28.11.2007   

MT

Il-Ġurnal Uffiċjali ta’ l-Unjoni Ewropea

L 310/19

(1)

Fis-7 ta’ Awwissu 2002 il-Kummissjoni adottat id-Deċiżjoni 2002/644/KE li tidderoga mid-definizzjoni tal-kunċett ta’ “prodotti ta’ oriġini” biex tqis il-qagħda speċjali tal-Gżejjer Falkland rigward l-ispeċijiet varji tal-ħut iffriżat taħt l-intestatura NM 0303, l-ispeċijiet varji ta’ flettijiet tal-ħut iffriżat taħt l-intestatura NM 0304 u klamari Loligo ffriżati u klamari Ilex iffriżati taħt l-intestatura NM 0307 (2). Din id-deroga skadiet fil-31 ta’ Awwissu 2007.

(2)

Fil-31 ta’ Lulju 2007, il-Gżejjer Falkland applikaw għal deroga ġdida, fuq perjodu ta’ ħames snin, mir-regoli dwar l-oriġini definiti fl-Anness III tad-Deċiżjoni 2001/822/KE. Din it-talba tkopri kwantità totali annwali ta’ 16 200 tunnellata ta’ ħut iffriżat taħt l-intestatura NM 0303, 5 100 tunnellata ta’ flettijiet tal-ħut iffriżat taħt l-intestatura NM 0304, 57 900 tunnellata ta’ klamari Loligo ffriżati u 47 200 tunnellata klamari Ilex iffriżati taħt l-intestatura NM 0307.

(3)

Il-Gżejjer Falkland ibbażaw t-talba tagħhom fuq il-fatti li għal ħut iffriżat, flettijiet tal-ħut iffriżat u klamari Loligo, qed isir aktar diffiċli ir-reklutaġġ ta’ ekwipaġġ għall-bastimenti tas-sajd tagħhom u bastimenti-fabbriki mill-OCT, il-Komunità jew l-Istati AKP. Rigward il-klamari Illex, il-Gżejjer Falkland jindikaw li mhux l-għarfien tas-sajd speċifiku kollu meħtieġ huwa attwalment disponibbli mill-ekwiġaġġ mill-OCT, il-Komunità jew l-Istati AKP. In-nuqqas ta’ ekwipaġġ mill-OCT, il-Komunità jew l-Istati AKP, joħroġ partikolarment mis-sitwazzjoni ġeografika speċifika tal-Gżejjer Falkland u ma jistax jiġi rimedjat billi tiżdied il-preżenza ta’ flotot tas-sajd tal-Komunità fiż-żona Falkland.

(4)

Għandha tingħata deroga mir-regoli ta’ l-oriġini kif definiti fl-Anness III tad-Deċiżjoni 2001/822/KE għall-prodotti li jaqgħu taħt il-kodiċijiet NM 0303 u 0304, għal klamari Loligo taħt l-intestatura 0307 49 35 u għal klamari Ilex taħt l-intestatura 0307 99 11. Din id-deroga hija ġġustifikata bl-Artikolu 37(1) ta’ dak l-Anness, b’mod partikolari fir-rigward ta’ l-iżvilupp ta’ industrija lokali eżistenti. Id-deroga mill-Artikolu 3(2) d ta’ l-Anness III għandha jipprovdi aktar sigurtà għall-kumpaniji lokali tas-sajd li jiffaċilitaw attivitajiet u swieq ġodda. L-użu tad-deroga mogħtija fl-2002 għadu estremament baxx (51 620 tunnellata taħt l-intestatura NM 0303, 35 320 tunnellata taħt l-intestatura NM 0304, 52 348 tunnellata għal klamari Loligo u 6 720 tunnellata għal klamari Illex tul perjodu ta’ ħames snin). Id-deroga għaldaqstant għandha tingħata għall-kwantitajiet totali annwali li ġejjin, ibbażat fuq il-kwantitajiet totali annwali kif huma koperti bid-deroga ta’ l-2002 i.e. 12 500 tunnellata taħt l-intestatura NM 0303, 5 100 tunnellata taħt l-intestatura NM 0304, 34 600 tunnellata għal klamari Loligo squid taħt NM 0307 49 35 u 31 000 tunnellata għal klamari Illex taħt NM 0307 99 11.

(5)

Suġġett għal konformità ma’ ċertu kondizzjonijiet li għandhom x’jaqsmu ma’ kwantità, sorveljanza u dewmien, id-deroga ma għandhiex tikkawża ħsara serja lill-industrija stabbilita tal-Komunità jew ta’ wieħed jew iktar mill-Istati Membri.

(6)

Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komuni (3), jistipola r-regoli għall-amministrazzjoni tal-kwoti tariffarji. Dawn ir-Regoli għandhom ikunu applikati mutatis mutandis għall-amministrazzjoni tal-kwantità li għaliha qed tingħata d-deroga kkonċernata.

(7)

Ġaladarba d-Deċiżjoni 2002/822/KE tiskadi fil-31 ta’ Diċembru 2011, jeħtieġ li jiġi previst li d-deroga tkompli tapplika lil hinn mill-31 ta’ Diċembru 2011, jekk qabel dik id-data tiġi adottata deċiżjoni dwar dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea, jew inkella jekk tiġi estiża d-Deċiżjoni 2001/822/KE.

(8)

Il-miżuri li hemm ipprovdut għalihom fid-Deċiżjoni huma konformi ma’ l-opinjoni tal-Kodiċi tal-Kumitat tad-dwana,

—

“Derogation – Decision No …”;

—

“Dérogation – Décision no …”,