(1)

Id-Deċiżjoni tal-Kummissjoni 2004/696/KE ta' l-14 ta' Ottubru 2004 dwar il-lista ta' programmi għall-qerda u l-monitoraġġ ta' ċerti TSE li jikkwalifikaw għal kontribuzzjoni finanzjarja mill-Komunità fl-2005 (2), telenka l-programmi kif ukoll ir-rata proposta u l-ammont tal-kontribuzzjoni għal kull programm.

(2)

Id-Deċiżjoni tal-Kummissjoni 2004/863/KE tat-30 ta' Novembru 2004 tapprova l-programmi ta' ċerti Stati Membri għall-qerda u l-monitoraġġ tat-TSE għall-2005 u tiffissa l-livell tal-kontribuzzjoni finanzjarja tal-Komunità (3).

(3)

Fit-28 ta' Jannar 2005, bord ta' esperti tal-Komunità, ippresjedut mil-laboratorju Komunitarju ta' Referenza għat-TSEs (CRL), ikkonferma s-sejba ta' enkefalopatija sponġiformi bovina (BSE) f'mogħża maqtula fi Franza. Dan kien l-ewwel każ ta' BSE f'bhima żgħira li tixtarr taħt kundizzjonijiet naturali.

(4)

Fl-istqarrija tiegħu tat-28 ta' Jannar 2005, il-Bord Xjentifiku dwar il-Perikli Bijoloġiċi ta' l-Awtorità Ewropea għas-Sigurezza ta' l-Ikel (EFSA) saħaq li s-sinifikanza ta' dak il-każ uniku ta' infezzjoni ta' BSE f'mogħża fi Franza għad trid tiġi evalwata. Sabiex tagħmel dan, l-EFSA indikat li r-riżultati ta' sorveljanza miżjuda tat-TSE fil-mogħoż huma essenzjali.

(5)

B'reazzjoni għal dik l-istqarrija, ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistabbilixxi r-regoli għall-prevenzjoni, l-kontroll u l-qerda ta' ċerti enkefalopatiji sponġiformi trażmissibbli (4), kif emendat bir-Regolament tal-Kummissjoni (KE) Nru 214/2005 (5), introduċa programm ġdid għas-sorveljanza tat-TSE fil-bhejjem kaprini li beda mill-11 ta' Frar 2005. Taħt il-programm ġdid ta' sorveljanza, in-numri ta' bhejjem kaprini f' saħħithom maqtula jew li mietu fl-istabbiliment biex jitressqu għall-ittestjar żdiedu sostanzjalment.

(6)

Minħabba l-partikolaritajiet tas-settur tal-laħam tal-mogħoż, il-valur limitat tal-mogħoż 'il fuq minn 18-il xahar għal skopijiet ta' qtil, u fid-dawl ta' l-importanza ta' implimentazzjoni effettiva tal-monitoraġġ miżjud sabiex tiġi evalwata l-prevalenza tal-BSE fil-bhejjem kaprini, huwa xieraq li jiżdied l-ammont għar-rifużjoni ta' kull test lill-Istati Membri mill-Komunità sa ammont massimu ta' EUR 30 għal kull test rapidu magħmul fuq bhejjem kaprini.

(7)

Minbarra dan, ir-Regolament (KE) 999/2001, kif emendat bir-Regolament tal-Kummissjoni (KE) Nru 36/2005 (6), jistipula l-ittestjar diskriminatorju sistematiku ta' bilfors sabiex jiddifferenzja l-BSE mill-iscrapie fil-każijiet kollha ta' TSE misjuba f'bhejjem ovini u kaprini li għandu japplika mill-14 ta' Jannar 2005. Dik il-miżura għandha titqies bħala eliġibbli għall-kontribuzzjoni finanzjarja tal-Komunità għall-programmi ta' monitoraġġ u qerda tat-TSE fl-Istati Membri.

(8)

Fid-dawl ta' l-importanza li għandha l-evalwazzjoni tal-prevalenza tal-BSE f'annimali żgħar li jixtarru għall-ksib ta' l-għanijiet Komunitarji fil-qasam tas-saħħa pubblika u dik ta' l-annimali, huwa xieraq li l-100 % ta' l-ispejjeż imħallsa mill-Istati Membri għat-testijiet molekolari primarji biex il-BSE tiġi ddifferenzjata mill-iscrapie jkunu mħallsa lura.

