—

Ir-Regolament tal-Kunsill (KEE) Nru 31/83 tal-21 ta’ Diċembru 1982 dwar miżura komuni interim għar-ristrutturazzjoni tal-industrija tas-sajd fl-ibħra lokali u l-akwakultura (2). L-effetti ta’ dan ir-Regolament ġew eżawriti minħabba li kkonċerna l-finanzjament tal-Komunità tal-proġetti ta’ investiment għas-sena 1982;

—

Ir-Regolament tal-Kunsill (KEE) Nru 3117/85 tal-4 ta’ Novembru 1985 li jippreskrivi regoli ġenerali dwar indennizzi f’forma ta’ kumpens fir-rigward tas-sardin (3). L-effetti ta’ dan ir-Regolament ġew eżawriti minħabba li kien maħsub għall-applikazzjoni fil-perjodu transitorju li jiġi wara l-adeżjoni ta’ Spanja fil-Komunitajiet Ewropej;

—

Ir-Regolament tal-Kunsill (KEE) Nru 3781/85 tal-31 ta’ Diċembru 1985 li jippreskrivi l-miżuri li jridu jittieħdu rigward operaturi li ma jikkonformawx ma’ ċerti disposizzjonijiet li għandhom x’jaqsmu mas-sajd li jinsabu fl-Att ta’ Adeżjoni ta’ Spanja u l-Portugall (4). L-effetti ta’ dan ir-Regolament ġew eżawriti minħabba li kien maħsub għall-applikazzjoni fil-perjodu tranżitorju li jiġi wara l-adeżjoni ta’ Spanja fil-Komunitajiet Ewropej;

—

Ir-Regolament tal-Kunsill (KEE) Nru 3252/87 tad-19 ta’ Ottubru 1987 dwar il-koordinament u l-promozzjoni fir-riċerka fil-qasam tas-sajd (5). L-effetti ta’ dan ir-Regolament ġew eżawriti minħabba li l-każ huwa kopert mir-Regolament tal-Kunsill (KE) Nru 199/2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ dejta fis-settur tas-sajd u appoġġ għall-parir xjentifiku fir-rigward tal-Politika Komuni tas-Sajd (6);

—

Ir-Regolament tal-Kunsill (KEE) Nru 3571/90 tal-4 ta’ Diċembru 1990 li jintroduċi diversi miżuri li jikkonċernaw l-implimentazzjoni tal-politika komuni tas-sajd f’dik li kienet ir-Repubblika Demokratika tal-Ġermanja [traduzzjoni mhux uffiċjali] (7). L-effetti ta’ dan ir-Regolament ġew eżawriti minħabba li kien maħsub għall-applikazzjoni fil-perjodu transitorju li jiġi wara l-unifikazzjoni tal-Ġermanja;

—

Ir-Regolament tal-Kunsill (KEE) Nru 3499/91 tat-28 ta’ Novembru 1991 li jistabbilixxi qafas Komunitarju għal studji u proġetti-pilota għall-konservazzjoni u l-amministrazzjoni tar-riżorsi tas-sajd fil-Mediterran (8). Dak ir-Regolament eżawrixxa l-effetti tiegħu minħabba li l-każ huwa kopert mir-Regolament tal-Kunsill (KE) Nru 1967/2006 tal-21 ta’ Diċembru 2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran, li jemenda r-Regolament (KE) Nru 2847/93 u li jħassar ir-Regolament (KE) Nru 1626/94 (9);

—

Ir-Regolament tal-Kunsill (KE) Nru 1275/94 tat-30 ta’ Mejju 1994 dwar aġġustamenti għall-arranġamenti fil-kapitli dwar is-sajd fl-Att tal-Adeżjoni ta’ Spanja u l-Portugall (10). L-effetti ta’ dan ir-Regolament ġew eżawriti minħabba li kien maħsub għall-applikazzjoni fil-perjodu transitorju li jiġi wara l-adeżjoni ta’ Spanja fil-Komunitajiet Ewropej;

