EUR-Lex Access to European Union law
This document is an excerpt from the EUR-Lex website
Document 32008A0802(01)
Commission opinion of 1 August 2008 concerning the plan for the disposal of radioactive waste arising from the Urenco Capenhurst Ltd uranium enrichment plant in the United Kingdom, in accordance with Article 37 of the Euratom Treaty
Opinjoni tal-Kummissjoni ta' l- 1 ta' Awwissu 2008 dwar il-pjan għad-disponiment mill-iskart radjoattiv li joriġina mill-impjant ta' l-arrikkiment ta' l-uranju ta' Urenco Capenherst Ltd fir-Renju Unit, skond l-Artikolu 37 tat-Trattat ta' l-Euratom
Opinjoni tal-Kummissjoni ta' l- 1 ta' Awwissu 2008 dwar il-pjan għad-disponiment mill-iskart radjoattiv li joriġina mill-impjant ta' l-arrikkiment ta' l-uranju ta' Urenco Capenherst Ltd fir-Renju Unit, skond l-Artikolu 37 tat-Trattat ta' l-Euratom
ĠU C 196, 2.8.2008, p. 1–1
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
2.8.2008 |
MT |
Il-Ġurnal Uffiċjali ta’ l-Unjoni Ewropea |
C 196/1 |
OPINJONI TAL-KUMMISSJONI
ta' l-1 ta' Awwissu 2008
dwar il-pjan għad-disponiment mill-iskart radjoattiv li joriġina mill-impjant ta' l-arrikkiment ta' l-uranju ta' Urenco Capenherst Ltd fir-Renju Unit, skond l-Artikolu 37 tat-Trattat ta' l-Euratom
(It-test bl-Ingliż biss huwa awtentiku)
(2008/C 196/01)
Fit-18 ta' Diċembru 2007, il-Kummissjoni Ewropea rċeviet mingħand il-Gvern tar-Renju Unit, skond l-Artikolu 37 tat-Trattat ta' l-Euratom, Dejta Ġenerali relatata mal-pjan għad-disponiment mill-iskart radjoattiv li joriġina mill-impjant ta' l-arrikkiment ta' l-uranju ta' Urenco Capenherst Ltd.
Abbażi ta' din id-dejta u ta' tagħrif addizzjonali mitlub mill-Kummissjoni fil-15 ta' Jannar 2008 u li l-awtoritajiet Britanniċi pprovdewh fis-7 u fit-8 ta' April 2008, u wara li konsultazzjoni mal-Grupp ta' Esperti, il-Kummisjsoni fasslet l-opinjoni li ġejja:
|
(1) |
id-distanza bejn l-impjant ta' arrikkiment u l-eqreb fruntiera ma' Stat Membru ieħor, f'dan il-każ l-Irlanda, hija madwar 195 kilomentru; |
|
(2) |
matul l-operat normali, skariki ta' effluwenti likwidi u fil-forma ta' gass mhumiex sejrin jikkawżaw esponiment li jista' jaffettwa s-saħħa tal-popolazzjoni fi Stati Membri oħra; |
|
(3) |
skart radjoattiv solidu (kombustibbli jew mhuwiex) sejjer ikun trasferit, għall-inċinerazzjoni jew id-disponiment, lejn siti b'liċenzja apposta fir-Renju Unit. L-iskart solidu mhux radjoattiv jew materjali residwi konformi mal-livelli permissibbli sejrin jinħelsu mill-kontroll regolatorju għad-disponiment bħala skart konvenzjonali, jew inkella għall-użu mill-ġdid jew ir-riċiklaġġ. Dan sejjer isir skond il-kriterji stipulati fl-Istandards Bażiċi tas-Sikurezza (id-Direttiva tal-Kunsill 96/29/EURATOM); |
|
(4) |
jekk iseħħu rilaxxi mhux ippjanati ta' effluwenti radjoattivi b'riżultat ta' inċident tat-tip jew daqs ikkunsidrat fid-Dejta Ġenerali, id-dożi li jaslu fi Stati Membri oħra ma jkunux tali li jaffettwaw is-saħħa tal-popolazzjoni. |
B'konklużjoni, il-Kummissjoni hija tal-fehma li l-implimentazzjoni tal-pjan għad-disponiment mill-iskart radjoattiv, tkun xi tkun il-forma li jieħu, li joriġina mill-impjant ta' l-arrikkiment ta' l-uranju ta' Urenco Capenherst Ltd fir-Renju Unit, sew fl-operat normali kif ukoll fil-każ ta' inċident tat-tip jew daqs ikkunsidrat fid-Dejta Ġenerali, mhuwiex sejjer jikkawża l-kontaminazzjoni ta' l-ilma, il-ħamrija jew l-ispazju ta' l-ajru ta' Stat Membru ieħor.