EUR-Lex Access to European Union law
This document is an excerpt from the EUR-Lex website
Document 32005R0285
Commission Regulation (EC) No 285/2005 of 18 February 2005 laying down transitory measures arising from the adoption of improved trade arrangements concerning the export of certain processed agricultural products to Switzerland and Liechtenstein
Regolament tal-Kummissjoni (KE) Nru 285/2005 tat- 18 ta' Frar 2005 li jistipula l-miżuri tranżitorji li jiġu mill-adozzjoni ta’ arranġamenti tal-kummerċ imtejba li jikkonċernaw l-esportazzjoni ta’ certi prodotti agrikoli pproċessati għall-Iżvizzera u l-Liechtenstein
Regolament tal-Kummissjoni (KE) Nru 285/2005 tat- 18 ta' Frar 2005 li jistipula l-miżuri tranżitorji li jiġu mill-adozzjoni ta’ arranġamenti tal-kummerċ imtejba li jikkonċernaw l-esportazzjoni ta’ certi prodotti agrikoli pproċessati għall-Iżvizzera u l-Liechtenstein
ĠU L 48, 19.2.2005, p. 12–13
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 275M, 6.10.2006, p. 154–155
(MT)
No longer in force, Date of end of validity: 18/01/2011
6.10.2006 |
MT |
Il-Ġurnal Uffiċjali ta’ l-Unjoni Ewropea |
154 |
REGOLAMENT TAL-KUMMISSJONI (KE) Nru 285/2005
tat-18 ta' Frar 2005
li jistipula l-miżuri tranżitorji li jiġu mill-adozzjoni ta’ arranġamenti tal-kummerċ imtejba li jikkonċernaw l-esportazzjoni ta’ certi prodotti agrikoli pproċessati għall-Iżvizzera u l-Liechtenstein
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat ir-Regolament tal-Kunsill (KE) Nru 3448/93 tas-6 ta' Diċembru 1993 li jistabbilixxi l-arranġamenti kummerċjali applikabbli għal ċertu oġġetti li jirriżultaw mill-ipproċessar ta' prodotti agrikoli (1), b'mod partikulari, l-Artikolu 8(3) tiegħu,
Billi:
(1) |
Il-Ftehim bejn il-Komunità Ewropea u l-Konfederazzjoni Żvizzera li jemenda l-Ftehim bejn il-Komunità Ekonomika Ewropea u l-Konfederazzjoni Żvizzera tat-22 ta' Lulju 1972 (2), li kien iffirmat f’Ottubru 2004, huwa applikabbli provviżorjament mill-1 ta’ Frar 2005 bis saħħa tad-Deċiżjoni tal-Kunsill 2005/45/KE tat-22 ta’ Diċembru 2004 dwar il-konklużjoni ta’ l-applikazzjoni provviżorja tal-Ftehim bejn il-Komunità Ewropea u l-Konfederazzjoni Żvizzera li temenda l-Ftehim bejn il-Komunità Ekonomika Ewropea u l-Konfederazzjoni Żvizzera tat-22 ta’ Lulju 1972 fir-rigward tad-dispożizzjonijiet applikabbli għall-prodotti agrikoli pproċessati (3) |
(2) |
Skond id-Deċiżjoni 2005/45/KE ċerti oġġetti li għalihom l-operaturi jkunu applikaw għaċ-certifikati tar-rifużjonijiet skond ir-Regolament tal-Kummissjoni (KE) Nru 1520/2000 tat-13 ta’ Lulju 2000 li jistipula regoli komuni dettaljati għall-applikazzjoni tas-sistema għall-għoti tar-rifużjonijiet għall-esportazzjoni fuq ċerti prodotti agrikoli esporatati fil-forma ta’ merkanzija mhux koperta mill-Anness I tat-Trattat, u l-kriterji biex jiġi ffissat l-ammont ta rifużjonijiet bħal dawn (4) huma, mill-1 ta’ Frar 2005, mhux aktar eliġibbli għar-rifużjoni meta jiġu esportati lejn l-Iżvizzera jew il-Liechtenstein. |
(3) |
It-tnaqqis taċ-ċertifikati tar-rifużjonijiet u r-rilaxx pro-rata tal-garanzija korrispondenti għandhom jitħallew fejn l-operaturi jistgħu juru għas-sodisfazzjoni ta' l-awtorità kompetenti nazzjonali li t-talbiet tagħhom għar-rifużjonijiet ġew effettwati bid-dħul fis-seħħ tad-Deċiżjoni 2005/45/KE. Meta jiġu vvalutati t-talbiet għat-tnaqqis fl-ammont taċ-ċertfikat tar-rifużjoni u r-rilaxx proporzjonali tal-garanzija rilevanti, l-awtorità kompetenti nazzjonali għandha, f’każi ta’ dubju, tqis b’mod partikolari d-dokumenti msemmija fl-Artikolu 1(2) tar-Regolament tal-Kunsill (KEE) Nru 4045/89 tal-21 ta’ Diċembru 1989 dwar li l-Istati Membri jiflu t-transazzjonijiet li jifformaw parti mis-sistema ta’ l-iffinanzjar mis-Sezzjoni tal-Garanzija tal-Fond Agrikolu Ewropew ta’Gwida u Garanzija u li jirrevoka id-Direttiva 77/435/KEE (5) bla ħsara għall-applikazzjoni tad-dispożizzjonijiet l-oħra ta’dak ir-Regolament. |
