2.12.2008   

MT

Il-Ġurnal Uffiċjali ta’ l-Unjoni Ewropea

45

(1)

Bid-Deċiżjoni tiegħu 2004/778/KE tal-11 ta' Ottubru 2004 (4), il-Kunsill ikkonkluda Protokoll għall-Ftehim Interim dwar il-kummerċ u dwar kwistjonijiet marbuta mal-kummerċ bejn il-Komunità Ewropea, minn naħa, u r-Repubblika tal-Kroazja, min-naħa l-oħra, biex tiġi kkunsidrata l-adeżjoni tar-Repubblika Ċeka, ir-Repubblika tal-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka mal-Unjoni Ewropea, minn hawn “il quddiem ‘il-Protokoll tat-tkabbir”. Il-Protokoll tat-tkabbir japplika fuq bażi proviżorja b’effett mill-1 ta’ Mejju 2004.

(2)

Bid-Deċiżjoni tiegħu tat-22 ta' Novembru 2004 (5), il-Kunsill awtorizza għall-iffirmar u pprovda għall-applikazzjoni proviżorja mill-1 ta’ Mejju 2004 ta’ Protokoll għall-Ftehim ta’ Stabilizzazzjoni u ta’ Assoċjazzjoni bejn il-Komunitajiet Ewropej u l-Istati Membri tagħhom, minn naħa, u l-ex Repubblika Jugoslava tal-Maċedonja, min-naħa l-oħra, biex tiġi kkunsidrata l-adeżjoni tar-Repubblika Ċeka, ir-Repubblika tal-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka mal-Unjoni Ewropea, minn hawn “il quddiem ‘il-Protokoll tat-tkabbir”.

(3)

Iż-żewġ Protokolli ta’ tkabbir jipprovdu għal kwoti ta’ tariffi ġodda u għal tibdil fil-kwoti ta’ tariffi eżistenti stabbiliti bir-Regolament tal-Kummissjoni (KE) Nru 2497/2001 tad-19 ta’ Diċembru 2001 li jiftaħ u jipprovdi għall-amministrazzjoni tal-kwoti ta’ tariffi Komunitarji għal ċertu ħut u prodotti tal-ħut li joriġinaw mir-Repubblika tal-Kroazja (6) u bir-Regolament tal-Kummissjoni (KE) Nru 2597/2001 tat-28 ta’ Diċembru 2001 li jiftaħ u jipprovdi għall-amministrazzjoni tal-kwoti ta’ tariffi Komunitarji għal ċerti nbejjed li joriġinaw mir-Repubblika tal-Kroazja, mill-ex Repubblika Jugoslava tal-Maċedonja u mir-Repubblika tas-Slovenja (7).

(4)

Biex jiġu implimentati l-kwoti ta’ tariffi l-ġodda u t-tibdil fil-kwoti ta’ tariffi eżistenti pprovduti fil-Protokolli tat-tkabbir, jeħtieġ li jiġu emendati r-Regolament (KE) Nru 2497/2001 u r-Regtolament (KE) Nru 2597/2001.

(5)

Għas-sena 2004, il-volumi tal-kwoti ta’ tariffi l-ġodda u ż-żidiet fil-volumi tal-kwoti ta’ tariffi eżistenti għandhom jiġu kkalkulati bħala pro rata tal-volumi bażiċi speċifikati fil-Protokolli tat-tkabbir, filwaqt li għandha titqies il-parti tal-perjodu ta’ qabel l-1 ta' Mejju 2004.

(6)

Sabiex tiġi ffaċilitata l-ġestjoni ta’ ċerti kwoti ta’ tariffi eżistenti provduti bir-Regolament (KE) Nru 2497/2001 u bir-Regolament (KE) Nru 2597/2001, il-kwantitajiet importati fl-ambitu tal-qafas ta’ dawn il-kwoti għandhom jiġu kkontabilizzati fuq il-kwoti tat-tariffi rispettivi tagħhom miftuħa skont ir-Regolament (KE) Nru 2497/2001 u r-Regolament (KE) Nru 2597/2001, kif emendat b’dan ir-Regolament.

