibbli biex jiġi elett mill-ġdid. L-ewwel awditur għandu jżomm il-kariga għal perjodu ta’ sentejn. L-awditur għandu jeżamina l-kontijiet tal-Aġenzija u għandu jagħmel l-osservazzjonijiet u r-rakkomandazzjonijiet meqjusa bħala neċessarji fir-rigward tal-effiċjenza tal-ġestjoni u tal-kontrolli finanzjarji interni.

A.

L-Aġenzija għandu jkollha personalità legali internazzjonali. Fit-territorju ta’ kull Membru u soġġett għal-leġiżlazzjoni nazzjonali tagħha, l-Aġenzija għandha tgawdi mill-kapaċità ġuridika nazzjonali li tista’ tkun meħtieġa għall-eżerċizzju tal-funzjonijiet u t-twettiq tal-għanijiet tagħha.

B.

Il-Membri għandhom jiddeċiedu fuq ftehim separat dwar privileġġi u immunitajiet.

A.

Emendi għal dan l-Istatut jistgħu jiġu proposti minn kwalunkwe Membru. Kopji ċertifikati tat-test ta’ kwalunkwe emenda proposta għandhom jiġu ppreparati mid-Direttur Ġenerali u għandhom jiġu komunikati minnu lill-Membri kollha mill-inqas disgħin jum qabel il-konsiderazzjoni tagħha mill-Assemblea.

B.

Emendi għandhom jidħlu fis-seħħ għall-Membri kollha:

C.

Fi kwalunkwe żmien wara ħames snin mid-data ta’ meta dan l-Istatut jidħol fis-seħħ skont il-paragrafu D tal-Artikolu XIX, Membru jista’ jirtira mill-Aġenzija permezz ta’ avviż bil-miktub dwar din id-deċiżjoni mogħti lid-Depożitarju msemmi fl-Artikolu XX, paragrafu A, li għandu jgħarraf minnufih lill-Kunsill u lill-Membri kollha.

D.

Irtirar bħal dan għandu jidħol fis-seħħ fl-aħħar tas-sena li fiha jkun ġie espress. L-irtirar ta’ Membru mill-Aġenzija m’għandux jaffettwa l-obbligi kuntrattwali tiegħu stipulati skont l-Artikolu V, paragrafu B u l-obbligi finanzjarji tiegħu għas-sena li fiha jirtira.

A.

Il-Membri għandhom isolvu kwalunkwe tilwim bejniethom li jikkonċerna l-interpretazzjoni jew l-applikazzjoni ta’ dan l-Istatut b’mezzi paċifiċi skont l-Artikolu 2(3) tal-Karta tan-Nazzjonijiet Uniti u, għal dan il-għan, għandhom isibu soluzzjoni permezz tal-mezzi indikati fl-Artikolu 33(1) tal-Karta tan-Nazzjonijiet Uniti.

B.

Il-Kunsill jista’ jikkontribwixxi għas-soluzzjoni ta’ tilwima permezz ta’ kwalunkwe mezzi li jidhirlu li huma xierqa, inkluż li joffri l-uffiċċji tajbin tiegħu, li jitlob lill-Membri maqbudin fit-tilwima li jibdew il-proċess ta’ soluzzjoni tal-għażla tagħhom u li jirrakkomanda limitu ta’ żmien għal kull proċedura miftiehma.

A.

Kwalunkwe Membru tal-Aġenzija li qiegħed lura fil-kontribuzzjonijiet finanzjarji tiegħu lill-Aġenzija m’għandu jkollu l-ebda dritt għall-vot jekk l-arretrati tiegħu jammontaw għal jew jaqbżu l-ammont tal-kontribuzzjonijiet tiegħu għas-sentejn ta’ qabel. Madankollu, l-Assemblea tista’ tippermetti li dan il-Membru jivvota jekk tkun konvinta li n-nuqqas li jsir il-pagament huwa riżultat ta’ ċirkustanzi lil hinn mill-kontroll tal-Membru.

B.

