26.11.2008   

MT

Il-Ġurnal Uffiċjali ta’ l-Unjoni Ewropea

L 316/4

(1)

Ir-Regolamenti tal-Kummissjoni (KE) Nru 451/2000 (2) u (KE) Nru 1490/2002 (3) jistabbilixxu r-regoli dettaljati għall-implimentazzjoni tat-tielet stadju tal-programm ta’ ħidma msemmi fl-Artikolu 8(2) tad-Direttiva 91/414/KEE u jistabbilixxu lista ta’ sustanzi attivi biex jiġu vvalutati, bl-għan li jiġu possibbilment inklużi fl-Anness I tad-Direttiva 91/414/KEE. Dik il-lista tinkludi l-abamectin, l-epoxiconazole, il-fenpropimorph, il-fenpyroximate u t-tralkoxydim.

(2)

Għal dawn is-sustanzi attivi l-effetti fuq is-saħħa tal-bniedem u l-ambjent ġew evalwati skond id-dispożizzjonijiet stipulati fir-Regolamenti (KE) Nru 451/2000 u (KE) Nru 1490/2002 għal firxa ta’ użi proposti min-notifikanti. Barra minn hekk, dawn ir-Regolamenti jaħtru lill-Istati Membri relaturi li għandhom jippreżentaw ir-rapporti ta’ evalwazzjoni u r-rakkomandazzjonijiet rilevanti lill-Awtorità Ewropea dwar is-Sigurtà tal-Ikel (EFSA) skond l-Artikolu 10(1) tar-Regolament (KE) Nru 1490/2002 Għall-abamectin l-Istat Membru relatur kien l-Olanda u t-tagħrif kollu rilevanti tressaq fis-27 ta’ Ottubru 2005. Għall-epoxiconazole, il-fenpropimorph u l-fenpyroximate l-Istat Membru relatur kien il-Ġermanja u kull tagħrif rilevanti tressaq fit-28 ta’ April 2005, fis-17 ta’ Marzu 2005 u fil-25 ta’ Ottubru 2005 rispettivament. Għat-tralkoxydim, l-Istat Membru relatur kien ir-Renju Unit u kull tagħrif rilevanti tressaq fis-6 ta’ Settembru 2005.

(3)

Ir-rapporti ta’ valutazzjoni kienu riveduti minn esperti mill-Istati Membri u l-EFSA u ppreżentati lill-Kummissjoni fid-29 ta’ Mejju 2008 għall-abamectin, fis-26 ta’ Marzu 2008 għall-epoxiconazole u t-tralkoxydim, fl-14 ta’ April 2008 għall-fenpropimorph, fil-5 ta’ Mejju 2008 għall-fenpyroximate, kollha fil-format tar-Rapporti Xjentifiċi tal-EFSA (4). Dawn ir-rapporti ġew riveduti mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ġew ffinalizzati fil-11 ta’ Lulju 2008 fil-format tar-rapporti ta’ reviżjoni tal-Kummissjoni għall-abamectin, l-epoxiconazole, il-fenpropimorph, il-fenpyroximate u t-tralkoxydim.

(4)

Minn eżamijiet varji li saru deher li jista’ jiġi mistenni li l-prodotti għall-ħarsien tal-pjanti li fihom l-abamectin, l-epoxiconazole, il-fenpropimorph, il-fenpyroximate u t-tralkoxydim jissodisfaw, b’mod ġenerali, ir-rekwiżiti stipulati fl-Artikolu 5(1)(a) u (b) tad-Direttiva 91/414/KEE, b’mod partikolari fir-rigward tal-użi li ġew eżaminati u ddettaljati fir-rapporti ta’ reviżjoni tal-Kummissjoni. Huwa għalhekk xieraq li dawn is-sustanzi attivi jiġu inklużi fl-Anness I, biex jiġi żgurat li fl-Istati Membri kollha jistgħu jingħataw l-awtorizzazzjonijiet lill-prodotti għall-ħarsien tal-pjanti li jkun fihom dawn is-sustanzi attivi skond id-dispożizzjonijiet ta’ din id-Direttiva.

(5)

