EUR-Lex Access to European Union law
This document is an excerpt from the EUR-Lex website
Document 32008L0047
Commission Directive 2008/47/EC of 8 April 2008 amending, for the purposes of adapting to technical progress, Council Directive 75/324/EEC on the approximation of the laws of the Member States relating to aerosol dispensers (Text with EEA relevance)
Direttiva tal-Kummissjoni 2008/47/KE tat- 8 ta' April 2008 li temenda għall-finijiet ta' l-adattament għall-progress tekniku, id-Direttiva tal-Kunsill 75/324/KEE dwar l-approssimazzjoni tal-liġijiet ta’ l-Istati Membri relatati mad-dispensuri ta' l-ajrusols Test b’relevanza għaż-ŻEE
Direttiva tal-Kummissjoni 2008/47/KE tat- 8 ta' April 2008 li temenda għall-finijiet ta' l-adattament għall-progress tekniku, id-Direttiva tal-Kunsill 75/324/KEE dwar l-approssimazzjoni tal-liġijiet ta’ l-Istati Membri relatati mad-dispensuri ta' l-ajrusols Test b’relevanza għaż-ŻEE
ĠU L 96, 9.4.2008, p. 15–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.4.2008 |
MT |
Il-Ġurnal Uffiċjali ta’ l-Unjoni Ewropea |
L 96/15 |
DIRETTIVA TAL-KUMMISSJONI 2008/47/KE
tat-8 ta' April 2008
li temenda għall-finijiet ta' l-adattament għall-progress tekniku, id-Direttiva tal-Kunsill 75/324/KEE dwar l-approssimazzjoni tal-liġijiet ta’ l-Istati Membri relatati mad-dispensuri ta' l-ajrusols
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 75/324/KEE ta' l-20 ta' Mejju 1975 dwar l-approssimazzjoni tal-liġijiet ta' l-Istati Membri dwar id-dispensuri ta' l-ajrusols (1), u b'mod partikolari l-Artikolu 5 u 10(3) tagħha,
Billi:
(1) |
Il-progress tekniku u l-innovazzjoni għamlu possibbli t-tqegħid fis-suq ta' numru li qed jiżdied ta' dispensuri ta' l-ajrusols b'disinn tekniku kumpless u karatteristiċi differenti minn dawk tradizzjonali. Madankollu, id-dispożizzjonijiet tad-Direttiva 75/324/KEE m'humiex biżżejjed biex jiggarantixxu livell għoli ta' sigurtà għal dispensuri ta' l-ajrusols simili li m'humiex tradizzjonali. Id-disinn individwali ta' ajrusols mhux tradizzjonali jista' joħloq perikli fis-sigurtà li m'humiex indirizzati bid-dispożizzjonijiet tas-sigurtà tad-Direttiva, li huma adattati għad-disinn magħruf ta' l-ajrusols tradizzjonali. Għalhekk, analiżi tal-periklu huwa meħtieġ li jitwettaq mill-manifattur sabiex ikopri l-aspetti kollha tas-sigurtà b'mod adegwat. |
(2) |
Fejn adatt l-analiżi tal-periklu trid tindirizza r-riskju li jirriżulta milli wieħed jibla' bin-nifs l-isprej li joħroġ mid-dispensur ta' l-ajrusol taħt kundizzjonijiet ta' l-użu li jistgħu jiġu previsti, filwaqt li jittieħed kont tad-daqs tal-qtar u d-distribuzzjoni tad-daqs b'mod konġunt mal-kwalitajiet fiżiċi u kimiċi tal-kontenut, minħabba li jekk jinbelgħu bin-nifs, il-qtar ta' l-ajrusol jistgħu jkollhom effetti negattivi fuq is-saħħa għall-utent taħt kundizzjonijiet ta' l-użu simili, anke jekk id-dispensur ta' l-ajrusol huwa kklassifikat kif suppost u ttikkettjat skond id-dispożizzjonijiet tad-Direttiva 1999/45/KE tal-Parlament Ewropew u tal-Kunsill tal-31 ta' Mejju 1999 dwar l-approssimazzjoni tal-liġijiet, regolamenti u dispożizzjonijiet amministrattivi ta' l-Istati Membri rigward il-klassifikazzjoni, pakkeġġjar u tikkettjar ta' preparazzjonijiet perikolużi (2). |
(3) |
Il-klawsola ta' sigurtà li tinsab fl-Artikolu 10 tad-Diretttiva 75/324/KEE ġiet applikata minn Stat Membru wieħed. Il-miżura ta' salvagwardjar adottata hi ġġustifikata fid-dawl tar-riskju ta' fjammabbiltà mqajjem, taħt kundizzjonijiet normali jew raġonevoli ta' l-użu li jistgħu jiġu previsti, mis-sustanza li hemm fid-dispensur ta' l-ajrusol. |
(4) |
