This document is an excerpt from the EUR-Lex website
Document 32009Q0128(01)
Amendment to the Rules of Procedure of the Court of Justice
Emenda għar-Regoli tal-Proċedura tal-Qorti tal-Ġustizzja
Emenda għar-Regoli tal-Proċedura tal-Qorti tal-Ġustizzja
ĠU L 24, 28.1.2009, p. 8–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2012; Impliċitament imħassar minn 32012Q1106(01)
28.1.2009 |
MT |
Il-Ġurnal Uffiċjali ta’ l-Unjoni Ewropea |
L 24/8 |
EMENDA GĦAR-REGOLI TAL-PROĊEDURA TAL-QORTI TAL-ĠUSTIZZJA
IL-QORTI TAL-ĠUSTIZZJA,
Wara li rat it-Trattat li jistabbilixxi l-Komunità Ewropea, u b’mod partikolari s-sitt paragrafu tal-Artikolu 223 tiegħu,
Wara li rat it-Trattat li jistabbilixxi l-Komunità Ewropea tal-Enerġija Atomika, u b’mod partikolari s-sitt paragrafu tal-Artikolu 139 tiegħu,
Wara li kkunsidrat li għandu jiġi ċċarat in-numru ta’ votazzjonijiet li jistgħu jitwettqu għall-elezzjoni tal-President tal-Qorti tal-Ġustizzja u għall-elezzjoni tal-Presidenti ta’ Awla,
bl-approvazzjoni tal-Kunsill mogħtija fis-27 ta’ Novembru 2008,
TADOTTA L-EMENDA SEGWENTI GĦAR-REGOLI TAL-PROĊEDURA TAGĦHA:
Artikolu 1
Ir-Regoli tal-Proċedura tal-Qorti tal-Ġustizzja tal-Komunitajiet Ewropej (1) qed jiġu emendati kif ġej:
L-Artikolu 7(3) għandu jiġi ssostitwit bit-test segwenti:
“Fl-elezzjonijiet previsti minn dan l-Artikolu, il-vot għandu jkun sigriet. Jiġi elett l-Imħallef li jikseb il-voti ta’ aktar minn nofs l-Imħallfin li jikkomponu l-Qorti tal-Ġustizzja. Jekk l-ebda Mħallef ma jikseb din il-maġġoranza, isiru aktar votazzjonijiet sakemm tintlaħaq din il-maġġoranza.”
Artikolu 2
Din l-emenda għar-Regoli tal-Proċedura, li hija awtentika fil-lingwi msemmija fl-Artikolu 29(1) tar-Regoli, għandha tiġi ppubblikata fil-Ġurnal Uffiċjali tal-Unjoni Ewropea u għandha tidħol fis-seħħ fl-ewwel jum tat-tieni xahar wara l-pubblikazzjoni tagħha.
Adottata fil-Lussemburgu, 13 ta’ Jannar 2009.