EUR-Lex Access to European Union law
This document is an excerpt from the EUR-Lex website
Document 32009L0141
Commission Directive 2009/141/EC of 23 November 2009 amending Annex I to Directive 2002/32/EC of the European Parliament and of the Council as regards maximum levels for arsenic, theobromine, Datura sp., Ricinus communis L., Croton tiglium L. and Abrus precatorius L. (Text with EEA relevance)
Direttiva tal-Kummissjoni 2009/141/KE tat- 23 ta’ Novembru 2009 li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar il-livelli massimi tal-arseniku, it-teobromina, id- Datura sp., ir- Ricinus communis L ., il- Croton tiglium L . u l- Abrus precatorius L . (Test b’relevanza għaż-ŻEE)
Direttiva tal-Kummissjoni 2009/141/KE tat- 23 ta’ Novembru 2009 li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar il-livelli massimi tal-arseniku, it-teobromina, id- Datura sp., ir- Ricinus communis L ., il- Croton tiglium L . u l- Abrus precatorius L . (Test b’relevanza għaż-ŻEE)
ĠU L 308, 24.11.2009, p. 20–23
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
24.11.2009 |
MT |
Il-Ġurnal Uffiċjali tal-Unjoni Ewropea |
L 308/20 |
DIRETTIVA TAL-KUMMISSJONI 2009/141/KE
tat-23 ta’ Novembru 2009
li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar il-livelli massimi tal-arseniku, it-teobromina, id-Datura sp., ir-Ricinus communis L., il-Croton tiglium L. u l-Abrus precatorius L.
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar sustanzi mhux mixtieqa fl-għalf tal-annimali (1), u b’mod partikolari l-Artikolu 8(1) tagħha,
Billi:
(1) |
Id-Direttiva 2002/32/KE tistipola li l-użu ta’ prodotti li huma intenzjonati għall-għalf għall-annimali li fihom livelli ta’ sustanzi mhux mixtieqa li jaqbżu l-livelli massimi stipulati fl-Anness I ta’ dik id-Direttiva huwa pprojbit. |
(2) |
Fir-rigward ta’ prodotti tal-għalf li jkunu ġejjin mill-ipproċessar tal-ħut jew minn annimali oħrajn tal-baħar, informazzjoni reċenti mwassla minn awtoritajiet kompetenti tal-Istati Membri dwar il-preżenza tat-total ta’ arseniku (is-somma ta’ arseniku organiku u inorganiku) tindika li hemm il-ħtieġa li jiżdiedu l-livelli massimi tat-total ta’ arseniku. Prodotti sekondarji mill-industrija tal-iffilittjar tal-ħut huma materja prima importanti għall-produzzjoni tal-għalf tal-ħut u taż-żejt tal-ħut għall-użu fl-għalf imħallat, partikolarment l-għalf tal-ħut. |
(3) |
Iż-żieda fil-livelli massimi tat-total ta’ arseniku fil-prodotti tal-għalf li jkunu ġejjin mill-ipproċessar tal-ħut u ta’ annimali oħrajn tal-baħar u fil-prodotti tal-għalf għall-ħut ma timplika ebda bidla fil-livelli massimi ta’ arseniku inorganiku. Minħabba li l-effetti potenzjali mhux mixtieqa tal-arseniku fuq saħħet l-annimali u saħħet il-bniedem huma stabbiliti mill-frazzjoni inorganika f’għalf jew fi prodotti tal-ikel partikolari, u minħabba li t-taħlitiet tal-arseniku organiku jimmanifestaw potenzjal tossiku tabilħaqq baxx (2), il-livelli miżjuda tat-total ta’ arseniku ma jaffettwawx il-ħarsien tas-saħħa tal-annimali u dik pubblika. |