Id-definizzjoni kurrenti ta' kontenuti fjammabbli mhix biżżejjed biex tiggarantixxi livell għoli ta' sigurtà fil-każijiet kollha. B'mod partikulari, minħabba li xi kontenuti mxerrda mid-dispensuri ta' l-ajrusols mhux definiti bħala fjammabbli skond il-kriterji elenkati fl-Anness VI għad-Direttiva tal-Kunsill 67/548/KEE tas-27 ta' Ġunju 1967 rigward l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettjar ta' sustanzi perikolużi (3), dawn jistgħu jwasslu li jaqbdu f'kundizzjonijiet normali jew raġonevoli ta' l-użu li jistgħu jiġu previsti meta jintuża d-dispensur ta' l-ajrusols. Aktar minn hekk, il-kriterji kurrenti għall-fjammabbiltà jindirizzaw biss sostanzi kimiċi u preparazzjonijiet li ma jiħdux kont sewwa tal-kundizzjonijiet fiżiċi speċjali ta' l-isprej ta' l-ajrusols jew kundizzjonijiet speċjali ta' l-użu. |
(5) |
Sabiex jinkiseb l-aħjar livell ta' sigurtà u meta wieħed jikkunsidra l-ispeċifitajiet tad-dispensuri ta' l-ajrusols, il-kriterji l-ġodda għall-klassifikazzjoni tal-fjammabbiltà tad-dispensuri ta' l-ajrusols għandha tindirizza wkoll il-perikli relatati mat-tferrix tal-kontenuti tad-dispensuri ta' l-ajrusols u l-kundizzjonijiet speċjali għall-użu tad-dispensuri ta' l-ajrusols minflok biss il-kwalitajiet fiżiċi u kimiċi tal-kontenuti nfushom. |
(6) |
Id-dispożizzjonijiet tad-Direttiva 75/324/KEE li hi fis-seħħ bħalissa tobbliga li kull dispensur ta' l-ajrusols mimli jiġi mniżżel f'banju ilma jaħraq sabiex jiġi evalwat jekk hemmx xi ħruġ jew jinfaqax. Madankollu, dispensuri ta' l-ajrusols sensittivi għas-sħana ma jifilħux għal dan it-test. Il-progress tekniku għamel possibbli metodi ta' ttestjar alternattivi għall-valutazzjoni finali tad-dispensuri ta' l-ajrusols għar-reżistenza li jinfaqgħu u għall-ħruġ, li jiggarantixxu l-istess livell ta' sigurtà. |
(7) |
Id-dispożizzjonijiet tad-Direttiva 75/324/KEE li hi fis-seħħ bħalissa jipprevedu għall-possibbiltà ta' l-użu ta' sistema ta' ttestjar li tippermetti riżultat ekwivalenti għal dak tal-metodu tal-banju ta' l-ilma, soġġett għal ftehim tal-Kumitat imsemmi fl-Artikolu 6. Madankollu, din il-proċedura tidher li hi ferm diffiċli li tiġi implimentata fil-prattika, u għalhekk qatt ma ntużat. Għalhekk, sabiex l-operaturi ekonomiċi jkunu jistgħu jibbenefikaw mill-progress tekniku mingħajr ma jikkompromettu l-livell kurrenti ta' sigurtà billi jiggarantixxu l-livell adatt ta' perizja teknika, huwa meħtieġ li jiġu approvati metodi alternattivi ta' ttestjar, minflok mill-Kumitat imsemmi fl-Artikolu 6 tad-Direttiva, minn awtoritajiet kompetenti relevanti maħtura mill-Istati Membri taħt id-Direttiva tal-Kunsill 94/55/KE tal-21 ta' Novembru 1994 dwar l-approssimazzjoni tal-liġijiet ta' l-Istati Membri fir-rigward tat-trasport ta' oġġetti perikolużi bit-triq (4). |
(8) |
Kien hemm tħassib dwar is-sigurtà wara li nfaqgħu u ħarġu l-ajrusols minn dispensuri ta' l-ajrusols tal-metall li ssaħħnu għal temperaturi għoljin, bħal fil-każ ta' ġewwa karozza esposta għar-radjazzjoni tax-xemx. Huwa għalhekk meħtieġ li jiġi limitat il-livell massimu tal-mili għall-istess valur għat-tipi kollha ta' dispensuri ta' l-ajrusols. |
(9) |
Il-parti l-kbira ta' propellanti li ma jagħmlux ħsara lill-ambjent u li ma jaqbdux huma gassijiet kumpressati. Madankollu, minħabba t-telf ta' pressa f'dispensuri ta' l-ajrusols li jużaw gassijiet kumpressati bħala propellanti meta jaslu lejn l-aħħar tipikament ikunu anqas effiċjenti sabiex joħorġu l-kontenut. Konsegwentement, l-użu ta' gassijiet kumpressati bħala propellanti għandu jiġi nkuraġġit billi tiżdied il-pressa massima interna tad-dispensuri ta' l-ajrusols, sal-punt li ma jkunx hemm periklu għall-konsumaturi. |
(10) |
Id-Direttiva 75/324/KEE għandha għalhekk tiġi emendata skond dan. |
(11) |
Il-miżuri previsti f'din id-Direttiva huma skond l-opinjoni tal-Kumitat għall-Addattament għall-Progress Tekniku tad-Direttiva dwar id-dispensuri ta' l-ajrusols, |
ADOTTAT DIN ID-DIRETTIVA:
Artikolu 1
Id-Direttiva 75/324/KEE qed tiġi emendata kif imniżżel fl-Anness li jinsab ma' din id-Direttiva.
