EUR-Lex Access to European Union law
This document is an excerpt from the EUR-Lex website
Document 32006R0852
Commission Regulation (EC) No 852/2006 of 9 June 2006 amending Regulation (EC) No 793/2006 laying down certain detailed rules for applying Council Regulation (EC) No 247/2006 laying down specific measures for agriculture in the outermost regions of the Union
852/2006/KE: Regolament tal-Kummissjoni (KE) Nru 852/2006 tad- 9 ta' Ġunju 2006 li jemenda r-Regolament (KE) Nru 793/2006 li jistabilixxi ċerti regoli dettaljati għall-applikazzjoni tar-Regolament tal-Kunsill (KE) Nru 247/2006 tat- 30 ta’ Jannar 2006 li jistabbilixxi miżuri speċifiċi għall-agrikoltura fir-reġjuni l-aktar ‘il bogħod tal-Unjoni
852/2006/KE: Regolament tal-Kummissjoni (KE) Nru 852/2006 tad- 9 ta' Ġunju 2006 li jemenda r-Regolament (KE) Nru 793/2006 li jistabilixxi ċerti regoli dettaljati għall-applikazzjoni tar-Regolament tal-Kunsill (KE) Nru 247/2006 tat- 30 ta’ Jannar 2006 li jistabbilixxi miżuri speċifiċi għall-agrikoltura fir-reġjuni l-aktar ‘il bogħod tal-Unjoni
ĠU L 158, 10.6.2006, p. 9–10
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 330M, 9.12.2008, p. 309–310
(MT)
No longer in force, Date of end of validity: 06/03/2014; Imħassar b' 32014R0179
9.12.2008 |
MT |
Il-Ġurnal Uffiċjali ta’ l-Unjoni Ewropea |
309 |
REGOLAMENT TAL-KUMMISSJONI (KE) Nru 852/2006
tad-9 ta' Ġunju 2006
li jemenda r-Regolament (KE) Nru 793/2006 li jistabilixxi ċerti regoli dettaljati għall-applikazzjoni tar-Regolament tal-Kunsill (KE) Nru 247/2006 tat-30 ta’ Jannar 2006 li jistabbilixxi miżuri speċifiċi għall-agrikoltura fir-reġjuni l-aktar ‘il bogħod tal-Unjoni
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità,
Wara li kkunsidrat ir-Regolament tal-Kunsill (KE) Nru 247/2006 tat-30 ta’ Jannar 2006 li jistabbilixxi miżuri speċifiċi għall-agrikoltura fir-reġjuni l-aktar il-bogħod tal-Unjoni (1), u b’mod partikolari l-Artikolu 30 tiegħu,
Billi:
(1) |
Ir-Regolament tal-Kunsill (KE) Nru 247/2006 jissostitwixxi l-iskema attwali fir-reġjuni l-aktar ‘il bogħod stabbilita fir-Regolament tal-Kunsill (KE) Nru 1452/2001 (2), ir-Regolament tal-Kunsill (KE) Nru 1453/2001 (3) u r-Regolament tal-Kunsill (KE) Nru 1454/2001 (4) u jirrevoka dawn ir-Regolamenti. B’konformità mal-Artikolu 33 tiegħu, huwa japplika, għal kull Stat Membru konċernat, mid-data tan-notifika mill-Kummissjoni tal-approvazzjoni tal-programm ġenerali stabbilit fl-Artikolu 24(1) tiegħu. |
(2) |
Mill-Artikolu 33 tar-Regolament (KE) Nru 247/2006 jirriżulta li d-dispożizzjonijiet tar-Regolament (KE) Nru 1452/2001, ir-Regolament (KE) Nru 1453/2001 u r-Regolament (KE) Nru 1454/2001 japplikaw sad-data tan-notifika mill-Kummissjoni għall-Istat Membru konċernat mill-approvazzjoni tal-programm ġenerali stabbilit fl-Artikolu 24(1) tar-Regolament (KE) Nru 247/2006. Għalhekk għandu jiġi ċċarat li l-miżuri adottati għall-implimentazzjoni tar-Regolament (KE) Nru 1452/2001, ir-Regolament (KE) Nru 1453/2001 u r-Regolament (KE) Nru 1454/2001 japplikaw biss sa din id-data. |
