Edizzjoni Speċjali bil-Bulgaru: Kapitolu 03 Volum 067 P. 39 - 41
Edizzjoni Speċjali bir-Rumen: Kapitolu 03 Volum 067 P. 39 - 41
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32005D0804
2005/804/EC: Commission Decision of 18 November 2005 amending Decision 2000/609/EC as regards the importation of fresh ratite meat from Australia and Uruguay (notified under document number C(2005) 4408) (Text with EEA relevance)
2005/804/KE: Deċiżjoni tal-Kummissjoni tat- 18 ta’ Novembru 2005 li temenda d-Deċiżjoni 2000/609/KE fir-rigward ta’ l-importazzjoni ta’ laħam frisk ta’ l-għasafar li ma jtirux mill-Awstralja u mill-Urugwaj (innotifikata taħt dokument numru C(2005) 4408) Test b’rilevanza għaż-ŻEE.
2005/804/KE: Deċiżjoni tal-Kummissjoni tat- 18 ta’ Novembru 2005 li temenda d-Deċiżjoni 2000/609/KE fir-rigward ta’ l-importazzjoni ta’ laħam frisk ta’ l-għasafar li ma jtirux mill-Awstralja u mill-Urugwaj (innotifikata taħt dokument numru C(2005) 4408) Test b’rilevanza għaż-ŻEE.
ĠU L 303, 22.11.2005, p. 56–58
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 349M, 12.12.2006, p. 581–583
(MT)
No longer in force, Date of end of validity: 25/04/2007; Impliċitament imħassar minn 32006D0696
Language
HTML
PDF
Official Journal
|
12.12.2006 |
MT |
Il-Ġurnal Uffiċjali ta’ l-Unjoni Ewropea |
581 |
DEĊIŻJONI TAL-KUMMISSJONI
tat-18 ta’ Novembru 2005
li temenda d-Deċiżjoni 2000/609/KE fir-rigward ta’ l-importazzjoni ta’ laħam frisk ta’ l-għasafar li ma jtirux mill-Awstralja u mill-Urugwaj
(innotifikata taħt dokument numru C(2005) 4408)
(Test b’rilevanza għaż-ŻEE)
(2005/804/KE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/494/KEE tas-26 ta’ Ġunju 1991 dwar il-kondizzjonijiet tas-saħħa ta’ l-annimali li jirregolaw il-kummerċ intra-Komunitarju fil-laħam frisk tat-tjur u l-importazzjonijiet tiegħu minn pajjiżi terzi (1) u b’mod partikolari l-Artikolu 9(1), l-Artikolu 11(1), l-Artikolu 12 u l-Artikolu 14(1) u l-Artikolu 14a tagħha,
Id-Direttiva tal-Kunsill 92/118/KE tas-17 ta’ Diċembru 1992 li tipprovdi għal rekwiżiti fir-rigward tas-saħħa ta’ l-annimali u tas-saħħa pubblika li jirregolaw il-kummerċ u l-importazzjoni fil-Komunità ta’ prodotti mhux soġġetti għar-rekwiżiti stabbiliti f'regoli Komunitarji speċifiċi msemmija fl-Anness A (I) tad-Direttiva 89/662/KEE u, fejn jidħlu l-patoġeni, għad-Direttiva 90/425/KEE (2) u b’ mod partikolari l-Artikolu 10 tagħha,
Billi:
|
(1) |
Id-Deċiżjoni tal-Kummissjoni 94/85/KE tas-16 ta’ Frar 1994 li tħejji lista ta’ pajjiżi terzi li minnhom l-Istati Membri jawtorizzaw l-importazzjonijiet ta’ laħam frisk tat-tjur (3) tinkudi l-Urugwaj f’dik il-lista. |
|
(2) |
Id-Deċiżjoni tal-Kummissjoni 2000/609/KE tad-29 ta’ Settembru 2000 li tistabbilixxi kundizzjonijiet dwar annimali u saħħa pubblika u ċertifikazzjoni veterinarja għall- importazzjonijiet ta' laħam ta' għasafar li ma jtirux mrobbija fl- irziezet li temenda d- Deċiżjoni 94/85/KE li telenka numru ta' pajjiżi terzi li minngħandhom l- Istati Membri jawtorizzaw l-importazzjoni ta' laħam frisk tat-tjur (4) tistipola li l-Istati Membri għandhom jawtorizzaw l-importazzjoni ta' laħam frisk ta' għasafar li ma jtirux minn farms minn pajjiżi terzi jew partijiet minnhom li huma elenkati fl-Anness I tad-Deċiżjoni 2000/609/KE, li huma soġġetti għal ċerti kondizzjonijiet. Fil-preżent, l-Urugwaj mhux inkluż f’ dik id-Deċiżjoni. |