Artikolu 2
1. L-Istati Membri għandhom jadottaw u jippubblikaw sad-29 ta' Ottubru 2009 il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Għandhom jikkomunikaw minnufih lill-Kummissjoni t-test ta’ dawn id-dispożizzjonijiet u tabella ta’ korrelazzjoni bejn dawn id-dispożizzjonijiet u din id-Direttiva.
L-Istati Membri għandhom japplikaw dawk id-dispożizzjonijiet mid-29 ta' April 2010.
Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew ikunu akkumpanjati b’din ir-referenza meta jiġu ppubblikati uffiċjalment. L-Istati Membri għandhom jiddeterminaw kif għandha ssir din ir-referenza.
2. L-Istati Membri għandhom jgħaddu lill-Kummissjoni t-testi tad-dispożizzjonijiet prinċipali tal-liġi nazzjonali li huma jaddottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dik tal-pubblikazzjoni tagħha fil-Ġurnal Uffiċjali tal-Komunitajiet Ewropej.
Artikolu 4
Din id-Direttiva hija indirizzata lill-Istati Membri.
Magħmula fi Brussell, 8 ta’ April 2008.
Għall-Kummissjoni
Günter VERHEUGEN
Viċi President
(1) ĠU L 147, 9.6.1975, p. 40. Id-Direttiva kif emendata l-aħħar bir-Regolament (KE) Nru 807/2003 (ĠU L 122, 16.5.2003, p. 36).
(2) ĠU L 200, 30.7.1999, p.1. Id-Direttiva kif emendata l-aħħar bir-Regolament (KE) Nru 1907/2006 (ĠU L 396, 30.12.2006, p. 1; kif ikkoreġuta bil-ĠU L 136, 29.5.2007, p. 3).
(3) ĠU 196, 16.8.1967, p. 1. Id-Direttiva kif l-aħħar emendata bid-Direttiva 2006/121/KE tal-Parlament Ewopew u tal-Kunsill (ĠU L 396, 30.12.2006, p. 850; kif ikkoreġuta bil-ĠU L 136, 29.5.2007, p. 281).
(4) ĠU L 319, 12.12.1994, p. 7. Id-Direttiva kif emendata l-aħħar bid-Direttiva tal-Kummissjoni 2006/89/KE (ĠU L 305, 4.11.2006, p. 4).
ANNESS
Id-Direttiva 75/324/KEE hija hawnhekk emendata kif ġej:
(1) |
Fl-Artikolu 8, jiżdied il-paragrafu 1a li ġej: “1a. Fejn dispensur ta' l-ajrusols fih komponenti fjammabbli kif definit fil-punt 1.8 ta' l-Anness imma d-dispensur ta' l-ajrusols m'huwiex ikkunsidrat bħala ‘fjammabbli’ jew ‘estremament fjammabbli’ skond il-kriterji stabbiliti fil-punt 1.9 ta' l-Anness, il-kwantità ta' materjal fjammabbli li hemm fid-dispensur ta' l-ajrusols trid tiġi dikjarata b'mod ċar fuq it-tikketta, fil-forma li ġejja li tkun tinqara u mingħajr ma tista' titħassar: ‘X% bil-piż tal-kontenut huwa fjammabbli’.”; |
(2) |
L-Artikolu 9a huwa revokat. |
(3) |
L-Anness huwa emendat kif ġej:
|