1.8.2007   

MT

Il-Ġurnal Uffiċjali ta’ l-Unjoni Ewropea

365

(1)

Fl-10 ta’ Ġunju 1999 il-Ministri ta’ l-Affarijiet Barranin ta’ l-Istati Membri ta' l-Unjoni Ewropea u l-Kummissjoni tal-Komunitajiet Ewropej, flimkien mal-parteċipanti fil-Patt ta' Stabbiltà għax-Xlokk ta' l-Ewropa, qablu li jwaqqfu Patt ta' Stabbiltà għax-Xlokk ta' l-Ewropa, minn issa ’l quddiem imsejjaħ “il-Patt ta’ Stabbiltà”.

(2)

L-Artikolu 1(a) tar-Regolament tal-Kunsill (KE) Nru 1080/2000 jipprovdi għall-Koordinatur Speċjali tal-Patt ta’ Stabbiltà li jinħatar fuq bażi annwali.

(3)

Jeħtieġ li jkun stabbilit, flimkien mal-ħatra, mandat għall-Koordinatur Speċjali. L-esperjenza wriet li l-mandat stabbilit fid-Deċiżjoni tal-Kunsill (KE) Nru 2005/912 tat-12 ta' Diċembru 2005 dwar il-ħatra ta' Koordinatur Speċjali tal-Patt ta' Stabbiltà għax-Xlokk ta' l-Ewropa (2) għall-2006 hu adatt. Flimkien mal-konklużjonijiet tal-Mejda Reġjonali tax-Xlokk ta' l-Ewropa li, fit-30 ta’ Mejju 2006 f’Belgrad, approva pjan ta’ tranżizzjoni għall-pussess reġjonali u f’konformità mal-Konklużjonijiet tal-Kunsill tat-12 ta’ Ġunju 2006, il-mandat għandu jagħmel enfasi speċjali fuq din it-tranżizzjoni.

(4)

Hu xieraq li jkunu stabbiliti linji ċari tar-responsabbiltà kif ukoll gwida dwar il-koordinazzjoni u r-rappurtaġġ,

(a)

jippromwovi l-kisba ta’ l-għanijiet tal-Patt ta’ Stabbiltà, fi ħdan, u bejn il-pajjiżi individwali u fejn il-Patt ta’ Stabbiltà juri li għandu valur miżjud;

(b)

jippresjedi il-Mejda Reġjonali tax-Xlokk ta’ l-Ewropa;

(ċ)

iżomm kuntatt mill-qrib mal-parteċipanti kollha u Stati, organizzazzjonijiet u istituzzjonijiet tal-Patt ta' Stabbiltà, kif ukoll inizjattivi relevanti reġjonali u organizzazzjonijiet, bil-għan li titrawwem kooperazzjoni reġjonali u titkabbar il-proprjetà reġjonali;

(d)

jikkoopera mill-viċin ma’ l-Istituzzjonijiet ta’ l-Unjoni Ewropea u l-Istati Membri tagħha sabiex jippromwovi s-sehem ta’ l-Unjoni Ewropea fil-Patt ta’ Stabbiltà skond il-punti 18, 19, 20 tad-dokument tal-Patt ta' Stabbiltà u jiżgura kumplimentarjetà bejn ix-xogħol tal-Patt ta' Stabbiltà u l-Proċess ta' Stabbiltà u Assoċjazzjoni;

(e)

jiltaqa’ perjodikament u b’mod kollettiv kif xieraq mal-Presidenti ta’ l-Imwejjed ta' Ħidma, biex jiżgura koordinazzjoni strateġika ġenerali u jaġixxi bħala segretarjat tal-Mejda Reġjonali tax-Xlokk ta’ l-Ewropa u l-istrumenti tagħha;

(f)

jaħdem fuq il-bażi ta' lista, li jkun hemm qbil dwarha minn qabel u b'konsultazzjoni mal-parteċipanti fil-Patt ta' Stabbiltà, ta' azzjonijiet ta' prijorità għall-Patt ta' Stabbiltà biex ikunu implimentati matul l-2007, u jaġġusta l-metodi ta' xogħol u l-istrutturi tal-Patt ta' Stabbiltà għal bżonnijiet tat-tranżizzjoni tal-pussess reġjonali, biex tkun żgurata l-konsistenza u l-użu effiċjenti tar-riżorsi.

(g)

jiffaċilita l-implimentazjoni tat-tranżizzjoni għall-pussess reġjonali skond il-konklużjonijiet tal-Mejda Reġjonali tax-Xlokk ta' l-Ewropa fit-30 ta' Mejju 2006 u għal dan l-iskop jaħdem mill-qrib mal-Proċess ta' Kooperazzjoni tax-Xlokk ta' l-Ewropa u mas-Segretarju Ġenerali tiegħu meta jinħatar; għandha tingħata attenzjoni partikulari għat-twaqqif tal-kunsill ta’ Kooperazzjoni Reġjonali u tas-segretarjat tal-kooperazzjoni reġjonali kif ukoll dwar ir-razzjonalizzazzjoni tat-Task Forces varji u inizjattivi tal-Patt ta’ Stabbiltà.