(4) |
Fl-Anness I tad-Direttiva 2002/32/KE, l-arseniku jirreferi għat-total ta’ arseniku għall-fini li jiġu stabbiliti l-livelli massimi minħabba li ma jeżisti ebda metodu ta’ rutina standard għall-analiżi tal-arsemiku inorganiku. Iżda għall-każijiet fejn l-awtoritajiet kompetenti jitolbu analiżi tal-kontenut tal-arseniku organiku, dak l-Anness jistabbilixxi livell massimu ta’ arseniku inorganiku. |
(5) |
Minħabba li f’xi każijiet il-metodu ta’ estrazzjoni għandu influwenza sinifikanti fuq ir-riżultat analitiku tat-total ta’ arseniku, huwa f’loku li tiġi speċifikata proċedura ta’ estrazzjoni għal referenza sabiex tintuża f’verifiki uffiċjali. |
(6) |
L-informazzjoni mwassla mill-awtoritajiet kompetenti u minn organizzazzjonijiet tal-partijiet interessati tindika livelli sinifikanti ta’ arseniku fl-addittivi li jappartjenu għall-grupp funzjonali ta’ taħlitiet ta’ elementi ta’ traċċa, awtorizzati bl-applikazzjoni tar-Regolament (KE) Nru 1831/2003 tal-Parlament Ewropew u tal-Kunsill (3). Huwa f’loku li jiġu stabbiliti l-livelli massimi ta’ arseniku f’dawn l-addittivi biex titħares is-saħħa tal-annimali u dik pubblika. |
(7) |
Fir-rigward tat-teobromina, fl-opinjoni tagħha tal-10 ta’ Ġunju 2008 (4) l-Awtorità Ewropea dwar is-Sigurtà fl-Ikel (l-EFSA) ikkonkludiet li jista’ jagħti l-każ li l-livelli massimi ta’ teobromina kif stabbiliti fil-preżent mhumiex iħarsu għal kollox lil xi wħud mill-ispeċi tal-annimali. L-Awtorità ġibdet l-attenzjoni dwar il-possibbiltà ta’ effetti mhux mixtieqa fuq il-ħnieżer, il-klieb u ż-żwiemel, u dwar il-produzzjoni tal-ħalib fil-baqar tal-ħlib. Għaldaqstant huwa f’loku li jiġu stabbiliti livelli massimi aktar baxxi. |
(8) |
Fir-rigward tal-alcaloids fid-Datura sp., fl-opinjoni tagħha tad-9 ta’ April 2008 (5) l-EFSA kkonkludiet li, minħabba li l-alcaloids tropani huma preżenti fid-Datura sp. kollha, ikun f’loku li fl-interess tal-ħarsien ta’ saħħet l-annimali, speċjalment fil-każ tal-ħnieżer, jiġu estiżi l-livelli massimi tad-Datura stramonium L., kif stipulat fl-Anness I tad-Direttiva 2002/32/KE, għad-Datura sp kollha. |
(9) |
Fir-rigward tar-ricin (mir-Ricinus communis L.), fl-opinjoni tagħha tal-10 ta’ Ġunju 2008 (6) l-EFSA kkonkludiet li, minħabba l-effetti tossiċi simili tat-tossiċi mir-Ricinus communis L. (ricin), il-Croton tiglium L. (crotin) u l-Abrus precatorius L. (abrin), huwa f’loku li għar-Ricinus communis L. jiġu applikati l-livelli massimi kif stipulat fl-Anness I tad-Direttiva 2002/32/KE, anki għall-Croton tiglium L. u l-Abrus precatorius L., separatament jew inkella flimkien. |
(10) |
Id-Direttiva 2002/32/KE għandha għalhekk tiġi emendata kif meħtieġ. |
(11) |
Il-miżuri stipulati f’din id-Direttiva huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponiehom, |
ADOTTAT DIN ID-DIRETTIVA:
Artikolu 1
L-Anness I tad-Direttiva 2002/32/KE huwa emendat kif stipulat fl-Anness ta’ din id-Direttiva.