—

Ir-Regolament tal-Kunsill (KE) Nru 1448/1999 tal-24 ta’ Ġunju 1999 li jdaħħal miżuri transitorji għall-immaniġjar ta’ ċerti postijiet tas-sajd fil-Mediterran u li jemenda r-Regolament (KE) Nru 1626/94 (11). L-effetti ta’ dan ir-Regolament ġew eżawriti minħabba li l-każ huwa kopert issa bir-Regolament (KE) Nru 1967/2006;

—

Ir-Regolament tal-Kunsill (KE) Nru 300/2001 tal-14 ta’ Frar 2001 li jistabbilixxi l-miżuri li għandhom japplikaw fl-2001 għall-irkupru tal-ħażniet tal-merluzz fil-baħar Irlandiż (iż-żona ICES VIIa) [traduzzjoni mhux uffiċjali] (12). L-effetti ta’ dan ir-Regolament ġew eżawriti minħabba li kien maħsub li jkun fis-seħħ f’perjodu li kien diġà skada;

—

Ir-Regolament tal-Kunsill (KE) Nru 2561/2001 tas-17 ta’ Diċembru 2001 li jimmira li jippromwovi l-konverżjoni ta’ bastimenti tas-sajd li kienu dipendenti fuq il-ftehim tas-sajd mal-Marokk sal-1999, jiddependi mill-ftehim tas-sajd fil-Marokk (13). Dan ir-Regolament eżawrixxa l-effetti tiegħu minħabba li l-pjanijiet nazzjonali għall-konverżjoni tal-flotta li kien japplika għalihom spiċċa;

—

Ir-Regolament tal-Kunsill (KE) Nru 2341/2002 tal-20 ta’ Diċembru 2002 li jistabbilixxi għall-2003 l-opportunitajiet ta’ sajd u l-kondizzjonijiet assoċjati magħhom għal ċerti stokkijiet [ħażniet] ta’ ħut u gruppi ta’ stokkijiet [ħażniet] ta’ ħut, applikabbli fl-ilmijiet tal-Komunità u, għal bastimenti Komunitarji f’ilmijiet fejn huma meħtieġa limiti ta’ qbid (14) L-effetti ta’ dan ir-Regolament ġew eżawriti minħabba li kien maħsub sabiex imexxi l-attivitajiet tas-sajd li twettqu fl-2003;

—

Ir-Regolament tal-Kunsill (KE) Nru 2372/2002 tal-20 ta’ Diċembru 2002 li jwaqqaf miżuri speċifiċi biex ikunu kumpensati il-prodotti tas-sajd, l-industrija tal-krostaċej u l-akwakultura [Spanjoli], li ġew affettwati mit-tixrid taż-żejt li kien ikkawżat mill-għarqa tat-tanker Prestige (15). L-effetti ta’ dan ir-Regolament ġew eżawriti minħabba li l-programm nazzjonali ta’ kumpens li kien japplika għalihom spiċċa;

—

Ir-Regolament tal-Kunsill (KE) Nru 2287/2003 tad-19 ta’ Diċembru 2003 li jiffissa għas-sena 2004 l-opportunitajiet tas-sajd u l-kondizzjonijiet assoċjati għal ċerti ħażniet ta’ ħut u gruppi ta’ ħażniet ta’ ħut, applikabbli f’ibħra Komunitarji u, għal bastimenti Komunitarji, f’ibħra fejn huma meħtieġa limitazzjonijiet ta’ qabdiet (16). Dan ir-Regolament eżawrixxa l-effetti tiegħu minħabba li kien maħsub sabiex imexxi l-attivitajiet tas-sajjied li twettqu fl-2004;

—

Ir-Regolament tal-Kunsill (KE) Nru 52/2006 tat-22 ta’ Diċembru 2005 li jiffissa l-opportunitajiet tas-sajd u l-kondizzjonijiet assoċjati għal ċerti ħażniet ta’ ħut u gruppi ta’ ħażniet ta’ ħut applikabbli fil-Baħar Baltiku għall-2006 (17). Dan ir-Regolament eżawrixxa l-effetti tiegħu minħabba li kien maħsub sabiex imexxi l-attivitajiet tas-sajjied li twettqu fl-2006;