(9)

Għalhekk huwa meħtieġ li l-ammont massimu tal-parteċipazzjoni finanzjarja mill-Komunità għal kull programm jiġi rivedut, kif stipulat fid-Deċiżjonijiet 2004/696/KE u 2004/863/KE.

(10)

Id-Deċiżjoni 2004/863/KE tistipula l-kundizzjonijiet għall-kontribuzzjoni finanzjarja tal-Komunità, inkluż it-tressiq ta' rapport kull xahar lill-Kummissjoni mill-Istati Membri kkonċernati dwar il-progress tal-programmi ta' monitoraġġ tat-TSE u l-ispejjeż li ntefqu. L-Anness għal dik id-Deċiżjoni juri l-ispejjeż li għandhom jitħallsu. Dak l-Anness għandu jiġi emendat sabiex jitqiesu l-emendi għall-Annessi III u X għar-Regolament (KE) Nru 999/2001, kif emendat bir-Regolament (KE) Nru 36/2005 u Nru 214/2005.

(11)

Id-Deċiżjonijiet 2004/696/KE u 2004/863/KE għandhom għalhekk jiġu emendati kif jixraq.

(12)

Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti għall-Katina ta' l-Ikel u s-Saħħa ta' l-Annimali,

1)

Fl-Artikolu 1(2), “EUR 3 550 000” tinbidel b“EUR 3 586 000”;

2)

Fl-Artikolu 2(2), “EUR 1 700 000” tinbidel b“EUR 1 736 000”;

3)

Fl-Artikolu 3(2), “EUR 2 375 000” tinbidel b“EUR 2 426 000”;

4)

Fl-Artikolu 4(2), “EUR 15 020 000” tinbidel b“EUR 15 170 000”;

5)

Fl-Artikolu 5(2), “EUR 290 000” tinbidel b“EUR 294 000”;

6)

Fl-Artikolu 6(2), “EUR 585 000” tinbidel b“EUR 1 487 000”;

7)

Fl-Artikolu 7(2), “EUR 4 780 000” tinbidel b“EUR 8 846 000”;

8)

Fl-Artikolu 8(2), “EUR 24 045 000” tinbidel b“EUR 29 755 000”;

9)

Fl-Artikolu 9(2), “EUR 6 170 000” tinbidel b“EUR 6 172 000”;

10)

Fl-Artikolu 10(2), “EUR 6 660 000” tinbidel b“EUR 8 677 000”;

11)

Fl-Artikolu 11(2), “EUR 85 000” tinbidel b“EUR 353 000”;

12)

Fl-Artikolu 12(2), “EUR 835 000” tinbidel b“EUR 836 000”;

13)

Fl-Artikolu 13(2), “EUR 145 000” tinbidel b“EUR 155 000”;

14)

Fl-Artikolu 14(2), “EUR 1 085 000” tinbidel b“EUR 1 184 000”;

15)

Fl-Artikolu 15(2), “EUR 35 000” tinbidel b“EUR 36 000”;

16)

Fl-Artikolu 16(2), “EUR 4 270 000” tinbidel b“EUR 4 510 000”;

17)

Fl-Artikolu 17(2), “EUR 1 920 000” tinbidel b“EUR 2 076 000”;

18)

Fl-Artikolu 18(2), “EUR 1 135 000” tinbidel b“EUR 1 480 000”;

19)

Fl-Artikolu 19(2), “EUR 435 000” tinbidel b“EUR 444 000”;

20)

Fl-Artikolu 20(2), “EUR 1 160 000” tinbidel b“EUR 1 170 000”;

21)

Fl-Artikolu 21(2), “EUR 305 000” tinbidel b“EUR 313 000”;

22)

Fl-Artikolu 22(2), “EUR 5 570 000” tinbidel b“EUR 5 690 000”;

23)

L-Artikolu 23 hu mibdul bis-segwenti:

24)

L-Anness huwa sostitwit bl-Anness II ta' din id-Deċiżjoni