This document is an excerpt from the EUR-Lex website
Document 32005D0872
2005/872/EC,Euratom: Commission Decision of 21 November 2005 authorising the Czech Republic to use certain approximate estimates for the calculation of the VAT own resources base (notified under document number C(2005) 4421)
2005/872/KE; EURATOM: Deċiżjoni tal-Kummissjoni tal- 21 ta’ Novembru 2005 li tawtorizza lir-Repubblika Ċeka li tuża ċerti estimi approssimattivi għall-kalkolu tal-bażi tal-VAT tar-riżorsi proprji (innotifikata taħt dokument numru C(2005) 4421)
2005/872/KE; EURATOM: Deċiżjoni tal-Kummissjoni tal- 21 ta’ Novembru 2005 li tawtorizza lir-Repubblika Ċeka li tuża ċerti estimi approssimattivi għall-kalkolu tal-bażi tal-VAT tar-riżorsi proprji (innotifikata taħt dokument numru C(2005) 4421)
ĠU L 322, 9.12.2005, p. 19–20
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 349M, 12.12.2006, p. 659–660
(MT)
In force: This act has been changed. Current consolidated version: 27/11/2015
12.12.2006 |
MT |
Il-Ġurnal Uffiċjali ta’ l-Unjoni Ewropea |
659 |
DEĊIŻJONI TAL-KUMMISSJONI
tal-21 ta’ Novembru 2005
li tawtorizza lir-Repubblika Ċeka li tuża ċerti estimi approssimattivi għall-kalkolu tal-bażi tal-VAT tar-riżorsi proprji
(innotifikata taħt dokument numru C(2005) 4421)
(It-test Ċek biss huwa awtentiku)
(2005/872/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat li jistabbilixxi l-Komunità Ewropea dwar l-Enerġija Atomika,
Wara li kkunsidrat ir-Regolament tal-Kunsill (KEE, Euratom) Nru 1553/89 tad-29 ta’ Mejju, 1989, dwar l-arranġamenti definittivi uniformi għall-ġbir tar-riżorsi proprji li jiġu mit-taxxa fuq il-valur miżjud (VAT) (1), u b’mod partikolari l-Artiklu 13 tiegħu, kif emendat l-aħħar bir-Regolament (KE) Nru 807/2003,
Billi:
(1) |
Skond l-Artikolu 28(3) tad-Direttiva tal-Kunsill Nru 77/388/KEE tas-17 ta’ Mejju, 1977 dwar l-armonizzazzjoni tal-liġijiet ta’ l-Istati Membri dwar it-taxxa fuq il-bejgħ gross – Sistema komuni tat-taxxa fuq il-valur miżjud: bażi uniformi ta’ l-evalwazzjoni (2), minn issa ‘l quddiem imsejjħa “is-sitt Direttiva”, l-Istati Membri jistgħu jkomplu jagħtu eżenzjonijiet jew jintaxxaw ċerti transazzjonijiet; għandu jittieħed kont ta’ dawn it-tranżazzjonijiet biex tkun determinata l-bażi tar-riżorsi tal-VAT; |
(2) |
Għall-applikazzjoni tad-dispożizzjonijiet fl-Artikolu 28(3) tas-sitt Direttiva, titolu 5, §1 ta’ l-Anness V (Tassazzjoni) ta’ l-Att ta’ l-Adeżjoni tar-Repubblika Ċeka mal-Komunitajiet Ewropej (3), tawtorizza lir-Repubblika Ċeka biex teżenta ċerti tranżazzjonijiet mniżżla fl-Anness F tas-sitt Direttiva; |
(3) |
Ir-Repubblika Ċeka ma tistax tagħmel kalkolu preċiż tal-bażi tal-VAT tar-riżorsi proprji għat-tranżazzjonijiet imniżżla fl-Anness F, punt 17, tas-sitt Direttiva; kalkolu bħal dan x'aktarx li jinvolvi piż amministrattiv mhux ġustifikat meta wieħed iqis l-effett ta’ dawn it-tranżazzjonijet fuq il-bażi ta’ riżorsi tal-VAT tar-Repubblika Ċeka; ir-Repubblika Ċeka tista’ tagħmel kalkolu billi tuża estimi approssimattivi għal din il-kategorija ta' tranżazzjonijiet imniżżla fl-Anness F tas-sitt Direttiva; ir-Repubblika Ċeka għandha għalhekk tingħata awtorizzazzjoni biex tikkalkula l-bażi ta’ VAT billi tuża estimi approssimattivi skond it-tieni inċiż ta’ l-Artikolu 6 (3) tar-Regolament tal-Kunsill (KEE, Euratom) Nru 1553/89; |
(4) |
Il-Kumitat Konsultattiv dwar ir-Riżorsi Proprji approva r-rapport li jirreġistra l-opinjonijiet tal-membri tiegħu dwar din id-Deċiżjoni; |
ADOTTAT DIN ID-DEĊIŻJONI:
Artikolu 1
Għall-iskop biex tkun ikkalkulata l-bażi tal-VAT tar-riżorsi proprji mill-1 ta’ Mejju, 2004, ir-Repubblika Ċeka hija awtorizzata biex tuża estimi approssimattivi għall-kategoriji li ġejjin ta’ tranżazzjonijiet imsemmija fl-Anness F tas-sitt Direttiva:
1. |
Trasport tal-passiġġieri (Anness F, punt 17). |
Artikolu 2
Din id-Deċiżjoni hija indirizzata lir-Repubblika Ċeka.
Magħmul fi Brussell, nhar il-21 ta’ Novembru 2005.
Għall-Kummissjoni
Dalia GRYBAUSKAITE
Membru tal-Kummissjoni
(1) ĠU L 155, 7.6.1989, p. 9. Regolament kif emendat l-aħħar bir-Regolament (KE) Nru 807/2003 (ĠU L 122, 16.5.2003, p. 36).
(2) ĠU L 145, 13.6.1977, p. 1. Direttiva kif emendat l-aħħar bid-Direttiva 2004/66/KE (ĠU L 168, 1.5.2004, p. 35).
(3) ĠU L 236, 23.9.2003, p. 803.