14.10.2005   

MT

Il-Ġurnal Uffiċjali ta’ l-Unjoni Ewropea

301

(1)

Numru ta' Stati Membri implimentaw jew għandhom l-għan li jimplimentaw prinċipji komuni ta' sigurtà u regoli għat-tagħmir ta' sistemi ta' identifikazzjoni awtomatika (AIS) li ma jaqax taħt ir-rekwiżiti ta' ġarr tal-kapitolu V tal-Konvenzjoni Internazzjonali għas-Sigurtà tal-Ħajja fuq il-Baħar, 1974 (SOLAS).

(2)

L-armonizzazzjoni tas-servizzi tar-radju tikkontribwixxi għal navigazzjoni aktar sigura ta' bastimenti mhux SOLAS, b'mod partikolari f'każ ta' għawġ u ta' sitwazzjonijiet ta' sigurtà u dawn ix-xorta ta' bastimenti huma għalhekk mistiedna mill-Istati Membri sabiex jipparteċipaw fl-AIS.

(3)

L-AIS hija deskritta fir-Regolament 19 għall-Kapitolu V ta' SOLAS ta' l-Organizzazzjoni Marittima Internazzjonali (IMO) — Rekwiżiti ta' ġarr għas-sistemi tan-navigazzjoni u t-tagħmir tal-bastimenti.

(4)

Ir-Regolamenti ta' l-Unjoni Internazzjonali tat-Telekommunikazzjoni (UIT) speċifikat ċerti frekwenzi 161.975 (AIS1) u 162.025 (AIS2) Mhz għall-użu mill-AIS. Frekwenzi oħra li huma allokati għall-kommunikazzjonijiet marittimi jistgħu jkunu disponibbli għall-AIS. It-tagħmir kollu tar-radju li jopera fuq dawk il-frekwenzi għandu jkun kompatibbli ma' l-użu speċifikat ta' dawn il-frekwenzi u għandu jipprovdi garanzija raġjonevoli ta' ċertezza li se jiffunzjona b'mod korrett waqt li jkun qed jaħdem.

(5)

Il-firxa ta' l-applikazzjoni tad-Deċiżjoni tal-Kummissjoni 2003/213/KE tal-25 ta' Marzu 2003 dwar l-applikazzjoni ta' l-Artikolu 3(3)(e) tad-Direttiva 1999/5/KE għat-tagħmir tal-kommunikazzjoni marittima maħsub sabiex jintuża fuq il-bastimenti mhux SOLAS li għandhom l-għan li jipparteċipaw fis-Sistema ta' Identifikazzjoni Awtomatika (AIS) (2) hija limitata għal tagħmir maħsub sabiex jintuża fuq bastimenti mhux SOLAS. Huwa kkunsidrat li livell għoli ta' sigurtà jista' biss jintlaħaq jekk it-tagħmir kollu użat fuq bastimenti mhux SOLAS u l-istazzjonijiet fuq l-art korrispondenti, li qegħdin jipparteċipaw fl-AIS, jiffunzjona b'mod korrett. Għalhekk l-istess rekwiżiti għandhom japplikaw lill-istazzjonijiet kollha ta' l-AIS.

(6)

Fl-interessi taċ-ċarezza u t-trasparenza legali d-Deċiżjoni 2003/213/KE għandha għalhekk tiġi sostitwita.

(7)

Din id-Deċiżjoni għandha tapplika biss wara li jgħaddi perjodu ta' żmien li jkun suffiċjenti sabiex jippermetti lil dawk li qegħdin jimmanifatturaw sabiex iwettqu l-allinjament tal-produzzjoni tagħhom tat-tagħmir, b'konformità mar-rekwiżit essenzjali ġdid.

(8)

Il-miżuri stabbiliti f'din id-Deċiżjoni huma konformi mal-fehma tal-Kumitat ta' Evalwazzjoni ta' Konformità fit-Telekommunikazzjoni u Sorveljanza tas-Suq.