|
(3) |
Minn riżultat ta’ missjoni tal-Kummissjoni f’Ottubru 2004, azzjonijiet ta' segwitu u garanziji sussegwenti li ġew ipprovduti mill-Urugwaj, is-sitwazzjoni tas-saħħa ta’ l-annimali u tal-pubbliku hija bħalissa sodisfaċenti sal-punt li tippermetti lill-pajjiż biex jiġi inkluż fil-lista ta’ pajjiżi terzi approvati stipolata fl-Anness I tad-Deċiżjoni 2000/609/KE. |
|
(4) |
Fid-dawl ta’ l-istat tas-saħħa ta’ l-annimali fl-Urugwaj fir-rigward tal-marda ta’ Newcastle, huwa xierq li l-importazzjonijiet ta’ laħam frisk tat-tjur imrobbija u li ma jtirux fl-Urugwaj jiġu akkumpanjati minn mudell ta’ l-attestazzjoni sanitarja “A” kif stipolat fil-Parti 2 ta' l-Anness II tad-Deċiżjoni tal-Kummissjoni 2000/609/KE. |
|
(5) |
Id-Deċiżjoni 2000/609/KE, kif emendata mid-Deċiżjoni 2004/118/KE, tipprovdi erronjament li laħam frisk ta’ għasafar imrobbija u li ma jtirux imrobbija fl-Awstralja għandu jiġi akkumpanjat mill-mudell ta’ l-attestazzjoni sanitarja “A” kif stipolat fil-Parti 2 ta’ l-Anness II tad-Deċiżjoni 2000/609/KE, minflok il-mudell ta’ l-attestazzjoni sanitarja “B” stipolat f’ dak l-Anness. Dan l-iżball għandu għalhekk jiġi kkoreġġut. |
|
(6) |
Id-Deċiżjoni 2000/609/KE għandha għalhekk tiġi emendata kif xieraq. |
|
(7) |
Il-miżuri stipolati f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
L-Anness I għad-Deċiżjoni tal-Kummissjoni 2000/609/KE għandu jinbidel bit-test fl-Anness għal din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, nhar it-18 ta’ Novembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, ta’ l-24.9.1991, p. 35. Id-Direttiva kif emendata l-aħħar bid-Direttiva 1999/89/KE (ĠU L 300, tat-23.11.1999, p. 17).
(2) ĠU L 62, tal-15.3.1993, p. 49. Direttiva kif ġiet emendata l-aħħar bir-Regolament (KE) Nru 445/2004 (ĠU L 72, tal-11.3.2004, p. 60).
(3) ĠU L 44, tas-17.2.1994, p. 31. Deċiżjoni kif l-aħħar emendata bid-Deċiżjoni tal-Kummissjoni 2004/118/KE (ĠU L 36, tas-7.2.2004, p. 34).
(4) ĠU L 258, tat-12.10.2000, p. 49. Deċiżjoni kif l-aħħar emendata bid-Deċiżjoni tal-Kummissjoni 2004/415/KE (ĠU L 208, ta’l-10.6.2004, p. 63).
ANNESS
“ANNESS I
Lista ta’ pajjiżi terzi jew partijiet ta' pajjiżi terzi li minnhom l-Istati Membri għandhom jawtorizzaw l-importazzjoni ta' laħam frisk ta' għasafar imrobbija u li ma jtirux [L-intestatura ġiet emendata sabiex tikkorispondi ma' l-Artikolu 1 tad-Deċiżjoni tal-Kummissjoni 2000/609/KE]
|
Kodiċi ISO |
Pajjiż |
Partijiet mit-Territorju |
Mudell ta’ ċertifikat li għandu jintuża (A jew B) |
|
AR |
L-Arġentina |
|
A |
|
AU |
L-Awstralja |
|
B |
|
BG |
Il-Bulgarija |
|
A |
|
BR-1 |
Il-Brażil |
l-Istati ta’ Rio Grande do Sul, Santa Catarina, Paraná, São Paulo u Mato Grosso do Sul |
A |
|
BW |
Il-Botswana |
|
B |
|
KA |
Il- Kanada |
|
A |
|
CH |
L-Iżvizzera |
|
A |
|
CL |
Iċ-Ċilì |
|
A |
|
HR |
Il-Kroazja |
|
A |
|
IL |
L-Iżrael |
|
A |
|
NA |
In-Namibja |
|
B |
|
NZ |
New Zealand |
|
A |
|
RO |
Ir-Rumanija |
|
A |
|
TH |
It-Tajlandja |
|
A |
|
TN |
It-Tuniżija |
|
A |
|
US |
L-Istati Uniti ta' l-Amerika |
|
A |
|
UY |
L-Urugwaj |
|
A |
|
ZA |
L-Afrika t’Isfel |
|
B |
|
ZW |
Iż-Żimbabwe |
|
B” |