1.   Ir-rilaxx għaċ-ċirkolazzjoni libera fil-Komunità tal-prodotti ta' l-azzar elenkati fl-Artikolu 1 li joriġinaw mill-Federazzjoni Russa għandhom ikunu suġġetti għall-preżentata ta' liċenzja ta' importazzjoni maħruġa mill-awtoritajiet ta' Istati Membri skond id-dispożizzjonijiet ta' l-Artikolu 4.

2.   Sabiex jiġi żgurat li l-kwantitajiet li għalihom il-liċenzji ta' importazzjoni huma maħruġa ma jaqbżux f'ebda mument il-limiti kwantitattivi totali, l-awtoritajiet kompetenti ta' l-Istati Membri elenkati fl-Anness II għandhom joħorġu biss liċenzji ta' importazzjoni wara l-konferma mill-Kummissjoni li għad hemm kwantitajiet disponibbli skond il-limiti kwantitattivi.

3.   Għall-finijiet ta' dan ir-Regolament u sa mid-data ta' l-applikazzjoni tiegħu, l-imbarkazzjoni ta' prodotti għandha tiġi kkunsidrata li seħħet fid-data li fiha tgħabbew fuq il-mezz ta' trasport użat għall-esportazzjoni. L-imbarkazzjoni għandha sseħħ mhux iktar tard mill-31 ta' Diċembru 2004.

1.   Il-limiti kwantitattivi msemmija fl-Artikolu 1 ma għandhomx japplikaw għal prodotti mpoġġija f'żona ħielsa jew maħżen ħieles jew importati taħt l-arranġamenti li jirregolaw l-imħażen doganali, l-importazzjoni temporanja jew il-perfezzjonament attiv (is-sistema ta' sospensjoni).

2.   Fejn il-prodotti msemmija fil-paragrafu 1 jiġu sussegwentement rilaxxati għaċ-ċirkolazzjoni libera, kemm jekk fl-istat mhux mibdul jew wara li jsir xogħol fuqhom jew li jiġu pproċessat, għandu japplika l-Artikolu 2(2) u l-prodotti hekk rilaxxati għandhom jingħaddu kontra l-limitu kwantitattiv iffissat fl-Artikolu 1.

1.   Għall-finijiet ta' l-applikazzjoni ta' l-Artikolu 2(2), qabel joħorġu l-liċenzji ta' importazzjoni, l-awtoritajiet kompetenti ta' l-Istati Membri elenkati fl-Anness II għandhom jinnotifikaw lill-Kummissjoni dwar l-ammonti tat-talbiet għal-liċenzji ta' importazzjoni li rċevew. B'mod reċiproku, il-Kummissjoni għandha tinnotifika jekk l-ammonti mitluba tal-kwantitajiet humiex disponibbli għall-importazzjoni fl-ordni kronoloġika li fiha kienu riċevuti n-notifiki ta' l-Istati Membri (abbażi tal-prinċipju “min jiġi l-ewwel, jinqeda l-ewwel”). Il-liċenzja ta' importazzjoni għandha sussegwentement tiġi maħruġa fi żmien ħamest ijiem tax-xogħol mill-konferma pożittiva tal-Kummissjoni.

2.   It-talbiet inklużi fin-notifiki lill-Kummissjoni għandhom ikunu validi jekk jistabilixxu b'mod ċar f'kull każ il-pajjiż li qed jesporta, l-ammonti li għandhom ikunu importati, il-perijodu tal-kwota, l-Istat Membru li fih il-prodotti huma maħsuba li jiġu mpoġġija f'ċirkolazzjoni libera u l-kodiċi speċifiku sabiex jiġu identifikati l-prodotti msemmija fl-Artikolu 1. Il-modalitajiet tekniċi neċessarji għall-amministrazzjoni xierqa ta' dawn il-limiti kwantitattivi għandhom jiġu miftehma fi ħdan il-Kumitat ta' Kollegament ta' l-Azzar.

3.   In-notifiki msemmija fil-paragrafi 1 u 2 għandhom jiġu kkomunikati b'mod elettroniku fin-network integrat stabbilit għal dan il-għan, sakemm minħabba raġunijiet tekniċi ma jkunx neċessarju li jintużaw temporanjament mezzi oħra ta' komunikazzjoni.

4.   Sakemm hu possibbli, il-Kummissjoni għandha tikkonferma lill-awtoritajiet l-ammont sħiħ indikat fit-talbiet notifikati.

5.   Il-liċenzji ta' importazzjoni jew dokumenti ekwivalenti għandhom jiġu maħruġa skond l-Anness I.

6.   Il-liċenzji ta' importazzjoni maħruġa skond dan ir-Regolament għandhom ikunu validi fit-territorju doganali kollu tal-Komunità. Importatur Komunitarju jista' japplika għal-liċenzja ta' importazzjoni ma' kull waħda mill-awtoritajiet kompetenti.

7.   L-applikazzjoni ta' l-importatur għandha tiġi magħmula mhux aktar tard mill-31 ta' Diċembru 2004 ta' u għandha tinkludi l-elementi li ġejjin:

8.   Il-perjodu ta' validità tal-liċenzja ta' importazzjoni huwa b'dan iffissat għal erba' xhur. Fuq talba debitament motivata ta' importatur, l-awtoritajiet kompetetnti ta' Stat Membru jistgħu jestendu t-tul tal-validità għal perjodu ta' xahrejn.

9.   L-awtoritajiet kompetenti nazzjonali jistgħu jippermettu li l-preżentata ta' dikjarazzjonijiet jew talbiet tiġi trasmessa jew stampata b'mezzi elettroniċi, skond il-kondizzjonijiet stabbiliti minnhom. Madanakollu, id-dokumenti kollha u l-evidenza għandhom ikunu disponibbli għall-awtoritajiet kompetenti nazzjonali.

10.   Il-liċenzja ta' importazzjoni tista' tinħareġ b'mezzi elettroniċi, bil-kondizzjoni li l-uffiċċji doganali involuti jkollhom aċċess għad-dokument permezz ta' computer network..

11.   L-importaturi ma għandhom ikollhom l-ebda obbligu li jimpurtaw f'kunsinna waħda l-kwantità totali msemmija f'liċenzja ta' importazzjoni.

1.   Il-konstatazzjoni li l-prezz ta' l-unità li bih it-transazzjoni sseħħ ivarja minn dak indikat fil-liċenzja ta' importazzjoni b'inqas minn 5 % f'direzzjoni jew oħra jew li l-kwantità totali tal-prodotti preżentati għall-importazzjoni taqbeż il-kwantità mniżżla fil-liċenzja ta' importazzjoni b'inqas minn 5 % ma tipprekludix ir-rilaxx għaċ-ċirkolazzjoni libera tal-prodotti in kwistjoni.

2.   L-applikazzjonijiet għal-liċenzja ta' importazzjoni u d-dokumenti infushom għandhom ikunu konfidenzjali. Għandhom ikunu ristretti għall-awtoritajiet nazzjonali kompetenti u l-applikant.