(3) |
F’dan il-kuntest, għandu jiġi stabbilit li t-talbiet magħmulin fil-qafas tal-miżuri adottati għall-implimentazzjoni tar-Regolament (KE) Nru 1452/2001, ir-Regolament (KE) Nru 1453/2001 u r-Regolament (KE) Nru 1454/2001, li huma pendenti fid-data tan-notifika tal-programm ġenerali stabbilit fl-Artikolu 24(1) tar-Regolament (KE) Nru 247/2006 jiġu kkunsidrati fil-qafas tal-iskema stabbilita minn dan ir-Regolament u b’mod aktar partikolari fil-qafas tal-programm ġenerali stabbilit fl-Artikolu 24(1) tiegħu. |
(4) |
Għalhekk għandu jiġi emendat ir-Regolament tal-Kummissjoni (KE) Nru 793/2006 (5) sabiex jiġu introdotti l-miżuri tranżitorji li huma neċessarji biex jiżguraw tranżizzjoni mingħajr tfixkil tal-iskema applikabbli għas-sena 2005 għall-miżuri stabbiliti fir-Regolament (KE) Nru 247/2006. |
(5) |
Il-miżuri stabbiliti f’dan ir-Regolament jikkonformaw mal-opinjoni tal-Kumitat ta’ Ġestjoni għall-Ħlasijiet Diretti, |
ADOTTAT DAN IR-REGOLAMENT:
Artikolu 1
L-Artikolu 52a huwa miżjud fir-Regolament (KE) Nru 793/2006:
“Artikolu 52a
Miżuri tranżitorji
1. Il-miżuri adottati għall-implimentazzjoni tar-Regolament (KE) Nru 1452/2001, ir-Regolament (KE) Nru 1453/2001 u r-Regolament (KE) Nru 1454/2002 u li huma validi sa wara l-31 ta’ Diċembru 2005 jibqgħu japplikaw sad-data tan-notifika mill-Kummissjoni għall-Istat Membru konċernat mill-approvazzjoni tal-programm ġenerali stabbilit fl-Artikolu 24(1) tar-Regolament (KE) Nru 247/2006.
2. Id-dispożizzjonijiet ta’ dan ir-Regolament japplikaw għat-talbiet magħmula fil-qafas tal-miżuri adottati għall-implimentazzjoni, għas-sena 2006, tar-Regolament (KE) Nru 1452/2001, ir-Regolament (KE) Nru 1453/2001 u r-Regolament (KE) Nru 1454/2001, li huma pendenti fid-data tan-notifika stabbilita fl-ewwel paragrafu ta’ dan l-Artikolu, jew li jsiru wara din id-data.”
Artikolu 2
Dan ir-Regolament jidħol fis-seħħ mis-seba’ jum wara li jiġi ppubblikat f’Il-Ġurnal Ufficjali ta' l-Unjoni Ewropea.
Japplika mill-1 ta’ Jannar 2006.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 9 ta' Ġunju 2006.
Għall-Kummissjoni
Mariann FISCHER BOEL
Membru tal-Kummissjoni
(2) ĠU L 198, 21.7.2001, p. 11. Ir-Regolament kif emendat l-aħħar bir-Regolament (KE) Nru 1690/2004 (ĠU L 305, 1.10.2004, p. 1).
(3) ĠU L 198, 21.7.2001, p. 26. Ir-Regolament kif emendat l-aħħar bir-Regolament (KE) Nru 1690/2004.
(4) ĠU L 198, 21.7.2001, p. 45. Ir-Regolament kif emendat l-aħħar bir-Regolament (KE) Nru 1690/2004.
(5) ĠU L 145, 31.5.2006, p. 1.