20.9.2008   

MT

Il-Ġurnal Uffiċjali ta’ l-Unjoni Ewropea

L 252/7

(1)

Skond l-Artikolu 61, l-ewwel subparagrafu, il-punt (d), tar-Regolament (KE) Nru 1234/2007, iz-zokkor jew l-isoglukożju li jiġi prodott lil hinn mill-kwota msemmija fl-Artikolu 7 ta’ dak ir-Regolament jista’ jiġi esportat biss skond il-limitu kwantitattiv li għandu jiġi ffissat.

(2)

Regoli dettaljati tal-implimentazzjoni għall-esportazzjonijiet lil hinn mill-kwota, b’mod partikolari rigward il-ħruġ ta’ liċenzji tal-esportazzjoni, huma stipulati bir-Regolament tal-Kummissjoni (KE) Nru 951/2006 (2). Madankollu, il-limitu kwantitattiv għandu jkun iffissat għal kull sena tas-suq, fid-dawl tal-opportunitajiet possibbli fis-swieq tal-esportazzjoni.

(3)

Għal ċerti produtturi Komunitarji taz-zokkor u l-isoglukożju, l-esportazzjonijiet mill-Komunità jirrappreżentaw parti importanti tal-attivitajiet ekonomiċi tagħhom, u stabbilixxew swieq tradizzjonali barra mill-Komunità. L-esportazzjonijiet taz-zokkor u l-isoglukożju lejn dawn is-swieq jistgħu ikunu ekonomikament vijabbli anke mingħajr l-għoti ta’ rifużjonijiet tal-esportazzjoni. Minħabba f’hekk, jeħtieġ li jiġi ffissat limitu kwantitattiv għall-esportazzjonijiet taz-zokkor u tal-isoglukożju lil hinn mill-kwota, b’tali mod li l-produtturi Komunitarji kkonċernati jistgħu jkomplu jfornu lis-swieq tradizzjonali tagħhom.

(4)

Għas-sena tas-suq 2008/2009, huwa stmat li l-iffissar tal-limitu kwantitatttiv għal 650 000 tunnellata, f’ekwivalenti taz-zokkor abjad, għall-esportazzjonijiet taz-zokkor lil hinn mill-kwota, u għal 50 000 tunnellata, f’materja niexfa, għall-isoglukożju lil hinn mill-kwota, jkun jikkorrispondi għad-domanda fis-suq.

(5)

L-esportazzjonijiet tal-Komunità lejn ċerti destinazzjonijiet fil-qrib u lejn pajjiżi terzi li jagħtu trattament preferenzjali tal-importazzjoni lil prodotti Komunitarji bħalissa huma f'pożizzjoni kompetittiva partikolarment favorevoli. Barra minn hekk, biex jitnaqqas kemm jista’ jkun ir-riskju tal-frodi u biex ma jitħalla jsir l-ebda abbuż assoċjat mal-importazzjoni mill-ġdid jew mad-dħul mill-ġdid fil-Komunità ta’ zokkor jew isoglukożju lil hinn mill-kwota, ċerti destinazzjoniiet fil-qrib għandhom ikunu eskluzi mid-destinazzjonijiet eliġibbli.

(6)

Fid-dawl ta’ anqas riskju ta’ frodi eventwali rigward l-isoglukożju minħabba n-natura tal-prodott, għandhom ikunu eżenti minn din l-esklużjoni dawk il-pajjiżi tal-Balkani tal-Punent li l-awtoritajiet tagħhom jeħtiġilhom joħorġu ċertifikat tal-esportazzjoni għall-konferma tal-oriġini tal-prodotti taz-zokkor jew tal-isoglukożju li għandhom ikunu esportati lill-Komunità.

(7)

Il-miżuri pprovduti f’dan ir-Regolament huma skond l-opinjoni tal-kumitat ta’ ġestjoni għall-organizzazzjoni komuni tas-swieq agrikoli,

a)

pajjiżi terzi: l-Andorra, il-Liechtenstein, is-Santa Sede (l-Istat tal-Vatikan), San Marino, il-Kroazja, il-Bożnija u l-Ħerzegovina, il-Montenegro, l-Albanija u l-eks-Repubblika Jugoslava tal-Maċedonja u s-Serbja, kif ukoll il-Kosovo skond ir-Riżoluzzjoni 1244/99 tal-Kunsill tas-Sigurtà tan-Nazzjonijiet Uniti;

b)

it-territorji tal-Istati Membri li ma jagħmlux parti mit-territorju doganali tal-Komunità: il-Gżejjer Faeroe, Greenland, Ħelgoland, Ceuta, Melilla, il-Muniċipji ta' Livigno u ta' Campione d'Italia, u ż-żoni tar-Repubblika ta' Ċipru fejn il-Gvern tar-Repubblika ta' Ċipru ma jeżerċitax kontroll effettiv;

c)

it-territorji Ewropej li għar-relazzjonijiet esterni tagħhom huwa responsabbli Stat Membru li ma jiffurmax parti mit-territorju doganali tal-Komunità: Ġibiltà.

a)

pajjiżi terzi: l-Andorra, il-Liechtenstein, is-Santa Sede (l-Istat tal-Vatikan), San Marino, il-Bożnija u l-Ħerzegovina, il-Montenegro, l-Albanija u l-ex Repubblika Jugoslava tal-Maċedonja;

b)

it-territorji tal-Istati Membri li ma jagħmlux parti mit-territorju doganali tal-Komunità: il-Gżejjer Faeroe, Greenland, Ħelgoland, Ceuta, Melilla, il-Muniċipji ta' Livigno u ta' Campione d'Italia, u ż-żoni tar-Repubblika ta' Ċipru fejn il-Gvern tar-Repubblika ta' Ċipru ma jeżerċitax kontroll effettiv;

c)

it-territorji Ewropej li għar-relazzjonijiet esterni tagħhom huwa responsabbli Stat Membru li ma jiffurmax parti mit-territorju doganali tal-Komunità: Ġibiltà.