(7)

Wara l-adeżjoni tas-Slovenja mal-Unjoni Ewropea, il-kwoti ta’ tariffi għall-inbejjed li joriġinaw minn dak l-Istat Membru kif provdut bir-Regolament (KE) Nru 2597/2001 għandhom jiskadu. Ir-referenzi għal dawn il-kwoti għandhom għaldaqstant jitħassru.

(8)

Billi l-Protokolli tat-tkabbir japplikaw mill-1 ta’ Mejju 2004, dan ir-Regolament għandu japplika mill-istess data u għandu jidħol fis-seħħ mill-aktar fis possibbli.

(9)

Il-miżuri previsti f’dan ir-Regolament huma konformi mal-opinjoni tal-Kumitat tal-Kodiċi Doganali,

(1)

It-titolu għandu jinbidel b’li ġej:

“li jiftaħ u jipprovdi għall-ġestjoni ta’ kwoti ta’ tariffi Komunitarji għal ċerti nbejjed li joriġinaw fir-Repubblika tal-Kroazja u fl-ex Repubblika Jugoslava tal-Maċedonja”

(2)

L-Artikolu 1 għandu jinbidel b’li ġej:

“Artikolu 1

1.   Meta l-inbejjed, imniżżla fl-Anness, li joriġinaw fir-Repubblika tal-Kroazja, fl-ex Repubblika Jugoslava tal-Maċedonja jew fir-Repubblika tas-Slovenja jitqiegħdu fiċ-ċirkolazzjoni libera fil-Komunità, għandhom jibbenefikaw minn eżenzjoni tad-dazju doganali, fi ħdan il-limiti tal-kwoti tat-tariffi ta' kull sena tal-Komunità speċifikati f'dan l-Anness u skont id-dispożizzjonijiet ippreżentati f'dan ir-Regolament.

2.   Jekk xi wieħed mill-pajjiżi kkonċernati jħallas sussidji tal-esportazzjoni dwar il-prodotti rilevanti, l-eżenzjoni mid-dazju doganali fil-kwoti tariffarji pprovduta fil-Protokolli Addizzjonali konklużi bid-Deċiżjonijiet 2001/919/KE, 2001/918/KE, 2001/917/KE, 2001/916/KE u 2001/920/KE (minn hawn ‘il quddiem protokolli addizzjonali dwar l-inbejjed) għandha tkun sospiża fil-każ ta' dak il-pajjiż.”

(3)

L-Artikolu 3 għandu jinbidel b’li ġej:

“Artikolu 3

Minkejja l-kundizzjonijiet stipulati fil-punt 5(a) tal-Anness I ta' kull wieħed mill-Protokolli Addizzjonali dwar l-inbejjed, l-importazzjoni tal-inbid fil-kwoti tariffarji tal-Komunità li għalihom issir referenza fl-Artikolu 1(1) għandhom ikunu soġġetti għad-dispożizzjonijiet stipulati fil-Protokolli applikabbli dwar id-definizzjoni tal-kunċett tal-prodotti ta' oriġini u l-metodi tal-koperazzjoni amministrattiva,

(4)

L-Artikolu 5 għandu jinbidel b’dan li ġej:

“Artikolu 5

1.   Il-kwoti tariffarji individwali għall-inbejjed li joriġinaw fil-Kroazja li għalihom issir referenza fil-Parti I tal-Anness skont in-numru tas-serje 09.1588 għandhom jiżdiedu kull sena.

2.   Iż-żieda fis-sena li għaliha ssir referenza fil-paragrafu 1 tista’ tkun applikata biss jekk jintużaw tal-anqas 80 % tal-kwoti tat-tariffi rispettivi miftuħa matul is-sena ta’ qabel.

Il-Kummissjoni għandha tirrevedi l-volumi użati kull sena u għandha tadotta dispożizzjonijiet biex timplimenta kull aġġustament meħtieġ ta' dawk il-volumi għall-Kroazja.”

(5)

L-Anness qed jinbidel bit-test li jidher fl-Anness II għal dan ir-Regolament.