Membru li jkompli jikser id-dispożizzjonijiet ta’ dan l-Istatut jew dawk ta’ xi ftehim li jkun daħal fih skont dan l-Istatut jista’ jiġi sospiż milli jeżerċita l-privileġġi u drittijiet ta’ sħubija mill-Assemblea li taġixxi b’maġġoranza ta’ żewġ terzi tal-Membri preżenti u li tivvota fuq rakkomandazzjoni tal-Kunsill.

A.

Dan l-Istatut għandu jkun miftuħ għall-iffirmar mill-Istati kollha li huma membri tan-Nazzjonijiet Uniti u mill-organizzazzjonijiet reġjonali intergovernattivi għall-integrazzjoni ekonomika waqt il-Konferenza tal-Fondazzjoni kif stipulat fl-Artikolu VI, paragrafu A. Huwa għandu jibqa’ miftuħ għall-iffirmar sad-data ta’ meta jidħol fis-seħħ dan l-Istatut.

B.

Għal Stati u organizzazzjonijiet reġjonali intergovernattivi għall-integrazzjoni ekonomika kif stipulat fl-Artikolu VI, paragrafu A li ma ffirmawx dan l-Istatut, dan l-Istatut għandu jkun miftuħ għall-adeżjoni wara li s-sħubija tagħhom tkun ġiet approvata mill-Assemblea skont l-Artikolu VI, paragrafu B, punt 2.

C.

Kunsens għal vinkolazzjoni b’dan l-Istatut għandu jiġi espress billi jiġi depożitat strument ta’ ratifika jew ta’ adeżjoni mad-Depożitarju. Ir-ratifika ta’ jew l-adeżjoni ma’ dan l-Istatut għandhom isiru mill-Istati b’konformità mal-proċessi kostituzzjonali rispettivi tagħhom.

D.

Dan l-Istatut għandu jidħol fis-seħħ fit-tletin jum wara d-data li fiha jkun sar id-depożitu tal-ħamsa u għoxrin strument ta’ ratifika.

E.

Għal Stati jew organizzazzjonijiet reġjonali intergovernattivi għall-integrazzjoni ekonomika li jiddepożitaw strument ta’ ratifika jew ta’ adeżjoni wara d-dħul fis-seħħ tal-Istatut, dan l-Istatut għandu jidħol fis-seħħ fit-tletin jum wara d-data tad-depożitu tal-istrument rilevanti.

F.

Ma jistgħu jsiru l-ebda riżervi għad-dispożizzjonijiet ta’ dan l-Istatut.

A.

Il-Gvern tar-Repubblika Federali tal-Ġermanja hawnhekk qed jiġi nnominat bħala d-Depożitarju ta’ dan l-Istatut u ta’ kull strument ta’ ratifika jew ta’ adeżjoni.

B.

Dan l-Istatut għandu jiġi rreġistrat mill-Gvern Depożitarju skont l-Artikolu 102 tal-Karta tan-Nazzjonijiet Uniti.

C.

Dan l-Istatut, magħmul bl-Ingliż, għandu jiġi depożitat fl-arkivji tal-Gvern Depożitarju.

D.

Kopji debitament ċertifikati ta’ dan l-Istatut għandhom jiġu trażmessi mill-Gvern Depożitarju lill-gvernijiet tal-Istati u lill-organi eżekuttivi ta’ organizzazzjonijiet reġjonali intergovernattivi għall-integrazzjoni ekonomika li ffirmaw jew li ġew approvati għas-sħubija skont l-Artikolu VI, paragrafu B, numru 2.

E.

Il-Gvern Depożitarju għandu jinforma minnufih lill-Firmatarji kollha ta’ dan l-Istatut dwar id-data ta’ kull depożitu ta’ kwalunkwe strument ta’ ratifika kif ukoll dwar id-data tad-dħul fis-seħħ tal-Istatut.

F.

Il-Gvern Depożitarju għandu jinforma minnufih lill-Firmatarji u lill-Membri kollha dwar id-dati li fihom Stati jew organizzazzjonijiet reġjonali intergovernattivi għall-integrazzjoni ekonomika sussegwentement isiru membri.

G.

Il-Gvern Depożitarju għandu jibgħat minnufih applikazzjonijiet ġodda għas-sħubija lill-Membri kollha tal-Aġenzija biex dawn jiġu kkunsidrati skont l-Artikolu VI, paragrafu B, numru 2.