Artikolu 2
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva sa mhux aktar tard mill-1 ta’ Lulju 2010. Għandhom jikkomunikaw minnufih lill-Kummissjoni t-test ta’ dawn id-dispożizzjonijiet u t-tabella ta’ korrelazzjoni bejn dawn id-dispożizzjonijiet u din id-Direttiva.
Meta l-Istati Membri jadottaw dawn id-dispożizzjonijiet, dawn għandhom ikollhom referenza għal din id-Direttiva jew għandhom ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-23 ta’ Novembru 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU L 140, 30.5.2002, p. 10.
(2) L-Opinjoni Xjentifika tal-Bord dwar l-Aġenti ta’ Kontaminazzjoni fil-Katina Alimentari tal-Awtorità Ewropea dwar is-Sigurtà tal-Ikel (l-EFSA) fuq talba tal-Kummissjoni Ewropea, b’rabta mal-arseniku bħala sustanza mhux mixtieqa fl-għalf tal-annimali, The EFSA Journal (2005) 180, 1-35.
(3) ĠU L 268, 18.10.2003, p. 29.
(4) L-Opinjoni Xjentifika tal-Bord dwar l-Aġenti ta’ Kontaminazzjoni fil-Katina Alimentari fuq talba tal-Kummissjoni Ewropea dwar ir-riċin (mir-Ricinus communis) bħala sustanzi mhux mixtieqa fl-għalf tal-annimali. The EFSA Journal (2008) 725, 1-66.
(5) L-Opinjoni Xjentifika tal-Bord dwar l-Aġenti ta’ Kontaminazzjoni fil-Katina Alimentari fuq talba tal-Kummissjoni Ewropea relatata mal-alcaloids (mid-Datura sp.) bħala sustanzi mhux mixtieqa fl-għalf tal-annimali. The EFSA Journal (2008) 691, 1-55.
(6) L-Opinjoni Xjentifika tal-Bord dwar l-Aġenti ta’ Kontaminazzjoni fil-Katina Alimentari fuq talba tal-Kummissjoni Ewropea dwar ir-riċin (mir-Ricinus communis) bħala sustanzi mhux mixtieqa fl-għalf tal-annimali. The EFSA Journal (2008) 726, 1-38.
ANNESS
L-Anness I għad-Direttiva 2002/32/KE huwa emendat kif ġej:
(1) |
Ir-Ringiela 1, Arseniku, tinbidel b’li ġej:
|
(2) |
Ir-Ringiela 10, Teobromina, tinbidel b’li ġej:
|
(3) |
Ir-Ringiela 14, Żerriegħa tal-ħaxix ħażin u frott mhux mitħun u mhux mgħaffeġ li fihom l-alcaloids, il-glucosides jew sustanzi tossiċi oħra, qed tinbidel b’dan li ġej:
|
(4) |
Ir-Ringiela 15, Il-pjanta ta’ żejt ir-riġnu – Ricinus communis L., tinbidel b’li ġej:
|
(5) |
Ir-Ringiela 34, Krotonu – Croton tiglium L, titħassar. |
(*) Il-livelli massimi jirreferu għat-total ta’ arseniku.
(**) Il-livelli massimi jirreferu għad-determinazzjoni analitika tal-arseniku, fejn l-estrazzjoni ssir fl-aċidu nitriku (5 % w/w) għal 30 minuta f’temperatura tbaqbaq. Proċeduri ta’ estrazzjoni ekwivalenti jistgħu jiġu applikati fil-każijiet fejn jintwera li l-proċedura ta’ estrazzjoni użata tagħti l-istess effiċjenza ta’ estrazzjoni.
(***) Fuq talba tal-awtoritajiet kompetenti, l-operatur responsabbli jrid iwettaq analiżi biex juri li l-kontenut tal-arseniku inorganiku huwa anqas minn 2 ppm. Din l-analiżi hija partikolarment importanti għall-ispeċi tal-alka tal-baħar Hizikia fusiforme.”
(****) Kemm-il darba wieħed ikun jista’ jiddetermina dan permezz tal-mikroskopija analitika.”