Bla ħsara għal din il-konklużjoni, huwa xieraq li jinkiseb iktar tagħrif dwar ċerti punti speċifiċi. L-Artikolu 6(1) tad-Direttiva 91/414/KEE jistipula li l-inklużjoni ta’ sustanza fl-Anness I tista’ tiġi soġġetta għal kundizzjonijiet. Għalhekk huwa xieraq li jintalab li l-abamectin għandu jkun suġġett għal aktar studji dwar l-ispeċifikazzjoni u li aktar tagħrif huwa meħtieġ biex jikkonferma r-riskju lill-għasafar u l-mammiferi, lill-organiżmi akwatiċi, u lill-ilma ta’ taħt l-art fir-rigward tal-metabolit U8. L-epoxiconazole għandu jkun suġġett kemm għal aktar ittestjar tal-proprjetajiet tiegħu li potenzjalment iħawdu l-endokrina kif ukoll għal programm ta’ sorveljanza biex jiġu evalwati l-possibbiltà li dan jiġi trasportat fl-atmosfera fuq distanza kbira u r-riskji relatati mal-ambjent; aktar tagħrif huwa meħtieġ fir-rigward tar-residwi tal-metaboliti tiegħu fl-uċuħ ewlenin tar-raba’, fir-rotazzjoni tal-ħsad, u fil-prodotti li joriġinaw mill-annimali kif ukoll tagħrif biex jiġi indirizzat ir-riskju fit-tul lill-għasafar u lill-mammiferi erbivori. Il-fenpropimorph għandu jkun suġġett għal aktar ittestjar biex tiġi kkonfermata l-mobbiltà fil-ħamrija tal-metoabolit BF-421-7. Il-fenpyroximate għandu jkun suġġett għal aktar ittestjar għall-konferma tar-riskju lill-organiżmi akwatiċi mill-metaboliti li fihom il-benzyl moiety u r-riskju ta’ bijotkabbir fil-katini tal-ikel akwatiċi. It-tralkoxydim ghandu jkun suġġett għal aktar ittestjar għall-konfirma tar-riskju fit-tul lill-mammiferi erbivori. L-istudji kollha u t-tagħrif kollu imsemmijin hawn fuq għandhom jitressqu min-notifikaturi sa l-għeluq ta’ żmien stipulat fl-Anness I ta’ din id-Direttiva.

(6)

Għandu jitħalla jiskadi perjodu raġjonevoli qabel ma sustanza attiva tiġi inkluża fl-Anness I biex l-Istati Membri u l-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li se jirriżultaw mill-inklużjoni.

(7)

Bla ħsara għall-obbligi definiti bid-Direttiva 91/414/KEE bħala konsegwenza tal-inklużjoni ta’ sustanza attiva fl-Anness I, l-Istati Membri għandhom jingħataw perjodu ta’ sitt xhur wara l-inklużjoni biex jirrevedu l-awtorizzazzjonijiet eżistenti tal-prodotti għall-ħarsien tal-pjanti li fihom l-abamectin, l-epoxiconazole, il-fenpropimorph, il-fenpyroximate u t-tralkoxydim biex jiżguraw li r-rekwiżiti stipulati bid-Direttiva 91/414/KEE, b’mod partikolari l-Artikolu 13 tagħha u l-kundizzjonijiet rilevanti stipulati fl-Anness I, huma sodisfatti. L-Istati Membri għandhom ivarjaw, jibdlu jew jirtiraw, kif xieraq, awtorizzazzjonijiet eżistenti, skond id-dispożizzjonijiet tad-Direttiva 91/414/KEE. B’deroga mill-iskadenza stabbilita hawn fuq, għandu jiġi stipulat perjodu itwal għall-preżentazzjoni u l-valutazzjoni tad-dossier komplut tal-Anness III ta’ kull prodott għall-ħarsien tal-pjanti għal kull użu maħsub skond il-prinċipji uniformi stipulati fid-Direttiva 91/414/KEE.

(8)

L-esperjenza miksuba minn inklużjonijiet preċedenti fl-Anness I għad-Direttiva 91/414/KEE ta’ sustanzi attivi evalwati fil-qafas tar-Regolament tal-Kummissjoni (KEE) Nru 3600/92 (5) uriet li jistgħu jinqalgħu xi diffikultajiet fl-interpretazzjoni tad-dmirijiet ta’ detenturi ta’ awtorizzazzjonijiet eżistenti dwar l-aċċess għad-data. Għalhekk biex jiġu evitati aktar diffikultajiet jidher li huwa meħtieġ li d-dmirijiet tal-Istati Membri jiġu ċċarati, speċjalment id-dmir li jivverifikaw li d-detentur ta’ awtorizzazzjoni juri li għandu aċċess għal dossier li jissodisfa r-rekwiżiti tal-Anness II ta’ din id-Direttiva. Madankollu, din il-kjarifika ma timponi l-ebda obbligi ġodda fuq l-Istati Membri jew fuq id-detenturi tal-awtorizzazzjonijiet meta mqabbla mad-direttivi li ġew adottati s’issa li jemendaw l-Anness I.

(9)

Għalhekk huwa xieraq li tiġi emendata d-Direttiva 91/414/KEE skond dan.

(10)

Il-miżuri stipulati f’din id-Direttiva huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,

(a)

fil-każ ta’ prodott li jkun fih l-abamectin, l-epoxiconazole, il-fenpropimorph, il-fenpyroximate u t-tralkoxydim bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sa mhux aktar tard mit-30 ta’ April 2013; jew

(b)

fil-każ ta’ prodott li jkun fih l-abamectin, l-epoxiconazole, il-fenpropimorph, il-fenpyroximate u t-tralkoxydim bħala wieħed minn bosta sustanzi attivi, fejn meħtieġ, jemendaw jew jirtiraw l-awtorizzazzjoni sat-30 ta’ April 2013 jew sad-data ffissata għal din l-emenda jew dan l-iritrar fid-Direttiva jew id-Direttivi rispettivi li żiedu s-sustanza jew is-sustanzi rilevanti fl-Anness I għad-Direttiva 91/414/KEE, liema minnhom hija l-aħħar.