(4) |
Għal raġunijiet amministrattivi, huwa xieraq li jiġi previst li t-talbiet għat-tnaqqis ta’ l-ammont taċ-ċertifikat tar-rifużjoni u r-rilaxx tal-garanzija għandhom isiru fi żmien qasir u li dawk l-ammonti li t-tnaqqis tagħhom kien ġie aċċettat għandhom ikunu notifikati lill-Kummissjoni f’’biżżejjed ħin sabiex ikunu inklużi fit-tfassil ta’ l-ammont li għalih ċertifikati ta’rifużjoni biex jintużaw mill-1 ta’ April 2005 għandhom jinħarġu, skond ir-Regolament (KE) Nru 1520/2000. |
(5) |
Minħabba li l-miżuri stipulati fid-Deċiżjoni 2005/45/KE se japplikaw mill-1 ta’ Frar 2005, dan ir-Regolament għandu japplika mill-istess data u jidħol fis-seħħ minnufih. |
(6) |
Il-miżuri previsti f'dan ir-Regolament huma skond l-opinjoni tal-Kumitat ta' Ġestjoni dwar mistoqsijiet orizzontali li jikkonċernaw il-kummerċ fil-prodotti pproċessati agrikoli li ma humiex elenkati fl-Anness I tat-Trattat, |
ADDOTTAT DAN IR-REGOLAMENT:
Artikolu 1
1. Ċertifikati ta’ rifużjoni maħruġa skond ir-Regolament (KE) Nru 1520/2000 fir-rigward ta’ l-esportazzjonijet ta’ l-oġġetti li għalihom tneħħew ir-rifużjonijiet ta’ l-esportazzjoni bid-Deċiżjoni 2005/45/KE jistgħu fuq talba tal-parti interessata, jitnaqqsu skond il-kundizzjonijiet previsti fil-paragrafu 2.
2. Sabiex ikunu eliġibbli għat-tnaqqis ta’ l-ammont taċ-ċertifikat tar-rifużjoni, iċ-ċertifikati msemmija fil-paragrafu 1 iridu jkunu ġew applikati qabel l-1 ta’ Frar 2005 u l-perjodu ta’ validità tagħhom għandu jiskadi wara l-31 ta’ Jannar 2005.
3. Iċ-ċertifikat għandu jitnaqqas bl-ammont li għalih il-parti interessata ma tistax titlob rifużjonijiet ta’ esportazzjoni mill-1 ta’ Frar 2005, kif muri għas-sodisfazzjon ta’ l-awtorità nazzjonali kompetenti.
Fil-valutazzjoni tagħhom l-awtoritajiet kompetenti għandhom, f’każijiet ta’ dubju, iqisu b’mod partikolari id-dokumenti kummerċjali msemmija fl-Artikolu 1(2) tar-Regolament (KEE) Nru 4045/89.
4. Il-garanzija rilevanti se tiġi rilaxxata fi proporzjon mat-tnaqqis ikkonċernat.
Artikolu 2
1. Sabiex ikunu eliġibbli għal-kunsiderazzjoni skond l-Artikolu 1, l-awtorità nazzjonali kompetenti għandha tirċievi t-talbiet sa mhux aktar tard mis-7 ta’ Marzu 2005.
2. L-Istati Membri għandhom jinnotifikaw lill-Kummissjoni sa mhux iktar tard mill-14 ta’ Marzu 2005 bl-ammonti li ġew aċċettati ir-rifużjonijiet għalihom skond l-Artikolu 1(3) ta’ dan ir-Regolament. L-ammonti notifikati se jitiqesu sabiex ikunu inklużi fit-tfassil ta’ l-ammont li għalih ċertifikati ta’ rifużjoni biex jintużaw mill-1 ta’ April 2005 għandhom jinħarġu, skond il-punt (d) ta’ l-Artikolu 8(1) tar-Regolament (KE) Nru 1520/2000.
Artikolu 3
Dan ir-Regolament se jidħol fis-seħħ f’jum il-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussell, nhar it-18 ta' Frar 2005.
Għall-Kummissjoni
Günter VERHEUGEN
Membru tal-Kummissjoni
(1) ĠU L 318, 20.12.1993, p. 18. Regolament kif emendat l-aħħar bir-Regolament (KE) Nru 2580/2000 (ĠU L 298, tal-25.11.2000, p. 5).
(2) ĠU L 23, 26.1.2005, p. 19.
(3) ĠU L 23, 26.1.2005, p. 17.
(4) ĠU L 177, 15.7.2000, p. 1. Regolament kif emendat l-aħħar mir-Regolament tal-Kummissjoni (KE) Nru 886/2004 (ĠU L 168, tal-1.5.2004, p. 14).
(5) ĠU L 388, 30.12.1989, p. 18. Regolament kif emendat l-aħħar mir-Regolament tal-Kummissjoni (KE) Nru 2154/2002 (ĠU L 328, tal-5.12.2002, p. 4).